Ioil 2:6 - Библия - Пэ Балтитко Романи чиб (Романэс) 2019

⁶ Анги́л лэ́ндэ дара́тыр явэ́на тэ бандён дукхаса мануша́, а сарэ́ лэ́нгирэ муя́ ячэ́на парнэ́.

Biblija - Pe Baltitko Romani čib (Romanes) 2019

⁶ Angíl lénde darátyr javéna te bandjon dukhasa manušá, a saré léngire muiá jačéna parné.

Ioil 2:6 Referans Kwoze

Naumo 2:10

Ла́тыр яця́ чхучо́ штэ́то и хасякирдо штэ́то; ило́ биладёла и чанга́ издрана; зоралы́ дукх исын дро кажно пашваро, и муя́ сарэ́ндэ калынэ.

Isajos 13:8

Пиридарандынэ, занасвалынэ дара́тыр, мэнчинэнапэ, сыр джувлы́, ко́ли ёй биянэ́ла; ничи́ на ґалёна, дыкхэ́на екх пэ екхэ́стэ, муя́ лэ́нгирэ хачона.

Ереме́ё 30:6

Пхучэ́н и ґалён, ци могинэ́ла (сашты́) мурш тэ биянэ́л? Со́скэ тэды Мэ дыкха́ва, со кажнонэ́стэ муршэстэ васта́ исын пашы́л трушула, сы́рбы джувля́тэ, сави́ скэдэлпэ тэ биянэ́л, и муя́ лэ́нгирэ ячнэ́ парнэ́?

Roiben 4:8

Какана́ ёнэ выдыцёна калэдыр бовэскирэ мэлятыр, ёнэ джа́на пир га́сы, лэн на пинджкирэна. Лэ́нгири цы́па ухтылэлапэ зоралэ́с кэ лэ́нгирэ кокалы́, ёй вышутия и яця́ сыр кашт.

Ереме́ё 8:21

‘Миро ило́ хасия́ (замыя́) пал-дова́, со мирэ́ мануша́ хасинэ́, мэ, Ереме́ё, зоралэ́с тугинава: бари дар (ди́во трашаса) ухтылдэ́ Ман.

Psalmy 119:83

Пал-дова́ со мэ сом сы́рбы цыпитко гоно́ пэ пхув, нэ мэ на бистырдём Тырэ́ стату́ты.

Naumo 2:11

Кай исын акана́ хашча (логово) шчэрэнгиро, и тэрнэ́-шчэрэнгиро чараибнытко штэ́то; пир саво́ псирдэ́ шчэр, шчэрица, и шчэроро, и нико́н на трашавэлас лэн?