Ioil 2:20 - Библия - Пэ Балтитко Романи чиб (Романэс) 2019

²⁰ И Мэ дурьякирава тумэ́ндыр халадыбэ́н паш-ратитконэ́ (севернонэ) рига́тыр, и Мэ традава лэн криг пэ бипанескири и чхучи́ пхув, лэ́нгирэ муенца тэ рисён кэ васточно мо́рё (дэрья́в), и лэ́нгирэ думэнца тэ рисён кэ пал-панитко (за́падно) мо́рё (дэрья́в). Лэ́нгири кхан явэ́ла тэ ґаздэлпэ, и джунгало́ (брыдко) кхандыпэн лэ́ндыр джа́ла упрэ́, пал-дова́ со ёнэ кэрдэ́ барэ́ ди́вы.

Biblija - Pe Baltitko Romani čib (Romanes) 2019

²⁰ I Me durjakirava tuméndyr xaladybén paš-ratitkoné (sieviernone) rigátyr, i Me tradava len krig pe bipanieskiri i čhučí phuv, léngire mujenca te risjon ke vastočno mórjo (derjáv), i léngire dumenca te risjon ke pal-panitko (západno) mórjo (derjáv). Léngiri khan javéla te ĥazdelpe, i džungaló (brydko) khandypen léndyr džála upré, pal-dová so jone kerdé baré dívy.

Ioil 2:20 Referans Kwoze

Заха́рия 14:8

И явэ́ла дро дова́ дывэ́с: джидэ́ паня́ лэ́на тэ тхадэн Ерусалимо́стыр, паш лэ́ндыр кэ васточно мо́рё (дэрья́в). И паш лэ́ндыр кэ за́падно мо́рё (дэрья́в): лына́скиро и ивантэ́скиро (зимакиро) явэ́ла адя́кэ.

Amoso 4:10

“Мэ бичхававас пэ тумэ́ндэ мэрибнытка фра́нсы, сыр и пэ Еги́пто: Мэ мулякиравас тумарэ́ тэрнэ́ муршэ́н куртала́са кхэтанэ́ грэнца, савэ́н лэнас дро пле́но; Мэ кэравас адя́кэ, доя́ кхан (смрадо) ґаздэласпэ пир тумарэ́ станы (таборы) дрэ тумарэ́ рутхуня, нэ тумэ́ на рисинэ́ кэ Мэ”, – ракирэ́ла Рай Дэвэ́л.

Isajos 34:3

Лэ́нгирэ замардэ́ мануша́ явэ́на росчхурдынэ, и закхандэна лэ́нгирэ тру́пы, бэ́рги явэ́на киндлэ лэ́нгирэ ратэстыр.

Яви́р Зако́но 11:24

кажно штэ́то, пэ саво́ тэрдёла тумари́ ґэро́й, явэ́ла тумаро́; чхучэ́ пхувья́тыр и Ливаностыр, рэка́тыр (лэня́тыр) Ефратостыр, адя́кэ-паць кэ за́падно (пал-панитко) мо́рё (дэрья́в) явэ́на штэ́ты тумарэ́.

Езэкилё 47:18

Шпэ́ра (чэрта) васточнонэ рига́тыр лыджа́н машки́р Аврано и Дама́ско, машки́р Галадо и Израилёскири пхув, пир Иорда́но, паш-ратитконэ́ рига́тыр, кэ васточно мо́рё (дэрья́в), дава́ исын васточно риг.

Vygiiben 10:19

И ґаздыя́ Рай Дэвэ́л явирэ рига́тыр западостыр древа́н зоралы́ балва́л, и ёв лыджия́ саранча и чхурдыя́ ла дро Лоло́ мо́рё (дэрья́в): на яця́пэ ни екх пхакитко скочко пэ сари́ Египто́скири пхув.

4 Kralip 8:13

И пхэндя́ Азаило: “Со дасаво дына́ри тыро́ исын джукэл, соб (кай) могиндя́ тэ кэрэ́л дасаво баро́ рэ́ндо?” И пхэндя́ Елисе́ё: “Сыкадя́ ма́нгэ Рай Дэвэ́л, со ту явэ́са Сирия́киро кра́ли.”

Vygiiben 8:14

И скэдынэ́ лэн дрэ кучы, и закхандыя пхув.

Psalmy 126:3

Рай Дэвэ́л кэрдя́ барэ́ рэ́нды амэ́нгэ, и амэ сам ра́да.

Малахия 3:11

И Мэ кэра́ва адя́кэ, со кирмэ буты́р тэ на хан сарэ́са барьякирдэ́ (пло́ды), со тумари́ пхув дэ́ла, и соб (кай) винаграды́тко хру́сто тэ на пириячэл тэ дэл му́ри пэ фэ́лда,” – ракирэ́ла янголэ́нгирэ-болыбна́скиро Рай Дэвэ́л;