Ióvo 10:3 - Библия - Пэ Балтитко Романи чиб (Романэс) 2019

³ Саво́ ж лачхипэ́н исын Ту́кэ, со Ту тасавэса, со Ту дыкхэ́са вычипнастыр пэ дава́, со Тырэ́ васта́ создынэ? И Ту зяинэса манушэ́нгирэ скэдынятыр?

Biblija - Pe Baltitko Romani čib (Romanes) 2019

³ Savó ž lačhipén isyn Túke, so Tu tasavesa, so Tu dykhésa vyčipnastyr pe davá, so Tyré vastá sozdyne? I Tu ziainesa manušéngire skedyniatyr?

Ióvo 10:3 Referans Kwoze

Isajos 64:8

Нэ какана́, Раё Дэ́вла, Ту сан амаро́ Дад; амэ сам ґлэя (бла́та), савья́тыр кэрэ́на кхорэ́, а Ту – Одова́, Кон создыя́ амэн; сарэ́ амэ – Тырэ́-вастэнгири буты́.

Psalmy 138:8

Рай Дэвэ́л кэрэ́ла адя́кэ, со мэ ява́ва бидошэ́нгиро: Тыри́ лачхэ́-илы́ткима, о Раё Дэ́вла, ячэ́лапэ пэ сарэ́ ве́ки; на мэк бутя́, со кэрдэ́ Тырэ́ васта́.

Ióvo 14:15

Ту кхарэсас ман, и мэ отпхэнавас Ту́кэ; соб (кай) Ту́тэ древа́н камэсас тэ дыкхэ́с ман, конэ́с Ту создыян.

1 Petr 4:19

И палдава́ мануша́, савэ́ пирилыджана пхарипэ́н пир Дэвлэ́скири во́ля, мэк ёнэ тэ отдэ́н пэ́скиро ди Лэ́скэ, Кон исын чачуно́, и Кон создыя́ лэн, и мэк ёнэ дурэды́р тэ кэрэ́н лачхипэ́н.

Psalmy 69:33

Штыл (тиха) мануша́ дыкхэ́на дава́ и явэ́на тэ радынэ́нпэ, и одолэ́, савэ́ родэ́на Дэвлэ́с, явэ́на тэ дживэ́н бахталэс.

Ióvo 40:8

[13] Гарав лэн кхэтанэ́ дро пра́хо, и чхакир лэ́нгирэ муя́ чораханэ́с,

Ióvo 40:2

[7] “Подпхандэпэ и яв скэдыно́ сыр мурш; Мэ ява́ва тэ пхучав ту́тыр, а ту явэ́са тэ отпхэнэс ма́нгэ:

Ióvo 22:18

Нэ Ёв пхэрдякирдя́ лэ́нгирэ кхэра́ миштыпнаса, а мэ дурьёвава бэдэ-манушэ́нгирэ скэдынятыр.

Ióvo 21:16

Ѓа́да, лэ́нгиро миштыпэ́н исын дрэ лэ́нгирэ васта́: нэ мэ на псирава пэ кадалэ́ бэдэ-манушэ́нгири скэдыны.

Ióvo 9:24

Пхув исын дыны́ дрэ бибахталэ́-манушэ́нгирэ васта́; Ёв учхакирдя́ сэндарье́нгирэ муя́. Ко́ли дава́ нанэ Ёв, то кон ишчо (инкэ́) дава́ сашты́ тэ кэрэ́л?

Ióvo 9:22

Сарэнца исын екх; палдава́ мэ пхэндём: Ёв хасякирэ́ла сыр бидошэнгирэс, адя́кэ-паць и фуе́ манушэ́с.

Ióvo 8:20

Акэ, Дэвэ́л на отчхурдэла Пэ́стыр бидошэнгирэ манушэ́с, сыр Ёв и на подрикирэ́ла пало́ васт одолэ́с, кон кэрэ́ла биба́хт.

Ióvo 10:8

Тырэ́ васта́ кхудэ́ кхэтанэ́ ман и создынэ ман – саво́ мэ сом; и акана́ Ту хасякирэса ман!

Ióvo 16:11

Дэвэ́л пиридыя ман надэвлытконэнгэ, и чхурдыя́ ман дрэ фуе́-манушэ́нгирэ васта́.

Ióvo 19:6

то тэды джинэ́н, со адава́ Дэвэ́л чхурдыя́ тэлэ́ ман, и дава́ Ёв обгия трусця́л ма́ндэ Лэ́скирэ кхудяса (мирежаса).

Ióvo 27:2

“Мэ совлахава джидэ́ Дэвлэ́са, Саво́ лыя́ криг ма́ндыр чачипэ́н, и Ёв Сарэзорья́киро, Саво́ кирнякирдя миро ди,

Ióvo 30:21

Ту яця́н биилытко, и Ту рикирэсапэ проти ма́ндэ сарэ́ Тырэ́ зорья́тыр.

Ióvo 31:15

Ци одова́, Кон создыя́ ман дрэ дакири лоч, ци на Ёв создыя́ кодолэ́ писхарье́н? Ци на Ёв высоздыя дуе́н дрэ лоч?

Ióvo 33:4

Дэвлэ́скиро Ду́хо создыя́ ман, и Сарэзорьякирэрэ Дэвлэ́скиро пхурдыпэн дыя́ джиибэ́н ма́нгэ.

Psalmy 100:3

Джинэ́н, со Рай Дэвэ́л исын амаро́ Дэвэ́л! Ёв создыя́ амэн, нэ амэ на кокорэ́ пэ́стыр явдя́м пэ дава́ свэ́то; амэ сам Лэ́скирэ мануша́ и амэ сам бакрэ́ Лэ́скирэ ґуртостыр.

Ióvo 15:13

со ту рискирдян ду́хо (фа́но) пэ Дэвлэ́стэ, и сыр кадасавэ́ лава́ выджа́на тырэ́ мо́стыр?