Ióvo 8:3 - Библия - Пэ Балтитко Романи чиб (Романэс) 2019

³ Ци Дэвэ́л пиририскирэла сэ́ндо, ци Сарэзорья́киро Дэвэ́л пиририскирэла чачипэ́н?

Biblija - Pe Baltitko Romani čib (Romanes) 2019

³ Ci Devél piririskirela séndo, ci Sarezorjákiro Devél piririskirela čačipén?

Ióvo 8:3 Referans Kwoze

2 Паралипоменоно 19:7

И адя́кэ мэк тэ явэ́л дар Ра́скирэ-Дэвлэ́скири пэ тумэ́ндэ: кэрэ́н, обдумины (обдыкхи); пал-дова́ со нанэ Растэ-Дэвлэ́стэ, Дэвлэ́стэ амарэстэ, ни начачипэ́н, ни дуемуиткима, ни соб (кай) тэ прилэ́н да́ры.

Яви́р Зако́но 32:4

Ёв исын зоралы́ Твардыма; Лэ́скирэ рэ́нды исын бидошэнгирэ, и сарэ́ дрома́ Лэ́скирэ исын чачунэ́. Дэвэ́л исын чачуно́, и нанэ начачипэ́н дрэ Лэ́стэ; Ёв исын чачуно́ и патяибны́тко.

Džiibén 18:25

Нашты́ тэ явэ́л, соб (кай) Ту тэ кэрэ́с адя́кэ, соб (кай) Ту тэ хасякирэс чачунэ́ манушэ́с кхэтанэ́ злыднитконэса, соб (кай) дова́-паць тэ явэ́л чачунэ́ манушэ́са; со и злыднитконэса; нашты́ тэ явэ́л Ту́тыр! Сэнда́ри сарэ́ пхувья́киро тэ кэрэ́л на пир чачипэ́н?”

Дание́лё 9:14

Палдава́ приракхця о Рай Дэвэ́л кадасави би́да и бичхадя́ ла пэ амэ́ндэ; пал-дова́ со чачуно́ исын Рай Дэвэ́л амаро́ дро сарэ́ Лэ́скирэ рэ́нды, Савэ кэрэ́ла, нэ амэ на кандыям зан Лэ́скири.

Sykadyipén 16:7

И мэ шундём зан алтарёстыр, со пхэндя́: “Чачо́, Раё Дэ́вла, Сарэзорья́киро Дэвэ́л, чачунэ́ и чачипнаскирэ исын Тырэ́ сэнды!”

Sykadyipén 15:3

И ёнэ баганас Мойзаскири гилы́, Дэвлэ́скирэ писхарискири, и Свэнтонэ́ Бакрорэскири гилы́, пхэни́: “Савэ барэ́ и ди́вна тырэ́ бутя́, Раё Дэ́вла, Сарэзорья́киро! Тырэ́ дрома́ исын чачунэ́ и чачипнаскирэ, Кра́ли манушэ́нгиро!

Римлянэнгэ 2:5

А пир тыро́ накандыпэн и напорискирдо кэ Ёв ило́, ту кокоро́ пэ́скэ кэдэса буты́р холы́ пэ дывэ́с ваш Дэвлэ́скири холы́, ке́ли Ёв откэрэла Пэ́скиро сэ́ндо,

Езэкилё 33:20

А тумэ́ ракирэ́на: ‘Нанэ чачуно́ Ра́скирэ-Дэвлэ́скиро дром!’ Мэ ява́ва тэ сэндякирав тумэн, Израилёскиро кхэр, кажнонэс пир пэ́скирэ дрома́.”

Езэкилё 33:17

А чхавэ́ тырэ́ народо́стыр ракирэ́на: ‘Нанэ чачуно́ Ра́скирэ-Дэвлэ́скиро дром’, ко́ли дава́ лэ́нгиро дром исын хохано́.

Езэкилё 18:25

Нэ тумэ́ пхэнэ́на: “Нанэ чачипэ́н дро Ра́скирэ-Дэвлэ́скиро дром!” Шунэ́н акана́, Израилёскиро кхэр! Со дро миро дром нанэ чачипэ́н? Дрэ тумарэ́ дрома́ нанэ чачипэ́н:

Psalmy 99:4

Ту сан зоралыпнаскиро Кра́ли, Савэ́скэ трэй чачуно́ сэ́ндо. Ту зачхудян чачипэ́н: дава́ исын Ту, Саво́ кэрэ́ла пир чачипэ́н и патяибэ́н дрэ Яковостэ.

Psalmy 89:14

Тыро́ псико́ исын зоралыпнаскиро; зорало́ исын Тыро́ васт, вучо́ исын Тыро́ чачо́ васт.

Ióvo 40:8

[13] Гарав лэн кхэтанэ́ дро пра́хо, и чхакир лэ́нгирэ муя́ чораханэ́с,

Ióvo 40:2

[7] “Подпхандэпэ и яв скэдыно́ сыр мурш; Мэ ява́ва тэ пхучав ту́тыр, а ту явэ́са тэ отпхэнэс ма́нгэ:

Ióvo 35:13

Нэ Сарэзорья́киро Дэвэ́л на шунэ́ла чхучо́ (пусто) ракирибэ́н, и на дэ́ла вага лэ́нгэ.

Ióvo 34:5

Пал-дова́ со Ио́во пхэндя́: “Мэ сом чачуно́, нэ Дэвэ́л лыя́ криг миро чачипэ́н.”

Ióvo 21:20

соб (кай) ёв тэ джинэ́л дава́: акэ, мэк лэ́скирэ якха́ тэ дыкхэ́н пэ́скиро хасибэ́н, мэк ёв тэ пьел тахта́й, со исын пхэрдо́ Сарэзорьякирэ барэ́ холя́са?

Ióvo 21:15

Кон исын Сарэзорья́киро, соб (кай) амэ тэ дынарина́с Лэ́скэ? И саво́ лачхипэ́н амэ́нгэ, со амэ ява́са тэ мангаспэ Лэ́скэ?

Ióvo 19:7

Ѓа́да, мэ да́ва го́дла: “Нахратыма пэ ма́ндэ”, ман на шунэ́на; ко́ли мэ да́ва го́дла сарэ́ зорья́тыр, тэды нанэ сэ́ндо.

Ióvo 10:3

Саво́ ж лачхипэ́н исын Ту́кэ, со Ту тасавэса, со Ту дыкхэ́са вычипнастыр пэ дава́, со Тырэ́ васта́ создынэ? И Ту зяинэса манушэ́нгирэ скэдынятыр?

Ióvo 9:2

“Мэ джино́м (джина́в), со дава́ исын чачипэ́н; нэ сыр о ману́ш сашты́ тэ явэ́л чачуно́ анги́л Дэвлэ́стэ?

Ióvo 4:17

Ци сашты́ тэ явэ́л соб (кай) ману́ш тэ явэ́л чачунэдыр Дэвлэ́стыр? Ци сашты́ тэ явэ́л, соб (кай) ману́ш тэ явэ́л буты́р бибангипнаскиро сыр Дэвэ́л?

Ióvo 36:3

Мэ сы́рбы яна́ва миро джиныбэ́н дурипнастыр, и мэ досыкавава чачипэ́н пал мирэ́ Создыибнаскирэстэ.

Ióvo 36:23

Кон дыя́ лэ́скэ рэ́ндо адя́кэ тэ кэрэ́л? Ци кон пхэндя́: “Ту кэрдя́н намиштэс?

Ióvo 37:23

Амэ нашты́ тэ ґалёвас сарэ́са Сарэзорьякирэ Дэвлэ́с: Ёв исын Най Зоралэды́р, Ёв исын най кучэдыр пэ сэ́ндо, и Ёв исын древа́н чачуно́, Ёв на притасавэла никонэ́с.

Ióvo 19:6

то тэды джинэ́н, со адава́ Дэвэ́л чхурдыя́ тэлэ́ ман, и дава́ Ёв обгия трусця́л ма́ндэ Лэ́скирэ кхудяса (мирежаса).