Ióvo 32:3 - Библия - Пэ Балтитко Романи чиб (Романэс) 2019

³ Лэ́скири холы́ росхачия адя́кэ-паць пэ тринэ́ малэндэ, пал-дова́ со лэ́ндэ нисо́ на сыс тэ отпхэнэн, и со ёнэ сэндиндлэ зоралэ́с лэс.

Biblija - Pe Baltitko Romani čib (Romanes) 2019

³ Léskiri xolý roshačija adiáke-pac' pe triné malende, pal-dová so lénde nisó na sys te otphenen, i so jone sendindle zoralés les.

Ióvo 32:3 Referans Kwoze

Ióvo 8:6

ко́ли ту сан бибангякиро и дэвлы́тко, тэды, чачо́, Ёв уштэ́ла пал ту́тэ, и Ёв кэрэ́ла адя́кэ, соб (кай) тэ явэ́л миштыпэ́н тырэ́ кхэрэ́скэ.

Apostolengiri Butý 24:13

адя́кэ-паць ёнэ на могинэ́на тэ допхэнэн мири́ банг пир рэ́ндо, дро саво́ ёнэ какана́ бангякирэна ман.

Apostolengiri Butý 24:5

Амэ джина́са, со адава́ ману́ш исын сы́рбы фра́нсо и ёв ґаздэ́ла бу́нто машки́р сарэ́ Юдэ́ндэ и пир саро́ свэ́то, ёв исын шэрало́ пир Назареёскири секта;

Ióvo 32:1

И кадалэ́ трин мануша́ пириячнэ тэ отпхэнэн Иовоскэ, пал-дова́ со Ёв сыс чачуно́ дрэ пэ́скирэ якха́.

Ióvo 24:25

Ко́ли на адя́кэ джа́ла акана́, кон допхэнэ́ла, со мэ хохавава, и со миро ракирибэ́н нисо́ нанэ мол?”

Ióvo 15:34

Кхэр, дро саво́ дживэ́на надэвлытка, явэ́ла чхучо́, и яг выхала ша́тры, со ёнэ дорэснэ́ пал подкиндытко мыто.

Ióvo 32:2

Тэ́ньци захачи́я Элюёскири холы́, кон сыс Варахоскиро чхаво́ Вузитэндыр, савэ́ исын Рамоскирэ сэм΄ятыр: лэ́скири холы́ захачи́я пэ Иовостэ; пал-дова́ со ёв чачакирдя пэс буты́р Дэвлэ́стыр.

Ióvo 32:4

Нэ, Элюё (Элиуё), Варахоскиро чхаво́, ужакирдя, пало́ дова́, сыр Ио́во кончындя тэ ракирэ́л, пал-дова́ со лэ́скирэ трин мала́ сыс пхурэды́р лэ́стыр.

Ióvo 42:7

И сыс адя́кэ: пало́ дова́, сыр Рай Дэвэ́л пхэндя́ далэ́ лава́ Иовоскэ, тэ́ньчи пхэндя́ Ёв Элифазоскэ Феманостыр кадасавэ́ лава́: “Мири́ бари холы́ ґаздыя́пэ пэ ту́тэ и пэ тырэ́ малэндэ, пал-дова́ со тумэ́ на пхэнэнас чачипэ́н пал Ма́ндэ, сыр пхэндя́ миро писха́ри Ио́во.