Ioil 2:24 - Библия - Пэ Балтитко Романи чиб (Романэс) 2019

²⁴ Гиваобкэрибнаскирэ шурны явэ́на пхэрдэ́ гивэса, и пресы явэ́на тэ обчхувэнпэ винаградытконэ соко́са (хумэ́са) и маслинитконэ дзэтэса.

Biblija - Pe Baltitko Romani čib (Romanes) 2019

²⁴ Givaobkeribnaskire šurny javéna pherdé givesa, i priesy javéna te občhuvenpe vinagradytkone sokósa (xumésa) i maslinitkone dzetesa.

Ioil 2:24 Referans Kwoze

Малахия 3:10

Янэ́н цэ́ла дэшэнгирья дрэ пиралы́, соб (кай) тэ явэ́л хабэ́н дро Миро кхэр, и спробинэн Ман далэ́са акана́, – ракирэ́ла янголэ́нгирэ-болыбна́скиро Рай Дэвэ́л, – ци псиравава (откэрава) Мэ фэнштры пэ болыбэ́н и бичхава́ва тумэ́нгэ ада́кицы бахтякирибэна, соб (кай) тэ на ухтылэл штэ́то тэ прилэ́н лэн.

Amoso 9:13

“Акэ, явэ́на дывэса́’, – ракирэ́ла Рай Дэвэ́л, – ке́ли ману́ш, кон пахинэла пхув, пирилэла манушэ́с, кон счхинэла гива́, и ману́ш, кон штакирэла винаградо, пирилэла кодолэ́с, кон чхувэ́ла дрэ пхув зя́рки; со́ко (хум) (гудлы мол) явэ́ла тэ тхадэл бэргэндыр, и тэ чхувэлпэ тэлэ́ бэргицэндыр.

Ioil 3:18

И явэ́ла адя́кэ дро дова́ дывэ́с, со нэви́ мол (вино) явэ́ла тэ тхадэл бэргэндыр, и тхуд явэ́ла тэ чхувэлпэ бэргицэндыр, и панескирэ ровицы (хохоёрэ́) дрэ Юдэ́я явэ́на пхэрдэ́ пане́са, а фонтано (фолахар) явэ́ла тэ чхувэ́л пхэрдэ́с пани́ Ра́скирэ-Дэвлэ́скирэ Кхэрэскир и ёв явэ́ла тэ дэл пани́ пэ до́ло Ситимо.

Ioil 3:13

Мэк тэ чхинэл серпо (чхиндло́), пал-дова́ со гива́ исын спяла пхэрдэ́. Явэ́н, джа́н тэлэ́: пал-дова́ со тасавильня исын пхэрды́, пресо пиричхувэлапэ – пал-дова́ со ёнэ кэрдэ́ бут биба́хт.”

Левито 26:10

и тумэ́ явэ́на тэ хан пхурано́ явирэ-бэршытко, и вычхурдэна пхурано́ ваш нэво́:

Левито 25:19

и явэ́ла пхув тэ дэл пэ́скиро барьякирдо́ (пло́до), и явэ́на тэ хан чалэ́с, и явэ́на тэ дживэ́н пэ ла́тэ штылыткэс.

Езэкилё 36:8

А тумэ́, Израилёскири бэ́рга, розмэкэн тумарэ́ вэ́тки, и тумэ́ явэ́на тэ янэ́н тумарэ́ барьякирдэ́ (пло́ды) ваш Миро народо, Израилё, ёнэ сы́гэс явэ́на.