Ióvo 1:3 - Библия - Пэ Балтитко Романи чиб (Романэс) 2019

³ И лэ́стэ сыс дасаво миштыпэ́н: эфта́ бара́ (тысёнцы) бакрэ́, трин бара́ верблюды, пандж шэла́ гурувэнгирэ пары тэл ґа́мо, пандж шэла́ ослицы и древа́н бут дына́рья. И ёв сыс най барэды́р ману́ш пэ Васто́ко.

Biblija - Pe Baltitko Romani čib (Romanes) 2019

³ I léste sys dasavo mištypén: eftá bará (tysjoncy) bakré, trin bará vierbliudy, pandž šelá guruvengire pary tel ĥámo, pandž šelá oslicy i drieván but dynárja. I jov sys naj baredýr manúš pe Vastóko.

Ióvo 1:3 Referans Kwoze

Ióvo 29:25

Мэ выкэдавас дром лэ́нгэ, и мэ со́мас бэшто́ сыр шэрало́, и мэ ячаваспэ сыр кра́ли дро халадыбэ́н, сыр кодова́, кон подрикирэлас манушэ́н, савэ́ тугинэна.

Ióvo 42:12

И бахтякирдя́ Рай Дэвэ́л Иовос дро джиибна́скиро ко́нцо (яго́ро) буты́р сыр вагэдыр; и сыс Иовостэ дэшуштар бара́ бакрэ́, шов бара́ верблюды дро ґа́мо и екх бар ослицы.

Сэндарьенгири Лылвари́ 6:3

Ке́ли почхувэла дрэ пхув (посеинэла) Израилё, то явэ́на Мадианитяни и Амаликитяни и мануша́ вастоко́стыр, и псирэ́на лэ́ндэ;

3 Kralip 4:30

И сыс годы́ Соломоно́скири вучэды́р годятыр сарэ́ чхавэ́ндыр Вастоко́стыр и сарэ́ Египтянэнгирэ годятыр.

Čysly 23:7

И проракирдя ёв пэ́скири притча и пхэндя́: “Месопотамиятыр, яндя́ ман о Вала́ко, Моавоскиро кра́ли, васточнонэ бэргэндыр: ‘яв, прокош ма́нгэ Яково́с, яв, кэр фуипэ́н пэ Израилё!’

Pritčy 10:22

Ра́скирэ-Дэвлэ́скиро бахтякирибэ́н барьякирэ́ла манушэ́с, ёв нисо́ на могинэ́ла тэ причхувэл кэ дава́, кэри буты́ пхарэ́с.

Džiibén 12:16

И ёв пир ла́тэ кэрдя́ Аврамоскэ бут миштыпэ́н; и сыс лэ́стэ кхэри́тка мурдала́ (тыкно́ и баро́ ското): бакрэ́ и ослы (мега́рья), и слу́ги (дына́рья) и дынарицы (слугицы), и лошаки и верблюды.

Džiibén 12:5

И Авра́мо лыя́ пэ́са пэскирья́ ромня́ Сара, Лотос, пэ́скирэ пшалэ́скирэ чхавэ́с, и саро́ лэ́нгиро маёнко, со ёнэ скэдынэ́, и манушэ́н сарэ́н, савэ́ лэ́ндэ сыс дро Харано; и выгинэ́, соб (кай) тэ джа́н пэ Ханаано́скири пхув; и явнэ́ пэ Ханаано́скири пхув.

Džiibén 29:1

И уштыя́ Яково пэ ґэра́ и гия́ пэ вастокоскирэ-чхавэнгири пхув.

Džiibén 13:6

И пхув на могиндя́ лэн дуе́н тэ рикирэ́н, соб (кай) тэ дживэ́н кхэтанэ́, пал-дова́ со лэ́нгиро миштыпэ́н сыс дасаво баро́, со ёнэ на могиндлэ́ тэ дживэ́н кхэтанэ́.

2 Паралипоменоно 32:29

И фо́рья кэрдя́ пэ́скэ. И ста́ды тыкнэ́ и барэ́ кхэритконэ́ мурдалэ́ндыр сыс лэ́стэ древа́н бут; пал-дова́ со дыя́ лэ́скэ Дэвэ́л древа́н баро́ миштыпэ́н.

2 Паралипоменоно 26:10

И кэрдя́ ёв туры пэ чхучи́ пхув (пушча) и ґанадя бут вэндариня (водоё΄мы), пал-дова́ со лэ́стэ сыс бут кхэри́тка мурдала́, и пэ тэлатунэ́ пхувья́, и пэ лошчыны, и пхувья́кирэ бутярнэн и садовникэн (барьякирэ́н) пэ бэ́рги и пэ Кармило; пал-дова́ со ёв камдя́, соб (кай) тэ обкэрэн пхув.

4 Kralip 3:4

О Меса, Моавитоскиро кра́ли, сыс барвало́ скотоса и бичхавэлас Израилёскирэ крали́скэ пир шэл тысёнцы бакрэ́н и пир шэл тысёнцы бакрэ́н наобчхиндлэн.

1 Kralip 25:2

Сыс вари-кон дро Маона, а лэ́скири фэлатин сыс пэ Кармило, древа́н барвало́ ману́ш; лэ́стэ сыс трин тысёнцы бакрэ́н и тысёнцо бузнэн; и сыс ёв пашы́л пэ́скирэ бакрэнгиро подчхиныбэн пэ Кармило.

Сэндарьенгири Лылвари́ 6:5

Пал-дова́ со ёнэ явэ́нас пэ́скирэ скотоса и пэ́скирэ шатрэнца ада́кицы бут, сыр саранча; лэ́нгэ и верблюдэнгэ лэнгирэнгэ на сыс гиныбэ́н, и псирдэ́ ёнэ пир Израилёскири пхув, соб (кай) тэ кэрэ́н ла чхучи́.

Džiibén 34:23

Ци на ваш амэ́нгэ лэ́нгирэ ста́ды, и лэ́нгиро барвалыпэ́н, и кажно лэ́нгиро мурда́л? Екх трэй, – тэ зджаспэ лэ́нца дрэ годы́ и явэ́на тэ дживэ́н амэ́нца.”

Džiibén 25:6

А бисовлахакирэ-джувлякирэ чхавэ́нгэ, савэ́ сыс Авраамостэ, Авраа́мо дыя́ почасту́нки (подарки), и отбичхадя лэн Исаакостыр, пэ́скирэ чхавэстыр, ке́ли кокоро́ сыс джидо́, пэ васто́ко, пэ дая́ пхув.

Сэндарьенгири Лылвари́ 8:10

Зевеё и Салмано сыс дрэ Каркоро и лэ́нца лэ́нгирэ ополчэнии (отря́ды) кэ дэшупандж тысёнцы, сарэ́, ячнэ́пэ сарэ́ ополчэниестыр вастокоскирэ манушэ́ндыр; пынэ́ шэл тэ биш тысёнцы манушэ́н, савэ́ вытырдынэ курта́ла.

Сэндарьенгири Лылвари́ 7:12

Мадианитяни и Амаликитяни, и сарэ́ вастокоскирэ мануша́, тэрдинэ́ пэ до́ло адакицык бут, сыр саранча; верблюдэнгэ лэнгирэнгэ на сыс гиныбэ́н, лэн сыс бут, сыр пра́хо пэ морёскиро (дэрьявэ́скиро) брэ́го.

1 Kralip 27:9

И чхучакирдя Дави́до доя́ риг, и на ячкирдя́ джидэн ни муршэ́н, ни джувле́н, и закэдыя бакрэ́н и гурувэ́н, и ослэн, и верблюдэн, и и́дя; и рисия́, и явэ́лас кэ Анхусо.

Ióvo 1:4

И лэ́скирэ чхавэ́ явэ́нас и свэнкинэнас кажно (сва́ко) дро пэ́скиро кхэр, дро дывэ́с, сыр лэ́скэ трэй, и ёнэ бичхавэнас и кхарэнас кэ пэ пэ́скирэ тринэ́ пхэнен тэ хан и тэ пьен лэ́нца.

Ióvo 1:10

Ци на Ту кэрдя́н тыно трусця́л лэ́стэ, и трусця́л лэ́скиро кхэр, и трусця́л кажно миштыпэ́н, со исын лэ́стэ? Ту бахтякирдян лэ́скирэ-вастэнгирэ бутя́ и лэ́скиро барвалыпэ́н адя́кэ бут, со розбария пэ пхув.

Ióvo 21:28

Тумэ́ ж ракирэ́на: “Кай исын тхагарискиро кхэр? И кай исын ша́тра, дрэ сави́ дживэ́на бэда мануша́?”

Ióvo 31:25

Ци, ко́ли мэ древа́н тэ радынавпэ долэ́стыр, со мэ со́мас древа́н барвало́, ци пир дова́, со миро васт дорэсця́ бут;

Ióvo 31:37

мэ приджинаваспэ Дэвлэ́скэ пал кажно миро шаго (ламны), мэ сы́рбы тхага́ри джавас пашэдыр кэ Ёв.

Ióvo 42:10

И Рай Дэвэ́л дыя́ палэ Иовоскиро миштыпэ́н, ке́ли ёв мангдя́пэ пал лэ́скирэ малэндэ. И Рай Дэвэ́л дыя́ Иовоскэ дуй мо́лы бутэды́р, сыр сыс лэ́стэ.

Ереме́ё 49:28

Пал Кидаро и пал кралипэна́ Асороскирэ, савэ́ о Навуходоносо́ро, кра́ли Вавилоно́скиро, розмардя́. Адя́кэ ракирэ́ла Рай Дэвэ́л: “Уштэ́н, джа́н упрэ́ проти Кидаро и лучкирэн манушэ́н [чхавэ́н-р.с.] вастоко́стыр.

Džiibén 24:35

Рай Дэвэ́л древа́н бахтякирдя́ мирэс хула́с, и ёв яця́ барэ́ муршэса: Ёв дыя́ лэ́скэ бакрэ́н и ґурувэн, руп и сувнака́й, писхарье́н и писхарицэн, верблюдэн и ослэн;

Džiibén 32:14

дуйшэла́ бузнен (козэн), биш бузнэн (козлэн), дуйшэла́ бакрен, биш бакрэ́н,

2 Kralip 12:2

барвалэстэ сыс древа́н бут кхэритконэ́ мурдалэ́н (тыкно́ и баро́ ското),

4 Kralip 15:20

И росчхудя́ о Менаимо дава́ руп пэ Израильтянэндэ, пэ сарэ́ барвалэ́ манушэ́ндэ, пир пандждэша́ шэ́кели руп пэ кажнонэ́ (сваконэ) манушэ́стэ, соб (кай) тэ отдэ́л Асирия́кирэ крали́скэ. И рисия́ палэ кра́ли Асириятыр и на яця́пэ ёв одо́й пэ пхув.

1 Паралипоменоно 27:30

пэ верблюдэндэ – Овило Исмаильтянино; пэ ослицэндэ – Ехдиё Меронифянино;