Ioil 2:23 - Библия - Пэ Балтитко Романи чиб (Романэс) 2019

²³ Тумэ́, чхаворэ́ Сионоскирэ, радынэ́нпэ, и веселинэнпэ (лошалён) Ра́стыр-Дэвлэ́стыр, тумарэ́ Дэвлэ́стыр, соб (кай) Ёв тэ дэл лачхо́ вэснакиро брышы́нд чачипна́са, и Ёв кэрэ́ла адя́кэ, со явэ́ла брышы́нд, сыр сыс брышы́нд: вэснакиро и пал-лынаскиро (осенякиро) дро пэ́рво чхон.

Biblija - Pe Baltitko Romani čib (Romanes) 2019

²³ Tumé, čhavoré Sionoskire, radynénpe, i viesielinenpe (lošaljon) Rástyr-Devléstyr, tumaré Devléstyr, sob (kaj) Jov te del lačhó vesnakiro bryšýnd čačipnása, i Jov keréla adiáke, so javéla bryšýnd, syr sys bryšýnd: vesnakiro i pal-lynaskiro (osieniakiro) dro pérvo čhon.

Ioil 2:23 Referans Kwoze

Filipiicenge 4:4

Радынэ́нпэ ўса́ды (сак) дро тумаро́ екхипэ́н Ра́са-Дэвлэ́са: и мэ нэвэ́стыр пхэна́ва: “Радынэ́нпэ.”

Левито 26:4

тэды Мэ да́ва тумэ́нгэ брышында дрэ пэ́скиро часо (цы́ро), и пхув дэ́ла пэ́скирэ барьякирдэ́ (пло́ды), и фэлды́тка вэша́ дэ́на пэ́скиро барьякирдо́ (пло́до);

Osija 6:3

Амэ́нгэ трэй тэ джинас буты́р, амэ́нгэ трэй тэ причхувас тэ джинас буты́р Рас-Дэвлэ́с, Лэ́скиро явибэн явэ́ла сыр зло́ко, Ёв явэ́ла сыр брышы́нд, сыр ґаратуно брышы́нд (позднё), со панякирэла пхув.’

Яви́р Зако́но 11:14

то Мэ да́ва тумарэ́ пхувьякэ брышы́нд дрэ пэ́скиро часо, тасярлуно/пэрвотуно (раннё) и коригуно (позднё); и ту скэдэса тыро́ маро́ и тыри́ мол (вино), и елеё тыро́;

Isajos 41:16

Ту явэ́са тэ пирикэдэс (тэ веинэс) лэн пэ балва́л, и балва́л лыджа́ла криг лэн, и рискирибнаскири балва́л сыр вихро роспхурдэла лэн, ту явэ́са древа́н тэ радынэспэ пал Растэ-Дэвлэ́стэ, и ту явэ́са барикано (тэ шарэспэ) Свэнтонэса Израилёса.

Psalmy 149:2

Мэк Израилё тэ радынэ́лпэ Кадалэстыр, Кон создыя́ лэс, мэк чхавэ́ Сионо́стыр тэ веселинэнпэ (тэ лошалён) лэ́нгирэ Крали́стыр.

Filipiicenge 3:1

Какана́, пшала́лэ мирэ́, радынэ́нпэ дро екхипэ́н Ра́са-Дэвлэ́са: ма́нгэ нанэ пхаро́ тэ чхинав тумэ́нгэ пал дава́-паць, нэ ваш тумэ́нгэ дава́ исын сыкляибэн.

Заха́рия 10:1

Мангэ́н Ра́стыр-Дэвлэ́стыр брышы́нд, ке́ли вэснакиро ёв трэй тэ явэ́л; Дэвэ́л зазяинэла блискавицаса и дэ́ла тумэ́нгэ ґэнсто брышы́нд, чар пэ фэ́лда.

Psalmy 28:7

Рай Дэвэ́л исын миро зоралыпэ́н и миро шчы́то; миро ило́ патяндыя дрэ Лэ́стэ и Ёв дыя́ васт ма́нгэ – пал-дова́ миро ило́ обрадындяпэ зоралэ́с и мэ ява́ва тэ парикира́в Лэ́скэ мирэ́ гиляса.

Isajos 30:23

И Ёв дэ́ла ту́кэ брышы́нд, ко́ли засеинэса фэ́лда и маро́, саво́ янэ́ла пхув сыр барьякирдо́ (пло́до), лачхо́ маро́ дэ́ла ту́кэ; тырэ́ гурува лэ́на тэ чаравэнпэ дро дова́ дывэ́с пэ лачхэ́ фэ́лды.

Яви́р Зако́но 32:2

Почхувэлапэ сыр брышы́нд миро сыкляибэн, сыр пахлын (роса) лава́ мирэ́, сыр тыкно́ брышы́нд пэ зэлэныбэн, сыр ливнё пэ чар:

Яви́р Зако́но 28:12

Отчхакирэла ту́кэ Рай Дэвэ́л лачхи́ Пэ́скири кучипнаскири пиралы́ (сокровишчница), болыбэ́н, соб (кай) ёв тэ дэл брышы́нд тырэ́ пхувьякэ дро пэ́скиро уляго (пора), и соб (кай) тэ бахтякирэ́л сарэ́ рэ́нды тырэ́ вастэнгирэ: и ту явэ́са тэ дэс дрэ длуго бутэ́ манушэ́нгэ, а кокоро́ ту на явэ́са тэ залэс дро вужлыпэ́н (длуго).

Filipiicenge 3:3

Пал-дова́ со обчхиныбэн дава́ исын амэ тумэ́нца, савэ́ мангэ́напэ Дэвлэ́скэ Лэ́скирэ Духо́са, и шарасапэ дро екхипэ́н Исусо́са Христосо́са, и амэ на древа́н патя́са дрэ лоч (плоть),

Заха́рия 10:7

Сыр зорало́ мурш явэ́ла Ефре́мо; тэды явэ́ла тэ зрадынэлапэ ило́ лэ́нгиро, сыр моля́тыр (виностыр); и дыкхэ́на дава́ чхавэ́ лэ́нгирэ и ёнэ явэ́на тэ радынэ́нпэ; ра́дыма явэ́ла дро лэ́нгиро ило́ ваш Ра́скэ-Дэвлэ́скэ.

Ереме́ё 5:24

И ёнэ на пхэнэ́на дро пэ́скиро ило́: “Трэй тэ дарас Ра́стыр-Дэвлэ́стыр, амарэ́ Дэвлэ́стыр, кон бичхавэ́ла брышы́нд, вэснакиро и восенякиро (пал-лынаскиро), дрэ пэ́скиро часо (цы́ро), Кон ракхэ́ла ваш амэ́нгэ упхэндлэ куркэ тэ чхинэн гива́.”

Psalmy 104:34

Мэк тэ явэ́н шука́р и лачхэ́ Лэ́скэ мирэ́ ду́мы, мэ ява́ва тэ радынавпэ Лэ́стыр.

Ереме́ё 3:3

Палдава́ панинга́ сыс пририкирдэ, и на сыс вэснакирэ брышында и тумэ́ндэ чиката ячнэ́ сы́рбы налачхэ́ джувля́тэ, нэ тумэ́ на прилынэ́ ладжакирибэн.

Isajos 61:10

Радыма́са мэ ла́ва тэ радынавпэ пал Растэ-Дэвлэ́стэ; явэ́ла тэ радынэ́лпэ зоралэ́с миро ду́хо (фа́но) пал мирэ́ Дэвлэ́стэ, пал-дова́ со Ёв уридя ман дрэ и́ди зракхибнытка, уридя ман чачипнаскирэ урибнаса; сыр пэ тэрнэстэ Ёв чхудя́ вя́нка, сыр тэрня укэдыя.

Isajos 30:21

И кана́ тырэ́ шунэ́на лав, саво́ ракирэ́ла пала́л ту́тэ: “Акэ, исын дром, джа́н пир лэ́стэ”; ко́ли ту зджаса дромэ́стыр пэ чачи́ (право) риг ци пэ зэ́рво (ле́во) риг.

Pritčy 16:15

Сыр крали́скиро муй зяинэла, то джиибэ́н дэ́ла сарэ́нгэ, и лэ́скири ла́ска исын сыр о́блоко вэснакирэ брышындэса.

Psalmy 32:11

Явэ́н весе́ла (лошалэ́) дрэ Растэ-Дэвлэ́стэ и зоралэ́с радынэ́нпэ, тумэ́, савэ́ сан чачипнаскирэ, и сарэ́, кон исын чачуно́ илэ́са, радынэ́нпэ зоралэ́с.

Ióvo 33:23

Ко́ли тэ явэ́л бичхаибнаскиро Янго́ло ваш лэ́скэ, ману́ш, кон розлэла годя́са, екх тысёнцэндыр, соб (кай) тэ сыкавэ́л адалэ́ манушэ́скэ лэ́скиро маму́й дром,

Заха́рия 9:9

Ра́дынпэ зоралэ́с бахтятыр, Сионо́скири чхай, дэ го́дла радыма́тыр, Ерусалимо́скири чхай: акэ, кра́ли тыро́ явэ́ла кэ ту, чачипна́скиро и зракхибнаскиро, ковлэ́-илытко, уклисто пэ ослицатэ и пэ тэрнэ́ ослостэ, савэскири дай псирдя́ тэло ґа́мо.

Amoso 4:7

“Мэ адя́кэ-паць на давас брышы́нд тумэ́нгэ, ке́ли сыс ишчо (инкэ́) трин чхона́ кэ укэдыибэн гивэнгиро. Мэ бичхававас брышы́нд пэ екх фо́ро, и Мэ на бичхававас брышы́нд пэ яви́р фо́ро: екх котэ́р пхув сыс почхудо брышындэса, а яви́р, со сыс почхудо брышындэса, зашутия.

Roiben 4:2

Дро́га Сионоскирэ чхавэ́, савэ́ исын мол сыр жужо́ сувнака́й, сыр да лэ́нгэ дэ́на паты́в сы́рбы ґлэякирэ судинкэнгэ, со кэрдя́ кучикэнгиро (горшэчнико).

Заха́рия 9:13

Пал-дова́ со Мэ сыр лу́ко надтырдава Пэ́скэ Юдас и пхэрдякирава лу́ко Ефремоса, и ґазда́ва чхавэ́н тырэ́н, Сио́нэ, пэ чхупнар΄яндэ, Иония, и Мэ кэра́ва ту́тыр марибны́тко курта́ла зоралэ́-манушэскири.

Apostolengiri Butý 14:17

Нэ Ёв ячкирдя́ пал Пэ́стэ допхэныбэ́н и сыкавэ́ла Пэ́скиро лачхипэ́н дрэ дова́, со бичхавэ́ла амэ́нгэ болыбна́стыр брышы́нд дро аплодоскиро часо; Ёв дэ́ла амэ́нгэ хабэ́н и пхэрдякирэла амарэ́ илэ радыма́са”

Psalmy 84:6

Бахтало́ исын кодова́ ману́ш, конэ́скири зор исын Ту́тыр, конэ́скиро ило́ исын пэ дром кэ Сио́но;

3 Kralip 8:36

то шун болыбна́стыр, и приманг (отмэк) Тырэ́ писхарье́нгиро грэ́хо и Тырэ́ Израилёскирэ манушэ́нгиро, сыка́в лэ́нгэ лачхо́ дром, пир саво́ тэ джа́н, и бичха́в брышы́нд пэ Тыри́ пхув, сави́ Ту дыя́н манушэ́нгэ Тырэнгэ дрэ мэкно́ миштыпэ́н.

Ióvo 37:13

Дэвэ́л бичхавэ́ла брышы́нд, соб (кай) тэ пирисыклякирэл ману́ш ци ваш пхув, соб (кай) тэ сыкавэ́л Пэ́скири ла́ска.

Psalmy 147:8

Кон учхакирдя́ болыбэ́н облокэ́нца, Кон кэдэла брышы́нд ваш пхув, Кон кэрэ́ла адя́кэ, со чар барьёла пэ бэ́рги.

Езэкилё 34:26

Мэ бахтякирава лэн и пхувья́, савэ́ исын пашы́л Мири́ бэ́ргица; Мэ ява́ва тэ бичхавав брышы́нд, ко́ли трэй, кадалэ́ явэ́на бахтякирибнаскирэ брышында.