Ioil 2:11 - Библия - Пэ Балтитко Романи чиб (Романэс) 2019

¹¹ И пхэнэ́ла зоралэ́с Рай Дэвэ́л Пэ́скирэ заня́са (глосаса) сы́рбы грумо анги́л Лэ́скиро халадыбэ́н: пал-дова́ со исын зоралыпнаскирэ Лэ́скирэ марибнаскирэ мурша́. Дывэ́с Ра́скирэ-Дэвлэ́скиро исын баро́ и древа́н трашано, и кон дэ́ла ра́да тэ вырикирэл лэс?

Biblija - Pe Baltitko Romani čib (Romanes) 2019

¹¹ I phenéla zoralés Raj Devél Péskire zaniása (glosasa) sýrby grumo angíl Léskiro xaladybén: pal-dová so isyn zoralypnaskire Léskire maribnaskire muršá. Dyvés Ráskire-Devléskiro isyn baró i drieván trašano, i kon déla ráda te vyrikirel les?

Ioil 2:11 Referans Kwoze

Малахия 3:2

Нэ кон вырикирэ́ла [сашты́ тэ вырикирэл-ю.о.] дава́ дывэ́с, ке́ли Ёв явэ́ла? Кон вытэрдёла [сашты́ тэ вырикирэл-ю.о.], ке́ли Ёв сыкадёла? Ёв явэ́ла сы́рбы яг, сави́ розбилавэла (росплавинэла), сы́рбы шутло сапуни (шчолко), саво́ жужакирэла руп.

Naumo 1:6

Кон дэ́ла ра́да тэ тэрдёл штылэ́с, ке́ли Рай Дэвэ́л зоралэ́с холясо́ла? Кон дэ́ла ра́да тэ вырикирэл мижэхипэн Лэ́скирэ холя́тыр? Лэ́скиро холякирибэ́н вычхувэлапэ сыр яг, и скалы (бэ́рги) пхарадёна пэ котэра́ анги́л Лэ́стэ.

Sykadyipén 18:8

палдава́ фра́нсы, мэрибэ́н, смэнтныма роибнаса и бари бокх явэ́на дро екх дывэ́с пэ ла́тэ. Яг хачкирэ́ла сарэ́са ла, пал-дова́ со Рай Дэвэ́л исын зорало́, Саво́ сэндякирэ́ла ла.

Sykadyipén 6:17

пал-дова́ со явдя́ важно дывэ́с ваш Лэ́скири холы́ и конэ́скэ исын пир зор тэ тэрдёл муршканэ́с анги́л дава́?”

Ioil 3:16

И Рай Дэвэ́л адя́кэ-паць загриминэла Сионо́стыр, и Ёв пхэнэ́ла Пэ́скирэ заня́са Ерусалимо́стыр; болыбэ́н и пхув явэ́на тэ тринскирэнпэ; кэ Рай Дэвэ́л явэ́ла гаравибнаскиро штэ́то ваш Лэ́скирэ манушэ́нгэ, и Ёв явэ́ла сыр тва́рдыма / диз (крепость) чхаворэнгэ Израилёскирэнгэ.

Ереме́ё 30:7

Пэ биба́хт (бари би́да), явэ́ла баро́ дава́ дывэ́с, со буты́р дасаво нанэ и на явэ́ла, И адя́кэ-паць явэ́ла пхаро́ Яково́скэ, нэ ёв явэ́ла зракхно;

Psalmy 46:6

Дэвэ́л исын дро дава́ фо́ро, ёв на пэрэ́ла: Дэвэ́л подэла васт далэ́ фороскэ тасярлатыр.

Amoso 5:20

Нау́што дывэ́с Ра́скирэ-Дэвлэ́скиро исын на калыпэ́н, а дуд? Хор калыпэ́н, нанэ ни сави́ ясныма, и на зяинэла.

Ioil 1:15

Дэ́вла! Саво́ Дывэ́с ж да явэ́ла! Пал-дова́ со Ра́скирэ-Дэвлэ́скиро дывэ́с исын пашы́л; ёв явэ́ла сы́рбы хасибэ́н Сарэзорьякирэстыр.

Ереме́ё 50:34

Лэ́нгиро Выракхибнаскиро исын зорало́; болыбна́скирэ-янголэ́нгиро Рай Дэвэ́л исын Лэ́скиро лав: Ёв добусовэс (старательнэс) обсэндякирэла (роскэдэла) лэ́нгиро рэ́ндо, соб (кай) ёв сашты́ (могинэл) тэ дэл откхиныбэн пхувьякэ, со исын тэл Халдее́ндэ, и напокоё (дар) манушэ́нгэ, кон дживэ́ла кэ Вавило́но.

Isajos 42:13

Рай Дэвэ́л выджа́ла сыр древа́н зорало́ мурш, сыр мурш марибны́тко, Ёв ґаздэ́ла зэвлыныпэ́н, Ёв кхарэ́ла кэ Пэ и дэ́ла го́дла марибныткэс, Ёв сыкавэ́ла Лэ́скирэ вэргэ́нгэ, со Ёв исын зорало́.

Isajos 13:4

Баро́ шумо исын пэ бэ́рги, сы́рбы бутэ́ народо́стыр; шумо, саво́ ґаздынэ́ кралипэна́ и народо, скэдыно́ кхэтанэ́: Рай Дэвэ́л, болыбна́скирэ-янголэ́нгиро, обдыкхэла халадэ́нгиро строё.

Čysly 24:23

И проракирдя пэ́скири притча, и пхэндя́: “Бида, кон ячэ́лапэ джидо́, ке́ли янэ́ла дава́ Дэвэ́л!

Ioil 2:31

Кхам парудёла пэ калыпэ́н, и чхон парудёла пэ рат, – анги́л, сыр явэ́ла баро́ и трашано Дывэ́с Ра́скирэ-Дэвлэ́скиро.

Ереме́ё 25:30

Палдава́ ту, Ереме́ё, ангилпхэн (пророчын) лэ́нгэ сарэ́ кадалэ́ лава́ и пхэн лэ́нгэ: “Рай Дэвэ́л загриминэла вучипна́стыр, и Ёв пхэнэ́ла Пэ́скирэ заня́са Пэ́скирэ свэнтонэ́ штэто́стыр; Ёв загриминэла зоралэ́с пэ Пэ́скири пхув, сы́рбы кодолэ́, савэ́ тасавэна винаградо, пэ сарэ́ндэ, кон дживэ́ла пэ пхув.

Amoso 5:18

Бида явэ́ла пэ тумэ́ндэ, кон древа́н камэ́ла, соб (кай) тэ явэ́л дывэ́с Ра́скирэ-Дэвлэ́скиро! Саво́ лачхипэ́н тумэ́ ужакирэ́на дывэсэ́стыр Ра́скирэ-Дэвлэ́стыр? Дава́ ж явэ́ла калыпэ́н, а на дуд.

Amoso 1:2

И ёв пхэндя́: “О Рай Дэвэ́л явэ́ла тэ ґреминэл Сионо́стыр, и Ёв пхэнэ́ла Пэ́скирэ заня́са Ерусалимо́стыр; и явэ́на тэ тугинэн зоралэ́с санэ буди (хижыны) чхупнарьенгирэ, и вышутёла фе́ля (макушка) пэ вучипэ́н Кармилоскиро.”

Ioil 2:25

И Мэ да́ва палэ тумэ́нгэ саро́ дова́, со хая пхакитко скочко, кирмэ, бамбулы (жуки) и листэнгиро кирмо – Миро баро́ халадыбэ́н, со Мэ бичхадём пэ тумэ́ндэ.

Езэкилё 22:14

Ци вырикирла тыро́ ило́, ци на обмэкэнапэ Тырэ́ васта́ дрэ кодолэ́ дывэса́, ко́ли Мэ выджава пэ ту́тэ? Мэ, Рай Дэвэ́л, Дэвэ́л, пхэндём и кэра́ва дава́.

Isajos 7:18

И явэ́ла дро дова́ дывэ́с: выкхарэла Рай Дэвэ́л матля (муха), сави́ вурняла пашы́л Египто́скирэ рэка (лэнь) и бырля (пчола), сави́ вурняла пэ Асириякири пхув.

1 Фесалоникийцэнгэ 4:16

пал-дова́ со Рай Дэвэ́л Кокоро́ явэ́ла Болыбна́скирэ Раёстыр и Лэ́скиро явибэн сыкавэ́ла сарэ́нгэ тэ шунэ́н Архангелоскири зан, зоралы́ сыр Дэвлэ́скиро ро́го (труба), и кон пэ́рво мыя́ патяибна́са дрэ Христосо́стэ, отджидёла мулэ́ндыр;

Ioil 1:6

Пал-дова́ со бут зоралэ́ мануша́ явнэ́ пэ Мири́ пхув, со нашты́ лэн тэ погинэс; лэ́нгирэ данда́ исын сыр шчэрэстэ (левостэ), и лэ́нгирэ жанды исын сыр шчэрихатэ (левицатэ).

Ioil 2:1

Пхурдэ́н дро ро́го (дрэ труба) пэ Сио́но, и ґаздэ́н го́дла пэ свэ́нто Дэвлэ́скири бэ́рга; мэк сарэ́ мануша́, кон дживэ́ла пэ пхув – тэ издран, пал-дова́ со явэ́ла пашэдыр Ра́скирэ-Дэвлэ́скиро дывэ́с, акэ, ёв откэрлапэ:

Ioil 2:2

явэ́ла дава́ дывэ́с кало́ и тугитко, хмуры́тко дывэ́с ґэнстонэ калыпнаса (цямлыпнаса), сыр о́блоки пэ зло́ко (пэ ра́нко) розджанапэ палэ бэ́рги, адя́кэ-паць и явэ́на мануша́, барэ́ и зоралэ́, савэ́ на сыс векэндыр: и кадасавэ́-паць буты́р на явэ́на ние́кхвар пал лэ́ндэ машки́р манушэ́нгирэ ро́ды.

Ioil 3:14

Бут, бут мануша́ исын пэ до́ло, пэ саво́ присэндинэна! Пал-дова́ со дывэ́с Ра́скирэ-Дэвлэ́скиро исын пашы́л пэ до́ло, пэ саво́ присэндинэна.

Авдиёс 1:15

Пал-дова́ со сыг явэ́ла Дывэ́с Ра́скирэ-Дэвлэ́скиро пэ сарэ́ Наюды́тка на́цыи: сыр ту кэрдя́н, адя́кэ и ту́кэ явэ́ла кэрдо́; тырэ́ рэ́нды рисёна пэ тыро́ шэро́.

Psalmy 18:14

И Рай Дэвэ́л адя́кэ-паць пхэндя́ дро громо, и Най Вучэдырэскиро выпхэндя пэ́скирэ заня́са, градоскирэ барэ́нца и вангарэнца, со хачонас.

Psalmy 68:18

Дэвлэ́стэ исын биш бара́ (тысёнцы) марибны́тка вурдэна́, аж лэн исын бара́ машки́р бара́: Рай Дэвэ́л исын машки́р лэ́ндэ, сыр Ёв исын пэ Пэ́скиро Свэ́нто Штэ́то пэ Синаё.