Isajos 1:21 - Библия - Пэ Балтитко Романи чиб (Романэс) 2019

²¹ Сыр биладжакунэс парудяпэ чачипна́скиро шэрутно фо́ро, саво́ сыс пхэрдо́ чачунэ́ сэндоса! Чачипэ́н дживэлас дрэ лэ́стэ, а акана́ дживэ́на замарибнарья (розмарибнарья).

Biblija - Pe Baltitko Romani čib (Romanes) 2019

²¹ Syr biladžakunes parudiape čačipnáskiro šerutno fóro, savó sys pherdó čačuné sendosa! Čačipén dživelas dre léste, a akaná dživéna zamaribnarja (rozmaribnarja).

Isajos 1:21 Referans Kwoze

Sykadyipén 11:8

И явэ́на лэ́нгирэ тру́пы пэ барэ́-форо́скирэ вули́цы (га́сы). Дава́ фо́ро пир ду́хо (фа́но) явэ́ла тэ кхарэлпэ Содо́мо и Еги́пто, кай адя́кэ-паць амаро́ Рай Дэвэ́л сыс примардо пэ трушу́л.

Sykadyipén 11:2

А грэ́да (дво́ро), сави́ исын яврестыр пал Кхангири́, мэк ла и на мерин ла. Ёй сыс дыны́ Наюдэ́нгэ. Ёнэ явэ́на тэ штакирэн ґэрэ́нца Свэ́нто Фо́ро штардэша́ дуй чхона́.

Юдэ́нгэ 12:22

а тумэ́ явнэ́ кэ бэ́рга Сио́но, кэ Болыбна́скиро Ерусалимо, кэ джидэ́-Дэвлэ́скиро фо́ро, кай исын Янго́лы, Савэ скэдынэ́пэ кхэтанэ́,

Apostolengiri Butý 7:52

Конэ́с пророкэндыр на традынэ тумарэ́ дада́? Ёнэ замардэ́ (умардэ) одолэ́н, кон анги́л ракирдя́ пал Христосо́скиро явибэн, нэ тумэ́ какана́ ячнэ́ Лэ́скирэ здыибнарья и замарибнарья!

Luka 13:34

Ерусалимо! Ерусалимо! Дро саво́ мулякирэнас пророкэ́н и шулякирэнас барэ́нца кодолэ́н, савэ́н бичхадя́ кэ ту. Кицы́ мо́лы Ма́нгэ исын пэ ило́ тэ скэдав чхаворэ́н тырэ́н, сыр чириклы скэдэ́ла чириклорэн тэл пхак и тумэ́ на камлэ́!

Заха́рия 8:3

Адя́кэ ракирэ́ла Рай Дэвэ́л: ‘Обрисёвава Мэ кэ Сио́но и Мэ ла́ва тэ джива́в дро Ерусалимо, и лэ́ла тэ кхарэлпэ Ерусалимо ‘чачипна́скиро фо́ро’, и бэ́рга янголэ́нгирэ-болыбна́скирэ Ра́скирэ-Дэвлэ́скири – Свэнтымакири Бэ́рга.’

Osija 11:12

Ефре́мо обчхудя́ Ман хохаибнаса, и кхэр Израилёскиро фрэнтымаса. Нэ Юда дурэды́р псирэлас Дэвлэ́скирэ дромэ́са и сыс патяибнытконэ свэнтонэнца.

Ереме́ё 3:1

Ишчо ракирэ́на ёнэ: ‘Ко́ли ману́ш розджалапэ пэ́скирэ ромня́са, и ёй джа́ла криг лэ́стыр и ёй ячэ́ла ромны́ явирэ манушэ́скэ, ци сашты́, соб (кай) ёй тэ рисёл палэ кэ ёв? Ци на явэ́ла кодоя пхув хор магирды? Нэ тумэ́, мануша́ Израилёстыр, камлэ́ бут явирэ дэвлорэ́ сы́рбы налачхи джувлы́, нэ сароекх (усае́кх) рисёв кэ Мэ’, – ракирэ́ла Рай Дэвэ́л.

Isajos 48:2

Ёнэ пхэнэ́на, со ёнэ исын свэнтонэ́ форо́стыр, со Дэвэ́л Израилёскиро, Конэ́скиро лав исын Рай Дэвэ́л, болыбна́скирэ-янголэ́нгиро, подрикирэ́ла лэн.

Isajos 5:7

Ра́скирэ-Дэвлэ́скиро, болыбна́скиро-янголэ́нгиро винагра́днико исын кхэр Израилёскиро, а мурша́ Юдэя́тыр – дро́го Лэ́скиро барьякирдо́, саво́ Ёв барьякирдя. Ужакирэлас Ёв, со явэ́ла чачуно́ сэ́ндо, нэ акэ – рат чхувэ́лапэ, ужакирэлас чачипэ́н, нэ акэ – годлэна.

Psalmy 48:8

Ту пхагирэса Фарсисоскирэ па́рмы (корабли) васточнонэ балваляса.

Psalmy 48:1

Хоро́скирэ Дирижоро́скэ. Кареёскирэ-Чхавэ́ндыр Пса́лмо.

Psalmy 46:4

Мэк паня́ тэ брилинэн (тэ ревинэн) и тэ кэрдён пенаса, мэк бэ́рги тэ тринскирэнпэ пэ́скирэ зорья́тыр. Сэ́ла.

Ниеми́я 11:1

И дживдэ́ барыдыра́ манушэ́нгирэ кэ Ерусалимо, и яви́р мануша́ народо́стыр и чхурдэнас жре́биё, соб (кай) екх паш лэ́ндыр дэшэ́ пашэндыр лэнгирэндыр тэ джал тэ дживэ́л кэ свэ́нта фо́ро Ерусалимо, а еня́ (биекхэ́скиро дэш) паша́ лэ́ндыр тэ ячэ́нпэ тэ дживэ́н дрэ яви́р фо́рья.

2 Паралипоменоно 19:9

И дыя́ лэ́нгэ упхэныбэ́н, ракири́: “Адя́кэ кэрэ́н дара́са (дарьяса) Ра́стыр-Дэвлэ́стыр, чачипна́са и жужэ́ илэ́са:

2 Kralip 8:15

И Дави́до сыс крали́са пэ саро́ Израилё, и кэрдя́ Дави́до сэ́ндо и чачипэ́н пэ сарэ́ пэ́скирэ манушэ́ндэ.

Sykadyipén 17:1

И выгия́ екх эфта́ (эфтанэ) Янголэндыр, савэ́стэ сыс эфта́ тахтая́, и ракирдя́ ма́нца и пхэндя́: “Яв, мэ сыкава́ва ту́кэ сыр барья розмэкнэ джувля́ явэ́на тэ сэндинэ́н, сави́ сыс бэшты пир бут паня́,

Isajos 1:22

Руп тыро́ яця́ блатаса, тыри́ мол (вино) исын кхэтанэ́ пане́са.

Isajos 59:3

Пал-дова́, со тумарэ́ васта́ магирдэ́ ратэ́са, а тумарэ́ ангушта (пальцы) – грэхэ́нца; тумарэ́ ушта́ хохавэна, тумари́ чиб на пхэнэ́ла чачипэ́н.

Isajos 59:14

И сэ́ндо гия́ палэ, чачипэ́н дур тэрдия́, пал-дова́, со чачипэ́н пыя́ пэ га́са [форуны́/пло́шча.-р.с.], и паты́в нисыр на заджа́ла.

Isajos 59:15

Нанэ чачипэ́н; одолэ́с, кон ракхэлапэ чорипна́стыр, лэс ёнэ кошэна. Дыкхця́ дава́ Рай Дэвэ́л и намишто яця́ анги́л Лэ́скирэ якха́, со нанэ сэ́ндо.

Osija 2:5

Пал-дова́ со лэ́нгири дай кхэлдя биладжакунэс; ёй сыс пхари́ лэ́нца напатывалэ́с: пал-дова́ со ёй пхэндя́: “Мэ джа́ва пал мирэ́ камлытконэндэ, савэ́ дэ́на ма́нгэ миро маро́, и миро пани́, и мири́ вы́лна (шэрсь), миро ґандладо (лёно), миро оливи́тко дзэт (елеё) и миро пибэ́н.”

Avakumo 1:4

Пир дова́ Зако́но яця́ бизорья́киро (нашадя зор), и нанэ чачуно́ сэ́ндо. Фуй ману́ш пиризорьякирэла чачунэ́ манушэ́с, а сэ́ндо рискирэна, сыр камэ́на.

Isajos 26:10

Ко́ли грэхитконэ́ манушэ́с потангинэна, тэ́ньчи на ґалёла ёв чачипэ́н: ёв явэ́ла тэ кэрэ́л накуч дурэды́р пэ пхув патывалэнгири и на подыкхэла пэ Ра́скирэ-Дэвлэ́скиро барипэ́н.