Ioil 3:18 - Библия - Пэ Балтитко Романи чиб (Романэс) 2019

¹⁸ И явэ́ла адя́кэ дро дова́ дывэ́с, со нэви́ мол (вино) явэ́ла тэ тхадэл бэргэндыр, и тхуд явэ́ла тэ чхувэлпэ бэргицэндыр, и панескирэ ровицы (хохоёрэ́) дрэ Юдэ́я явэ́на пхэрдэ́ пане́са, а фонтано (фолахар) явэ́ла тэ чхувэ́л пхэрдэ́с пани́ Ра́скирэ-Дэвлэ́скирэ Кхэрэскир и ёв явэ́ла тэ дэл пани́ пэ до́ло Ситимо.

Biblija - Pe Baltitko Romani čib (Romanes) 2019

¹⁸ I javéla adiáke dro dová dyvés, so neví mol (vino) javéla te thadel bergendyr, i thud javéla te čhuvelpe bergicendyr, i panieskire rovicy (xohojoré) dre Judéia javéna pherdé paniésa, a fontano (folahar) javéla te čhuvél pherdés paní Ráskire-Devléskire Khereskir i jov javéla te del paní pe dólo Sitimo.

Ioil 3:18 Referans Kwoze

Заха́рия 14:8

И явэ́ла дро дова́ дывэ́с: джидэ́ паня́ лэ́на тэ тхадэн Ерусалимо́стыр, паш лэ́ндыр кэ васточно мо́рё (дэрья́в). И паш лэ́ндыр кэ за́падно мо́рё (дэрья́в): лына́скиро и ивантэ́скиро (зимакиро) явэ́ла адя́кэ.

Isajos 35:6

Тэ́ньци лангало сыр оленё явэ́ла тэ ухтэл, бичибакиро (немо) забагала, пал-дова́, со промарлапэ пани́ пэ чхучи́ пхув и пэ мал (степ) промарнапэ сыгна рэкицы.

Isajos 30:25

И пэ кажно бэ́рга, пэ кажно бэ́ргица тхадэ́ла пани́, дава́ явэ́ла дрэ баро́ марибны́тко дывэ́с, ко́ли вучэ́ кхэра́ пэрэ́на.

Čysly 25:1

И дживдя́ Израилё кэ Ситимо, и лынэ́ мануша́ тэ кэрэ́н биладжаипэ́н Моавоскирэ чхаенца,

Psalmy 46:4

Мэк паня́ тэ брилинэн (тэ ревинэн) и тэ кэрдён пенаса, мэк бэ́рги тэ тринскирэнпэ пэ́скирэ зорья́тыр. Сэ́ла.

Ióvo 29:6

ке́ли мирэ́ ґэра́ компиндлэпэ дро тхуд, и ке́ли ска́ла чхувэлас пал ма́ндэ оливи́тко дзэт рэкэнца!

Vygiiben 3:8

и Мэ джа́ва тэ ракхав лэн Египтянэнгирэ вастэ́ндыр и тэ вылыджав лэн далэ́ пхувья́тыр пэ лачхи́ и бари пхув, кай тхадэ́ла тхуд и авги́н, пэ Хананеенгири, Хитеенгири, Амореенгири, Ферезеенгири, Евеенгири и Евусеенгири пхув.

Mihiejo 6:5

О Мирэ́ мануша́лэ! Пририпирэн акана́, сыр о Вала́ко, кра́ли Моавитоскиро, придуминэлас чорипэ́н, и со отпхэнэ́лас лэ́скэ Валаа́мо, чхаво́ Веороскиро, и со кэрдя́пэ пэ маля (степи) машки́р Ситимо и Галга́ло, соб (кай) тумэ́ могинэ́нас сашты́ тэ уджинэ́н чачипэ́н Ра́скирэ-Дэвлэ́скиро.”

Isajos 44:3

Мэ вычхувава пани́ пэ одолэ́стэ, кон древа́н камэ́ла пани́, и барэ́ панинга́ пэ дова́, со вышутия; Мэ вычхувава Миро ду́хо (фа́но) пэ тыро́ кхэри́тко ро́до и бахтякирибэ́н Миро пэ тырэ́ чхаворэндэ, савэ́ ишчо (инкэ́) явэ́на анги́л.

Isajos 45:8

Мэк болыбэ́н тэ дэл брышы́нд, мэк тэ чхувэлпэ чачипэ́н болыбна́стыр, мэк тэ откэрэлпэ пхув, соб (кай) тэ дэл зракхибэ́н, мэк кхэтанэ́ тэ барьёл чачипэ́н. Мэ, Рай Дэвэ́л, кэра́ва саро́ дава́.

Isajos 55:1

“Кон древа́н камэ́ла тэ пьел (исын трушало), мэк тэ джал кэ пани́! Ко́ли нанэ тумэ́ндэ ловэ́, усае́кх джа́н, кинэн и хан! Кинэн биловэнгиро мол (вино) и тхуд!

Isajos 66:11

соб (кай) тэ хан и тэ чалён Лэ́скирэ радыма́тыр, тэ пьен и тэ радынэ́нпэ барэ́ Лэ́скирэ барипнастыр.”

Ереме́ё 31:12

Палдава́ ёнэ явэ́на тэ бага́н пэ бэ́рга Сио́но, и ёнэ припрастана кхэтанэ́ пэ Ра́скирэ-Дэвлэ́скиро лачхипэ́н; – пэ парно́ гив, пэ мол (лолы бравинта), пэ маслинитко дзэт (елеё), пэ тыкнорэндэ ґуртостыр и стадатыр; и лэ́нгиро ди явэ́ла сыр у́нта (садо), сави́ древа́н почхуды пане́са, и ёнэ буты́р на явэ́на тэ тугинэн.