Galatenge 1:6 - Библия - Пэ Балтитко Романи чиб (Романэс) 2019

⁶ Мэ дивинавапэ, со тумэ́ адя́кэ сы́гэс рисёна Лэ́стыр, Саво́ кхардя́ тумэн пир Христосо́скиро бахталыпэ́н кэ яви́р бахталы́ зан (звесь),

Biblija - Pe Baltitko Romani čib (Romanes) 2019

⁶ Me divinavape, so tumé adiáke sýges risjona Léstyr, Savó khardiá tumen pir Xristosóskiro bahtalypén ke javír bahtalý zan (zvies'),

Galatenge 1:6 Referans Kwoze

2 Коринфянэнгэ 11:4

Пал-дова́ со, ко́ли вари-кон яви́р, чачэс, явэ́лас кэ тумэ́ и роспхэнэлас пал сы́рбы явирэ́ Христо́стэ, конэ́с амэ на роспхэндям, ци ко́ли тумэ́ прилынэ́ яви́р Ду́хо (Фа́но), Савэс тумэ́ ґарыдыр на прилэнас; и тумэ́ прилэнас яви́р бахталы́ зан (звесь), сави́ тумэ́ ґарэдыр на приджинэнас, – дыкхэ́н: сыр тумэ́ локхэс прилэнас дасавэ́ манушэ́с!

Isajos 29:13

И пхэндя́ Рай Дэвэ́л: “Палдова́ со дава́ народо джа́ла кэ Мэ пэ́скирэ уштэ́нца и шарэла Ман пэ́скирэ чиба́са, нэ ило́ лэ́скиро дур отгия́ Ма́ндыр, и дова́, со ёнэ ґаздэ́на Ма́нгэ паты́в дрэ дар долэса, со сыклякирэ́на манушэ́нгирэ упхэныбэна́,

Psalmy 106:13

Нэ ёнэ бистырдэ пал Лэ́скирэ бутя́, ёнэ на ужакирдэ, пака явэ́ла Дэвлэ́скири годы́ пэ дава́:

1 Ximaske 1:3

Ке́ли мэ скэдаваспэ тэ традав кэ Македония, мэ зоралэ́с мангдём тут тэ ячэспэ дрэ Ефесия и тэ припхэнэс одолэ́ манушэ́нгэ тэ на сыклякирэ́н яви́р сыклякирибэ́н,

1 Коринфянэнгэ 4:15

Палдава́, ко́ли тумэ́ндэ исын дэш тысёнцы сыклярьен (наставникэн) пир патяибэ́н дрэ Христосо́стэ, нэ усае́кх тумэ́ндэ исын екх дад; пал-дова́ со мэ яцём сы́рбы дад ваш тумэ́нгэ пир бахтало́ лав, со мэ яндём.

Apostolengiri Butý 15:11

Нэ амэ патя́са дрэ дова́, со амэ зракхасапэ пир бахталыпэ́н амарэ́ Ра́скирэ-Дэвлэ́скиро, Исусо́скиро адя́кэ-паць, сыр и ёнэ.”

Galatenge 5:4

Тумэ́ дуринэ Христосо́скирэ лачхипнастыр, ко́ли камэ́на тэ явэ́н приджиндлэ чачунэнца анги́л Дэвлэ́стэ пир Зако́но; тумэ́ ж отпынэ бахталыпнастыр.

Римлянэнгэ 10:3

Пал-дова́ со ёнэ на уджиндлэ́ Дэвлэ́скиро чачипэ́н, и чхувэ́нас зорья́са ёнэ пэ́скиро чачипэ́н, пал-дова́ ёнэ на чхудэ́ пэс тэл Дэвлэ́скиро чачипэ́н.

1 Ximaske 1:14

Нэ бахталыпэ́н амарэ́ Ра́скиро-Дэвлэ́скиро сыс сыкадо кэ мэ дро саро́ ла́киро барвалыпэ́н, выкэдыибнаса и илэ́са дрэ Исусо́стэ Христосо́стэ.

Sykadyipén 22:21

Мэк бахталыпэ́н Ра́скирэ-Дэвлэ́скирэ, Исусо́скиро Христосо́скиро тэ явэ́л тумэ́нца.

2 Ximaske 2:1

Ми́ро чха́во, барьёв бутэды́р дро бахталыпэ́н, саво́ исын дыно́ амэ́нгэ дро екхипэ́н Исусо́са Христосо́са,

2 Ximaske 1:9

Ёв, Саво́ зракхця́ и кхардя́ амэн кэ свэ́нто джиибэ́н на пир амарэ́ рэ́нды, а пир Пэ́скири дума и бахталыпэ́н, саво́ сыс дыно́ амэ́нгэ пир Исусо́стэ Христосо́стэ анги́л, сыр свэ́то яця́,

2 Фесалоникийцэнгэ 2:14

кэ саво́ Ёв и кхардя́ тумэн пир амаро́ роспхэныбэн пал бахталы́ зан (звесь), соб (кай) тумэ́ндэ тэ явэ́н паш дрэ сла́ва амарэ́ Ра́скирэ-Дэвлэ́скири, Исусо́скирэ Христососкири.

Римлянэнгэ 5:2

пир Савэ́стэ амэ сам домэкнэ пир патяибэ́н кэ дава́ бахтякирибэ́н, дрэ саво́ амэ какана́ дживаса, и амэ радынасапэ, со амэ́ндэ исын наде́я пэ Дэвлэ́скири сла́ва.

Joannostir 9:30

Ману́ш, саво́ яця́ тэ дыкхэ́л, пхэндя́ лэ́нгэ: “Дава́ исын баро́ ди́во, со тумэ́ на джинэ́на, каты́р Ёв исын, нэ Ёв отчхакирдя́ якха́ ма́нгэ.

2 Petr 1:3

Дэвэ́л, Лэ́скирэ Дэвлэ́скирэ зорья́са дыя́ саро́ амэ́нгэ, со трэй ваш дэвлы́тко джиибэ́н, соб (кай) тэ уджинас Дэвлэ́с, Саво́ кхардя́ амэн кэ Пэ слава́са и лачхипна́са,

1 Petr 1:15

нэ пал-дова́ со Ёв исын Свэ́нто, Саво́ кхардя́ тумэн, явэ́н кокорэ́ свэ́нта дро саро́, со тумэ́ кэрэ́на;

Marko 6:6

Ёв дивиндяпэ долэ́стыр, со дрэ лэ́ндэ нанэ патяибэ́н. И Ёв яця́ тэ псирэ́л пир пашатунэ́ гава́ тэ сыклякирэ́л.

Римлянэнгэ 8:28

Нэ амэ джина́са, со кон рикирэ́ла сыр Дро́гима Дэвлэ́с дро пэ́скиро ило́ и конэ́с кхардэ́ пир Лэ́скиро упхэныбэ́н, одолэ́н Дэвэ́л лыджа́ла сарэ́н кэ бахт.

Римлянэнгэ 8:30

А конэ́с Дэвэ́л освэнцындя англэды́р, одолэ́н Ёв и кхардя́, нэ конэ́с Ёв кхардя́, одолэ́н и приджиндя пал чачунэндэ, и барьякирдя.

2 Коринфянэнгэ 2:17

Пал-дова́ со амэ на янаса дош Дэвлэ́скирэ лавэ́скэ, сыр бут мануша́ адя́кэ кэрэ́на, нэ амэ сарэ́ илэ́стыр, Кокорэ́ Дэвлэ́стыр ракираса Христосо́скирэ зорья́са анги́л Дэвлэ́скирэ якха́.

Galatenge 1:7

сави́ нанэ яви́р Ева́нгелия, а дава́ исын вари-савэ́ яви́р мануша́, савэ́ дылнякирэна тумэн и камэ́на тэ пиририскирэн Христососкири Ева́нгелия.

Galatenge 1:11

Нэ соб (кай) тумэ́ тэ джинэ́н, пшала́лэ, со бахталы́ зан (звесь), сави́ мэ роспхэнава тумэ́нгэ, исын счхуды на пир манушы́тко годы́.

Galatenge 1:15

А ке́ли сыс лачхо́ Дэвлэ́скэ, Саво́ выкэдыя́ ман тэды, ке́ли мэ ишчо (инкэ́) со́мас дрэ дакири лочови́ (утроба); и Саво́ прикхардя ман пир Пэ́скиро бахталыпэ́н,

Galatenge 2:2

и мэ гиём одори́к пир Дэвлэ́скиро упхэныбэ́н и пирипхэндём бахталы́ зан (звесь), сави́ мэ роспхэнавас анги́л Наюдэ́ндэ, нэ екх пэ екх кодолэ́нгэ, кон сыс дрэ паты́в машки́р манушэ́ндэ, пал-дова́ со, ци на ивья́ (напра́снэс) мэ сыклякиравас манушэ́н и ґарэдыр сыклякирдём;

Galatenge 2:5

а лэ́нгэ амэ на поддыямпэ, ни пэ екх мардоро (штундыца), соб (кай) бахталэ́-занякиро (звесякиро) чачипэ́н тэ ячэ́лпэ ваш тумэ́нгэ.

Galatenge 2:7

а пэфроми (хроми), ке́ли ёнэ дыкхнэ́, со Дэвэ́л дыя́ буты́ ма́нгэ тэ роспхэнав бахталы́ зан (звесь) Наюдэ́нгэ, адя́кэ-паць сыр и Пэтрискэ Юдэ́нгэ;

Galatenge 2:14

Нэ ке́ли мэ дыкхцём, со ёнэ кэрэ́на на сыр трэй пир чачипэ́н бахталэ́ занятыр (звесятыр), мэ пхэндём Пэтрискэ анги́л сарэ́ндэ: “Ко́ли ту сан Юдо, со́скэ ту дживэса сыр Наюдо, а на сыр Юдо; со́скэ ту зачхувэса Наюдэн тэ дживэ́н сыр Юдэ́н?”

Galatenge 5:14

И саро́ Зако́но рикирлапэ пэ екх припхэныбэ́н: “Сыка́в паты́в пэ́скирэ пашатунэ́ манушэ́скэ, сыр кокоро́ пэ́скэ.”