Ioil 2:32 - Библия - Пэ Балтитко Романи чиб (Романэс) 2019

³² И явэ́ла адя́кэ дрэ долэ́ дывэса́, со, ко́ли вари-кон явэ́ла тэ кхарэл лав Ра́скирэ-Дэвлэ́скиро, то одова́ зракхэ́лапэ; пал-дова́ со зракхибэ́н явэ́ла пэ бэ́рга Сио́но дро Ерусалимо сыр Рай Дэвэ́л пхэндя́: и ваш кодолэ́нгэ, савэ́ ячнэ́пэ, кон явэ́ла тэ кхарэл Рас-Дэвлэ́с.

Biblija - Pe Baltitko Romani čib (Romanes) 2019

³² I javéla adiáke dre dolé dyvesá, so, kóli vari-kon javéla te kharel lav Ráskire-Devléskiro, to odová zrakhélape; pal-dová so zrakhibén javéla pe bérga Sióno dro Jerusalimo syr Raj Devél phendiá: i vaš kodolénge, savé jačnépe, kon javéla te kharel Ras-Devlés.

Ioil 2:32 Referans Kwoze

Римлянэнгэ 11:26

и адя́кэ саро́ Израилё зракхэ́лапэ. И сыр исын чхиндло́ пал дава́: “Зракхибнари явэ́ла Сионо́стыр; и Ёв отрискирэла бидэвлыткима Яковостыр.

Ереме́ё 31:7

Акэ, со, Рай Дэвэ́л ракирэ́ла: – “Бага́н зоралэ́с, радыма́са Яково́скэ и дэн го́дла англатунэ́ (пэрвонэ́) шэралэскэ пир на́цыи. Пхэнэ́н зоралэ́с сарэ́нгэ, шарэ́н и ракирэ́н: “О Раё Дэ́вла! Зра́кх Тырэ́ манушэ́н, савэ́ ячнэ́пэ, Израилёстыр!”

Isajos 46:13

Подги́я Миро чачипэ́н, ёв исын на́дур, сы́гэс явэ́ла Миро зракхибэ́н; Мэ да́ва зракхибэ́н Сионоскэ, а Израилёскэ – Мири́ паты́в.

Римлянэнгэ 9:27

Исаё ракирэ́ла роибнаса пал Израилё: “Мэк Израилёскирэ чхавэ́ тэ явэ́н ада́кицы бут, кицы́ исын морёскиро (дэрьявэ́скиро) пра́хо, а усае́кх набари паш лэ́ндыр зракхэ́лапэ:

Ереме́ё 33:3

‘Кхар Ман Мирэ́ лавэ́са, и Мэ отпхэнава ту́кэ, и Мэ сыкава́ва ту́кэ барэ́ и гарадэ́ рэ́нды (де́лы), и савэ́ ту на джинэ́са!’

Авдиёс 1:17

Нэ пэ бэ́рга Сионо́скири мануша́ зракхэнапэ, и ёй явэ́ла свэ́нто штэ́то. Кхэр Яково́скиро лэ́ла пэ́скэ лэ́нгиро мэкно́ миштыпэ́н.

Isajos 11:11

Явэ́ла дро дова́ дывэ́с адя́кэ: ишчо (инкэ́) протырдэла Рай Дэвэ́л Пэ́скиро васт, соб (кай) тэ рискирэ́л ячаибэ́н Пэ́скирэ народо́стыр, саво́ ячэ́лапэ кэ Асуро, дро Еги́пто, кэ Патросо, кэ Хусо, кэ Еламо, кэ Сенааро, кэ Емафо, пэ островы, савэ́ исын пир мо́рё (дэрья́в).

Psalmy 50:15

И кхар Ман дрэ дывэса́, ке́ли Ту́тэ исын бари дар, и Мэ зракха́ва тут, и ту барьякирэса кэ вучипэ́н Ман.”

1 Коринфянэнгэ 1:2

Дэвлэ́скирэ кхангирьякэ, со исын дро Коринфо, сарэ́ свэнтонэ́ манушэ́нгэ, савэ́ исын прикхардэ тэ ячэн и тэ явэ́н Дэвлэ́скирэ манушэ́нца пир патяибэ́н дрэ Исусо́стэ Христосо́стэ; сарэ́нгэ, кон мангэлапэ Исусо́скирэ Христосо́скирэ лавэ́са пир сарэ́ штэ́ты, Саво́ исын лэ́нгиро и амаро́ Рай Дэвэ́л:

Apostolengiri Butý 2:39

Пал-дова́ со пал дава́ грэхэнгиро отмэкибэн ґара́ сыс дыно́ лав тумэ́нгэ, чхавэ́нгэ тумарэнгэ и сарэ́нгэ, адя́кэ-паць и одолэ́нгэ, кон дживэ́ла дур тумэ́ндыр, конэ́с кхарэ́ла кэ Пэ Рай Дэвэ́л амаро́.”

Заха́рия 13:9

И лыджа́ва Мэ до три́то паш дрэ яг, билякирава лэс, сыр билякирэна руп, и выжужакирава лэс, сыр жужакирэна сувнака́й: ёнэ лэ́на тэ кхарэ́н лав Миро. И Мэ вышунава лэн и отпхэнава: ‘Дава́ исын Мирэ́ мануша́,’ нэ ёнэ пхэнэ́на: ‘Рай Дэвэ́л исын Дэвэ́л миро!’”

Joannostir 10:16

Исын Ма́ндэ и яви́р бакрэ́, савэ́ на далэ́ грэдатыр, и одолэ́н трэй Ма́нгэ тэ янав: и ёнэ явэ́на тэ шунэ́н Мири́ зан, и явэ́ла екх скэдыибэ́н и екх Чхупна́ри.

Joannostir 4:22

Тумэ́ на джинэ́на, конэ́скэ тумэ́ мангэ́напэ: нэ амэ джина́са, конэ́скэ мангасапэ, пал-дова́ со зракхибэ́н явэ́ла Юдэндыр.

Mihiejo 5:3

Палдава́ Рай Дэвэ́л ячкирэ́ла Израилё кэ/жы́ко дасаво часо, ке́ли ёй, савьякэ трэй тэ биянэ́л, биянэ́ла, тэды кодолэ́ Лэ́скирэ пшалэ, кон яця́пэ, рисёна палэ кэ Израилёскирэ чхавэ́.

Isajos 11:16

Тэ́ньци ваш ячаибэ́н Лэ́скирэ народо́стыр явэ́ла баро́ дром, сыр дава́ сыс ваш Израилё, ко́ли ёв выджа́лас Египто́скирэ пхувья́тыр.

Isajos 10:22

Ко́ли б тэ явэ́л ту́тэ, Израиле, ада́кицы манушэ́н, кицы́ исын пра́хо пэ мо́рё (дэрья́в), обрисёла екх ячаибэ́н: хасибэ́н явэ́ла пир чачипэ́н, пир чачипэ́н пхэндло́, со явэ́ла хасибэ́н.

Isajos 4:2

Дро дова́ дывэ́с сыкавэлапэ дро шукарипэ́н и дрэ паты́в отбарипэн Ра́скирэ-Дэвлэ́скиро, а пхувитко барьякирдо́ (пло́до) – дрэ барипэ́н и шарибэ́н ваш одолэ́ Израильсконэ чхавэ́нгэ, савэ́ зракхнэпэ.

Юдэ́нгэ 12:22

а тумэ́ явнэ́ кэ бэ́рга Сио́но, кэ Болыбна́скиро Ерусалимо, кэ джидэ́-Дэвлэ́скиро фо́ро, кай исын Янго́лы, Савэ скэдынэ́пэ кхэтанэ́,

Римлянэнгэ 11:7

Нэ со ж тэды? Со Израилё родыя, одова́ ёв на латхья (ластя), нэ одолэ́, савэ́ сыс выкэдынэ́, латхнэ́, а яви́р сы́рбы короринэ холя́тыр.

Римлянэнгэ 9:24

и пэ амэ́ндэ, савэ́н Ёв адя́кэ-паць кхардя́ на екхэ Юдэндыр, нэ и Наюдэндыр?

Apostolengiri Butý 15:17

соб (кай) тэ родэ́н Дэвлэ́с и яви́р мануша́ и сарэ́ На́юды, машки́р савэ́ндыр явэ́ла джиндло́ Миро лав. Адя́кэ ракирэ́ла Дэвэ́л, саво́ кэрдя́ саро́ дава́.

Авдиёс 1:21

И явэ́на зракхибнаскирэ пэ бэ́рга Сио́но тэ сэндякирэн бэ́рга Исавоскири, и явэ́ла кралипэ́н Ра́скирэ-Дэвлэ́скиро.”

Римлянэнгэ 11:5

Адя́кэ-паць и дро амаро́ часо пир Дэвлэ́скиро выкэдыибэн пир бахталыпэ́н исын выкэдыны паш.

Džiibén 4:26

И Сифостэ адя́кэ-паць бия́ндыя чхаво́; и ёв дыя́ лэ́скэ лав Еносо [Эношо-ю.о.]; тэ́ньци мануша́ лынэ́ тэ прикхарэн Дэвлэ́скиро лав, ке́ли мангнэпэ.

Amoso 9:8

Акэ, якха́ (Мирэ́) Ра́скирэ-Дэвлэ́скирэ дыкхэ́на пэ грэхи́тко кралипэ́н, и Мэ хасякира́ва лэс сарэ́са пхувья́тыр, нэ Мэ сарэ́са на хасякира́ва кхэр Яково́скиро”, – ракирэ́ла Рай Дэвэ́л.