Ioil 3:12 - Библия - Пэ Балтитко Романи чиб (Романэс) 2019

¹² “Мэк Наюды́тка на́цыи тэ джангадён, и мэк тэ явэ́н пэ до́ло Иосафато́скиро: пал-дова́ со одо́й Мэ, Рай Дэвэ́л, бэшава тэ сэндякирав сарэ́ Наюды́тка на́цыи, со исын трусця́л (кругом).

Biblija - Pe Baltitko Romani čib (Romanes) 2019

¹² “Mek Najudýtka nácyi te džangadjon, i mek te javén pe dólo Iosafatóskiro: pal-dová so odój Me, Raj Devél, bešava te sendiakirav saré Najudýtka nácyi, so isyn trusciál (krugom).

Ioil 3:12 Referans Kwoze

Ioil 3:2

тэды Мэ адя́кэ-паць кэдава сарэ́ Наюды́тка на́цыи, и Мэ яна́ва лэн тэлэ́ пэ до́ло Иосафато́скиро, и Мэ ла́ва тэ сэндинавпэ лэ́нца одо́й пал Мирэ́ манушэ́ндэ, Миро миштыпэ́н – Израилё, савэ́н ёнэ росчхудэ тэ дживэ́н машки́р Наюды́тка на́цыи, и ёнэ роскэрдэ Мири́ пхув.

Isajos 3:13

Уштыя́ Рай Дэвэ́л пэ сэ́ндо, Ёв исын тэрдо́, соб (кай) тэ сэндякирэ́л народы.

Isajos 2:4

Ёв явэ́ла тэ сэндякирэ́л бут народы, Ёв сыкавэ́ла сэндарискиро лав кэ бут ро́ды; пирикэрэна пэ́скирэ курталы (мечы) пэ плуги (пхарадя) и чхурдыпнытка бустя́ (коп΄и) пэ чхиндлэ́ (серпы), на явэ́на тэ сыклён сыр, тэ лыджа́н марибэ́н.

Psalmy 98:9

Анги́л Растэ-Дэвлэ́стэ, пал-дова́ со Ёв джа́ла тэ сэндякирэ́л пхув: Ёв явэ́ла тэ сэндякирэ́л свэ́то пир чачипэ́н и Ёв чачунэ́с явэ́ла тэ сэндякирэ́л манушыпнаскирэ на́цыи.

Psalmy 96:13

анги́л Растэ-Дэвлэ́стэ, Саво́ джа́ла тэ сэндякирэ́л пхув. Ёв явэ́ла тэ сэндякирэ́л свэ́то чачунэ́с, и Ёв явэ́ла тэ сэндякирэ́л манушэ́н Пэ́скирэ патяибна́са.

Заха́рия 14:4

И тэрдёна ґэра́ Лэ́скирэ дро дова́ дывэ́с пэ Оливи́тко (Елеоноскири) бэ́рга, со анги́л Ерусалимо кэ/жы́ко васто́ко; и роспхарьёла пэ паш бэ́рга Оливи́тко вастоко́стыр кэ/жы́ко западо (кэ пал-паня) древа́н барэ́ фэлдаса, и паш бэ́рга отджала кэ паш-рати́тко риг, а яви́р паш-кэ паш-дывэсы́тко (южно) риг пэ древа́н баро́ до́ло.

Mihiejo 4:3

И явэ́ла Ёв тэ сэндякирэ́л бут манушы́тка на́цыи и сыкавэ́ла Ёв банг зоралэ́-нацыенгири, савэ́ исын дур, ёнэ пирикэрэна курталы пэ плуги (пхарадя), и лэ́нгирэ чхурдыбнытка бустя́ (коп΄и) пэ серпы (чхиндлэ́); соб (кай) нацыя тэ на ґаздэл курта́ла проти яви́р нацыя, и соб (кай) ёнэ тэ на сыклён буты́р тэ марэ́нпэ.

Ioil 3:14

Бут, бут мануша́ исын пэ до́ло, пэ саво́ присэндинэна! Пал-дова́ со дывэ́с Ра́скирэ-Дэвлэ́скиро исын пашы́л пэ до́ло, пэ саво́ присэндинэна.

Psalmy 7:6

Мэк вэ́рги тэ ґаздэ́нпэ проти миро джиибэ́н, и мэк тэ ухтылэ́н ман, мэк ёнэ тэ домарэн ман дрэ бла́та кэ лю́но (адо), мэк тэ пасёл Миро барипэ́н дро пыло. Сэ́ла.

Sykadyipén 19:11

И мэ дыкхцём псирадо (отпхандло) Болыбна́скиро Раё и, акэ, сыс парно́ грай. Пэ лэ́стэ сыс бэшто́ уклисто́/э́ Кодова́, Кон кхарэ́лапэ Чачуно́ и Патяибны́тко, Саво́ сэндякирэ́ла чачунэ́с и марэлапэ пал чачипэ́н.

Езэкилё 39:11

“Явэ́ла дро дова́ дывэ́с: Мэ да́ва Гогаскэ штэ́то ваш мэрибэ́н дро Израилё: до́ло, кай проджа́на мануша́, пэ васто́ко морёстыр (дэрьявэстыр); дава́ штэ́то явэ́ла тэ зарикирэл кажнонэс, кон тэ на джа́лас пашы́л одо́й; гаравэна одо́й Гогас и саро́ лэ́скиро-халадыбэ́н; явэ́на тэ кхарэ́н дава́ штэ́то, Гогаскирэ халадэ́нгиро табороскиро до́ло.

Езэкилё 30:3

Подджа́ла дывэ́с, подджа́ла дывэ́с Ра́скирэ-Дэвлэ́скиро, кало́ дывэ́с, явдя́ народонэнгиро часо (цы́ро).

2 Паралипоменоно 20:26

А пэ шта́рто дывэ́с скэдынэ́пэ пэ бахтякирибнаскиро до́ло, адя́кэ сыр одо́й ёнэ бахтякирдэ Рас-Дэвлэ́с. Палдава́ и кхарэ́на дова́ штэ́то бахтякирибнаскирэ долоса кэ дава́ дывэ́с.

Isajos 22:1

Ангилпхэныбэ́н пал до́ло [фэ́лда-ю.о.], кай сыс дыкхибэ́н. – Со ту́са, фо́ро, со ту саро́ ґаздыянпэ пэ стрэ́ха (чхаки́н) [кхэр-р.с.]?