Isajos 10:13 - Библия - Пэ Балтитко Романи чиб (Романэс) 2019

¹³ Ёв пхэнэ́ла: “Мирэ́ зорья́са, мирэ́ годя́са кэрдём мэ да́ва, пал-дова́, со мэ сом годьваро́: Мэ парувава народонэнгирэ рига́ (ме́жы), чорава лэ́нгиро кучипэ́н, Мэ чхурдава тэлэ́ троностыр, сыр зорало́ ману́ш.”

Biblija - Pe Baltitko Romani čib (Romanes) 2019

¹³ Jov phenéla: “Miré zorjása, miré godiása kerdjom me dáva, pal-dová, so me som god'varó: Me paruvava narodonengire rigá (miéžy), čorava léngiro kučipén, Me čhurdava telé tronostyr, syr zoraló manúš.”

Isajos 10:13 Referans Kwoze

Дание́лё 4:30

[33] Пэ штэ́то кэрдя́пэ дава́ лав пэ Навуходоносоростэ, и ёв сыс традыно криг манушэ́ндыр, хая чар, сыр гурув, мордэ сыс лэ́скиро маса́ э болыбнытконэ пахлыняса (росаса) адя́кэ, со выбаринэ лэ́скирэ бала́ сыр пора кидостэ (орлостэ), и ная сыс сыр чириклэскирэ ная (когци).

Яви́р Зако́но 8:17

и соб (кай) ту тэ на пхэнэ́с дрэ тыро́ ило́: ‘Мири́ зор и мирэ́-вастэскири зор кэрдэ́ ма́нгэ дава́ барвалыпэ́н’,

Avakumo 1:16

Палдава́ ёнэ янэ́на свэ́нта дыибэна́ лэ́нгирэ кхудякэ и ёнэ хачкирэна дро́га смо́лы лэ́нгирэ неводоскэ; пал-дова́ со кхудятыр лэ́нгири до́ля (паш) исын барвалы, и пэ лэ́нгиро сками́нд исын бут хабэна.

Amoso 6:13

Тумэ́, савэ́ радынэ́напэ нисостыр, савэ́ пхэнэ́на: “Амэ, ж, хай, на пэ́скирэ зорья́са дорэсцям пэ́скэ зоралыпэ́н?”

Amoso 5:27

Палдава́ Мэ бичхава́ва тумэн дро пле́но пал Дама́ско”, – ракирэ́ла Рай Дэвэ́л, Кон кхарэ́лапэ янголэ́нгирэ-болыбна́скиро Дэвэ́л.

Езэкилё 29:3

Ра́кир и пхэн: ‘Адя́кэ ракирэ́ла Рай Дэвэ́л, Дэвэ́л: “Акэ, Мэ выджава пэ ту́тэ фарао́но, Египто́скиро кра́ли, баро́ крокодило, саво́ пасёла машки́р рэ́ки (лэня́) и ракирэ́ла: “Мири́ исын дая́ рэка (лэнь), Мэ кэрдём ла ваш пэ́скэ.”

Езэкилё 26:2

“Манушэ́скиро чхава! Палдова́, со Ти́ро ракирэ́ла пал Ерусалимо: ‘А! Ёв исын роспхагирдо – народэнгиро вуда́р; ёв обрисёла кэ мэ; мэ пхэрдякиравапэ, ёв исын чхучо́ (пусто).’

Езэкилё 25:3

Пхэн Амоноскирэ чхавэ́нгэ: ‘Шунэ́н Ра́скирэ-Дэвлэ́скиро лав: адя́кэ ракирэ́ла Рай Дэвэ́л: ‘Ко́ли ту ракирэ́са пал Миро свэ́нто: “А!”, палдова́ со ёв исын магирдо́, ракирэ́са пал Израилёскири пхув, пал дова́, со ёй исын чхучи́, ракирэ́са пал Юда́скиро кхэр, пал дова́ со лэн традынэ дрэ наволя,

Isajos 10:8

Ёв пхэнэ́ла: ‘Ци на сарэ́ кра́лья исын мирэ́ тхага́рья (кня́зи)?

1 Паралипоменоно 5:26

то тэды Израилёскиро Дэвэ́л ґаздыя́ ду́хо (фа́но) Фулоскиро, Асирия́кирэ-крали́скиро, и ду́хо (фа́но) Феглафеласароскиро, Асирия́кирэ-крали́скиро, и ёв традыя́ криг Рувимлянэн и Гадитянэн и паш ро́дыцо Манасияскири/о, и лыджия́ лэн дро Халахо, и дро Хаворо, и дро Аро, и пэ рэка (лэнь) Гозано, кай ёнэ дживэ́на кэ дава́ дывэ́с.

4 Kralip 18:32

Пака мэ ява́ва и лава́ тумэн пэ дасави́-паць пхув, сыр и тумари́ пхув исын, пэ пхув маритко и молитко марэскири и молякири, пэ оливи́тко пхув и пэ авгинэскири пхув, и явэ́на тумэ́ тэ дживэ́н, и на мэрэ́на. На шунэ́н Езэкияс, саво́ хохавэла тумэн, ракири́: ‘Рай Дэвэ́л зракхэ́ла амэн.’

4 Kralip 18:15

И отдыя́ Езэки́я саро́ руп, саво́ латхяпэ дро Ра́скирэ-Дэвлэ́скиро Кхэр и дрэ пираля́ крали́скирэ кхэрэ́скиро.

4 Kralip 18:11

И пиричхудя тэ дживэ́н Асирия́киро кра́ли Израильтянэ́н дрэ Асирия, и мэкця́ лэн тэ дживэ́н кэ Халахо и дро Хаворо, пашы́л рэка (лэнь) Гозана, и дрэ Мидиякирэ фо́рья.

4 Kralip 17:24

И пирилыджия тэ дживэ́н кра́ли Асирия́кирэ манушэ́н Вавилоно́стыр, и Кутатыр, и Аватыр, и Емафатыр, и Сепарваиматыр, и обчхудя́ тэ дживэ́н лэн дрэ Самариякирэ фо́рья пэ штэ́то Израилёскирэ чхавэ́нгиро. И ёнэ заухтылдэ Сама́рия, и лынэ́ тэ дживэ́н дрэ ла́кирэ фо́рья.

4 Kralip 17:6

Пэ еня́то бэрш, сыр лыя́ тэ кралинэ́л Осия, Асирия́киро кра́ли лыя́ Сама́рия, и лыджия́ Израильтянэ́н тэ дживэ́н кэ Асирия, и чхудя́ лэн дрэ Халахо и дро Хаворо, пашы́л рэка (лэнь) Гозано, и дрэ фо́рья Мидиякирэ.

4 Kralip 16:8

И лыя́ Аха́зо руп и сувнака́й, саво́ сыс дрэ Ра́скирэ-Дэвлэ́скиро Кхэр и дрэ пираля́ крали́скирэ-кхэрэ́скирэ, и бичхадя́ Асирияскирэ крали́скэ сыр дрэ да́ро (почастунко).

4 Kralip 15:29

Дрэ дывэса́ Факеёскирэ, Израилёскирэ-крали́скирэ, явдя́ Феглафеласаро, Асирия́киро кра́ли, и лыя́ Ионо, и Асоро, и Галаа́до, и Галиле́я, сари́ пхув Нефалимоскири, и пирилыджия лэн тэ дживэ́н дрэ Асирия.

Ереме́ё 46:8

Дава́ исын Еги́пто, со уштэ́ла сыр рэка (лэнь), и лэ́скирэ паня́ вучэ́с кунинэнапэ сыр сыгна рэкицы; и Еги́пто раки́рла: ‘Мэ уштава и учхакирава пхув, мэ розмарава пэ котэра́ фо́ро и манушэ́н, кон дживэ́ла дрэ дава́ фо́ро.’

Ереме́ё 48:14

Сыр да тумэ́ ракирэ́на: ‘Амэ сам зоралэ́, и амэ сам мурша́ тэ мараспэ?’

Езэкилё 35:13

Тумэ́ шарэнаспэ анги́л Ма́ндэ тумарэ́ чиба́са (чибьяса), бут ракирэ́нас пэ Ма́ндэ: Мэ шунавас дава́.

Avakumo 2:6

Ци на лэ́на сарэ́ кадалэ́ мануша́ (конэ́с ёв росчордя) тэ ракирэ́н притча проти лэ́стэ, и тэ высан лавэ́нца лэс, пхэни́: “Бида пэ лэ́стэ, кон прибарьякирэла кэ пэ дова́, со нанэ лэ́скиро – пэ кицы́ дурэды́р дава́ явэ́ла? Бида пэ кадалэстэ, кон обчхувэла пэс сымаденца (залогэнца)?”

Сэндарьенгири Лылвари́ 7:2

И пхэндя́ Рай Дэвэ́л Гедеоноскэ: “Манушэ́н ту́са исын древа́н бут, на могина́ва Мэ тэ отдав Мадианитянэн дрэ лэ́нгирэ васта́, соб (кай) тэ на запхутёл анги́л Ма́ндэ Израилё и тэ на пхэнэ́л: ‘Миро васт зракхця́ ман,’

Pritčy 28:11

Барвало́ думинэ́ла пэ́скэ, со ёв исын годо́, нэ годьваро́ чороро́ ману́ш розґалёла лэс.

Isajos 5:21

Бида одолэ́нгэ, савэ́ исын годьварэ́ дрэ пэ́скирэ якха́, годьварэ́ кокорэ́ анги́л пэ́стэ.

Дание́лё 4:27

[30] о кра́ли пхэндя́: “Хачи, нанэ ци дава́ рангиро Вавило́но, саво́ мэ чхудём сыр кхэр крали́скиро мирэ́ зорья́са кэ барипэ́н и ваш паты́в мирэ́ райканыпнаскири!”

Avakumo 1:11

Тэ́ньци лэ́нгиро ду́хо (фа́но) парудёла и ёнэ джа́на сыр балва́л, и ёнэ кэрэ́на чорипэ́н: лэ́нгиро зор ячэ́лапэ ваш лэ́нгэ сыр лэ́нгиро дэвлоро.