Ióvo 1:5 - Библия - Пэ Балтитко Романи чиб (Романэс) 2019

⁵ И сыс адя́кэ: сыр свэнкитка дывэса́ кончынэнаспэ, одова́ Ио́во бичхавэлас пал чхавэ́ндэ, соб (кай) тэ освэнцынэн лэн. Ёв уштэлас тася́рлэс (ра́нэс) пэ зло́ко (пэ ра́нко), и ёв хачкирэлас свэ́нто яныбэ́н пал кажнонэ́ (сваконэ) чхавэ́стэ; пал-дова́ со Ио́во ракирдя́: “Мирэ́ чхавэ́, хай, могиндлэ́ тэ кэрэ́н грэ́хи и тэ кошэн Дэвлэ́с дрэ пэ́скирэ илэ.” Адя́кэ ўса́ды (сак) кэрдя́ Ио́во.

Biblija - Pe Baltitko Romani čib (Romanes) 2019

⁵ I sys adiáke: syr svenkitka dyvesá končynenaspe, odová Ióvo bičhavelas pal čhavénde, sob (kaj) te osvencynen len. Jov uštelas tasiárles (ránes) pe zlóko (pe ránko), i jov xačkirelas svénto janybén pal kažnoné (svakone) čhavéste; pal-dová so Ióvo rakirdiá: “Miré čhavé, xaj, mogindlé te kerén gréhi i te košen Devlés dre péskire ile.” Adiáke ŭsády (sak) kerdiá Ióvo.

Ióvo 1:5 Referans Kwoze

Ióvo 42:8

Палдава́ лэн акана́ эфта́ гурувэ́н и эфта́ бакрэ́н и джа́н кэ Миро писха́ри Ио́во и янэ́н лэн сыр свэ́нто хачкирибнаскиро дыибэ́н, и мэк Миро писха́ри Ио́во тэ мангэ́лпэ пал тумэ́ндэ. Пал-дова́ со мэ прилава лэ́скиро мангипэ́н, и соб (кай) Ма́нгэ тэ на сыкавав Пэ́скири зор пэ тумэ́ндэ пал тумаро́ дылныпэ́н, пал-дова́ со тумэ́ ракирдэ́ на чачипэ́н пал Ма́ндэ, сыр миро писха́ри Ио́во пхэндя́.”

Džiibén 8:20

И кэрдя́ Ноё алта́рё (жэртвенико) Ра́скэ-Дэвлэ́скэ; и лыя́ кажнонэ́ жужэ́ кхэритконэ́ мурдалэстыр (ското́стыр) и кажнонэ́ жужэ́ чириклятыр, и яндя́ цэ́ла хачкирибнаскирэ свэ́нта дыибэна́ пэ алта́рё.

Ióvo 8:4

Ко́ли тырэ́ чхавэ́ кэрдэ́ грэ́хи проти Лэ́стэ, тэды Ёв и сэндякирдя лэн пал лэ́нгиро чорипэ́н.

1 Kralip 16:5

И отпхэндя́ ёв: “Раманёса (миро́са) ваш свэ́нто яныбэ́н Ра́скэ-Дэвлэ́скэ явдём мэ; высвэнцынэнпэ и джа́н ма́нца кэ свэ́нто яныбэ́н Ра́скэ-Дэвлэ́скэ.” И высвэнцындя Есеёс (Иесеёскэ) и лэ́скирэ чхавэ́н, и кхардя́ лэн кэ свэ́нто яныбэ́н Ра́скэ-Дэвлэ́скэ.

Эфесянэнгэ 6:18

и дро кажно часо мангэ́нпэ дро Ду́хо (Фа́но) кажнонэ́ патерьяса (молитваса), адя́кэ-паць саро́ часо мангэ́нпэ Дэвлэ́скэ пал сарэ́ дэвлытконэнэ;

Apostolengiri Butý 8:22

Ри́скир пэс далэ́ грэхостыр и мангпэ Дэвлэ́скэ; соб (кай) Ёв тэ примангэн ту́кэ дова́, со сыс дро тыро́ ило́;

3 Kralip 21:13

И дуй мануша́, злыдни, бэшнэ́ маму́й лэ́стэ, и лынэ́ тэ досыкавэн пэ лэ́стэ далэ́ налачхэ́ мануша́ анги́л манушэ́ндэ, и ракирдэ́: “Навуфеё калякирдя Дэвлэ́с и крали́с.” И лыджинэ́ лэс пал фо́ро, и домардэ́ лэс барэ́нца, и мыя́ ёв.

3 Kralip 21:10

и чхувэ́н дуе́н манушэ́н, злыднен, маму́й проти лэ́стэ, савэ́ досыкавэнас пэ лэ́стэ, пхэни́: “Ту калякирдян Дэвлэ́с и крали́с; а тэ́ньчи лыджа́н лэс яври́, и домарэн лэс барэ́нца, соб (кай) ёв тэ мэрэ́л.”

Džiibén 22:3

Авраа́мо уштыя́ тася́рлэс (ра́нэс) пэ зло́ко (ра́нко), дыя́ андрэ́ пэ́скирэ осло́с (мегарис), лыя́ пэ́са дуе́н пэскирэн тэрнэ́-бэршэнгирэн и Исаакос, пэ́скирэ чхавэ́с. Ёв чингирдя ваш схачкирибэ́н кашта́, уштыя́, и гия́ пэ штэ́то, пал саво́ Дэвэ́л лэ́скэ пхэндя́.

1 Коринфянэнгэ 4:5

Тэды на сэндякирэн анги́л дова́, сыр Рай Дэвэ́л явэ́ла, Саво́ дудвалякирэла (обсвэнцынэла) и калэ́ (цёмна) чораханыбэна и откэрэла пэ якха́ адя́кэ-паць ґарадэ́ мысли дро манушы́тко ило́; и тэды сва́ко (кажно) ману́ш дорэсэ́ла (долэла) шарибэ́н Дэвлэ́стыр.

Apostolengiri Butý 21:26

Тэды Па́вли лыя́ одолэ́н манушэ́н и кхэтанэ́ лэ́нца прилыя́ жужакирибэн, нэ пэ яви́р дывэ́с ёв загия́ дрэ Кхангири́ и пхэндя́, ке́ли проджа́на (накхэ́на) жужакирибнаскирэ дывэса́ и пал кажнонэ́стэ лэ́ндыр явэ́ла яндло свэ́нто дыибэ́н.

Luka 18:7

И со ж, нау́што Дэвэ́л на затырдёла пал одолэ́ндэ, конэ́с Ёв выкэдыя́, савэ́ явэ́на тэ мангэ́нпэ роибнаса Лэ́скэ дывэ́с и рат, и Ёв явэ́ла тэ тырдэл отпхэныбнаса?

Joannostir 11:55

Явэ́лас сыг Юды́тко Патради́, и бут мануша́ адалэ́ рига́тыр явнэ́ дро Ерусалимо анги́л Патради́, соб (кай) тэ обжужакирэнпэ (тэ обчыстинэнпэ).

Luka 1:75

пир свэнтыма и патяибэ́н анги́л Лэ́стэ пир сарэ́ амарэ́ дывэса́.

Ереме́ё 4:14

Выморэн тумарэ́ илэ фуипнастыр, соб (кай) тумэ́нгэ тэ зракхэнпэ. Сыр ґара́ бибахталэ́ ду́мы явэ́на дрэ тумарэ́ шэрэ́?

Ekliesiastos 9:10

Саро́, со тыро́ васт латхэ́ла тэ кэрэ́л, кэр дава́ сарэ́ тырэ́ зоралыпнастыр, пал-дова́ со нанэ ни буты́, ни придуминэса нисо́, ни джиныбэ́н, ни годыпэ́н дрэ маґила (дрэ кула), карик ту кэдэсапэ тэ джас.

Psalmy 5:3

Шун мири́ зан, ке́ли мэ да́ва го́дла ясвэ́нца, миро Кра́лё и миро Дэ́вла, мэ мангавапэ Ту́кэ.

Ióvo 41:25

[32] Пэ пхув нанэ ние́кх, сыр Левиафано исын, кон исын создыно́ битрашакиро.

Ióvo 27:10

Ци явэ́ла ёв тэ радынэ́лпэ зоралэ́с Сарэзорьякирэ Дэвлэ́стыр? Ци явэ́ла ёв усады (сак) тэ кхарэл Дэвлэ́с?

Ióvo 2:9

И пхэндя́ лэ́скири ромны́ лэ́скэ: “Ту сароекх рикирэсапэ зоралэ́с дро пэ́скиро бибангипэн. Прокош (кэр арманя) Дэвлэ́с и мэр.”

Ióvo 1:11

Нэ Ту, ґа́да, фэ́ни (то́ка) лэ Пэ́скирэ вастэ́са и закэдэ саро́, со исын лэ́стэ, и ёв, чачэс, на явэ́ла тэ бахтякирэ́л Тут!”

Ниеми́я 12:30

И жужакирдэ́ (очистиндлэ) пэс рашая́, и Леви́ты, и жужакирдэ́ явирэ манушэ́н, и по́рта, и ва́нта.

Vygiiben 19:10

И пхэндя́ Рай Дэвэ́л Мойза́скэ: “Джа́ кэ мануша́, и высвэнцын лэн ададывэ́с и атася́; мэк ёнэ тэ выморэн пэ́скирэ и́ди (ризы),

Vygiiben 18:12

И яндя́ Иофоро, Мойза́скиро састро, цэ́ла схачкирибэна и свэ́нта дыибэна́ (жэртвы) Дэвлэ́скэ; и явдя́ Ааро́но и сарэ́ Израилёскирэ пхурыдыра́ тэ хан маро́ Мойза́скирэ састрэса анги́л Дэвлэ́стэ.

Džiibén 6:5

И Рай Дэвэ́л дыкхця́, со мануша́ лынэ́ бут тэ кэрэ́н фуипэ́н пэ пхув, со сарэ́ лэ́нгирэ думки и илэ сыс холынакирэ пэ кажно дывэ́с.

2 Коринфянэнгэ 11:2

Пал-дова́ со ма́ндэ сыс илэ́скиро хачкирибэ́н пал тумэ́ндэ Дэвлэ́скирэ хачкирибнаса, пал-дова́ со мэ дыём лав (ангрустякирдём тумэн) Екхэ́ Манушэ́скэ, Христосо́скэ, соб (кай) тумэ́ тэ явэ́н анги́л Лэ́стэ сы́рбы патывалы́ тэрнори́.

3 Kralip 18:31

И Или́я лыя́ дэшуду́й бара́ пир кицыпэн (чысло) пэ кхэри́тка ро́ды, савэ́ выгинэ́ Яково́скирэ чхавэ́ндыр, конэ́скэ Рай Дэвэ́л пхэндя́ адя́кэ: “Израилё явэ́ла лав тыро́.”

Vygiiben 24:5

и бичхадя́ Израилёскирэ чхавэ́ндыр тэрнэн, и ёнэ яндлэ́ цэ́ла схачкирибэна, и замардэ́ гуруворэ́н (тельцэн) ваш ми́рно свэ́нто дыибэ́н (жэ́ртва) Ра́скэ-Дэвлэ́скэ.

Ióvo 1:4

И лэ́скирэ чхавэ́ явэ́нас и свэнкинэнас кажно (сва́ко) дро пэ́скиро кхэр, дро дывэ́с, сыр лэ́скэ трэй, и ёнэ бичхавэнас и кхарэнас кэ пэ пэ́скирэ тринэ́ пхэнен тэ хан и тэ пьен лэ́нца.

Ióvo 6:14

Кодолэ́скэ, кон исын замэнчындло, трэй тэ ужакирэл лачхипэ́н малэндыр? Ко́ли ёв фэ́ни (то́ка) тэ на ячкирэл дар анги́л Сарэзорьякирэ Дэвлэ́стэ.

Езэкилё 14:14

Ко́ли б тэ латхэнпэ пэ доя́ пхув далэ́ трин мануша́: Ноё, Данила и Ио́во, то ёнэ фэ́ни (то́ка) пэ́скрэ свэнтонэ́ джиибнаса, то ракхэнас бы пэскро ди и буты́р ничи́”, – ракирэ́ла Рай Дэвэ́л, Дэвэ́л.