Ióvo 42:3 - Библия - Пэ Балтитко Романи чиб (Романэс) 2019

³ Ту пхуцян: “Кон исын кадава́, саво́ цемнякирэла Мирэ́ лава́ бигодыпнаса?” Нэ мэ пхэндём дава́, со мэ на ґалыём. Сарэ́ далэ́ лава́ исын ди́вна ваш ма́нгэ, савэ́ мэ на джиндём.

Biblija - Pe Baltitko Romani čib (Romanes) 2019

³ Tu phucian: “Kon isyn kadavá, savó ciemniakirela Miré lavá bigodypnasa?” Ne me phendjom davá, so me na ĥalyjom. Saré dalé lavá isyn dívna vaš mánge, savé me na džindjom.

Ióvo 42:3 Referans Kwoze

Psalmy 131:1

Гилы́ анги́л Кхангири́. Давидоскири. Раё Дэ́вла! Миро ило́ на пхутёла и мирэ́ якха́ на дыкхэ́на барипнаса. И мэ адя́кэ-паць на залавапэ рэндэ́нца, со исын на пир зор ма́нгэ ци долэса, со исын дивно ма́нгэ.

Psalmy 139:6

Дасаво Тыро́ джиныбэ́н пал ма́ндэ дивинэла ман, дава́ исын вучо́ годыпэ́н, мири́ годы́ на доджа́ла кэ дава́.

Psalmy 40:5

Тэ явэ́л бахтало́ одова́ ману́ш, кон ужакирэ́ла лачхипэ́н Ра́стыр-Дэвлэ́стыр, и саво́ на рисёла кэ пхутькирдэ́ и кэ одолэ́, савэ́ рисёна кэ хохаибэ́н.

Ióvo 38:2

“Кон исын кадава́, кон калякирэла Мирэ́ задумы нагодьварэ лавэ́нца?

Ióvo 5:9

Кон кэрэ́ла древа́н барэ́ рэ́нды, со манушэ́скэ нашты́ тэ ґалёл, и бут ди́вна рэ́нды, со нашты́ тэ погинэс.

Ióvo 11:7

Ци могинэ́са ту тэ розґалёс саро́ хорипэ́н, Саво́ Дэвэ́л исын?

Ióvo 11:9

Джиныбэ́н пал Дэвлэ́стэ исын длэнгэдыр пхувья́тыр и исын буґлэдыр морёстыр (дэрьявэстыр).

Ióvo 13:1

Акэ, мирэ́ якха́ дыкхнэ́ саро́ дава́, мирэ́ кана́ шундлэ́ и ґалынэ́ дава́.