Ioil 2:13 - Библия - Пэ Балтитко Романи чиб (Романэс) 2019

¹³ И рискирэ́н тумаро́ ило́, а на урибэ́н, рисён кэ Рай Дэвэ́л, тумаро́ Дэвэ́л, пал-дова́ со Ёв исын лачхэ́-де́скиро и бут исын ла́ска Лэ́стэ. Ёв ле́нтэс (насыгэс) холясо́ла, и Ёв исын лачхэ́-илы́тко; и Ёв тангинэла (жалинэла) анги́л дова́, сыр тэ кэрэ́л биба́хт.

Biblija - Pe Baltitko Romani čib (Romanes) 2019

¹³ I riskirén tumaró iló, a na uribén, risjon ke Raj Devél, tumaró Devél, pal-dová so Jov isyn lačhé-diéskiro i but isyn láska Léste. Jov liéntes (nasyges) xoliasóla, i Jov isyn lačhé-ilýtko; i Jov tanginela (žalinela) angíl dová, syr te kerél bibáht.

Ioil 2:13 Referans Kwoze

Psalmy 86:15

Нэ Ту, о Раё Дэ́вла, сан лачхэ́-илэ́скиро Дэвэ́л, тангипнаскирэ и вырикирибнытко, Ту сан барвало́ пэ лачхэ́-илы́ткима и патяибэ́н.

Psalmy 34:18

Патяибнаскирэ мануша́ кхарэ́на Рас-Дэвлэ́с и Ёв шунэ́ла, И Ёв зракхэ́ла лэн сарэ́ лэ́нгирэ пхарипнастыр.

Isajos 57:15

Пал-дова́ со адя́кэ ракирэ́ла Вучо́, Вучэ́с ґаздыно́, Саво́ дживэ́ла ве́чнэс, Лэ́скиро лав исын “Свэ́нто”: “Мэ джива́ва пэ вучо́ болыбэ́н и пэ свэ́нто штэ́то и адя́кэ-паць одолэ́ манушэ́нца, конэ́скиро ду́хо (фа́но) исын пхагирдо́, и кон исын на пхутькирдо, соб (кай) тэ отджидякирав ду́хо (фа́но), кон на пхутькирдо, и тэ отджидякирав илэ, конэ́стэ ду́хо (фа́но) исын пхагирдо́.

Mihiejo 7:18

Кон исын Кадасаво́, Дэ́вла, сыр Ту сан? Кон отмэкэ́ла чорипэ́н и промэкэла чорэ́ рэ́нды манушэ́нгэ Лэ́скирэ мэкнэ́ миштыпна́стыр, савэ́ ячнэ́пэ? Ту на явэ́са ўса́ды (сак) тэ рикирэс холы́, пал-дова́ со Ту радынэсапэ тэ сыкавэс ла́ска.

Psalmy 86:5

Пал-дова́ со Ту, Раё Дэ́вла, сан лачхо́ и Ту камэ́са тэ примангэс: Ту сан барвало́ лачхэ́-илыткимаса сарэ́нгэ, кон прикхарэла Тут.

Psalmy 103:8

Рай Дэвэ́л исын лачхэ́-илэ́скиро и тангинэла сарэ́н, Ёв насыгэс холясо́ла и исын барвало́ тэ сыкавэ́л Лэ́скири лачхэ́-илы́ткима.

Jona 4:2

И ёв мангдя́пэ Ра́скэ-Дэвлэ́скэ и пхэндя́ ёв: “О Раё Дэ́вла! Саро́ дава́ на пир мирэ́ лава́, со мэ пхэндём, ке́ли мэ ишчо (инкэ́) со́мас пэ пэ́скири пхув? Палдава́ мэ и насцём вагэдыр (ґарэдыр) кэ Фарсисо: пал-дова́ со мэ на джиндём, со Ту сан лачхэ́-дескиро Дэвэ́л, Саво́ сыкавэ́ла ла́ска, Саво́ ле́нтэс холясо́ла и кэрэ́ла бут-бут лачхипэ́н, Кон жалинэла тэ кэрэ́л бэдыпэн.

Isajos 66:2

Пал-дова́ со саро́ дава́ кэрдя́ Миро васт, и саро́ дава́ сыс, – ракирэ́ла Рай Дэвэ́л. “Акэ, пэ конэ́стэ Мэ подыкхава: пэ одолэ́стэ, кон исын на пхутькирдо, пхагнэ духо́са, кон издрала анги́л Миро лав.

2 Kralip 1:11

Тэды сухтылдя Дави́до пэ́скирэ и́ди, и роскустя лэн, адя́кэ-паць и сарэ́ мануша́ кэрдэ́, савэ́ сыс лэ́са,

Римлянэнгэ 2:4

Ци ту на гинэса Дэвлэ́скиро лачхипэ́н, вырикирибэн и ужакирибэ́н, и, хай, ту на ґалёса, со Дэвлэ́скэ трэй, соб (кай) ту тэ рискирэс пэ́скиро джиибэ́н кэ Ёв?

Psalmy 51:17

О, Раё Дэ́вла, откэр мирэ́ ушта́ и отпхандэ миро муй тэ шара́в Тут.

4 Kralip 22:19

Адя́кэ, сыр поковлыя ило́ тыро́, и ту тэлякирдян пэс анги́л Растэ-Дэвлэ́стэ, сыр шундя́н дова́, со Мэ пхэндём пэ дава́ штэ́то и пэ лэ́скирэ манушэ́ндэ, со ёнэ явэ́на дара́са и прокошыбнаса, и ту роскустян и́ди пэ́скирэ, и рондян анги́л Ма́ндэ, тэды и Мэ шундём тут, – ракирэ́ла Рай Дэвэ́л.

Эфесянэнгэ 2:4

нэ Дэвэ́л, Саво́ исын барвало́ тангипнаса, и Саво́ пир бари Пэ́скири ла́ска, савья́са Ёв притырдыя амэн,

Psalmy 106:45

и Ёв пририпирдя Пэ́скиро Завето, со Ёв дыя́ лэ́нгэ, и Ёв потангиндя лэн Лэ́скирэ барэ́ лачхэ́-илыткиматыр;

Ióvo 1:20

И уштыя́ Ио́во и рискирдя́ пэ́скиро урибэ́н, и мурадя сарэ́са пэ́скиро шэро́, и пыя́ пэ пхув, дыя́ паклоно,

Čysly 14:18

“О Рай Дэвэ́л ґара́ (длу́гэс) ужакирэ́ла и Ёв исын бутэ́-тангипнаскиро, Саво́ отмэкэ́ла грэ́хи и чорипэ́н, и Ёв на ячкирэ́ла би отпхэныбнаскиро, нэ Ёв чхувэ́ла ка́ра пал дадэ́нгиро чорипэ́н пэ чхавэ́ндэ кэ три́то и шта́рто ро́до.

Ниеми́я 9:17

Ёнэ на закамлэ тэ поддэнпэ, на пририпирдэ ди́вы тырэ́, савэ́ ту кэрдя́н лэ́нца, и рикирдэ мэн упрэ́ и пир пэ́скири во́ля палэ чхудэ́ анги́л пэ́стэ шэралэс, соб (кай) тэ явэ́н писхарье́нца. Нэ Ту, сан Дэ́вла, Саво́ выкэдэ́ла тэ отмэкэ́л грэ́хи, Саво́ длэнгэс вырикирэ́ла, и Ту на ячкирдян лэн.

1 Ximaske 4:8

Пал-дова́ со, кон залэлапэ пэ́скирэ мускулэнца и масэнца, дава́ лэ́скэ зорьякирэла лэ́скирэ маса́-дава́ исын набаро́ лачхипэ́н, нэ кон дживэ́ла дара́са анги́л Дэвлэ́стэ, одова́ янэ́ла лачхипэ́н пир саро́ и дэ́ла наде́я дро дава́ свэ́то и дрэ дова́, со явэ́ла анги́л.

Naumo 1:3

Рай Дэвэ́л насыгэс холясо́ла (ґара́ / длу́гэс ужакирэ́ла) и Лэ́стэ исын баро́ зоралыпэ́н. И Ёв на ковлякирэла ило́ анги́л бибахталэндэ: сыр о Рай Дэвэ́л псирэ́ла, тэды ґаздэ́напэ рискирибнаскири балва́л и штормо, и о́блоки сыр пра́хо вурняна тэл Лэ́скирэ ґэра́.

Езэкилё 9:4

И пхэндя́ лэ́скэ Рай Дэвэ́л, Дэвэ́л: “Джа́ пэ́скэ машки́р фо́ро, машки́р Ерусалимо, и кэр шпэ́ра (знако) пэ чэкат одолэ́ манушэ́нгирэ, савэ́нгэ исын пхаро́ пал саро́ джунгалыпэ́н, и савэ́ пиридживэна, со кэрэ́лапэ машки́р лэ́ндэ.”

4 Kralip 6:30

Кра́ли вышундя лава́ джувлякирэ, роскустя пэ́скирэ и́ди: и гия́ ёв пир ва́нта, и мануша́ дыкхнэ́, со гоно́ праскаса (золаса) сыс пэ кокорэ́ лэ́скирэ маса́.

4 Kralip 5:7

Израилёскиро кра́ли, прогиндя лыл, роскустя пэ́скирэ и́ди: “Со мэ Дэвэ́л сом, соб (кай) тэ мулякирав и тэ отджидякирав, со ёв бичхавэ́ла кэ мэ, соб (кай) мэ тэ лав криг манушэ́стыр лэ́скири прока́за. Ѓа́да, какана́ джинэ́н и дыкхэ́н, со ёв родэ́ла причына тэ джал марибна́са проти ма́ндэ.”

3 Kralip 21:27

И сыс адя́кэ: сыр Аха́во вышундя далэ́ лава́, то ёв роскусця и́ди пэ́скирэ, и причхудя гоно́ праскаса пэ маса́ пэ́скирэ, и постиндя ёв, и сыс суто́ дро гоно́, и ёв псирдя́ пхарэ́ минаса.

Džiibén 37:34

И роскостя Яково пэ́скирэ и́ди, и чхудя́ балытко гоно́ праскаса пэ пэ́скирэ пашварэ, и обровэлас ёв бут дывэса́ пэ́скирэ чхавэ́с.

Džiibén 37:29

Рувимо нэвэ́стыр явдя́ кэ ґанби́н; и ґа́да, нанэ Ёзас дрэ ґанби́н. И роскостя ёв пэ́скирэ и́ди,

Isajos 58:5

Ци дасаво исын посто, саво́ Мэ выкэдыём? Дывэ́с, ко́ли ману́ш тэ зрикирэл пэс? Ману́ш пэ́скиро ди, ко́ли бандякирэл пэс, сыр тришчына (тростнико), пэ́скиро шэро́; сыр ёв урьелапэ дрэ пхуранэ́ и́ди, бэшэ́ла дро пра́хо. Ци кадава́ кхарэса ту постоса, пхэнэ́са, со дава́ дывэ́с явэ́ла лачхо́ Ра́скэ-Дэвлэ́скэ?

4 Kralip 22:11

Ке́ли шундя́ кра́ли лава́ Законо́скирэ лылварьятыр, то роскустя и́ди пэ́скирэ.

Ереме́ё 41:5

то, ке́ли явнэ́ мануша́ Сихэмостыр, Силомостыр (Шилостыр) Самариятыр, охтодэша́ мануша́ мурадэ́ чхорэнца (бродэнца), рискирдэ́ упрэ́ иденца, савэ́ почхиндлэ пэс. Лэ́ндэ сыс дрэ васта́ свэ́нта дыибэна́, и дро́га смо́лы, соб (кай) тэ янэ́н лэн дрэ Кхэр Ра́скирэ-Дэвлэ́скиро.

Ереме́ё 42:10

Ко́ли тумэ́ ячэ́напэ пэ дая́ пхув, тэды Мэ ґазда́ва пэ пхув тумэн и обчхувава тумаро́ джиибэ́н и Мэ на вырискирава [мулякирава-р.с.] тумэн: пал-дава́ со Мэ пиридживава пал доя́ би́да, сави́ Мэ кэрдём тумэ́нгэ.

Osija 14:1

[13.16-ю.о.] Мануша́ Самариятыр явэ́на бангэ́ палдова́, со ёнэ кэрдэ́ бу́нто проти лэ́нгирэ Дэвлэ́стэ. Ёнэ пэрэ́на куртала́тыр, лэ́нгирэ бияты явэ́на росчингирдэ (пэкадэ) пэ котэра́, и лэ́нгирэ пхарэ́ джувлятыр отлэна тыкнэмасэн.’

2 Паралипоменоно 6:27

тэды Ту вышу́н болыбна́стыр, и отмэк грэ́хо Тырэ́ писхарьенгиро и Израилёскиро Тырэ́-манушэ́нгиро, упхэн лэ́нгэ лачхо́ дром, пир саво́ тэ джа́н лэ́нгэ, и бичха́в брышы́нд пэ Тыри́ пхув, сави́ Ту дыя́н Тырэ́ манушэ́нгэ дрэ мэкно́ миштыпэ́н.

Ереме́ё 36:7

Дава́ сашты́ тэ явэ́л, со ёнэ выпхэнэна пэ́скирэ патерья (молитвы) анги́л Растэ-Дэвлэ́стэ, и со ёнэ рисёна пэ́скирэ кажнонэ́ бибахталэ́ дромэ́стыр. Пал-дова́ со бари холын исын и мижэхипэн (мижэх лава́), савэ́ Рай Дэвэ́л пхэндя́ пэ далэ́ манушэ́ндэ.”

Jona 3:9

Кон сашты́ тэ пхэнэ́л, ци рисёла кэ Дэвэ́л, и ци пожалинэла (тангинэла), и ци, мо (хай), рискирэ́ла дрэ риг Лэ́скири бари холы́ адя́кэ, соб (кай) амэ́нгэ тэ на хасёвас.”