Ióvo 2:3 - Библия - Пэ Балтитко Романи чиб (Романэс) 2019

³ И Рай Дэвэ́л пхэндя́ налачхэскэ: “Ци придыкхцянпэ ту пэ миро дына́ри Ио́во? Нанэ ние́кх ману́ш пэ пхув, кон тэ явэ́л адасаво́ бидошэ́нгиро и дэвлы́тко, саво́ дарэ́ла Дэвлэ́стыр и обрикирэла пэс тэ на кэрэ́л биба́хт? И саво́ сарое́кх рикирэ́лапэ зоралэ́с дро пэ́скиро бибангипэн, на дыкхи́ пэ дова́, со ту подхачкирдян ман пэ лэ́стэ, соб (кай) Мэ тэ хасякира́в лэс би причынакиро.”

Biblija - Pe Baltitko Romani čib (Romanes) 2019

³ I Raj Devél phendiá nalačheske: “Ci pridykhcianpe tu pe miro dynári Ióvo? Nane nijékh manúš pe phuv, kon te javél adasavó bidošéngiro i devlýtko, savó daréla Devléstyr i obrikirela pes te na kerél bibáht? I savó saroiékh rikirélape zoralés dro péskiro bibangipen, na dykhí pe dová, so tu podhačkirdian man pe léste, sob (kaj) Me te xasiakiráv les bi pričynakiro.”

Ióvo 2:3 Referans Kwoze

Ióvo 1:8

И пхэндя́ Рай Дэвэ́л налачхэскэ: “Ци придыкхцянпэ ту кэ Миро писха́ри Ио́во? Нанэ манушэ́с пэ пхув, кон исын адасаво́ бидошэ́нгиро и дэвлы́тко, саво́ дарэ́ла Дэвлэ́стыр и обрикирэла пэс тэ кэрэ́л биба́хт?”

1 Petr 1:7

соб (кай) дава́ пропатякирибэн тэ допхэнэл, со тумаро́ патяибэ́н исын чачуно́ и дрогэдыр сувнака́стыр, саво́ усае́кх исын хасибны́тко, мэк ёв тэ явэ́л пропатякирдо яга́са, тэды тумаро́ патяибэ́н янэ́ла тумэ́нгэ шарибэ́н и сла́ва, ке́ли явэ́ла нэвэ́стыр Ису́со Христо́со:

Jakov 1:12

Бахтало́ исын одова́ ману́ш, саво́ зоралэ́с вырикирэ́ла пропатякирибэн, пал-дова́ со, ко́ли ёв вырикирдя пропатякирибэн, ёв дорэсэ́ла джиибна́скири вя́нка, пал сави́ Дэвэ́л дыя́ лав сарэ́ манушэ́нгэ, конэ́скэ исын дро́го Ёв.

Pritčy 16:17

Чачуно́ дром ваш дэвлытконэнгэ исын дрэ дова́, соб (кай) тэ дурьён чорипна́стыр. Кон рикирлапэ кэ пэ́скиро [ракхэ́ла-р.с.] дром, одова́ ракхэ́ла пэ́скиро ду́хо (фа́но).

Ióvo 9:17

Ёв-Кон лучкирэлас (лутькирэлас) ман сы́рбы зоралы́ балва́л, и дукхавэлас ман буты́р и буты́р би причынакиро.

Filipiicenge 3:12

Нэ пал-дова́, со мэ ничы́ саро́ дава́ на дорэсцём, и мэ на сом какана́ бидошакиро, нэ мэ причхувава зор тэ латхав, ци на латхава и мэ дова́, пал со и латхя́ ман Ису́со Христо́со ваш Пэ́скэ.

Joannostir 9:3

Ису́со отпхэндя́: “Ни ёв, ни лэ́скирэ дада́ на кэрдэ́ грэ́хо, нэ дава́ исын ваш дова́, соб (кай) тэ явэ́л пэ лэ́стэ бицялы (дыцьлы) Дэвлэ́скири зор.

1 Petr 5:10

Нэ Дэвэ́л, Саво́ бахтякирэ́ла, и Саво́ кхардя́ тумэн дрэ вечна Пэ́скири сла́ва, ко́ли тумэ́нгэ и приявэлапэ набаро́ часо тэ страдынэл, Ёв Кокоро́ кэрэ́ла тумэн зоралэды́р и дэ́ла зор, соб (кай) тумэ́ тэ на кунинэнпэ дро пэ́скиро патяибэ́н;

Pritčy 15:8

Рай Дэвэ́л рикирлапэ дрэ риг свэ́нто дыибэ́н, со фуй мануша́ янэ́на, нэ ёв зоралэ́с радынэ́лапэ мангипнастыр, саво́ кэрэ́на дэвлы́тка мануша́.

Ióvo 1:1

Екх ману́ш сыс пэ пхув Уц, лэ́скиро лав сыс Ио́во, ёв сыс бибангипнаскиро и дэвлы́тко ману́ш. Ёв дарандыя (дардяпэ) Дэвлэ́стыр и обрикирэлас пэс тэ кэрэ́л биба́хт.

Pritčy 14:2

Кон кэрэ́ла саро́ пир чачипэ́н, кодова́ кутякирэла кэ дар Рас-Дэвлэ́с, нэ кон кэрэ́ла чорипэ́н пэфроми, одова́ на прилэ́ла кэ годы́ Лэс.

Pritčy 13:6

Чачипэ́н ракхэ́ла одолэ́н, савэнгиро дром исын бидошэ́нгиро, нэ фуипэ́н равэла тэлэ́ [хасякирэ́ла-р.с.] грэхитконэ́ манушэ́с.

Pritčy 11:8

Чачипна́скиро исын зракхно бидатыр, а фуй ману́ш пэрэ́ла одори́к пэ штэго лэ́скиро.

Psalmy 41:12

Пир дава́ мэ джино́м (джина́в), со Ту камэ́са миштыпэ́н ма́нгэ, со миро вэ́рго на ґаздэ́лапэ радыпнаса пэ ма́ндэ.

Psalmy 37:37

Придыкхпэ ваш приме́ро (сыкаибэ́н) кэ бидошэ́нгиро ману́ш и дыкх пэ чачунэ́ манушэ́стэ, пал-дова́ со штылэ манушэ́стэ, саво́ тырдэлапэ кэ рама́нё (миро), явэ́на патомки.

Ióvo 13:15

Ѓа́да, ко́ли Ёв и мулякирэ́ла ман, нэ мэ сароекх ява́ва зоралэ́с тэ патяв дрэ Лэ́стэ, нэ и мэ ява́ва тэ затэрдёвав пал пэ́стэ мирэ́ лавэ́нца анги́л Лэ́стэ.

Ióvo 9:20

Мэк и тэ явэ́л чачипэ́н пал ма́ндэ, Ёв зоралэ́с сэндякирэлас ман мирэ́ лавэ́нца; мэк мэ и тэ явав бибангипнаскиро, Ёв допхэнэ́ла, со мэ сом начачуно.

Ióvo 1:11

Нэ Ту, ґа́да, фэ́ни (то́ка) лэ Пэ́скирэ вастэ́са и закэдэ саро́, со исын лэ́стэ, и ёв, чачэс, на явэ́ла тэ бахтякирэ́л Тут!”

2 Kralip 20:20

И отпхэндя́ Иоа́во, и пхэндя́: “Мэк тэ на явэ́л дава́ ма́ндыр, соб (кай) мэ тэ розмарав ци тэ роспхагирав!”

Džiibén 6:9

Ѓа́да, исын лав пал Ноёскиро ро́до: Ноё сыс чачуно́ ману́ш и би грэхоскиро дро пэ́скиро ро́до, Ноё псирдя́ дро екхипэ́н анги́л Дэвлэ́стэ.

Psalmy 26:1

Давидо́скиро Пса́лмо. Приґалёв миро набангипэн пэ сэ́ндо, Раё Дэ́вла, пал-дова́ со мэ лыджиём лачхо́ джиибэ́н, мэ адя́кэ-паць патяндыём дрэ Растэ-Дэвлэ́стэ и мэ на обштававаспэ.

Ióvo 2:2

И пхэндя́ Рай Дэвэ́л налачхэскэ: “Каты́р ту явдя́н? И на́лачхо отпхэндя́ Ра́скэ-Дэвлэ́скэ и пхэндя́: “Мэ псирдём одори́к и палэ пир пхув и штадём пир пхув упрэ́ и тэлэ́.”

Ióvo 2:4

И на́лачхо отпхэнэ́лас Ра́скэ-Дэвлэ́скэ и пхэндя́: “Цы́па пал цы́па, и, чачо́, ману́ш саро́ отдэ́ла пал пэ́скиро джиибэ́н.

Ióvo 1:6

И, акэ, сыс дывэ́с, ке́ли Дэвлэ́скирэ чхавэ́ (Янго́лы) явнэ́ тэ сыкадён анги́л Растэ-Дэвлэ́стэ, и на́лачхо явдя́ адя́кэ-паць лэ́нца.