Ióvo 9:4 - Библия - Пэ Балтитко Романи чиб (Романэс) 2019

⁴ Дэвэ́л исын годо́ илэ́са и зоралыпнаса: кон тэрдёлас дрэ стонка маму́й Лэ́стэ, ци кодова́ ячэ́лапэ дро рама́нё (покоё)?

Biblija - Pe Baltitko Romani čib (Romanes) 2019

⁴ Devél isyn godó ilésa i zoralypnasa: kon terdjolas dre stonka mamúj Léste, ci kodová jačélape dro ramánjo (pokojo)?

Ióvo 9:4 Referans Kwoze

Ióvo 36:5

Акэ, Дэвэ́л исын зоралыпнаскиро, нэ Ёв на дыкхэ́ла бипатывакирэс ни пэ конэ́стэ. Ёв исын древа́н зоралыпнаскиро, и Ёв исын древа́н барэ́-годя́киро.

Эфесянэнгэ 3:20

Нэ Одолэ́скэ, Конэ́скири зор исын дрэ амэ́ндэ, и сави́ могинэ́ла тэ кэрэ́л бутэды́р долэ́стыр, пал со амэ мангаса, ци амэ думинаса,

Эфесянэнгэ 3:10

Соб (кай) какана́ тэ явэ́л джиндлы пир Кхангири́ барыдырэ́нгэ и хула́нгэ дро Болыбна́скиро Раё бари Дэвлэ́скири годы́,

Pritčy 29:1

Ману́ш, саво́ пхарьякирэла (жэсточынэла) пэ́скири мэн, на дыкхи́ пэ дова́, со лэ́скэ бут мо́лы сыкавэ́на лэ́скири банг, екха́тыр (сра́зу) хасёла, и на явэ́ла састякирибэн лэ́скэ.

Ióvo 9:19

Тэ явэ́л дава́ рэ́ндо пал зор, дыкхэ́н, саво́ Ёв исын зоралыпнаскиро; а тэ явэ́л дава́ рэ́ндо пал чачипэ́н, кон сашты́ тэ дэл миро дывэ́с тэ сэндинавпэ Лэ́са?

Эфесянэнгэ 1:19

и саво́ бимеракиро исын Лэ́скиро барипэ́н зоралыпнаскиро ваш амэ́нгэ, саво́ Ёв дэ́ла сарэ́ свэнтонэнгэ, савэ́ патя́на дро Лэ́скирэ-зоралыпнаскиро кэрибэн,

Эфесянэнгэ 1:8

Саво́ Ёв би тангипнаскиро дыя́ амэ́нгэ сарэ́ годя́са и джиныбнаса,

1 Коринфянэнгэ 10:22

Нау́што амэ ява́са тэ муршкинаспэ тэ холякирас Дэвлэ́с? Нау́што амэ сам зоралэды́р Лэ́стыр?

Римлянэнгэ 11:33

Акэ, саво́ баро́ барвалыпэ́н и годы́, и джиныбэ́н Дэвлэ́стэ! Сыр нашты́ тэ ґалёс, сыр Ёв сэндинэла и нашты́ тэ джинэ́с Лэ́скирэ дрома́!

Дание́лё 2:20

О Дание́лё отпхэндя́ и пхэндя́: “Мэк тэ явэ́л бахтало́ Лав Ра́скирэ-Дэвлэ́скиро векостыр пэ сарэ́ ве́ки! Пал-дова́ со Лэ́стэ исын годы́ и зор.

Pritčy 28:14

Бахтало́ исын ману́ш, кон усады (сак) патыва́са дарэ́ла Дэвлэ́стыр, нэ кон пхарьякирэла пэ́скиро ило́, кодова́ пэрэ́ла дрэ бари би́да.

Psalmy 136:5

Лэ́скэ, Кон создыя́ годыпнаса болыбэ́н, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки;

Psalmy 104:24

О, Раё Дэ́вла, кицы́ бут Ту создыян! Ту кэрдя́н лэн сарэ́н барэ́ годыпнаса, а пхув исын пхэрды́ Тырэ́ барвалыпнэнца.

Ióvo 40:9

[14] тэды Мэ адя́кэ-паць приджинава тут, со тыро́ чачо́ васт могинэ́ла тэ ракхэ́л тут.

Ióvo 12:13

Нэ Дэвлэ́стэ исын годыпэ́н и зоралыпэ́н, Ёв дэ́ла годы́ и ґалёла.

Ióvo 11:6

и, соб (кай) Ёв тэ сыкавэ́л ту́кэ годыпнаскирэ чораханыбэна, сыр дава́ исын, со ёнэ дрэ дуй мо́лы пириджана дова́, со Тыри́ годы́ сашты́ тэ подуминэл. Джин, со Дэвэ́л отмэкэ́ла ту́кэ бут тырэ́ чорипна́стыр.

Ióvo 6:10

Тэды явэ́лас ма́нгэ раманипэн (спокойствиё); и мэ зоралэ́с радынаваспэ аж дрэ мири́ дукх, со на жалинэла ман, со мэ на отпхэндёмпэ Свэнтонэ́ Дэвлэ́скирэ лавэ́ндыр.

2 Паралипоменоно 13:12

И, акэ, амэ́ндэ дрэ шэралыпэн исын Дэвэ́л, и Лэ́скирэ рашая́, и ро́ги (трубы) исын зоралэзанякирэ, соб (кай) тэ дэн го́дла проти тумэ́ндэ. Чхавэ́ Израилёскирэ! На марэ́нпэ Ра́са-Дэвлэ́са, тумарэ́-дадэнги́рэ Дэвлэ́са; пал-дова́ со тумэ́ адя́кэ на дорэсэ́на лачхипэ́н.”

Ióvo 23:6

Нау́што Ёв явэ́лас тэ лыджа́л чинга́рд ма́нца сарэ́ Лэ́скирэ барэ́ зорья́тыр? Над. Нэ Ёв рисёла тэ шунэ́л ман.

Ióvo 24:22

Нэ Дэвэ́л тырдэла зоралыпнаскирэ манушэ́н Пэ́скирэ зорья́са, ману́ш ґаздэ́лапэ, нэ ние́кх ману́ш зоралэ́с на патя́ла дро пэ́скиро джиибэ́н.

Ióvo 25:2

и отпхэндя́ ёв дасавэ́ лавэ́нца: “Дэвэ́л кралинэла и сарэ́ндэ исын дар анги́л Лэ́стэ, Ёв рикирэ́ла рама́нё (миро) пэ Лэ́скирэ вучэ́ штэ́ты.

Ióvo 28:23

Дэвэ́л ґалёла дром кэ годыпэ́н, Дэвэ́л джинэ́ла штэ́то тэ латхэс годыпэ́н.

Ióvo 37:23

Амэ нашты́ тэ ґалёвас сарэ́са Сарэзорьякирэ Дэвлэ́с: Ёв исын Най Зоралэды́р, Ёв исын най кучэдыр пэ сэ́ндо, и Ёв исын древа́н чачуно́, Ёв на притасавэла никонэ́с.

Ióvo 38:36

Кон дыя́ годыпэ́н манушэ́скирэ годякэ? И кон дыя́ годьварипэн илэскэ.

Ióvo 38:37

Кон дэ́ла ра́да тэ погинэл о́блоки пэ́скирэ годыпнаса? Ци, кон дэ́ла ра́да, соб (кай) о́блоки тэ вычхувэн паня́ болыбна́стыр сы́рбы гонэстыр,

Ереме́ё 50:24

Мэ росчхудём фэлы́ (сеть) пэ ту́тэ, Вавило́но, и тут адя́кэ-паць лэ́на, и ту на джиндян дава́. Тут латхнэ́ и лынэ́ дро пле́но пир дова́, со ту тэрдиян проти Растэ-Дэвлэ́стэ.

Vygiiben 9:7

Фарао́но бичхадя́ тэ уджинэл, и ґа́да, Израильтянэнгирэ кхэритконэ́ мурдалэ́ндыр на мулыя ние́кх. Нэ ило́ фараоно́скиро яця́ сыр бар, и ёв на отмэкця́ манушэ́н.

Vygiiben 15:7

Барэ́ Тырэ́ слава́са Ту тэлякирдян одолэ́н, савэ́ ґаздынэ́пэ пэ Ту́тэ. Ту бичхадян Тыро́ холямипэн, и ёв схачкирдя́ лэн, сыр пхус.

2 Паралипоменоно 20:6

и пхэндя́: “Раё Дэ́вла, амарэ́ дадэ́нгиро! Ци на сан Ту, Дэвэ́л пэ болыбэ́н? И Ту хулаинэса пэ сарэ́ндэ кралипнаскирэ манушэ́ндэ, и дро Тыро́ васт зор и зоралыпэ́н, и нико́н на утэрдёла проти Ту́тэ!

Ióvo 15:13

со ту рискирдян ду́хо (фа́но) пэ Дэвлэ́стэ, и сыр кадасавэ́ лава́ выджа́на тырэ́ мо́стыр?

Ióvo 41:2

[9] Ние́кх нанэ дасаво муршкано́, соб (кай) тэ джангавэл Левиафанос: и, кон тэды дэ́ла ра́да тэ тэрдёл анги́л Ма́ндэ?

Isajos 45:9

Бида кодолэ́скэ, кон чингардэлапэ Дэвлэ́са: Саво́ создыя́ лэс, кон исын чэрепко чэрэпкэндыр пэ пхув. Ци пхэнэ́ла ґлэя (глина) пэ́скирэ мастероскэ: “Со ту кэрэ́са?”, ци пхэнэ́ла тыри́ буты́ пал ту́тэ: “Лэ́стэ нанэ васта́?”

Naumo 1:3

Рай Дэвэ́л насыгэс холясо́ла (ґара́ / длу́гэс ужакирэ́ла) и Лэ́стэ исын баро́ зоралыпэ́н. И Ёв на ковлякирэла ило́ анги́л бибахталэндэ: сыр о Рай Дэвэ́л псирэ́ла, тэды ґаздэ́напэ рискирибнаскири балва́л и штормо, и о́блоки сыр пра́хо вурняна тэл Лэ́скирэ ґэра́.