Ióvo 3:5 - Библия - Пэ Балтитко Романи чиб (Романэс) 2019

⁵ Мэк калыпэ́н и мэрибнаскири зэр (тень) тэ учхакирэл дова́ дывэ́с, мэк о́блоки тэ ячэ́нпэ ўса́ды (сак) пэ лэ́стэ, мэк дывэсэнгиро калыпэ́н тэ страхакирэл дова́ дывэ́с.

Biblija - Pe Baltitko Romani čib (Romanes) 2019

⁵ Mek kalypén i meribnaskiri zer (tien') te učhakirel dová dyvés, mek óbloki te jačénpe ŭsády (sak) pe léste, mek dyvesengiro kalypén te strahakirel dová dyvés.

Ióvo 3:5 Referans Kwoze

Psalmy 23:4

Мэк мэ джа́ва пир до́ло дара́са кэ мэрибэ́н, мэ на страхадёвава чорипна́стыр, пал-дова́ со Ту сан ма́нца: Тыро́ кашт и Тыро́ дэсто́-ёнэ подрикирэна ман.

Ереме́ё 13:16

Барьякирэ́н (славинэ́н) Рас-Дэвлэ́с, тумарэ́ Дэвлэ́с, анги́л дова́, сыр Ёв янэ́ла калыпэ́н (цёмныма), и анги́л дова́, сыр тумарэ́ ґэра́ обштавэнапэ (обстэмпинэнапэ) пир бэ́рги дрэ паш-калыпэ́н! И тумэ́ явэ́на тэ родэ́н дуд (свэ́то), нэ Ёв рискирэ́ла лэс дрэ мэрибнытко зэр (тень), и Ёв пирикэрэла лэс дрэ хор калыпэ́н.

Isajos 9:2

Народо, саво́ псирэ́ла дро калыпэ́н, явэ́ла тэ дыкхэ́л дуд; кэ одолэ́, кон дживэлас дрэ калыпэ́н (цёмныма) сыр мэрибэ́н, захачола дуд.

Ióvo 28:3

Ману́ш хачкирэ́ла яг дро калыпэ́н, и ёв пириродэла сыр най фэды́р саро́ кэ яго́ры (краи́): бара́ дро калыпэ́н, кай исын мэрибнаскири зэр (тень).

Luka 1:79

тэ свэнцынэл пэ одолэ́ндэ, савэ́ дживэ́на дро калыпэ́н (цямлыпэ́н) и дрэ дар мэрибна́стыр, соб (кай) тэ джа́н амарэ́ ґэра́ пир дром кэ рама́нё (миро).”

Матфеё 4:16

акэ, мануша́, савэ́ сыс бэштэ́ дро калыпэ́н, дыкхнэ́ баро́ дуд (свэ́то); и пэ одолэ́ндэ, савэ́ исын сы́рбы мулэ́, – пал-дова́ со ёнэ дживэ́на би Дэвлэ́скиро, засвэнцындя дуд.”

Ереме́ё 2:6

И на пхэндлэ́ ёнэ: “Кай исын Рай Дэвэ́л, Кон лыджия́ криг амэн Египто́скирэ пхувья́тыр, Кон лыджия́ амэн пирда́л чхучэ́ пхувья́, пирда́л чхучэ́ прахи, пирда́л ґанбиня́, пирда́л шутькирды пхув, кай исын зэр (тень) сы́рбы мэрибна́стыр, пирда́л пхув, пэ сави́ ние́кх на прогия́, и нико́н на дживдя́.”

Ióvo 38:17

Ци псирадяпэ анги́л ту́тэ мэрибнаскири по́рта? Ци дыкхця́н ту вуда́р кэ мэрибнаскири зэр (тень)?

Ióvo 24:17

Зло́ко (ра́нко) исын ваш лэ́нгэ сы́рбы мэрибнаскири зэр (тень), пал-дова́ со ёнэ джинэ́на ратякири зэр, сави́ на трашавэла лэн.

Юдэ́нгэ 12:18

Тумэ́ на явнэ́ пашылэды́р кэ бэ́рга Синаё, сави́ сашты́ (можна) тэ чилавэн вастэ́са, и сави́ хачола барэ́ яга́са, и на кэ калыпэ́н (тьма), на кэ ми́гла (мрако), на кэ холями балва́л,

Amoso 8:10

Мэ парувава тумарэ́ свэ́нки пэ зоралы́ ту́га и сарэ́ тумарэ́ гиля́ пэ зорало́ ровибэн; и Мэ яна́ва жалобна балытка гонэ́ пэ кажно трушу́л, и плеха пэ кажно шэро́. Мэ кэра́ва дро да дывэ́с бари ту́га пэ пхув, савья́са обровэна екхорэ чхавэ́с, и ко́нцо (яго́ро) далэскэ явэ́ла сыр кирко дывэ́с.

Amoso 5:8

родэ́н Лэс, Кон создыя́ чэргэненгири група Плеады (Эфта́-чэргэнитко) и Орионо (Чэргэня́ пэ Васто́ко). Кон парувэла зэр (тень) мэрибнаскири пэ ясно зло́ко (ра́нко), Кон кэрэ́ла адя́кэ, со дывэ́с ячэ́ла сыр калы рат. Кон кхарэ́ла кэ Пэ панинга́ морёскирэ (дэрьявэ́скирэ), и Ёв росчхувэла лэн пир сари́ пхув, – Рай Дэвэ́л исын Лэ́скиро лав.

Ioil 2:2

явэ́ла дава́ дывэ́с кало́ и тугитко, хмуры́тко дывэ́с ґэнстонэ калыпнаса (цямлыпнаса), сыр о́блоки пэ зло́ко (пэ ра́нко) розджанапэ палэ бэ́рги, адя́кэ-паць и явэ́на мануша́, барэ́ и зоралэ́, савэ́ на сыс векэндыр: и кадасавэ́-паць буты́р на явэ́на ние́кхвар пал лэ́ндэ машки́р манушэ́нгирэ ро́ды.

Езэкилё 34:12

Сыр чхупна́ри пропатякирэла пэ́скирэ бакрэ́н дро дова́ дывэ́с, ко́ли ёнэ роспрастандынэпэ, адя́кэ Мэ пиридыкхава сарэ́ Мирэ́ бакрэ́н, Мэ зракха́ва лэн сарэ́ штэтэ́ндыр, карик ёнэ сыс рострадынэ дро кало́ дывэ́с облокэ́нца.

Езэкилё 30:3

Подджа́ла дывэ́с, подджа́ла дывэ́с Ра́скирэ-Дэвлэ́скиро, кало́ дывэ́с, явдя́ народонэнгиро часо (цы́ро).

Ереме́ё 4:28

Далэ́стыр пхув явэ́ла тэ тугинэл зоралэ́с, и болыбэ́н упра́л явэ́ла кало́, пал-дова́ со Мэ, Рай Дэвэ́л пхэндём дава́, Мэ чхудём дрэ годы́ дава́; Мэ на ковлёвава, Мэ на рисёва́ва палэ.

Psalmy 107:14

Ёв вылыджия́ лэн калыпна́стыр и мэрибнаскирэ зэрьятыр (тенёстыр) и Ёв пхагирдя́ пэ котэра́ (куски) лэ́нгирэ састыра́,

Psalmy 107:10

Адасавэ́ мануша́ дживдэ́ дро калыпэ́н (цямлыпэ́н) и дрэ мэрибнаскири зэр (тенё), ёнэ сыс пхандлэ и притасадэ,

Psalmy 44:19

Амаро́ ило́ на рисия́ палэ, и амарэ́ пирэ́ (сто́пы) на штадэ дрэ риг Тырэ́ дромэ́стыр;

Ióvo 16:16

Миро муй исын лоло́ ясвэндыр, и пэ мирэ́ цымблы исын мэрибнаскири зэр (тень),

Яви́р Зако́но 4:11

Тумэ́ подгинэ́ и тэрдинэ́ тэл бэ́рга, а бэ́рга хачия яга́са кэ болыбэ́н, и сыс цямло (тёмно), о́блоко и калыпэ́н.

Ióvo 3:4

Дова́ дывэ́с – мэк ёв тэ явэ́л цямло; мэк Дэвэ́л тэ на рипирэл пал дова́ дывэ́с, ци мэк дуд тэ на зяинэл пэ дова́ дывэ́с.

Ióvo 3:6

И пэ кодоя рат, соб (кай) цёмныма тэ заухтылэл ла, мэк тэ на чхувэ́н андрэ́ кодоя рат кхэтанэ́ бэршэскирэ дывэсэнца; мэк ёй тэ на заджа́л дро чхонэнгиро гиныбэ́н.

Ióvo 34:22

Ни дро калыпэ́н (цямлыпэ́н), ни дрэ мэрибнаскири зэр (тень) нашты́ тэ гарадён Дэвлэ́стыр мануша́, кон кэрэ́ла чорипэ́н.