Ioil 1:11 - Библия - Пэ Балтитко Романи чиб (Романэс) 2019

¹¹ Ладжан тумэ́, кон сан пхувья́кирэ бутярнэ́, тугинэн ровибнаса, тумэ́, кон сан винаградарья, пир парно́ гив и ґэрсто (ячменё), пал-дова́ со фэлдакирэ гива́ хасинэ́.

Biblija - Pe Baltitko Romani čib (Romanes) 2019

¹¹ Ladžan tumé, kon san phuvjákire butiarné, tuginen rovibnasa, tumé, kon san vinagradarja, pir parnó giv i ĥersto (jačmienjo), pal-dová so feldakire givá xasiné.

Ioil 1:11 Referans Kwoze

Isajos 17:11

Дро дова́ дывэ́с ту кэрэ́са саро́ адя́кэ, соб (кай) тыри́ раслина тэ барьёл, и, соб (кай) тася́рлэс (ра́нэс) пэ зло́ко (ра́нко), тыри́ зя́рка тэ лулудёл (тэ цветинэл); нэ дро счхиныбнаскиро (скэдыибнаскиро) дывэ́с явэ́ла ту́га смэнтнымаса пэ руинэнгири груда.

Ереме́ё 9:12

Кон исын годо́ ману́ш, соб (кай) ёв тэ дэл ра́да тэ ґалёл саро́ дава́? И конэ́скэ Ра́скирэ-Дэвлэ́скирэ ушта́ пхэндлэ́, соб (кай) ёв могинэлас тэ пхэнэ́л статэчнэс сарэ́нгэ? Со́скэ дая́ пхув хасия́, схачия сы́рбы шуки́ чхучи́ пхув мал адя́кэ, со нико́н на джа́ла пир ла́тэ?’

Римлянэнгэ 5:5

И амари́ наде́я на подлыджала амэн, пал-дова́ со Дэвлэ́скири ла́ска пир Свэ́нто Ду́хо (Фа́но) пхэрдякирдя́ амарэ́ илэ ласкаса, сави́ дыны́ амэ́нгэ:

Amoso 5:16

Палдава́ адя́кэ ракирэ́ла Рай Дэвэ́л, янголэ́нгирэ-болыбна́скиро Дэвэ́л Сарэзорья́киро: “Зорало́ ровибэн явэ́ла пэ сарэ́ вули́цы (га́сы), и мануша́ явэ́на тэ припхэнэн пэ сарэ́ дрома́: ‘Дэ́вла! О Дэвлалэ!’ И ёнэ явэ́на тэ кхарэ́н пхувья́кирэ бутярьен тэ тугинэн зоралэ́с, и кадасавэн, кон исын спецы тэ тугинэн ровибнаса.

Ереме́ё 50:16

Чингирэн тэ хасёл одолэ́с, кон чхувэ́ла гив дрэ пхув дро Вавило́но, и кодолэ́с, саво́ рикирэ́ла серпо (чхиндло́), сыр тэ чхинэл гив, курталакирэ дара́тыр, сави́ явэ́ла тэ притасавэл, мэк со екх ману́ш тэ рисёл кэ пэ́скирэ мануша́, мэк со екх ману́ш тэ нашэ́л пэ пэ́скири пхув.’

Езэкилё 30:2

“Манушэ́скиро чхава! Пхэн пир лав ангилпхэныбэ́н и пхэн: адя́кэ ракирэ́л Рай Дэвэ́л, Дэвэ́л: ‘Ровэ́н! О! бибахтало́ дывэ́с, ай!

Ереме́ё 14:2

“Юдэ́я тугинэла зоралэ́с, и ла́кири по́рта роспыяпэ, ёй калыя кэ пхув; и Ерусалимо́скири го́дла ґаздыя́пэ.