Isajos 1:16 - Библия - Пэ Балтитко Романи чиб (Романэс) 2019

¹⁶ Выморэнпэ, явэ́н жужэ́; залэн тумарэ́ налачхэ́ рэ́нды Мирэ́ якхэ́ндыр; пириячэн тэ кэрэ́н чорипэ́н.

Biblija - Pe Baltitko Romani čib (Romanes) 2019

¹⁶ Vymorenpe, javén žužé; zalen tumaré nalačhé réndy Miré jakhéndyr; pirijačen te kerén čoripén.

Isajos 1:16 Referans Kwoze

1 Petr 3:11

мэк ёв тэ ракхэ́л пэс тэ кэрэ́л фуипэ́н, а мэк ёв тэ кэрэ́л лачхипэ́н; мэк ёв тэ родэ́л рама́нё (миро) и тэ причхувэл зор тэ латхэл лэс;

1 Petr 2:1

Тэды мэкэ́н кажно холы́, фрэнтыма, дуемуиткима, зэвлыныпэ́н и кажна хоханэ́ лава́,

2 Коринфянэнгэ 7:1

Палдава́, ко́ли амэ́нгэ сыс дынэ́ дасавэ́ лава́, мирэ́ дро́га, жужакираса пэс сарэ́стыр, со мэлякирэла амари́ лоч (плоть) и ду́хо (фа́но) и ява́са тэ джива́с сарэ́са свэнтонэс дро дар анги́л Дэвлэ́стэ.

Jakov 4:8

Явэ́н пашылэды́р кэ Дэвэ́л, и Ёв явэ́ла пашылэды́р кэ тумэ́. Выжужакирэн грэхи́тка, тумарэ́ васта́. Выжужакирэн тумаро́ джиибэ́н, тумэ́ сан дуемитка.

Sykadyipén 7:14

И мэ пхэндём лэ́скэ: “Раё Миро, Ту ж джинэ́са.” И ёв пхэндя́ ма́нгэ: “Дава́ исын кодолэ́ мануша́, со явнэ́ барэ́ страдицостыр (бидатыр), вымордэ пэ́скирэ урибэна́ и парнякирдэ лэн Свэнтонэ́ Бакрорэскирэ ратэ́са.

Ереме́ё 4:14

Выморэн тумарэ́ илэ фуипнастыр, соб (кай) тумэ́нгэ тэ зракхэнпэ. Сыр ґара́ бибахталэ́ ду́мы явэ́на дрэ тумарэ́ шэрэ́?

Матфеё 3:8

Кэрэ́н вари-со, соб (кай) тэ допхэнэн, со тумэ́ мэкнэ́ тэ кэрэ́н грэ́хи и рисинэ́ кэ Дэвэ́л.

Isajos 52:11

Джа́н, джа́н, выджа́н одотхы́р, на лэнпэ пал магирдо́, уджан лэ́стыр, жужакирэн пэс одолэ́, кон лыджа́ла кхорэ́ (сасу́ды) Ра́скирэ-Дэвлэ́скирэ.

Psalmy 26:6

Мэ выморава васта́ тэ сыкавав, со мэ на сом банго́, соб (кай) ма́нгэ тэ обджал трусця́л Тыро́ алта́рё, о Раё Дэ́вла,

Римлянэнгэ 12:9

Мэк тэ явэ́л чачуны́ тумари́ пшалы́тко паты́в; рисён криг фуипнастыр и кэрэ́н лачхипэ́н:

Apostolengiri Butý 22:16

И со ту какана́ ужакирэса? Ушты́, джа́ тэ прилэс болдэипэн, и соб (кай) тэ морэнпэ криг грэ́хи тырэ́, ке́ли помангэсапэ Дэвлэ́скэ ваш Ра́скирэ-Дэвлэ́скиро, Исусо́скиро лав.”

Amoso 5:15

Бидыкхэн тумэ́ чорипэ́н (биба́хт), нэ выкэдэн лачхипэ́н, и тумэ́ кэрэ́н адя́кэ, соб (кай) тэ явэ́л чачипэ́н пашы́л по́рта (вра́ты) форо́скири, сашты́ тэ явэ́л, со Рай Дэвэ́л, янголэ́нгирэ-болыбна́скиро Дэвэ́л, явэ́ла тэ тангинэ́л одолэ́н, кон ячэ́лапэ манушэ́ндыр Езаскирэндыр (Иосифостыр).”

Ереме́ё 25:5

Э проро́ки ракирдэ́ тумэ́нгэ: “Рисён нэвэ́стыр акана́, со кэ екх тумэ́ндыр, пэ́скирэ бибахталэ́ дромэндыр, фуипнастыр, со тумэ́ кэрэ́нас, и ячэ́нпэ тэ дживэ́н пэ пхув, сави́ дыя́ Рай Дэвэ́л тумэ́нгэ, и тумарэ́ дадэ́нгэ ґара́ векэндыр и пэ ве́ки.

Psalmy 37:27

Рисёв криг чорипна́стыр и кэр лачхипэ́н, и ту явэ́са тэ дживэ́с манушанэс пэ пхув;

Psalmy 34:14

То обрикирэс пэ́скири чиб фуе́ лавэ́ндыр и пэ́скирэ ушта́ хоханэ́ лавэ́ндыр;

Psalmy 51:2

ке́ли проро́ко Натано (Нафано) явдя́ кэ Ёв, сыр Ёв загия́ кэ Вирса́вия.

Pritčy 4:27

На ри́скир (на рисёв) ні пэ чачи́ (право) ні пэ зэ́рво (ле́во) риг; лэ (отлыджа) криг тыри́ ґэро́й чорипна́стыр.

Pritčy 21:3

Тэ кэрэ́н чачипэ́н и чачуно́ сэ́ндо исын кучэдыр Ра́скэ-Дэвлэ́скэ сыр свэ́нта дыибэна́.

Ереме́ё 18:11

И палдава́ акана́ пхэн манушэ́нгэ Юдэя́тыр и Ерусалимо́скирэ джиибнарье́нгэ: ‘Адя́кэ ракирэ́ла Рай Дэвэ́л: ‘Акэ Мэ акана́ скэда́ва (подкэрава) фуипэ́н тумэ́нгэ, и Мэ придуминава плано пэ тумэ́ндэ: ‘Рисён фэды́р акана́ кажно (сва́ко) тумэ́ндыр, тумарэ́ бибахталэ́ дромэ́стыр, фэдырьякирэн тумарэ́ дрома́ и дова́, со тумэ́ кэрэ́на’”

Ереме́ё 26:3

Кажно лэ́ндыр, хай, явэ́ла тэ кандэл и тэ рискирэ́л пэ́скирэ бибахталэ́ дромэ́стыр, соб (кай) Мэ тэ обрискирав (тэ отпарував) Пэс чорипна́стыр, саво́ Мэ думинава тэ кэра́в лэ́нгэ пал фуипэ́н, со ёнэ кэрэ́на.’”

Ереме́ё 35:15

И Мэ бичхававас кэ тумэ́ сарэ́ Мирэ́ дынарье́н, пророкэ́н, Мэ бичхававас тася́рлэс (ра́нэс) злокостыр лэн, ракири́: “Рисён акана́, кажно (сва́ко) екх тумэ́ндыр пэ́скирэ бибахталэ́ дромэ́стыр, лачхакирэн (кэрэ́н фэдэды́р) пэ́скирэ рэ́нды, и на псирэ́н тэ кэрэ́н паты́в явирэ дэвлорэ́нгэ, тэды тумэ́ явэ́на тэ дживэ́н пэ пхув, со Мэ дыём тумэ́нгэ и тумарэ́ дадэ́нгэ.” Нэ тумэ́ на причхудэ пэ́скиро кан, и на кандынэ́ Ман.

Jona 3:8

Нэ мэк мануша́ и мурдала́ тэ учхакирэн пэс жалобнонэ балытконэ гонэса, и тэ прикхарэн зоралэ́с Дэвлэ́с; адя́кэ, соб (кай) кажно лэ́ндыр тэ рисёл пэ́скирэ бибахталэ́ дромэ́стыр и нахратыматыр (насилиёстыр), со кэрдэ́ лэ́скирэ васта́.

Заха́рия 7:7

Ци на ‘дасавэ́ кокорэ́ лава́ пхэнэлас Рай Дэвэ́л англэды́р пирда́л ґаратунэ́ пророкэ́ндэ, сыр дро Ерусалимо сыс ишчо (инкэ́) бут мануша́ и покойныма, и дрэ пашылатунэ фо́рья, дрэ паш-дывэсы́тко (южно) риг и пэ Тэлатуны Пхув дживэ́нас бут мануша́?’”

Заха́рия 13:1

Дро дова́ дывэ́с псиравэлапэ (откэрэлапэ) ґанынгори ваш Давидо́скиро кхэр и Ерусалимо́скирэ манушэ́нгэ, соб (кай) тэ выморэн (тэ халавэн криг) лэ́ндыр грэ́хо и кажно мэлалыпэн.

4 Kralip 17:13

Тэды Рай Дэвэ́л пирда́л сарэ́ Пэ́скирэ пророкэ́ндэ, пирда́л кажнонэ́стэ, приракхэлас Израилё и Юдас, ракири́: “Рисён тумарэ́ фуе́ дромэндыр, и ракхэ́н Мирэ́ припхэныбэна́, упхэныбэна́ Мирэ́, пир саро́ сыкляибэн, саво́ Мэ припхэндём дадэ́нгэ тумарэнгэ, и саво́ Мэ дыём тумэ́нгэ пирда́л Мирэ́ пророкэ́ндэ.”