Isajos 1:25 - Библия - Пэ Балтитко Романи чиб (Романэс) 2019

²⁵ И Мэ протырдава кэ ту Миро васт, Мэ жужакирава тут шлакостыр, злава ту́тыр сари́ бла́та.

Biblija - Pe Baltitko Romani čib (Romanes) 2019

²⁵ I Me protyrdava ke tu Miro vast, Me žužakirava tut šlakostyr, zlava tútyr sarí bláta.

Isajos 1:25 Referans Kwoze

Малахия 3:3

Ёв бэшэ́ла сы́рбы спецо, саво́ пирибилавэла (пириплавинэла) и жужакирэла руп, и Ёв жужакирэла чхавэ́н Левиёскирэн и пирибилавэла лэн сыр сувнака́й и руп, соб (кай) ёнэ сашты́ тэ янэ́н Ра́скэ-Дэвлэ́скэ свэ́нто дыибэ́н дро чачипэ́н.

Ереме́ё 9:7

‘Палдава́ ракирэ́ла болыбна́скирэ-янголэ́нгиро Рай Дэвэ́л: ‘Акэ, Мэ билякирава лэн и Мэ спробинава лэн; пал-дова́ со ишчо (инкэ́) Ма́нгэ тэ кэра́в мирэ́-манушэ́нгирэ чхаса?

Isajos 4:4

Ко́ли морэла криг Рай Дэвэ́л Сионоскирэ чхаенгиро магирибэн и жужакирэла Ерусалимоскиро рат машки́р лэ́стэ сэндытконэ деса и ягакирэ духо́са.

Isajos 1:22

Руп тыро́ яця́ блатаса, тыри́ мол (вино) исын кхэтанэ́ пане́са.

Софония 3:11

Дро дова́ Дывэ́с тумэ́, Мирэ́ мануша́лэ, на явэ́на тэ ладжан ни савэ́ тумарэ́ рэндэ́ндыр, дрэ савэ́ тумэ́ кэрдэ́ чорипэ́н проти Ма́ндэ; адя́кэ, сыр тэ́ньчи Мэ ла́ва криг тумарэ́ машкиралыпнастыр кодолэ́н, кон древа́н радынэ́лапэ пэ́скирэ пхутькирибнастыр, и буты́р тумэ́ на явэ́на тэ задэнпэ пэ Мири́ свэ́нто бэ́рга.

Езэкилё 22:22

Сыр руп розбилавэлпэ дро машкира́л бов, адя́кэ и тумэ́ розбиладёна, и ґалёна тумэ́, со Мэ, Рай Дэвэ́л, Дэвэ́л, вычхудём пэ тумэ́ндэ Миро холямипэн.”

Езэкилё 20:38

Мэ выкэдава тумэ́ндыр манушэ́н, савэ́ ґаздынэ́пэ пэ Ма́ндэ, и савэ́ кэрдэ́ чорипэ́н проти Ма́ндэ. Вылыджава Мэ лэн кодолэ́ пхувья́тыр, кай ёнэ дживэ́нас, нэ пэ Израилёскири пхув ёна на заджа́на, и ґалёна, со Мэ сом Рай Дэвэ́л, Дэвэ́л.

Ереме́ё 6:29

Мехо (пишот) куты́ (на́бут) со на схачия сарэ́са, молови (свинцо) похая яг; билякэрибнаскиро (плавильшчыко) биладя ивья́ (напра́снэс), пал-дова́ со шлаки [налачхэ́ манушэ́н-р.с.] на укэдынэ.

Sykadyipén 3:19

Сарэ́нгэ, кон исын дро́го Ма́нгэ, Мэ пхэна́ва зорья́са лэ́нгири банг и сыклякирава лэн кэ дукха́. Палдава́ яв хачкирдэ́ илэ́са кэ Дэвэ́л и ри́скир пэ́скиро джиибэ́н кэ Ёв.

Матфеё 3:12

Лэ́скиро ґанадытко (лопата) исын дрэ Лэ́скиро васт, и Ёв жужакирэла (чыстинэла) Пэ́скиро шу́рна и скэдэ́ла Пэ́скиро парно́ гив дрэ пиралы́, а пхус хачкирэ́ла яга́са, сави́ на мурдёла.”

Езэкилё 22:20

Сыр дро бов мануша́ чхувэ́на саро́ кхэтанэ́ руп, и харко́ма, и састы́р, и молови, и волыво, соб (кай) тэ роспхурдэн яг пэ лэ́ндэ, соб (кай) тэ розбилавэн (тэ ростопинэн) лэн, адя́кэ Мэ, дрэ Миро холямипэн, скэда́ва и чхува́ва и розбилавава тумэн.

Яви́р Зако́но 32:43

Радынэ́нпэ, Наюды́тка на́цыи, Лэ́скирэ манушэ́нца; пал-дова́ со Ёв отхала палэ пал Пэ́скирэ-писхарьенгиро рат, и Ёв отдэ́ла палэ вэргэ́нгэ и Ёв выжужакирэ́ла (вычыстинэла) Пэ́скири пхув и Пэ́скирэ манушэ́н!”

Psalmy 119:119

Ту гинэса пал ґнэё (гноё) сарэ́н чорэ́ манушэ́н пэ дая́ пхув, палдава́ ма́нгэ исын дро́га Тырэ́ пририпирибэна.

Isajos 27:9

И далэ́са злэлапэ (выкхосэлапэ) грэ́хо Яково́скиро, злэлапэ грэ́хо лэ́стыр, ко́ли ёв розмарэла сарэ́ бара́ алтарёстыр (жэртвеникостыр) дрэ котэра́ звёскакирэ, на явэ́на тэрдэ́ дэмбитка вэладиня (рошчы) и и́долы кхамэскэ.

Езэкилё 22:19

Палдава́ адя́кэ ракирэ́ла Рай Дэвэ́л, Дэвэ́л: ‘Ко́ли сарэ́ тумэ́ кэрдэ́пэ шлакоса рупэ́стыр, акэ, Мэ скэда́ва тумэн дро машкира́л Ерусалимо.’

Ереме́ё 9:6

Одо́й, кай ёнэ дживэ́на, машкира́л исын хохаибэ́н, ёнэ отпхэнэнапэ тэ джинэ́н Ман пир пэ́скиро хохаибэ́н’, – ракирэ́ла Рай Дэвэ́л.