Ióvo 1:10 - Библия - Пэ Балтитко Романи чиб (Романэс) 2019

¹⁰ Ци на Ту кэрдя́н тыно трусця́л лэ́стэ, и трусця́л лэ́скиро кхэр, и трусця́л кажно миштыпэ́н, со исын лэ́стэ? Ту бахтякирдян лэ́скирэ-вастэнгирэ бутя́ и лэ́скиро барвалыпэ́н адя́кэ бут, со розбария пэ пхув.

Biblija - Pe Baltitko Romani čib (Romanes) 2019

¹⁰ Ci na Tu kerdián tyno trusciál léste, i trusciál léskiro kher, i trusciál kažno mištypén, so isyn léste? Tu bahtiakirdian léskire-vastengire butiá i léskiro barvalypén adiáke but, so rozbarija pe phuv.

Ióvo 1:10 Referans Kwoze

Psalmy 34:7

Чороро́ ману́ш кхардя́ Лэс и Рай Дэвэ́л шундя́, и зракхця́ лэс сарэ́ лэ́скирэ пхарипнэндыр.

Заха́рия 2:5

И Мэ ява́ва’, – ракирэ́ла Рай Дэвэ́л, сыр екх ягитко ва́нта (сцяна) трусця́л лэ́стэ, и барьёла сла́ва Мири́ дрэ лэ́стэ андра́л.”

1 Petr 1:5

Пал савэ́ндэ Дэвэ́л Пэ́скирэ зорья́са явэ́ла тэ дыкхэ́л ваш зракхибэ́н, саво́ исын приготовиндло амэ́нгэ и явэ́ла сыкадо дро палатуно́ часо.

Pritčy 10:22

Ра́скирэ-Дэвлэ́скиро бахтякирибэ́н барьякирэ́ла манушэ́с, ёв нисо́ на могинэ́ла тэ причхувэл кэ дава́, кэри буты́ пхарэ́с.

Заха́рия 2:8

Пал-дова́ со адя́кэ ракирэ́ла, янголэ́нгирэ-болыбна́скиро Рай-Дэвэ́л: ‘Ваш сла́ва Ёв бичхадя́ ман кэ Наюды́тка на́цыи, савэ́ обчорэнас тумэн; пал-дова́ со саво́ чилавэ́ла тумэн, дочилавэлпэ кэ лялька (зрачко) дрэ якх Лэ́скири.

Ióvo 31:25

Ци, ко́ли мэ древа́н тэ радынавпэ долэ́стыр, со мэ со́мас древа́н барвало́, ци пир дова́, со миро васт дорэсця́ бут;

Džiibén 15:1

Пало́ далэ́ рэ́нды (де́лы) Ра́скирэ-Дэвлэ́скиро лав сыс дро дыкхибэ́н Аврамоскэ, и сыс пхэндло́: “Авраме, на дар; Мэ сом тыро́ шчы́то; мазу́ри (награда) ту́кэ тыро́ исын древа́н бари.

Psalmy 107:38

Ёв адя́кэ-паць бахтякирдя́ лэн, соб (кай) ёнэ тэ розбарьён зоралэ́с, и Ёв на домэкэла, соб (кай) тэ явэ́л тыкнэды́р мурдалэ́н лэ́ндэ.

Psalmy 90:17

И мэк шукарипэ́н амарэ́-Ра́скирэ-Дэвлэ́скиро, амарэ́ Дэвлэ́скиро тэ явэ́л пэ амэ́ндэ: дэ зор амарэ́-вастэнгирэ бутенгэ, зорьякир амарэ́ васта́, со кэрэ́на бутя́.

Яви́р Зако́но 7:13

и явэ́са ту дро́го Лэ́скэ, и Ёв бахтякирэ́ла тут, и Ёв кэрэ́ла адя́кэ, со явэ́ла бут тумэн, и бахтякирэ́ла трэ-масэ́нгиро барьякирдо́, и тырэ́-пхувья́киро барьякирдо́, и маро́ тыро́, и мол (вино) тыри́, и алеё (дзэт) тыро́ и дова́, кон явэ́ла бияндло барэ́ тырэ́ кхэритконэ́ мурдалэ́ндыр (ското́стыр) и тырэ́ стадакирэ бакрэ́ндыр пэ доя́ пхув, сави́ Ёв совлахадя́ тырэ́ дадэ́нгэ тэ дэл ту́кэ;

Džiibén 26:12

И почхувэлас зя́рка дро доя́ пхув Исаа́ко, и дро дова́ бэрш ёв дорэсця́ гив дрэ шэл мо́лы буты́р: адя́кэ бахтякирдя́ лэс Рай Дэвэ́л.

Isajos 5:5

Палдава́ пхэна́ва тумэ́нгэ, со кэра́ва Мэ Мирэ́ винаградникоса: Мэ лав Пэ́скэ лэ́стыр тыно, и явэ́ла ёв чхучо́, Мэ роспхагирава лэ́скирэ ва́нты, и явэ́на тэ пхагирэн лэс.

Isajos 5:2

Ёв обкэрдя (облыджия) лэс тыноса, жужакирдя лэс барэндыр, чхудя́ дрэ лэ́стэ лачхэ́ винаградоскирэ кашта́, кэрдя́ кхэр дрэ лэ́стэ, выґанадя одо́й штэ́то, соб (кай) тэ тасавэн винаградо, и ужакирэлас, со янэ́ла ёв лачхо́ барьякирдо́ (пло́до), а ёв яндя́ барьякирдо́ на́лачхо.

1 Kralip 25:16

ёнэ сыс ваш амэ́нгэ тыноса и дывэсэ́ и раты́ дро саро́ часо, ке́ли амэ ракхцям ста́ды пашы́л лэ́ндэ;

Яви́р Зако́но 33:27

Тыро́ Рай Дэвэ́л исын ґаратуно штэ́то тэ гарадёс, и ту сан тэл вечна васта́; Ёв традэ́ла криг вэргэ́н (врогэн) тырэ́ мо́стыр и пхэнэ́ла: “Хасякир лэн!”

Psalmy 71:21

Ту дэ́са буты́р зор ма́нгэ и ту подрикирэса ман кажнонэ́ рига́тыр.

Ióvo 42:12

И бахтякирдя́ Рай Дэвэ́л Иовос дро джиибна́скиро ко́нцо (яго́ро) буты́р сыр вагэдыр; и сыс Иовостэ дэшуштар бара́ бакрэ́, шов бара́ верблюды дро ґа́мо и екх бар ослицы.

Džiibén 49:25

тырэ́-дадэ́скирэ Дэвлэ́стыр, Саво́ помогинэла ту́кэ, и Сарэзорьякирэстыр, Саво́ и бахтякирэ́ла тут вучипна́стыр болыбна́скирэ бахтякирибнаса, хорипнаскирэ бахтякирибнаса, саво́ исын пашто́ дро до́ло, бахтякирибнаса цюцендыр (сосцэндыр) и лочовя́тыр (утробатыр),

Džiibén 30:43

И кэрдя́пэ дава́ ману́ш древа́н барвало́, и сыс лэ́стэ бут тыкнэ́ кхэри́тка мурдала́ (тыкно́ ското), и дынарицэн, и дынарье́н, и верблюдэн, и ослэн.

Džiibén 30:30

пал-дова́ со на́бут сыс кхэри́тка мурдала́ ту́тэ анги́л ма́ндэ, а акана́ яця́ бут; Рай Дэвэ́л бахтякирдя́ тут мирэ́ явибнаса; ке́ли мэ ява́ва тэ кэра́в буты́ ваш пэ́скиро кхэр?”

Psalmy 80:12

Ёв розмэкця пэ́скирэ рандя́ (вэ́тки) кэ мо́рё (дэрья́в), а пэ́скирэ сэнки (суки) кэ рэка (лэнь).

Psalmy 5:12

Мэк сарэ́, кон сарэ́са патя́ла Ту́кэ, тэ радынэ́нпэ сарэ́ зорья́тыр. Мэк ёнэ кажно мо́ло тэ годлэн радыма́тыр, пал-дова́ со Ту сан тэрдо́ пала́л тэ зракхэс лэн. Мэк сарэ́, конэ́скэ исын дро́го Тыро́ лав, тэ радынэ́нпэ Ту́тыр.

Ióvo 29:6

ке́ли мирэ́ ґэра́ компиндлэпэ дро тхуд, и ке́ли ска́ла чхувэлас пал ма́ндэ оливи́тко дзэт рэкэнца!

Яви́р Зако́но 33:11

Бахтякир, Раё Дэ́вла, лэ́скири зор, и рэ́ндо лэ́скирэ вастэнгиро, занасвалякир трушула (думитко) одолэнгирэ, савэ́ ґаздэ́напэ пэ лэ́стэ и конэ́скэ ёв исын на пир ило́, соб (кай) ёнэ тэ на могинэн тэ тэрдён пэ ґэра́.”

Džiibén 39:5

И долэ́ дывэсэ́ндыр, сыр ёв лэс чхудя́ пэ пэ́скиро кхэр и пэ саро́, со сыс лэ́стэ, Рай Дэвэ́л бахтякирдя́ Египтяниноскиро кхэр ваш Ёза́скэ, и сыс Ра́скирэ-Дэвлэ́скиро бахтякирибэ́н пэ саро́, со сыс лэ́стэ дро кхэр и пэ фэ́лда.

Ióvo 1:3

И лэ́стэ сыс дасаво миштыпэ́н: эфта́ бара́ (тысёнцы) бакрэ́, трин бара́ верблюды, пандж шэла́ гурувэнгирэ пары тэл ґа́мо, пандж шэла́ ослицы и древа́н бут дына́рья. И ёв сыс най барэды́р ману́ш пэ Васто́ко.

Ióvo 29:2

“О, соб (кай) ма́нгэ тэ явав кадасавэса сыр дрэ прогинэ́ чхона́, сыр дрэ дывэса́, ке́ли Дэвэ́л приракхэлас ман;