Isajos 1:26 - Библия - Пэ Балтитко Романи чиб (Романэс) 2019

²⁶ И ява́ва тэ дав сэндарьен ту́кэ, сыр англэды́р и юнкарэн/годы́-дыибнаскирэн (советникэн), сыр сыс англэды́р; тэ́ньчи явэ́на тэ ракирэ́н пал ту́тэ: Фо́ро, кай исын чачипэ́н; дава́ баро́ фо́ро исын патяибны́тко.”

Biblija - Pe Baltitko Romani čib (Romanes) 2019

²⁶ I javáva te dav sendar'jen túke, syr angledýr i junkaren/godý-dyibnaskiren (sovietniken), syr sys angledýr; tén'či javéna te rakirén pal túte: Fóro, kaj isyn čačipén; davá baró fóro isyn patiaibnýtko.”

Isajos 1:26 Referans Kwoze

Заха́рия 8:3

Адя́кэ ракирэ́ла Рай Дэвэ́л: ‘Обрисёвава Мэ кэ Сио́но и Мэ ла́ва тэ джива́в дро Ерусалимо, и лэ́ла тэ кхарэлпэ Ерусалимо ‘чачипна́скиро фо́ро’, и бэ́рга янголэ́нгирэ-болыбна́скирэ Ра́скирэ-Дэвлэ́скири – Свэнтымакири Бэ́рга.’

Ереме́ё 33:7

И Мэ кэра́ва адя́кэ, со рисёна палэ эмануша дро пле́но Юдэя́тыр и Израилёстыр, и Мэ пирикэрава долэ́ штэ́ты, сыр ёнэ сыс ґарэдыр (ґара́).

Sykadyipén 21:27

Ни саво́ магирдо́, и кодова́, кон кэрэ́ла джунгалыпэ́н (брыткима) и хохавэла нашты́ тэ заджа́л дро дава́ фо́ро, а екх одова́, кон исын зачхиндло́ дрэ джиибна́скири лылвари́ Бакрорэстэ.

Заха́рия 8:8

Мэ яна́ва палэ лэн, и ёнэ лэ́на тэ дживэ́н кэ Ерусалимо, и явэ́на Мирэ́ мануша́ (манушэ́нца), и Мэ ява́ва лэ́нгиро Дэвэ́л, пир патяибэ́н и дро чачипэ́н.’

Софония 3:13

Мануша́, кон яця́пэ Израилёстыр, на явэ́на тэ кэрэ́н начачипэ́н и тэ ракирэ́н хохаибэ́н, и на латхэлапэ хоханы чиб дро лэ́нгиро муй. Ёнэ явэ́на тэ чаравэнпэ и тэ пасён, и ние́кх на явэ́ла тэ трашавэл лэн.

Езэкилё 45:8

Дава́ исын лэ́скири пхув, лэ́скиро миштыпэ́н дро Израилё; соб (кай) Мирэ́ тхага́рья тэ на тасавэнас буты́р Миро народо, соб (кай) ёнэ тэ дэн пхув Израилёскирэ кхэрэ́скэ пир лэ́скирэ ро́дыцы.

Ереме́ё 33:11

явэ́ла нэвэ́стыр зан радыма́са, явэ́ла весёло (багаибнытко) зан, явэ́ла зан тэрнэскири и зан тэрнякири, зан одолэ́ манушэ́нгири, савэ́ пхэнэ́на: ‘Парикирэ́н болыбна́скирэ-янголэ́нгиро Ра́скэ-Дэвлэ́скэ, пал-дова́ со Рай Дэвэ́л исын лачхо́, пал-дова́ со Лэ́скири ла́ска (тангипэ́н) ячэ́лапэ пэ сарэ́ ве́ки’, – и зан кодолэнгири, савэ́ янэ́на свэ́нта дыибэна́ парикирибнаса кэ Ра́скирэ-Дэвлэ́скири Кхангири́. Пал-дова́ со Мэ рискира́ва [дава́-р.с.] лачхипэ́н пленонэнгэ далэ́ пхувья́тыр, сыр сыс англэды́р,” – ракирэ́ла Рай Дэвэ́л.

Ереме́ё 31:23

Адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л: “Ке́ли Мэ яна́ва лэн плено́стыр, ёнэ нэвэ́стыр явэ́на тэ ракирэ́н дава́ лав пэ Юдэякири пхув и дрэ ла́кирэ фо́рья: ‘Тэ бахтякирэ́л Рай Дэвэ́л тут, о чачипна́скиро кхэр, о свэ́нто бэ́рга!’

Isajos 60:21

Саро́ тыро́ народо явэ́ла чачуно́, пэ сарэ́ бэрша́ прилэ́ла пхув сыр мэкно́ миштыпэ́н – дава́ исын отбарипэн, со Мэ барьякирдём, Мирэ́-вастэнгиро рэ́ндо; саро́ дава́ явэ́ла, соб (кай) тэ шарэ́н Ман.

Isajos 60:14

И явэ́на кэ ту чхавэ́ одолэ́-манушэ́нгирэ, савэ́ тут притасавэнас; ёнэ бандёна тэл тыро́ васт, и пэрэ́на кэ тырэ́ ґэра́ сарэ́, кон пэ ту́тэ дыкхця́ вучипна́са, и кхарна тут Ра́скирэ-Дэвлэ́скирэ фороса, Свэнтонэ́ Израилёскирэ Сионоса.

Isajos 33:5

Баро́ исын Рай Дэвэ́л, саво́ дрэ вучипэ́н дживэ́ла; Ёв пхэрдякирэла Сио́но сэндоса и чачипна́са.

Isajos 1:21

Сыр биладжакунэс парудяпэ чачипна́скиро шэрутно фо́ро, саво́ сыс пхэрдо́ чачунэ́ сэндоса! Чачипэ́н дживэлас дрэ лэ́стэ, а акана́ дживэ́на замарибнарья (розмарибнарья).

Čysly 12:3

Мо́йза сыс ману́ш ковлэдыр (смиренэдыр) сарэ́ манушэ́ндыр пэ пхув.

Софония 3:9

Тэ́ньци Мэ да́ва палэ манушэ́нгэ жужэ́ (чыста) ушта́ и годы́, соб (кай) ёнэ могинэ́нас тэ кхарэ́н лав Ра́скирэ-Дэвлэ́скиро, тэ дынаринэ́н Лэ́скэ дро екх псико́.

Čysly 16:15

Мо́йза древа́н холя́сыя, и пхэндя́ Ра́скэ-Дэвлэ́скэ: “На ри́скир Тырэ́ якха́ пэ лэ́нгиро яныбэ́н. Мэ на лыём лэ́ндыр ни екхэ осло́с, и на кэрдём фуипэ́н ниекхэскэ лэ́ндыр.”

Isajos 54:14

Ту явэ́са зоралы́ чачипна́са, на трэй ту́кэ тэ дарэс, пал-дова́ со нико́н ту́кэ буты́р на дэ́ла пхарипэ́н, ту на явэ́са тэ дарэс, пал-дова́ со ёв кэ ту на подджа́ла.

Mihiejo 4:8

И ту, вучарды́, (башня) соб (кай) тэ дыкхэ́н пал бакрэ́нгирэ ста́ды, бэ́ргица Сионоскирэ-чхакири, кэ ту явэ́ла и рисёла палэ раипэн, саво́ сыс вагэдыр (англэды́р), кралипэ́н Сионоскирэ-чхакири.

Isajos 2:3

И джа́на бут народэнгирэ мануша́ и пхэнэ́на: “Явэ́н, ґаздасапэ пэ Ра́скирэ-Дэвлэ́скири бэ́рга, дро Яково́скирэ-Дэвлэ́скиро Кхэр, Ёв высыклякирэла амэн, и амэ ява́са тэ псирас Лэ́скирэ дромэ́нца,” пал-дова́, со выджа́ла Зако́но Сионо́стыр, а лав Ра́скирэ-Дэвлэ́скиро – Ерусалимо́стыр.