Ióvo 2:12 - Библия - Пэ Балтитко Романи чиб (Романэс) 2019

¹² И сыр ёнэ ґаздынэ́ пэ́скирэ якха́ дура́л, тэды ёнэ на пинджкирдэ (на ґалынэ́) лэс; ёнэ дынэпэ тэ ровэ́н зоралэ́с. Кажно лэ́ндыр рискирдя́ пэ́скиро урибэ́н, чхурдыя́ пра́хо упрэ́ пэ болыбэ́н пэ пэ́скиро шэро́.

Biblija - Pe Baltitko Romani čib (Romanes) 2019

¹² I syr jone ĥazdyné péskire jakhá durál, tedy jone na pindžkirde (na ĥalyné) les; jone dynepe te rovén zoralés. Kažno léndyr riskirdiá péskiro uribén, čhurdyjá práho upré pe bolybén pe péskiro šeró.

Ióvo 2:12 Referans Kwoze

Езэкилё 27:30

И заровэна пал ту́тэ зоралэ́ заня́са, и явэ́на тэ ровэ́н киркэс пал ту́тэ, чхувэ́на пра́ска (пепло), пэ пэ́скирэ шэрэ́ и явэ́на тэ равэнпэ дро пра́хо.

Roiben 2:10

Годэпхурэ́ Сионоскирэ исын бэштэ́ штылэ́с пэ пхув; и исын ёнэ чхурдэна пра́хо пэ пэ́скирэ шэрэ́ и ёнэ подпхандэнапэ жалобнонэ гонэса. Ерусалимо́скирэ патывалэ́ тырнэ джувля́ бандякирэна шэрэ́ кэ пхув.

Ниеми́я 9:1

Пэ биш тэ шта́рто дывэ́с дро дава́ чхон скэдынэ́пэ сарэ́ чхавэ́ Израилёскирэ, савэ́ постынэна дрэ балы́тка гонэ́ (пеплоса) пэ шэро́.

Ióvo 1:20

И уштыя́ Ио́во и рискирдя́ пэ́скиро урибэ́н, и мурадя сарэ́са пэ́скиро шэро́, и пыя́ пэ пхув, дыя́ паклоно,

Isúso 7:6

Ису́со роскустя и́ди пэ́скирэ, и пыя́ пэ́скирэ мо́са пэ пхув анги́л Ра́скиро-Дэвлэ́скиро ковчэго, и пасия́ кэ бэльвэ́ль, ёв и Израилёскирэ пхурыдыра́, и обчхувэнас прахоса пэ́скирэ шэрэ́.

Sykadyipén 18:19

И ёнэ чхурдэнас пыло пэ лэнгрэ шэрэ́, дэ́нас го́дла, ровэнас и дэ́нас го́дла ясвэ́нца, пхэни́: “Бида, би́да, барэ́ фороскэ! Дро саво́ сарэ́ барвалынэ, конэ́стэ сыс па́рмы (корабли) пэ мо́рё (дэрья́в), форо́скирэ кучипнастыр! Пал-дова́ со дро екх мардо́ (шту́нда) дасаво миштыпэ́н хасия́.”

Ióvo 19:14

Мири́ сэмэ́нца ячкирдя́ ман, и миря мала́ бистырдэ ман.

Ester 4:1

Ке́ли Мардохе́ё уджиндя́ саро́, со кэрдя́пэ, ёв роскустя пэ́скирэ и́ди, и чхудя́ пэ пэ́стэ балытко гоно́ (вре́тишчо) и пра́ска; и ёв выгия́ пэ машкира́л фо́ро барэ́ и кирконэ ясвэ́нца, и задыя го́дла.

2 Kralip 13:36

И сыр ёв пхэндя́ дава́, ґа́да, явнэ́ крали́скирэ чхавэ́, и ґаздынэ́ го́дла и рондлэ́. И кокоро́ кра́ли и сарэ́ лэ́скирэ дына́рья рондлэ́ древа́н барэ́ ровибнаса.

1 Kralip 30:4

И ґаздыя́ го́дла Дави́до и мануша́, савэ́ сыс лэ́са, и рондлэ́, пака на яця́ дро лэ́ндэ зор тэ ровэ́н.

1 Kralip 11:4

И явнэ́ мануша́ дро Саулоскири Гива́, и пирипхэндлэ далэ́ лава́ дро манушэ́нгиро шуныбэ́н; и сарэ́ мануша́ ґаздынэ́ го́дла и зарондлэ.

Сэндарьенгири Лылвари́ 2:4

Ке́ли Ра́скирэ-Дэвлэ́скиро Янго́ло пхэндя́ далэ́ лава́ сарэ́ Израилёскирэ чхавэ́нгэ, тэды мануша́ ґаздынэ́ бари го́дла и зарондлэ.

Džiibén 27:34

Иса́во шундя́ пэ́скирэ дадэ́скирэ лава́, ґаздыя́ зоралы́ и древа́н кирки ґодла, и пхэндя́ пэ́скирэ дадэ́скэ: “Миро да́до! Бахтякир и ман.”

1 Kralip 4:12

И настя́ екх Вениамитянино марибнаскирэ штэто́стыр, и явдя́ дро Сило́мо, дро дова́-паць дывэ́с; и́дя пэ лэ́стэ сыс розкушны и пра́хо пэ лэ́скиро шэро́.

Е́здра 9:3

И ке́ли мэ шундём дава́, то мэ кусцём мири́ и́дя, и шални́ро (пальто), и мэ рискирдём бала́ мирэ́ шэрэстыр и чхорэндыр (бродатыр), и мэ со́мас бэшто́ дрэ бари дар.