Ioil 2:27 - Библия - Пэ Балтитко Романи чиб (Романэс) 2019

²⁷ И тумэ́ явэ́на тэ джинэ́н, со Мэ сом машки́р Израилё и со Мэ сом Рай Дэвэ́л, тумаро́ Дэвэ́л, и буты́р нанэ явирэ Дэвлэ́с. Мирэ́ манушэ́н буты́р ние́кхвар на ладжакирэна.

Biblija - Pe Baltitko Romani čib (Romanes) 2019

²⁷ I tumé javéna te džinén, so Me som maškír Izrailjo i so Me som Raj Devél, tumaró Devél, i butýr nane javire Devlés. Miré manušén butýr nijékhvar na ladžakirena.

Ioil 2:27 Referans Kwoze

Софония 3:17

О Рай Дэвэ́л, тыро́ Дэвэ́л, исын ту́са, Ёв исын Зоралыпнаскиро тэ зракхэ́л тут; Ёв явэ́ла древа́н тэ радынэ́лпэ радыма́са, Ёв дэ́ла рама́нё (миро) ту́кэ Лэ́скирэ ласкатыр, Ёв явэ́ла тэ радынэ́лпэ ту́тыр весёлымаса (лошаса).

Isajos 45:5

Мэ сом Рай Дэвэ́л и явирэ́с нанэ; нанэ Дэвлэ́с апри́ч Ма́ндэ, Екх Мэ сом. Мэ выкэдыём тут, ко́ли ту на джиндян Ман,

Ioil 3:17

“И тумэ́ явэ́на тэ джинэ́н, со Мэ сом Рай Дэвэ́л, тумаро́ Дэвэ́л, Саво́ дживэ́ла пэ свэ́нто бэ́рга пэ Сио́но. Тэ́ньци Ерусалимо явэ́ла свэ́нто, и ние́кх явирэ-тхэмэскиро ману́ш ние́кхвар на явэ́ла тэ джал пир дава́ фо́ро нэвэ́стыр.

Езэкилё 39:28

И ґалёна, со Мэ сом лэ́нгиро Рай Дэвэ́л, Дэвэ́л, ко́ли рострадава лэн машки́р народы, а тэ́ньчи скэда́ва лэн пэ лэ́нгири пхув, и Мэ на ячавава (ячкирава) одо́й никонэ́с лэ́ндыр.

Ioil 2:26

И тумэ́ явэ́на тэ хан, кицы́ камэ́на и явэ́на чалэ, и тумэ́ явэ́на тэ шарэ́н Рас-Дэвлэ́с, тумарэ́ Дэвлэ́с, Кон кэрдя́ дивнэс тумэ́нца. И Мирэ́ манушэ́н буты́р на явэ́на тэ ладжакирэн.

Psalmy 46:5

Исын екх рэка (лэнь), савья́кирэ паня́ обрадынэна Дэвлэ́скиро фо́ро, свэ́нто штэ́то, кай дживэ́ла Са́мо (Най) Вучэды́р.

Яви́р Зако́но 23:14

Пал-дова́ со Рай Дэвэ́л, Дэвэ́л тыро́, псирэ́ла машки́р ста́но тыро́, соб (кай) тэ зракхэ́л тут и тэ отдэ́л вэргэ́н тырэ́н дрэ васта́ тырэ́, а палдава́ ста́но тыро́ банго́ тэ явэ́л свэ́нто, соб (кай) Ёв тэ на дыкхэ́л ту́тэ вари-со нажужо, и тэ на отджал ту́тыр.

Isajos 12:6

Яв лошалы (весёло), ра́дынпэ, манушны Сионо́стыр, пал-дова́ со баро́ исын машки́р ту́тэ Свэ́нто Израилёскиро.”

Sykadyipén 21:3

И мэ шундём зоралы́ зан троностыр, со пхэндя́: “Акэ, исын Дэвлэ́скири ша́тра кхэтанэ́ манушэ́нца! Ёв явэ́ла тэ дживэ́л лэ́нца, и ёнэ явэ́на Лэ́скирэ мануша́. Кокоро́ Дэвэ́л явэ́ла лэ́нца и Ёв явэ́ла лэ́нгиро Дэвэ́л.

1 Petr 2:6

Палдава́ исын пхэндло́ дро Свэ́нто Чхиныбэ́н: “Ѓа́да, мэ чхува́ва вэнглытко бар пэ Сио́но, Саво́ Мэ выкэдыём и Ёв исын дро́го Ма́нгэ: одова́ ману́ш, саво́ явэ́ла тэ патял дрэ Лэ́стэ, на явэ́ла тэ ладжал:

Psalmy 68:18

Дэвлэ́стэ исын биш бара́ (тысёнцы) марибны́тка вурдэна́, аж лэн исын бара́ машки́р бара́: Рай Дэвэ́л исын машки́р лэ́ндэ, сыр Ёв исын пэ Пэ́скиро Свэ́нто Штэ́то пэ Синаё.

2 Коринфянэнгэ 6:16

Саво́ кхэтаныпэн исын машки́р Дэвлэ́скири кхангири́ и идолэ́нгирэ – мангипны́тко кхэр? Пал-дова́ со тумэ́ сан кхангири́ джидэ́ Дэвлэ́скири, сыр Дэвэ́л Кокоро́ пхэндя́: “Мэ ява́ва тэ джива́в машки́р лэ́ндэ и Мэ ява́ва тэ псирав машки́р лэ́ндэ. И Мэ ява́ва лэ́нгиро Дэвэ́л, и ёнэ явэ́на Мирэ́ мануша́.”

Езэкилё 39:22

Палдава́ явэ́ла тэ джинэ́л Израилёскиро кхэр, со Мэ сом лэ́нгиро Рай Дэвэ́л, Дэвэ́л, лэ́нгиро Дэвэ́л далэ́ дывэсэ́стыр и дурэды́р.

Isajos 53:6

Сарэ́ амэ, сыр бакря́ псирасас, гиям кажно пэ́скирэ дромэ́са, и Рай Дэвэ́л чхудя́ пэ Лэ́стэ грэ́хи, савэ́ сарэ́ амэ кэрдя́м.

Isajos 45:18

Адя́кэ ракирэ́ла Рай Дэвэ́л, Саво́ создыя́ болыбэ́н; Ёв – Дэвэ́л, Саво́ счхудя пхув и дыя́ зор ла́кэ; на ивья́ (напра́снэс) счхудя ла, а соб (кай) тэ дживэ́н пэ ла́тэ; Мэ сом Рай Дэвэ́л и явирэ́с нанэ.

Isajos 44:8

На дарэ́н, и на трашан: ци на пхэндём Мэ ту́кэ ґара́, ци на ангилпхэндём? И тумэ́ досыкавэна (допхэнэна) пал Ма́ндэ. Ци исын яви́р Дэвэ́л апри́ч Ма́ндэ? Нанэ ни сави́ яви́р ска́ла [нанэ яви́р Дэвэ́л-ю.о.], ни со буты́р Мэ на джина́в.

Isajos 45:6

соб (кай) тэ джинэ́н вастоко́стыр, кай кхам ґаздэ́лапэ и кэ западо (пал-панитко риг), кай кхам бэшэ́ла, со нанэ явирэ Дэвлэ́с: Мэ сом Рай Дэвэ́л и явирэ́с нанэ.

Isajos 49:23

И явэ́на кра́лья тэ чалякирэн тут; кралицы лэ́нгирэ тут чалякирэна. И явэ́на тэ пэрэ́н анги́л ту́тэ пэ чанга́ и тэ хан пра́хо тырэ́ ґэрэндыр. Тэ́ньци уджинэса ту, со Мэ сом Рай Дэвэ́л; со на ладжана мануша́, конэ́стэ исын пэ Ма́ндэ наде́я.”

Езэкилё 37:6

И Мэ обчхувава тумэн жылэнца, выбарьякирава пэ тумэ́ндэ маса́, учхакирава тумэн цыпаса, залыджава дрэ тумэ́ндэ ду́хо (фа́но); и тумэ́ отджидёна, и ґалёна, со Мэ сом Рай Дэвэ́л.’”

Ioil 3:21

И Мэ, Рай-Дэвэ́л, морава криг лэ́ндыр рат (банг пал рат), саво́ Мэ ишчо (инкэ́) на мордём: пал-дова́ со Мэ, Рай Дэвэ́л, джива́ва пэ Сио́но.”

Софония 3:11

Дро дова́ Дывэ́с тумэ́, Мирэ́ мануша́лэ, на явэ́на тэ ладжан ни савэ́ тумарэ́ рэндэ́ндыр, дрэ савэ́ тумэ́ кэрдэ́ чорипэ́н проти Ма́ндэ; адя́кэ, сыр тэ́ньчи Мэ ла́ва криг тумарэ́ машкиралыпнастыр кодолэ́н, кон древа́н радынэ́лапэ пэ́скирэ пхутькирибнастыр, и буты́р тумэ́ на явэ́на тэ задэнпэ пэ Мири́ свэ́нто бэ́рга.

Čysly 11:29

Нэ Мо́йза пхэндя́ лэ́скэ: “Ци на зэвлынэса ту пал ма́ндэ? Нэ, ко́ли б сарэ́ машки́р Ра́скирэ-Дэвлэ́скирэ манушэ́ндэ тэ явэ́н проро́ки, то Рай Дэвэ́л бичхавэлас Пэ́скиро Ду́хо (Фа́но) пэ лэ́ндэ!”

Čysly 23:21

Нанэ дыкхно чорипэ́н дрэ Яковостэ, и нанэ бицялы би́да дро Израилё; лэ́скиро Рай Дэвэ́л, исын лэ́са, и трубитко зан лэ́стэ, сыр крали́стэ;

Pritčy 1:23

Рисён мо́са кэ мэ, ке́ли мэ бангякирава холямэс тумэн: акэ, мэ выпхурдава миро ду́хо (фа́но) пэ тумэ́ндэ, мэ кэра́ва адя́кэ, соб (кай) тумэ́ тэ джинэ́н мирэ́ лава́.

Isajos 44:3

Мэ вычхувава пани́ пэ одолэ́стэ, кон древа́н камэ́ла пани́, и барэ́ панинга́ пэ дова́, со вышутия; Мэ вычхувава Миро ду́хо (фа́но) пэ тыро́ кхэри́тко ро́до и бахтякирибэ́н Миро пэ тырэ́ чхаворэндэ, савэ́ ишчо (инкэ́) явэ́на анги́л.

Isajos 46:9

Пририпирэн дова́, со сыс англэды́р сарэ́стыр, пал-дова́ со Мэ сом Дэвэ́л и нанэ явирэ Дэвлэ́с, нанэ никонэ́с, кон зджа́ла (поджала) пэ Ма́ндэ.

Езэкилё 39:29

Мэ на ява́ва тэ закэрав лэ́ндыр Миро муй, пал-дова́, со Мэ чхува́ва Миро ди пэ Израилёскиро кхэр”, – ракирэ́ла Рай Дэвэ́л, Дэвэ́л.

Заха́рия 2:9

Акэ, Мэ тринскирава Мирэ́ вастэ́са пэ лэ́ндэ, и ёнэ пэрна тэл ґэра́ пэ́скирэ писхарьенгирэ, и тэ́ньчи тумэ́ доджинэнапэ, со янголэ́нгирэ-болыбна́скиро, Рай Дэвэ́л, бичхадя́ Ман.