Ioil 3:2 - Библия - Пэ Балтитко Романи чиб (Романэс) 2019

² тэды Мэ адя́кэ-паць кэдава сарэ́ Наюды́тка на́цыи, и Мэ яна́ва лэн тэлэ́ пэ до́ло Иосафато́скиро, и Мэ ла́ва тэ сэндинавпэ лэ́нца одо́й пал Мирэ́ манушэ́ндэ, Миро миштыпэ́н – Израилё, савэ́н ёнэ росчхудэ тэ дживэ́н машки́р Наюды́тка на́цыи, и ёнэ роскэрдэ Мири́ пхув.

Biblija - Pe Baltitko Romani čib (Romanes) 2019

² tedy Me adiáke-pac' kedava saré Najudýtka nácyi, i Me janáva len telé pe dólo Iosafatóskiro, i Me láva te sendinavpe lénca odój pal Miré manušénde, Miro mištypén – Izrailjo, savén jone rosčhude te dživén maškír Najudýtka nácyi, i jone roskerde Mirí phuv.

Ioil 3:2 Referans Kwoze

Софония 3:8

“Палдава́ ужакирэн Ман”, – ракирэ́ла Рай Дэвэ́л, – “кэ/ жы́ко дава́ дывэ́с, дро саво́ Мэ ява́ва тэ бангякирав. Миро припхэныбэ́н исын дасаво, соб (кай) тэ кэдав кхэтанэ́ кралипэна́ тэ вычхував пэ лэ́ндэ Мири́ холы́, сари́ Мири́ бари холын; пал-дова́ со Мирэ́-зэвлыныпнаскири яг похала сари́ пхув.

Isajos 66:16

Рай Дэвэ́л явэ́ла тэ сэндинэл кажно лоч (плоть), яга́са и холя́са, бут манушэ́н Ёв хасякирэ́ла.

Езэкилё 38:22

И Мэ ява́ва Тэ сэндякирав пхарэ́с лэс; Мэ выкхарава пэ лэ́стэ мэрибнытка фра́нсы и ратвало домарибэн, и Мэ вычхувава пэ лэ́стэ, пэ лэ́скирэ халадэ́нгирэ полки, пэ бут народы, савэ́ исын лэ́са тасадыпнаскиро брышы́нд, саво́ сарэ́н хасякирэ́ла, баруно градо, яг и се́ра (дзэвэ́ля).

Sykadyipén 16:16

И кадалэ́ бэнгланэ ду́хи кэдынэ кхэтанэ́ кралье́н пэ штэ́то, со кхарэ́лапэ Юдыткэс “Армагедоно.”

Ioil 3:12

“Мэк Наюды́тка на́цыи тэ джангадён, и мэк тэ явэ́н пэ до́ло Иосафато́скиро: пал-дова́ со одо́й Мэ, Рай Дэвэ́л, бэшава тэ сэндякирав сарэ́ Наюды́тка на́цыи, со исын трусця́л (кругом).

Езэкилё 39:11

“Явэ́ла дро дова́ дывэ́с: Мэ да́ва Гогаскэ штэ́то ваш мэрибэ́н дро Израилё: до́ло, кай проджа́на мануша́, пэ васто́ко морёстыр (дэрьявэстыр); дава́ штэ́то явэ́ла тэ зарикирэл кажнонэс, кон тэ на джа́лас пашы́л одо́й; гаравэна одо́й Гогас и саро́ лэ́скиро-халадыбэ́н; явэ́на тэ кхарэ́н дава́ штэ́то, Гогаскирэ халадэ́нгиро табороскиро до́ло.

Езэкилё 35:10

Пал-дова́, со ту ракирэсас: Кадалэ́ дуй народы, кадалэ́ дуй пхувья́ явэ́на Мирэ́, амэ заласа лэн, на подыкхаса, со Рай Дэвэ́л, Дэвэ́л сыс одо́й, –

Ереме́ё 25:31

Глумо (шумо) доджа́ла кэ яго́ры (кэ краи́) пхувья́кирэ: пал-дова́ со Растэ-Дэвлэ́стэ исын чинга́рд (споро) Наюдытконэ́ нацые́нца, Ёв явэ́ла тэ лыджа́л сэ́ндо кажнонэ́ лочаса (плотяса), нэ фуе́ манушэ́н Ёв бичхавэ́ла сарэ́н тэл курта́ла,” – адя́кэ ракирэ́ла Рай Дэвэ́л.

Sykadyipén 20:8

и ёв джа́ла анги́л тэ хохавэ́л манушы́тка на́цыи (народы), савэ́ исын пэ штар пхувья́кирэ вэ́нглы, Гога и Магога. На́лачхо явэ́ла тэ кэдэл кхэтанэ́ лэн пэ марибэ́н, лэ́нгиро кицыпэн (количэство) явэ́ла баро́-сыр морёскиро (дэрьявэ́скиро) пра́хо.

Sykadyipén 16:14

И далэ́ бэнгланэ ду́хи, со кэрэ́на ґертыка́ (знаме́нии), джа́на англэ кэ кра́лья пэ дава́ саро́ свэ́то, кай исын мануша́, соб (кай) тэ кэдэнпэ кхэтанэ́ марибна́са пэ Дэвлэ́стэ Сарэзорьякирэстэ пэ баро́ Дывэ́с.

Sykadyipén 16:6

Пал-дова́ со ёнэ прочхудэ рат Трэ свэнтонэнгирэ и пророкэнгиро, И палдава́ Ту дыя́н лэ́нгэ рат тэ пьен, сыр ёнэ исын мол дава́.

Amoso 1:11

Адя́кэ ракирэ́ла Рай Дэвэ́л: “Пал трин чорипэна, со кэрдэ́ мануша́ Эдомостыр, и пал штар чорипэна, Мэ на отмэка́ва лэ́нгэ банг, пал-дова́ со ёнэ традэнаспэ пал пэ́скирэ пшалэ́стэ куртала́са и ёнэ на тангиндлэ лэн сыр сэмэ́нца, и лэ́нгири холы́ хачолас бипириячыбнаскиро, и ёнэ ўса́ды (сак) рикирэнас холы́ (мижэхипэн).

Езэкилё 36:5

Палдава́ адя́кэ ракирэ́ла Рай Дэвэ́л, Дэвэ́л: “Дрэ Мири́ зэвлыныпнаскири яг Мэ пхэндём лав пэ яви́р народы, пэ сари́ Идумея, пэ народы, савэ́ думинэнас тэ залэн Мири́ пхув пэ́скэ; илэ́скирэ радыма́са и налачхэ́ дыкхибнаса дро ди камэнас тэ залэн ла пэ́скэ.”

Езэкилё 25:8

Адя́кэ ракирэ́ла Рай Дэвэ́л, Дэвэ́л: “Пал-дова́ со Моа́во и Сеиро (Эдо́мо) ракирэ́на: акэ, Юда́скиро кхэр яця́ дасаво, сыр сарэ́ народы (манушы́тка на́цыи),

Ереме́ё 49:1

Адя́кэ ракирэ́ла Рай Дэвэ́л пал Амоноскирэ чхавэ́ндэ: “Ци нанэ чхавэ́н дро Израилё? Ци нанэ лэ́стэ прилыибнаскиро (наследнико) пэ мэкно́ миштыпэ́н? Со́скэ тэды о Малхомо прилыя́ мэкно́ миштыпэ́н Гадостыр, и лэ́скирэ мануша́ дживэ́на дрэ Гадоскиро фо́рья?

Ереме́ё 12:14

Адя́кэ ракирэ́ла Рай-Дэвэ́л пэ сарэ́ бибахталэ́ Израилёскирэ суседэндэ (котарьендэ): “Савэ хасякирэна пхув, сави́ Мэ сыр миштыпэ́н дыём манушэ́нгэ Израилёстыр. Акэ, Мэ рискира́ва яври́ лэн Израилёскирэ пхувья́тыр и Мэ вырискирава Юда́скиро кхэр лэ́ндыр.

2 Паралипоменоно 20:26

А пэ шта́рто дывэ́с скэдынэ́пэ пэ бахтякирибнаскиро до́ло, адя́кэ сыр одо́й ёнэ бахтякирдэ Рас-Дэвлэ́с. Палдава́ и кхарэ́на дова́ штэ́то бахтякирибнаскирэ долоса кэ дава́ дывэ́с.

Sykadyipén 11:18

На́юды холясынэ долэ́скэ, со явдя́ Тыри́ холы́ дро часо тэ сэндякирэс мулэн, и тэ отдэс палэ Пэ́скирэ писхарье́нгэ, пророкэнгэ, и свэнтонэнгэ и одолэ́нгэ, савэ́ дарэ́на Тырэ́ лавэ́стыр, барэнгэ и тыкнэнгэ. Тэ мулякирэс одолэ́н, савэ́ хасякирэна пхув.”

Isajos 66:18

“Пал-дова́ со Мэ джино́м лэ́нгирэ рэ́нды и ду́мы; акэ, Мэ ява́ва тэ скэдав сарэ́ народы и екхэ-чибьякирэ ро́ды; ёнэ явэ́на и дыкхэ́на Мири́ паты́в.

Ереме́ё 50:17

‘Мануша́ Израилёскирэ исын сы́рбы бакрэ́, савэ́ росчхурдынэ, кай якха́ дыкхэ́на, шчэра́ (левы) рострадынэ лэн криг: англэды́р кра́ли Асирия́киро похая лэн, и акана́, палатуно́ (после́днё) кадава́ Навуходоносо́ро, кра́ли Вавилоно́скиро, пхагирдя́ лэ́нгирэ кокалы́.’

Езэкилё 34:6

Псирэ́на Мирэ́ бакря́ пир сарэ́ бэ́рги, пир кажно вучи́ бэ́ргица, пир сари́ пхув роспрастандынэпэ Мирэ́ бакря́, и нико́н на роспхучэлпэ пал лэ́ндэ, нико́н на родэ́ла лэн.

Езэкилё 36:1

“Ту, манушэ́скиро чхава, пхэн пир лав ангилпхэныбэ́н, пэ Израилёскирэ бэ́рги, пхэн: ‘Бэ́рги Израилёскирэ! Шунэ́н Ра́скирэ-Дэвлэ́скиро лав.

Ioil 3:14

Бут, бут мануша́ исын пэ до́ло, пэ саво́ присэндинэна! Пал-дова́ со дывэ́с Ра́скирэ-Дэвлэ́скиро исын пашы́л пэ до́ло, пэ саво́ присэндинэна.

Mihiejo 4:12

Нэ ёнэ на джинэ́на, со думинэ́ла Рай Дэвэ́л, и ёнэ на ґалёна, ке́ли Ёв дэ́ла лачхи́ годы́ лэ́нгэ, со Ёв кэдыя кхэтанэ́ лэн сыр ґарбы (снопы) пэ гиваобкэрибнаскири шу́рна.