Isajos 1:12 - Библия - Пэ Балтитко Романи чиб (Романэс) 2019

¹² Ке́ли тумэ́ явэ́на тэ сыкавэнпэ анги́л Ма́ндэ, кон мангэ́ла тумэн, соб (кай) тумэ́ тэ штавэн (тэ топчынэн) ґэрэ́нца Мирэ́ грэды (дворы)?

Biblija - Pe Baltitko Romani čib (Romanes) 2019

¹² Kiéli tumé javéna te sykavenpe angíl Mánde, kon mangéla tumen, sob (kaj) tumé te štaven (te topčynen) ĥerénca Miré gredy (dvory)?

Isajos 1:12 Referans Kwoze

Vygiiben 34:23

трин мо́лы дрэ бэрш тумэ́ сан бангэ́ тэ явэ́н сарэ́ тырэ́ мурша́ анги́л Ра́скирэ-Барэскиро муй, Ра́скирэ-Дэвлэ́скиро, Израилёскирэ Дэвлэ́скиро,

Vygiiben 23:17

Трин мо́лы дро бэрш исын бангэ́ тэ явэ́н сарэ́ тырэ́ мурша́ анги́л Барэ́-Ра́скиро, Ра́скирэ-Дэвлэ́скиро муй.

Матфеё 23:5

Нэ саро́, со ёнэ кэрэ́на, – дава́ ваш дова́, соб (кай) лэн тэ дыкхэ́н мануша́: ёнэ буґлякирэна пхарты (ленты) пэ чикат и пэ васт мангипнытконэ лавэ́нца и барьякирэна брынды (фальбонки),

Mihiejo 6:8

О Рай Дэвэ́л сыкадя́ ту́кэ, о манушэ, со исын лачхипэ́н, и со трэй Ра́скэ-Дэвлэ́скэ ту́тыр: тэ кэрэ́с пир чачипэ́н, тэ выкэдэс тэ кэрэ́с лачхипэ́н, и тэ дживэ́с напхутькирдэс анги́л тырэ́ Дэвлэ́стэ!

Ekliesiastos 5:1

[2-ю.о.] На яв сы́гно тэ пхэнэ́с пэ́скирэ мо́са, и мэк тыро́ ило́ тэ на выпхэнэл сы́гно лав анги́л Дэвлэ́стэ: пал-дова́ со Дэвэ́л исын пэ болыбэ́н, нэ ту сан пэ пхув, палдава́ на ра́кир бут.

Psalmy 40:6

О, Раё Дэ́вла, миро Дэ́вла, Ту кэрдя́н бут: Тырэ́ ди́вна бутя́ и задуминыбэна пал амэ́ндэ нико́н на могинэ́ла тэ ґалёл, соб (кай) тэ пхэнэ́л вари-со пал дава́ и тэ ракирэ́л сарэ́нгэ. Мэ на могина́ва аж тэ пхэна́в – лэн исын ада́кицы бут.

Яви́р Зако́но 16:16

Трин мо́лы дро бэрш сарэ́ мурша́ исын бангэ́ тэ явэ́н анги́л Ра́скирэ-Дэвлэ́скиро, тырэ́ Дэвлэ́скиро муй, пэ штэ́то, саво́ выкэдэ́ла Ёв: пэ свэ́нко опреснокэнгиро, пэ свэ́нко эфтангирьенгиро и пэ свэ́нко кушчэнгиро; и никонэ́скэ нашты́, соб (кай) тэ явэ́л анги́л муй Ра́скирэ-Дэвлэ́скиро чхучэ́ вастэ́нца,

Заха́рия 7:5

“Пхэн сарэ́нгэ пхувья́кирэ манушэ́нгэ и рашангэ адя́кэ: ‘Ке́ли тумэ́ рикирэнас посто и ровэнас дро па́нджто и эфта́то чхон, и дава́ ужэ эфтадэша́ бэрш, – ци ваш Ма́нгэ тумэ́ рикирдэ посто? Ци ваш Ма́нгэ?

Ереме́ё 7:11

Ци со, Миро кхэр, савэ́скэ тумэ́ дынэ́ Миро лав, яця́ виртаса (вертепоса) прахарьенгэ анги́л тумарэ́ якха́? Акэ, Мэ дыкхцём дава́”, – ракирэ́ла Рай Дэвэ́л.