Ióvo 1:9 - Библия - Пэ Балтитко Романи чиб (Романэс) 2019

⁹ И на́лачхо отпхэндя́ Ра́скэ-Дэвлэ́скэ и пхэндя́: “Ци простэс Ио́во дарэ́ла Дэвлэ́стыр?

Biblija - Pe Baltitko Romani čib (Romanes) 2019

⁹ I nálačho otphendiá Ráske-Devléske i phendiá: “Ci prostes Ióvo daréla Devléstyr?

Ióvo 1:9 Referans Kwoze

Матфеё 16:26

Саво́ лачхипэ́н исын манушэ́скэ, ко́ли лэ́стэ явэ́ла саро́, со лэ́скэ трэй далэ́ свэто́стыр, а ёв хасякирэ́ла пэ́скиро ве́чно джиибэ́н? Нэ со ману́ш могинэ́ла тэ отдэ́л кучэдыр дро паруибэн пал пэ́скиро джиибэ́н?

1 Ximaske 6:6

Нэ исын бари льго́та, ко́ли манушэ́стэ исын дар анги́л Дэвлэ́стэ и ёв исын древа́н радо сарэ́стыр, со исын лэ́стэ.

1 Ximaske 4:8

Пал-дова́ со, кон залэлапэ пэ́скирэ мускулэнца и масэнца, дава́ лэ́скэ зорьякирэла лэ́скирэ маса́-дава́ исын набаро́ лачхипэ́н, нэ кон дживэ́ла дара́са анги́л Дэвлэ́стэ, одова́ янэ́ла лачхипэ́н пир саро́ и дэ́ла наде́я дро дава́ свэ́то и дрэ дова́, со явэ́ла анги́л.

Ióvo 2:10

Нэ ёв пхэндя́ ла́кэ: “Ту ракирэ́са сыр е́кх пхарэ́-шэрэскирэ джувлендыр, сави́ пхэнэлас: амэ адя́кэ-паць дорэсцям лачхипэ́н Дэвлэ́стыр, и ци амэ́нгэ адя́кэ-паць тэ на прилас биба́хт?” Пало́ саро́ дава́ Ио́во на пхэндя́ грэ́хо пэ́скирэ уштэ́нца.

Ióvo 1:21

и пхэндя́ ёв: “Нанго мэ рисёва́ва одори́к палэ: Рай Дэвэ́л дыя́ и Рай Дэвэ́л лыя́ криг; тэ явэ́л шардо Ра́скирэ-Дэвлэ́скиро лав!”

Малахия 1:10

“Ци исын вари-кон машки́р тумэ́ндэ, соб (кай) ёв фэды́р тэ пхандэл вудара́, и тэ на росхачкирэн тумэ́ яг ивья́ (напра́снэс) пэ Миро алта́рё? Мэ на радынавапэ тумэ́ндыр”, – ракирэ́ла янголэ́нгирэ-болыбна́скиро Рай Дэвэ́л. И Мэ на прилава свэ́нто дыибэ́н тумарэ́ вастэ́ндыр.

Sykadyipén 12:9

И баро́ драконо сыс чхурдыно́ тэлэ́, пхурано́ сап, савэ́с кхарэ́на на́лачхо ци бэнг, саво́ хохавэлас саро́ свэ́то. Ёв сыс чхурдыно́ тэлэ́ пэ пхув и лэ́скирэ Янго́лы сыс чхурдынэ́ тэлэ́.

Ióvo 1:10

Ци на Ту кэрдя́н тыно трусця́л лэ́стэ, и трусця́л лэ́скиро кхэр, и трусця́л кажно миштыпэ́н, со исын лэ́стэ? Ту бахтякирдян лэ́скирэ-вастэнгирэ бутя́ и лэ́скиро барвалыпэ́н адя́кэ бут, со розбария пэ пхув.