Isajos 1:29 - Библия - Пэ Балтитко Романи чиб (Романэс) 2019

²⁹ “Ёнэ явэ́на ладжакирдэ́ пал дэмбитка вэша́, савэ́ адя́кэ тумэ́нгэ исын пир ило́, и тумэ́ лолёна пал унты (сады), савэ́ тумэ́ выкэдынэ́ пэ́скэ.

Biblija - Pe Baltitko Romani čib (Romanes) 2019

²⁹ “Jone javéna ladžakirdé pal dembitka vešá, savé adiáke tuménge isyn pir iló, i tumé loljona pal unty (sady), savé tumé vykedyné péske.

Isajos 1:29 Referans Kwoze

Isajos 66:17

“Одолэ́, кон свэнтякирэла и жужакирэл пэс дро вэша́, и ха́на балычано мас, магирипэ́н и кармусэн (мышэн) – сарэ́ ёнэ хасёна”, – ракирэ́ла Рай Дэвэ́л.

Isajos 65:3

Кэ народо, саво́ дрэ якха́ калякирэлас Ман: янэ́ла свэ́нта дыибэна́ дро вэш, хачкирэ́ла фимиа́мо пэ бара́.

Isajos 57:5

Савэ хачкирибнаса, тырдэнапэ кэ и́долы тэл кажно кашт барэ́ ранденца; савэ́ замарэна чхаворэ́н пашы́л сыгна рэкицы, машки́р бэ́рги.

Osija 4:13

Ёнэ янэ́на свэ́нта дыибэна́ пэ вучипэна́ бэргакирэ (фэли), и ёнэ тхувалякирэна дрогонэ́ смолэнца пэ бэ́ргицы, тэл дэмбы, тэл тополи, и тэл тэрэбинто пир дова́, со лэ́нгири зэр (засенка) исын бари, палдава́ лэ́нгирэ чхая́ кэрэ́на биладжаипэ́н и лэ́нгирэ борья камэ́на явирэ муршэ́н.

Езэкилё 16:63

соб (кай) ту тэ рипирэс и тэ ладжас, соб (кай) нашты́ сыс ту́кэ лав тэ пхэнэ́с ладжатыр, ко́ли Мэ отмэка́ва ту́кэ саро́, со ту кэрдя́н”, – ракирэ́ла Рай Дэвэ́л, Дэвэ́л.

Римлянэнгэ 6:21

Савэ лачхэ́ рэ́нды тумэ́ тэды кэрдэ́? Долэ́, савэ́ндыр тумэ́ какана́ кокорэ́ ладжана, пал-дова́ со лэ́нгиро ко́нцо (яго́ро) исыс мэрибэ́н.

Osija 14:8

Ёнэ, савэ́ явэ́на тэ дживэ́н тэл Мири́ зэр (засенка), рисёна и ёнэ явэ́на тэ отджидён сы́рбы гив, и явэ́на тэ барьён сы́рбы винаграды́тко кашт. Ёнэ явэ́на лачхэ́с тэ пахнисон сы́рбы мол (вино) Ливаностыр.”

Osija 14:3

Лэн пэ́са мангипнытка лава́ и рисён палэ кэ Рай Дэвэ́л, ракирэ́н Лэ́скэ: “Отмэк амэ́нгэ саро́ чорипэ́н и прилэ́ амэн ласкаса, соб (кай) амэ́нгэ тэ янас свэ́нта дыибэна́ амарэ́ уштэндыр.”

Езэкилё 36:31

Тэ́ньци пририпирэна тумэ́ пал захалэ тумарэ́ дрома́, пал налачхэ́ тумарэ́ рэ́нды, и явэ́ла джунгало́ (брытко) дро тумаро́ ило́ пал чорипэ́н и биладжакунэ́ рэ́нды, савэ́ тумэ́ кэрэ́нас.

Езэкилё 6:13

И ґалёна, со Мэ сом Рай Дэвэ́л, Дэвэ́л, ко́ли домардэ́ явэ́на тэ пасён машки́р лэ́нгирэ и́долы трусця́л лэ́нгирэ алта́ри, пэ кажно бэрґица, пэ сарэ́ сама вучэ́ бэрґи, тэл кажно зэлэно кашт, тэл кажно ґэнсто дэмбо, пэ дова́ штэ́то, кай ёнэ хачкирэнас кучонэ́-кхандыпнытка смо́лы сарэ́ идолэ́нгэ.

Ереме́ё 3:6

И пхэндя́ Рай Дэвэ́л ма́нгэ, Еремеёскэ, дрэ дывэса́, ке́ли Иосия (Ёсия) сыс кра́ли: ‘Ци дыкхця́н ту, со кэрдя́ чхай Израилёскири, сави́ отгия́ патяибнастыр? Ла́кирэ мануша́ псирэнас тэл кажно вучи́ бэ́рга, и кажно зэлэно дрэ́во и ёнэ сыкадэ паты́в кэ яви́р дэвлорэ́ сы́рбы налачхи джувлы́.

Ереме́ё 2:20

‘Пал-дова́ со Мэ ґара́ пхагирдём ґа́мо тырэ́ мэнятыр, Мэ роскусцём Тырэ́ пэнты, и ту пхэндя́н: ‘Мэ на ява́ва тэ кэра́в чорипэ́н: нэ ту тэл кажно бэ́ргица и тэл кажно зэлэно дрэ́во ту дэ́са паты́в идолэ́нгэ, сы́рбы налачхи джувлы́.

Isajos 45:16

Сарэ́ ёнэ явэ́на ладжакирдэ́; кхэтанэ́ лэ́нца джа́на ладжаса и одолэ́, кон кэрэ́ла и́долы.

Isajos 31:7

Дро дова́ дывэ́с вычхурдэла кажно ману́ш пэ́скирэ руповэ и сувнакунэ́ и́долы, савэ́ васта́ тумарэ́ кэрдэ́ пэ грэ́хо тумэ́нгэ.

Isajos 30:22

Тэ́ньци тумэ́ ґалёна, со на́лачхо исын идолэнгиро укэдыибэн тырэ́ рупэ́стыр и тырэ́ сувнака́стыр; ту чхурдэса пэ́скирэ и́долы, сыр магирипэ́н, и пхэнэ́са лэ́нгэ: “Джа́н криг адатхы́р.”

Isajos 42:17

Тэ́ньци рисёна палэ и древа́н ладжана одолэ́, конэ́скири наде́я сыс пэ и́долы, кон ракирэ́ла кэ кэрдэ́ дэвлорэ́: “Тумэ́ – амарэ́ дэвэла́.”

Osija 4:19

Балва́л учхакирэ́ла лэн пэ́скирэ пхакэнца, и ёнэ явэ́на ладжакирдэ́ лэ́нгирэ свэнтонэ́ дыибнэндыр.’