Ióvo 1:8 - Библия - Пэ Балтитко Романи чиб (Романэс) 2019

⁸ И пхэндя́ Рай Дэвэ́л налачхэскэ: “Ци придыкхцянпэ ту кэ Миро писха́ри Ио́во? Нанэ манушэ́с пэ пхув, кон исын адасаво́ бидошэ́нгиро и дэвлы́тко, саво́ дарэ́ла Дэвлэ́стыр и обрикирэла пэс тэ кэрэ́л биба́хт?”

Biblija - Pe Baltitko Romani čib (Romanes) 2019

⁸ I phendiá Raj Devél nalačheske: “Ci pridykhcianpe tu ke Miro pishári Ióvo? Nane manušés pe phuv, kon isyn adasavó bidošéngiro i devlýtko, savó daréla Devléstyr i obrikirela pes te kerél bibáht?”

Ióvo 1:8 Referans Kwoze

Ióvo 2:3

И Рай Дэвэ́л пхэндя́ налачхэскэ: “Ци придыкхцянпэ ту пэ миро дына́ри Ио́во? Нанэ ние́кх ману́ш пэ пхув, кон тэ явэ́л адасаво́ бидошэ́нгиро и дэвлы́тко, саво́ дарэ́ла Дэвлэ́стыр и обрикирэла пэс тэ на кэрэ́л биба́хт? И саво́ сарое́кх рикирэ́лапэ зоралэ́с дро пэ́скиро бибангипэн, на дыкхи́ пэ дова́, со ту подхачкирдян ман пэ лэ́стэ, соб (кай) Мэ тэ хасякира́в лэс би причынакиро.”

Ióvo 1:1

Екх ману́ш сыс пэ пхув Уц, лэ́скиро лав сыс Ио́во, ёв сыс бибангипнаскиро и дэвлы́тко ману́ш. Ёв дарандыя (дардяпэ) Дэвлэ́стыр и обрикирэлас пэс тэ кэрэ́л биба́хт.

Isajos 1:16

Выморэнпэ, явэ́н жужэ́; залэн тумарэ́ налачхэ́ рэ́нды Мирэ́ якхэ́ндыр; пириячэн тэ кэрэ́н чорипэ́н.

Pritčy 8:13

Соб (кай) тэ дэс паты́в кэ дар Ра́скэ-Дэвлэ́скэ, трэй древа́н тэ на камэс фуипэ́н, пхутькирибэ́н, и одолэ́н, кон пэс барьякирэ́ла, чорэ́ рэ́нды (де́лы) и, кон пэфроми ракирэ́ла чорипэ́н – мэ древа́н на кама́м.

Ióvo 8:20

Акэ, Дэвэ́л на отчхурдэла Пэ́стыр бидошэнгирэ манушэ́с, сыр Ёв и на подрикирэ́ла пало́ васт одолэ́с, кон кэрэ́ла биба́хт.

4 Kralip 23:25

Адасавэс, сыр ёв, на сыс крали́с англэды́р лэ́стыр, саво́ тэ рисёлас кэ Рай Дэвэ́л сарэ́ пэ́скирэ илэ́са, и сарэ́ де́са пэскирэса, и сарэ́ пэ́скирэ зорье́нца, пир саро́ Мойза́скиро Зако́но; и пало́ (после) лэ́стэ на тэрдия́ адасаво́ сыр ёв.

Psalmy 84:11

Пал-дова́ со екх дывэ́с пэ Тыри́ грэ́да исын фэды́р, сыр бар (тысёнцо) дывэса́. Мэ выкэдыём фэды́р тэ тэрдёвав пашы́л вуда́р Дэвлэ́скирэ-Кхэрэ́скиро, сыр тэ джива́в дрэ ша́тры, кай фуй мануша́.

Čysly 12:3

Мо́йза сыс ману́ш ковлэдыр (смиренэдыр) сарэ́ манушэ́ндыр пэ пхув.

Isajos 42:1

“Акэ исын Миро писха́ри, Конэ́с Мэ рикирава пал васт, Конэ́с Мэ выкэдыём, кэ Кон пасёла Миро ило́, Мэ чхува́ва пэ Лэ́стэ Миро ду́хо (фа́но), и Ёв пхэнэ́ла пал сэ́ндо кэ народы.

Psalmy 18:23

Мэ кэрдём пир сарэ́ Лэ́скирэ припхэныбэна́, мэ на отпхэндёмпэ Лэ́скирэ статутэндыр,

Ióvo 34:14

Ко́ли Ёв фэ́ни тэ думинэл пал Пэ́стэ, и тэ кэдэл криг Пэ́скиро Ду́хо (Фа́но) и Пэ́скиро пхурдыпэн тэ дживэ́н;

Ióvo 12:4

Мэ сом екх ману́ш, пэ конэ́стэ дру́го (мал) дыкхэ́ла бангэ́ мо́са, – мэ, кон кхарэ́ла Дэвлэ́с, и конэ́скэ Ёв отпхэнэ́ла: Мэ, дэвлы́тко и чачуно́ ману́ш, яцём сабнаса ваш явирэ́нгэ.

Isúso 1:7

Дыкх, яв зорало́ и древа́н муршкано́, и лачхэ́с ракх и кэр саро́ пир Зако́но, саво́ ракирдя́ ту́кэ Мо́йза, о писха́ри Миро; на отджа лэ́стыр ни пэ право (чачо́), ни пэ ле́во (зэ́рво), соб (кай) тэ тэ кэрэ́с годьварэс дрэ сарэ́ тырэ́ рэ́нды (де́лы).

Joannostir 1:47

Ису́со дыкхця́, со Нафанаило джа́ла кэ Ёв, и пхэндя́ пал лэ́стэ: “Ѓа́да, исын чачуно́ Израильтянино, саво́ исын би хохаибнаскиро.”

Езэкилё 40:4

И пхэндя́ ма́нгэ адава́ ману́ш: “‘Чхаво́ манушэ́скиро! Дыкх пэ́скрэ якхэ́нца и шун пэ́скрэ канэнца, и прилэ́ илэ́са саро́, со Мэ ява́ва тэ сыкавав ту́кэ, пал-дова́ со тут яндлэ́ ваш одова́, соб (кай) мэ тэ сыкавав ту́кэ дава́ саро́, со ту дыкхэ́са, пхэн зоралэ́с Израилёскирэ кхэрэ́скэ.”

Psalmy 89:20

Вари-сыр Ту ракирдян дро суно́ Пэ́скирэ Свэнтонэскэ и Ту пхэндя́н: “Мэ дыём васт екхэ муршканэскэ, Мэ ґаздыём лэс пэ троно, савэ́с Мэ выкэдыём манушэ́ндыр.

Psalmy 37:27

Рисёв криг чорипна́стыр и кэр лачхипэ́н, и ту явэ́са тэ дживэ́с манушанэс пэ пхув;

Psalmy 36:1

Хоро́скирэ Дирижоро́скэ. Давидо́скиро Пса́лмо, Ра́скирэ-Дэвлэ́скиро Писха́ри.

Psalmy 34:14

То обрикирэс пэ́скири чиб фуе́ лавэ́ндыр и пэ́скирэ ушта́ хоханэ́ лавэ́ндыр;

Ниеми́я 5:15

Яви́р барыдыра́ округакирэ, савэ́ сыс вагэдыр (ґарэдыр) ма́ндыр, пхарьякирдэ о народо, и лэнас лэ́ндыр маро́ и мол (вино), апри́ч штардэша́ шэ́кели рупувэ́; ишчо (инкэ́) э дына́рья лэ́нгирэ хулаиндлэ пэ манушэ́ндэ. Мэ-да на кэравас адя́кэ пиро́ дар Дэвлэ́стыр.

Isúso 1:2

“Мо́йза, писха́ри (рабо) Миро, мыя́; и адя́кэ ушты́, пириджа пир дава́ Иорда́но, ту и сарэ́ адалэ́ мануша́, пэ пхув, сави́ Мэ да́ва лэ́нгэ, Израилёскирэ чхавэ́нгэ.

Ióvo 2:1

И сыс дывэ́с, ке́ли Дэвлэ́скирэ чхавэ́ (Янго́лы) явнэ́ тэ сыкадён анги́л Растэ-Дэвлэ́стэ, и на́лачхо адя́кэ-паць явдя́ машки́р лэ́ндэ тэ сыкадёл анги́л Растэ-Дэвлэ́стэ.