Ioil 3:4 - Библия - Пэ Балтитко Романи чиб (Романэс) 2019

⁴ Чачэс, со тумэ́ Ма́нгэ, Ти́ро и Сидоно, и брэгитка штэ́ты пэ Филистимакири пхув? Ци явэ́на тумэ́ тэ отдэ́н палэ фуипнаса проти Ма́ндэ? Нэ ко́ли тумэ́ явэ́на тэ отдэ́н палэ фуипнаса проти Ма́ндэ, Мэ древа́н сы́гэс отда́ва палэ фуипэ́н пэ тумаро́ шэро́.

Biblija - Pe Baltitko Romani čib (Romanes) 2019

⁴ Čačes, so tumé Mánge, Tíro i Sidono, i bregitka štéty pe Filistimakiri phuv? Ci javéna tumé te otdén pale fuipnasa proti Mánde? Ne kóli tumé javéna te otdén pale fuipnasa proti Mánde, Me drieván sýges otdáva pale fuipén pe tumaró šeró.

Ioil 3:4 Referans Kwoze

Ереме́ё 47:4

Пал-дова́ со явэ́ла дывэ́с тэ вымарэн сарэ́ Филистимлянэн, тэ ячкирэн Ти́ро и Сидоно сарэ́са би помогибнаскиро, савэ́ ячэ́напэ. Рай Дэвэ́л ячкирэ́ла нисоса Филистимлянэн, савэ́ ячнэ́пэ островостыр Кафторостыр.

Isajos 59:18

Ёв отдэ́ла палэ фуипнаса, кицы́ трэй, кицы́ трэй явэ́ла дрэ холы́ кэ Пэ́скирэ вэ́рги, Ёв отхала (отдэ́ла) палэ Пэ́скирэ вэргэ́нгэ; островэнгэ Ёв отдэ́ла палэ.

Isajos 34:8

Явдя́ дывэ́с, ко́ли отхала (отдэ́ла) палэ Рай Дэвэ́л, ко́ли пхучэлапэ Ёв пал Сио́но.

2 Фесалоникийцэнгэ 1:6

Дэвэ́л исын чачуно́, и Ёв чхувэ́ла би́да пэ одолэ́ манушэ́ндэ, савэ́ кэрдэ́ би́да тумэ́нгэ;

Apostolengiri Butý 9:4

и, сыр ёв пыя́ пэ пхув, шундя́ зан, сави́ ракирдя́ лэ́скэ: “Са́вле, Са́вле! Со́скэ ту Ман традэса?”

Luka 18:7

И со ж, нау́што Дэвэ́л на затырдёла пал одолэ́ндэ, конэ́с Ёв выкэдыя́, савэ́ явэ́на тэ мангэ́нпэ роибнаса Лэ́скэ дывэ́с и рат, и Ёв явэ́ла тэ тырдэл отпхэныбнаса?

Матфеё 11:21

“Бида ту́кэ, Хоразино! Бида ту́кэ, Вифсаида! Пал-дова́ со, ко́ли дасавэ́ ди́вы, со сыс кэрдэ́ дрэ тумэ́ндэ, тэ явэ́н кэрдэ́ дрэ Ти́ро и Сидоно, ёнэ ґара́ рискирэнас пэ́скиро джиибэ́н кэ Дэвэ́л дро урибэ́н балытконэ гонэстыр и дро пепло.

Ереме́ё 51:6

Нашэ́н Вавилоно́скирэ машкиралыпнастыр, и со кэ екх ману́ш мэк тэ ракхэ́л пэ́скиро джиибэ́н, соб (кай) тэ на хасёл пал Вавилоно́скиро чорипэ́н. Ѓа́да, исын часо, со Рай Дэвэ́л дукхавэла палэ, Ёв отдэ́ла палэ лэ́скэ.

2 Паралипоменоно 21:16

И ґаздыя́ Рай Дэвэ́л проти Иорамостэ ду́хо (фа́но) Филистимлянэнгиро и Аравитянэнгиро (Арабэнгиро), савэ́ дживдэ́ пашы́л Ефиоплянэндэ;

Сэндарьенгири Лылвари́ 11:12

И бичхадя́ Ефаё манушэ́н кэ Амонитянэнгиро кра́ли тэ пхэнэ́л: “Со ту́кэ кэ мэ, со ту явдя́н кэ мэ тэ марэспэ пэ мири́ пхув?”

Яви́р Зако́но 32:35

Ма́нгэ тэ отхав палэ и тэ отдав, ке́ли обштавэлапэ лэ́нгири ґэро́й; пал-дова́ со сыг явэ́ла лэ́нгиро хасибны́тко дывэ́с, сыг явэ́ла приготовиндло ваш лэ́нгэ.

Матфеё 11:22

Нэ Мэ пхэна́ва тумэ́нгэ, со явэ́ла локхэды́р дро сэндоскиро дывэ́с Тироскэ и Сидоноскэ, сыр явэ́ла тумэ́нгэ.

Luka 10:13

Бида ту́кэ, Хоразино! Бида ту́кэ, Вифсаида! Пал-дова́ со, ко́ли дасавэ́ ди́вы, со сыс кэрдэ́ дрэ тумэ́ндэ, тэ явэ́н кэрдэ́ дро Ти́ро и Сидоно, ёнэ ґара́ рискирэнас пэ́скиро джиибэ́н кэ Дэвэ́л дро урибэ́н балытконэ гонэстыр и дро пепло;

Luka 10:14

а Тироскэ и Сидоноскэ явэ́ла локхэды́р дро сэндоскиро дывэ́с, сыр явэ́ла тумэ́нгэ;

Isajos 14:29

“На ра́дынпэ Филистиякири пхув, со пхадёла дэсто́, саво́ тут марэлас, пал-дова́ со сапитконэ родо́стыр выджа́ла сап, а далэ́ сапэстыр – сап, саво́ явэ́ла тэ вурнял.

Ереме́ё 47:1

Лав Ра́скирэ-Дэвлэ́скиро, саво́ сыс пророкоскэ Еремеёскэ пал Филистимия́кирэ манушэ́ндэ анги́л дова́, сыр фарао́но пыя́ (розмардя́) Газа.

Ioil 2:2

явэ́ла дава́ дывэ́с кало́ и тугитко, хмуры́тко дывэ́с ґэнстонэ калыпнаса (цямлыпнаса), сыр о́блоки пэ зло́ко (пэ ра́нко) розджанапэ палэ бэ́рги, адя́кэ-паць и явэ́на мануша́, барэ́ и зоралэ́, савэ́ на сыс векэндыр: и кадасавэ́-паць буты́р на явэ́на ние́кхвар пал лэ́ндэ машки́р манушэ́нгирэ ро́ды.

Ioil 2:10

Пхув явэ́ла тэ издрал анги́л лэ́ндэ, и болыбэ́н тэ рискирэлпэ кхам и чхон покалёна, и чэргэня́ пириячэна тэ зяинэн.