Ioil 2:26 - Библия - Пэ Балтитко Романи чиб (Романэс) 2019

²⁶ И тумэ́ явэ́на тэ хан, кицы́ камэ́на и явэ́на чалэ, и тумэ́ явэ́на тэ шарэ́н Рас-Дэвлэ́с, тумарэ́ Дэвлэ́с, Кон кэрдя́ дивнэс тумэ́нца. И Мирэ́ манушэ́н буты́р на явэ́на тэ ладжакирэн.

Biblija - Pe Baltitko Romani čib (Romanes) 2019

²⁶ I tumé javéna te xan, kicý kaména i javéna čale, i tumé javéna te šarén Ras-Devlés, tumaré Devlés, Kon kerdiá divnes tuménca. I Miré manušén butýr na javéna te ladžakiren.

Ioil 2:26 Referans Kwoze

Римлянэнгэ 10:11

Палдава́ Свэ́нто Чхиныбэ́н ракирэ́ла: “Кон патя́ла дрэ Лэ́стэ, одолэ́скэ на явэ́ла ладжаво.”

Psalmy 22:26

Мэ ява́ва тэ шара́в Тут пэ баро́ скэдыибэ́н; мэ кэра́ва дова́, пал со мэ совлахадём анги́л одолэ́ндэ, савэ́ дарэ́на Лэ́стыр.

Римлянэнгэ 5:5

И амари́ наде́я на подлыджала амэн, пал-дова́ со Дэвлэ́скири ла́ска пир Свэ́нто Ду́хо (Фа́но) пхэрдякирдя́ амарэ́ илэ ласкаса, сави́ дыны́ амэ́нгэ:

Яви́р Зако́но 12:7

и тумэ́ хан одо́й анги́л Растэ-Дэвлэ́стэ, Дэвлэ́стэ тумарэстэ, и радынэ́нпэ тумэ́ и чэ́карья (семействы) тумарэ́, пал саро́, со кэрдэ́ тумарэ́ васта́, со́са бахтякирдя́ тумэн Рай Дэвэ́л, Дэвэ́л тыро́.

Isajos 49:23

И явэ́на кра́лья тэ чалякирэн тут; кралицы лэ́нгирэ тут чалякирэна. И явэ́на тэ пэрэ́н анги́л ту́тэ пэ чанга́ и тэ хан пра́хо тырэ́ ґэрэндыр. Тэ́ньци уджинэса ту, со Мэ сом Рай Дэвэ́л; со на ладжана мануша́, конэ́стэ исын пэ Ма́ндэ наде́я.”

Isajos 45:17

А Израилё явэ́ла зракхно пир ве́чно зракхибэ́н дро Растэ-Дэвлэ́стэ; тумэ́ на явэ́на ладжакирдэ́ никели.

Левито 26:5

и укэдыибэн маритко явэ́ла тэ доджал тумэ́ндэ кэ винаградоскиро скэдыибэ́н, а винаградоскиро скэдыибэ́н явэ́ла тэ доджал кэ сеиныбэн, и явэ́на тэ хан пэ́скиро маро́ чалэ́с, и явэ́на тэ дживэ́н пэ тумари́ пхув штылыткэс (бидаракирэс).

1 Ian 2:28

Ѓа́да, бияты, ячэ́нпэ дро екхипэ́н Христосо́са, соб (кай) Ёв, ке́ли сыкадёла, тэ явэ́л амэ́ндэ зорало́ патяибэ́н и тэ на явэ́л ладжаво анги́л Лэ́стэ, ке́ли Ёв явэ́ла.

Римлянэнгэ 9:33

сыр и исын чхиндло́ пал дава́: “Ѓа́да, Мэ чхува́ва пэ Сио́но бар, пал саво́ бут мануша́ обштавэнапэ и пэрэ́на: и кажно, кон патя́ла дрэ Лэ́стэ, одова́ ние́кхвар на явэ́ла тэ ладжал.”

Isajos 54:4

На дар, ту на явэ́са ладжакирды; на ладжа, нико́н тут на ладжакирэла; Ту бистрэса ладжаипэ́н, саво́ прилыян дрэ тэрнэ́ бэрша́; и ту на явэ́са тэ рипирэс пал ладж, сави́ ту прилыян, сыр са́нас биромэскири.

Isajos 25:1

Раё Дэ́вла! Ту сан миро Дэвэ́л, мэ ла́ва тэ шара́в Тут, мэ шарава кэ вучипэ́н Тыро́ лав, пал-дова́ со Ту кэрдя́н ди́во; дова́, со припхэндян ґара́, дава́ исын чачипэ́н, ами́нь.

Заха́рия 9:17

О, сыр баро́ исын Лэ́скиро лачхипэ́н и саво́ исын шукарипэ́н, гожыма Лэ́скири! Маро роспхандэла чиб тэрнэ́ манушэ́нгэ, и мол (вино) – тырнэ джувленгэ!

Заха́рия 9:15

Рай Дэвэ́л янголэ́нгирэ-болыбна́скиро, лэ́ла тэ затэрдёл пал лэ́ндэ, и ёнэ лэ́на тэ хасякирэ́н и тэ штакирэн бара́, савэ́ чхурдэнпэ, ёнэ лэ́на тэ пьен и тэ дэн го́дла сы́рбы моля́тыр (виностыр) и пхэрдёна тахтая́ (чашы) ваш свэ́нта дыибэна́, сыр алтарёскирэ вэ́нглы.

Софония 3:11

Дро дова́ Дывэ́с тумэ́, Мирэ́ мануша́лэ, на явэ́на тэ ладжан ни савэ́ тумарэ́ рэндэ́ндыр, дрэ савэ́ тумэ́ кэрдэ́ чорипэ́н проти Ма́ндэ; адя́кэ, сыр тэ́ньчи Мэ ла́ва криг тумарэ́ машкиралыпнастыр кодолэ́н, кон древа́н радынэ́лапэ пэ́скирэ пхутькирибнастыр, и буты́р тумэ́ на явэ́на тэ задэнпэ пэ Мири́ свэ́нто бэ́рга.

Isajos 29:22

Палдава́ адя́кэ ракирэ́ла пал кхэр Яково́скиро Рай Дэвэ́л, Саво́ выкиндя Авраамос: “Тэ́ньци Яково на явэ́ла тэ ладжал и муй лэ́скиро на парнёла.

Džiibén 33:11

прилэ́ миро бахтякирибэ́н, саво́ мэ яндём ту́кэ; пал-дова́ со Дэвэ́л дыя́ ма́нгэ, и ма́ндэ исын саро́.” И мангдя́ лэс: и одова́ лыя́ почастунко.

1 Ximaske 6:17

Упхэн далэ́ свэто́скирэ барвалэнгэ, соб (кай) ёнэ тэ на ґаздэ́н пэс и тэ на патя́н дро пэ́скиро барвалыпэ́н, нэ фэды́р тэ патял дрэ джидэ́ Дэвлэ́стэ, Саво́ пхэрдэ́с дэ́ла саро́, со трэй ваш амари́ бахт,

Isajos 55:2

Со́скэ тумэ́нгэ отдэ́н ловэ́ пал дова́, со нанэ маро́; со́скэ тэ отдэ́н ловэ́ пал дова́, со на чалякэрэла? Шунэ́н акана́ Ман и хан лачхипэ́н; мэк тумаро́ ди тэ явэ́л чало тхулыпнаса.

Гиленгири (Соломоно́скири) Гилы́ 5:1

“Мэ явдём дрэ пэ́скири у́нта (садо), мири́ пхэн, мири́ тэрны́; мэ скэдыём миро мирро мирэ́ приправэнца; мэ хаём пэ́скиро авгинытко сото мирэ́ авгинэса; мэ пиём пэ́скири мол (вино) тхудэса.” “Хан, ми́рэ мало́рэ, пьен, и пьен чалэ́с, мирэ́ пирамнэ [дро́га ми́рэ мануша́лэ-ю.о.]!”

Pritčy 13:25

Чачуно́ ману́ш ха́ла чалэ́с, кицы́ лэ́скиро ди камэ́ла, нэ фуе́-манушэ́нгиро кужум (жэлудко) явэ́ла тэ бокхалёл.

Psalmy 116:7

Рисёв тэ откхинёс пэ́скэ, миро ди; пал-дова́ со Рай Дэвэ́л бахтякирдя́ тут.

Psalmy 103:5

Ёв дэ́ла дова́, со ту камэ́са, соб (кай) ту тэ дживэ́с сыр тэрно́ о́рло (ки́до).

Psalmy 72:18

Тэ явэ́л бахтякирдо́ Рай Дэвэ́л, Израилёскиро Дэвэ́л, Саво́ Екхджино́ кэрэ́ла ди́вна бутя́.

Psalmy 37:19

ёнэ на явэ́на ладжакирдэ́ дрэ пхарэ́ дывэса́, ёнэ явэ́на чалэ дрэ бокхалэ́ бэрша́.

Psalmy 13:6

Мэ ява́ва тэ бага́в Ра́скэ-Дэвлэ́скэ, пал-дова́ со Ёв кэрдя́ бут миштыпэ́н ма́нгэ.

Ниеми́я 9:25

И залынэ ёнэ зоралэ́ фо́рья и лачхи́ пхув и лынэ́ ёнэ пэ́скэ кхэра́ сарэ́ барвалыпнаса, колба́ни (водоёмы), савэ́ сыс барэстыр, винаграды́тка и маслинитка унты (сады) и бут дрэвы плодэнца ваш хабэ́н. Ёнэ ханэ́, чалынэ, тхулынэ и коштындлэ пир Тыри́ ла́ска.

Яви́р Зако́но 12:18

нэ ха дава́ анги́л Растэ-Дэвлэ́стэ, тырэ́ Дэвлэ́стэ, пэ дова́ штэ́то, саво́ выкэдэ́ла Рай Дэвэ́л, тыро́ Дэвэ́л, – ту и тыро́ чхаво́, и тыри́ чхай, и тыро́ писха́ри, и тыри́ писхарица, и Левито, и ману́ш, саво́ явдя́ тэ дживэ́л дрэ тырэ́ кхэра́, и ра́дынпэ анги́л Растэ-Дэвлэ́стэ, тырэ́ Дэвлэ́стэ, пал саро́, со кэрдэ́ тырэ́ васта́.

Яви́р Зако́но 12:12

и радынэ́нпэ анги́л Растэ-Дэвлэ́стэ, Дэвлэ́стэ тумарэстэ, тумэ́ и тумарэ́ чхавэ́, и тумарэ́ чхая́, и тумарэ́ писха́рья, и тумарэ́ писхарицы, и Левито, саво́ исын машкира́л тумарэ́ кхэра́, пал-дова́ со нанэ лэ́скэ паш и миштыпна́скири ме́ра тумэ́нца.

Яви́р Зако́но 8:10

И ке́ли явэ́са ту тэ хас и тэ чалёс, тэды бахтякир Рас-Дэвлэ́с, Дэвлэ́с тырэ́с пал лачхи́ пхув, сави́ Ёв дыя́ ту́кэ.

Левито 26:26

А маро́, саво́ дэ́ла зор манушэ́скэ, Мэ хасякира́ва тумэ́ндэ; дэш джувля́ явэ́на тэ пэкэн тумаро́ маро́ дро екх бов, и явэ́на тэ отдэ́н маро́ тумаро́, важыны лэс; тумэ́ явэ́на тэ хан, и на явэ́на чалэ.

Mihiejo 6:14

Ту явэ́са тэ хас, нэ ту на явэ́са чалы; бокх (чхучипэн) явэ́ла андрэ́ тыро́ кужум (жэлудко). Ту явэ́са тэ лыджас криг вари-со [отчхувэса пэ́скэ-р.с.], нэ ту на зракхэ́са дова́, и кодова́, со ту зракхэ́са, Мэ да́ва тэл курта́ла.

Яви́р Зако́но 11:15

и Мэ да́ва чар пэ фэ́лда тыри́ ваш тырэ́ кхэритконэ́ мурдалэ́нгэ (ското) и, ту явэ́са тэ хас и тэ чалёс.

Psalmy 67:5

Мэк тэ явэ́н весе́ла (лошалэ́) сарэ́ на́цыи и, мэк тэ шарэ́н гиляса, со Ту сэндякирэса манушэ́н пэ пхув пир чачипэ́н. Сэ́ла.

Левито 25:19

и явэ́ла пхув тэ дэл пэ́скиро барьякирдо́ (пло́до), и явэ́на тэ хан чалэ́с, и явэ́на тэ дживэ́н пэ ла́тэ штылыткэс.