Ioil 2:12 - Библия - Пэ Балтитко Романи чиб (Романэс) 2019

¹² “Палдава́ акана́”, – ракирэ́ла Рай Дэвэ́л, – “рисён кэ Мэ сарэ́ тумарэ́ илэ́стыр постоса, ровибнаса и тугаса?”

Biblija - Pe Baltitko Romani čib (Romanes) 2019

¹² “Paldavá akaná”, – rakiréla Raj Devél, – “risjon ke Me saré tumaré iléstyr postosa, rovibnasa i tugasa?”

Ioil 2:12 Referans Kwoze

Osija 12:6

И ту, Яково́скиро ўнуко (непото), рисёв палэ кэ Дэвэ́л тыро́: ракх (дыкх) тангипэ́н (лачхэ́-илы́ткима) и чачуно́ сэ́ндо, и ўса́ды (сак) ужакир лачхипэ́н тумарэ́ Дэвлэ́стыр.

Ереме́ё 4:1

‘Ко́ли ту рисёса, Израиле’, – пхэндя́ Рай Дэвэ́л, – ‘рисёв кэ Мэ. И ко́ли ту вычхурдэса пэ́скирэ джунгалэ́ (брыдка) дэвлорэ́ Мирэ́ якхэ́ндыр, тэ́ньчи ту на явэ́са тэ парувэс пэ́скиро дром.

Osija 6:1

Дрэ смэнтныма пэ́скири ёнэ пэ зло́ко (ра́нко) явэ́на тэ родэ́н Ман и тэ ракирэ́н: ‘Явэ́н, и рисёваса амэ кэ Рай Дэвэ́л: пал-дова́ со Ёв дукхадя, и Ёв састякирэла амэн; Ёв пэкадя́ амэн, и Ёв пирипхандэла амарэ́ фра́нсы (раны).

1 Kralip 7:6

И скэдынэ́пэ дро Маси́фа, и пхэрэнас пани́, и чхувэ́нас анги́л Растэ-Дэвлэ́стэ, и постиндлэ дро дова́ дывэ́с, ракири́: “Кэрдя́м амэ анги́л Растэ-Дэвлэ́стэ грэ́хо.” И сэндиндя Самуи́ло Израилёскирэ чхавэ́н дро Маси́фа.

1 Kralip 7:3

И пхэндя́ Самуи́ло сарэ́ Израилёскирэ кхэрэ́скэ, ракири́: “Ко́ли тумэ́ сарэ́ пэ́скирэ илэ́са рисёна кэ Рай Дэвэ́л, тэды отчхурдэн пэ́стыр явирэ-манушэ́нгирэ дэвлэн и Астартэн, и янэ́н тумаро́ ило́ кэ Рай Дэвэ́л, и Лэ́скэ Екхэ́скэ дынаринэ́н, и Ёв зракхэ́ла тумэн Филистимлянэнгирэ вастэ́стыр.

Apostolengiri Butý 26:20

а англэды́р манушэ́нгэ, савэ́ дживдэ́ кэ Дама́ско и кэ Ерусалимо, коригэды́р пир сари́ Юдэякири пхув и Наюдэ́нгэ мэ пхэнавас лав, соб (кай) ёнэ тэ рискирэ́н пэ́скиро джиибэ́н кэ Дэвэ́л и, соб (кай) лэ́нгиро рискирибэн тэ явэ́л мол пир лэ́нгирэ лачхэ́ рэ́нды.

Osija 14:1

[13.16-ю.о.] Мануша́ Самариятыр явэ́на бангэ́ палдова́, со ёнэ кэрдэ́ бу́нто проти лэ́нгирэ Дэвлэ́стэ. Ёнэ пэрэ́на куртала́тыр, лэ́нгирэ бияты явэ́на росчингирдэ (пэкадэ) пэ котэра́, и лэ́нгирэ пхарэ́ джувлятыр отлэна тыкнэмасэн.’

Сэндарьенгири Лылвари́ 20:26

Тэды сарэ́ Израилёскирэ чхавэ́ и сарэ́ мануша́ гинэ́, и явнэ́ дро Кхэр Дэвлэ́скиро, и, бэшындой одо́й, рондлэ́ анги́л Дэвлэ́стэ, и постиндлэ дрэ дова́ дывэ́с кэ бэльвэ́ль, и яндлэ́ цэ́ло схачкирибэ́н и мирна свэ́нта яныбэна́ анги́л Дэвлэ́стэ.

Заха́рия 7:3

и тэ пхучэ́н рашандыр, савэ́ сыс дрэ Кхангири́, Ра́скирэ-Дэвлэ́скири, янголэ́нгирэ-болыбнаскири и пророкэндыр, ракири́: “Ци трэй ма́нгэ тэ ровав дро па́нджто чхон и тэ рикирав посто, со мэ кэравас ужэ бут бэрш?”

Isajos 22:12

И Рай Дэвэ́л, Рай Дэвэ́л, болыбна́скирэ-янголэ́нгиро, кхарэ́ла кэ Пэ тумэн, соб (кай) тумэ́ тэ ровэ́н, тэ годлэн дро дава́ дывэ́с, соб (кай) тумэ́ тэ обчхинэн бала́, соб (кай) тэ обпхандэнпэ гонэса праскаса, саво́ урьена дрэ биба́хт.

Заха́рия 7:5

“Пхэн сарэ́нгэ пхувья́кирэ манушэ́нгэ и рашангэ адя́кэ: ‘Ке́ли тумэ́ рикирэнас посто и ровэнас дро па́нджто и эфта́то чхон, и дава́ ужэ эфтадэша́ бэрш, – ци ваш Ма́нгэ тумэ́ рикирдэ посто? Ци ваш Ма́нгэ?

Ester 4:16

“Джа́, скэ́дэ сарэ́ Юдэ́н, савэ́ исын дрэ Сузы, и постинэн ваш ма́нгэ, и на хан и на пьен трин дывэса́, ни дывэсэ́, ни раты́, и мэ пэ́скирэ бутярнэнца адя́кэ-паць ява́ва тэ постинав, и коригэды́р (позжэ) мэ джа́ва кэ кра́ли, хоць дава́ исын проти зако́но, и ко́ли трэй явэ́ла тэ хасёвав, то хасёвава.”

Isajos 58:4

Акэ, тумэ́ рикирэ́на посто, соб (кай) тэ ханпэ и тэ кошэнпэ, и соб (кай) тэ марэ́н манушэ́н; тумэ́ на постинэна адя́кэ, соб (кай) шундлы сыс пэ вучипэ́н тумари́ зан.

Ереме́ё 4:2

И ту явэ́са тэ совлахас: “Тэ явэ́л джидо́ Рай Дэвэ́л патяибна́са, сэндоса и чачипна́са, соб (кай) Мэ тэ бахтякирав сарэ́н Наюдэн, соб (кай) Ма́ндыр ёнэ тэ барьякирэ́н пэс!”

Езэкилё 33:11

Пхэн лэ́нгэ: ‘Тэ джива́в Мэ’, – ракирэ́л Рай Дэвэ́л, Дэвэ́л: – на кама́м грэхитконэ́-манушэ́скирэ мэрибэ́н, нэ соб (кай) тэ джал криг грэхи́тко ману́ш пэ́скирэ дромэ́стыр и тэ явэ́л джидо́. Джа́н криг, джа́н тумарэ́ налачхэ́ дромэндыр, со́скэ трэй тэ мэрэ́н тумэ́нгэ, Израилёскиро кхэр?’

Дание́лё 9:3

И рискирдём мэ муй миро Ра́скэ-Дэвлэ́скэ патерьяса и мангипнаса дро посто и дро балытко гоно́ праскаса.

Малахия 1:9

Нэ акана́ мэ, Малахия, манга́ва тумэн, соб (кай) тумэ́ зоралэ́с тэ мангэ́нпэ Дэвлэ́скэ, соб (кай) тэ сыкавэ́л Ёв ла́ска (тангипэ́н) тумэ́нгэ. “Ко́ли дасаво свэ́нто дыибэ́н дошвалэ мурдалэ́ндыр (жывёлэндыр) кэрэ́на тумарэ́ васта́, тэды ци прилава Мэ лэс илэ́са?”, – ракирэ́ла янголэ́нгирэ-болыбна́скиро Рай Дэвэ́л.

Vygiiben 33:5

Палдава́ со Рай Дэвэ́л пхэндя́ Мойза́скэ: “Пхэн Израилёскирэ чхавэ́нгэ: ‘Тумэ́ сан пхарэ́-илытка мануша́; ко́ли Мэ джа́ва машки́р тумэ́ндэ, то тэды Мэ дрэ екх мэнта (минута) хасякира́ва тумэн; и адя́кэ злэн пэ́стыр шукарьякирибэна пэ́скирэ; Мэ ява́ва тэ дыкха́в, со Ма́нгэ тэ кэра́в тумэ́нца.’”

Сэндарьенгири Лылвари́ 2:4

Ке́ли Ра́скирэ-Дэвлэ́скиро Янго́ло пхэндя́ далэ́ лава́ сарэ́ Израилёскирэ чхавэ́нгэ, тэды мануша́ ґаздынэ́ бари го́дла и зарондлэ.

2 Kralip 24:10

И замардяпэ ило́ Давидо́скиро пало́ (после) дава́, сыр ёв пиригиндя манушэ́н. И пхэндя́ Дави́до Ра́скэ-Дэвлэ́скэ: “Баро́ грэ́хо кэрдём мэ, кэри адя́кэ; и какана́ манга́ва Тут, Дэ́вла, приманг (простин) грэ́хо Тырэ́ писхарискиро, пал-дова́ со сарэ́са нагодьварэс кэрдём мэ.”

2 Паралипоменоно 6:27

тэды Ту вышу́н болыбна́стыр, и отмэк грэ́хо Тырэ́ писхарьенгиро и Израилёскиро Тырэ́-манушэ́нгиро, упхэн лэ́нгэ лачхо́ дром, пир саво́ тэ джа́н лэ́нгэ, и бичха́в брышы́нд пэ Тыри́ пхув, сави́ Ту дыя́н Тырэ́ манушэ́нгэ дрэ мэкно́ миштыпэ́н.

2 Паралипоменоно 30:6

И гинэ́ [праста́ндынэ-ю.о.] мануша́ лылэнца крали́стыр и лэ́скирэ тхагарье́ндыр пэ сари́ Израилёскири пхув и Юдэякири, и дро крали́скиро упхэныбэ́н ракирдэ́: “Чхавэ́ Израилёскирэ! Рисён кэ Рай Дэвэ́л, Дэвэ́л Авраамо́скиро, Исаакоскиро и Израилёскиро, и Ёв рисёла кэ мануша́, савэ́ ячнэ́пэ, и савэ́ зракхнэпэ тумэ́ндэ вастэ́стыр Асирия́кирэ кралье́ндыр.

Ереме́ё 3:22

Рисён тумэ́, отгиибнытка чхаворалэ, и Мэ састякирава тумаро́ начачипэ́н. И ёнэ пхэндлэ́: ‘Акэ, амэ джа́са кэ Ту, пал-дова́ со Ту сан, Рай Дэвэ́л, амаро́ Дад.’

Ереме́ё 36:7

Дава́ сашты́ тэ явэ́л, со ёнэ выпхэнэна пэ́скирэ патерья (молитвы) анги́л Растэ-Дэвлэ́стэ, и со ёнэ рисёна пэ́скирэ кажнонэ́ бибахталэ́ дромэ́стыр. Пал-дова́ со бари холын исын и мижэхипэн (мижэх лава́), савэ́ Рай Дэвэ́л пхэндя́ пэ далэ́ манушэ́ндэ.”

Osija 12:7

Мэндро исын Хананеянино, савэ́стэ исын хоханэ́ ублады́тка (весы) дро лэ́скиро васт, лэ́скэ исын пир ило́ тэ притасавэл (тэ дукхавэл).

Ioil 1:13

Подпхандэнпэ жалобнонэ балытконэ гонэса, и ровэ́н зоралэ́с тумэ́, кон сан рашая́: тугинэ́н ровибнаса, тумэ́ кон кэрэ́ла Дэвлэ́скири буты́ анги́л алта́рё. Явэ́н, пасён сари́ рат, дрэ жалобна балытка гонэ́ тумэ́, кон кэрэ́ла буты́ мирэ́ Дэвлэ́скэ; пал-дова́ со буты́р на янэ́на свэ́нто дыибэ́н гивэстыр и тхадуно свэ́нто дыибэ́н дрэ Кхангири́ тумарэ́ Дэвлэ́скири.