Filipiicenge 4:8 - Библия - Пэ Балтитко Романи чиб (Романэс) 2019

⁸ И акэ, пшала́лэ мирэ́, саро́, со исын чачуно́, со нанэ хохано́, со исын патяибны́тко, со исын жужо́, со исын мол тэ сыкавэ́л паты́в, со исын патывало, ко́ли исын вари-саво́ лачхипэ́н и вари-саво́ шарибэ́н, екх пал дава́ тумэ́ думинэн.

Biblija - Pe Baltitko Romani čib (Romanes) 2019

⁸ I ake, pšalále miré, saró, so isyn čačunó, so nane xohanó, so isyn patiaibnýtko, so isyn žužó, so isyn mol te sykavél patýv, so isyn patyvalo, kóli isyn vari-savó lačhipén i vari-savó šaribén, jekh pal davá tumé duminen.

Filipiicenge 4:8 Referans Kwoze

Jakov 3:17

Нэ годыпэ́н, саво́ джа́ла болыбна́стыр, англэды́р сарэ́стыр ёв исын жужо́ грэхостыр, раманёно, штыл (тихо), вырикирэ́ла бут, на пхандэла манушэ́с, исын пхэрдо́ тангипнаса и лачхэ́ рэндэ́нца, сэндинэла шэра́ (ра́внэс) манушэ́н, нанэ дуемитко.

Titoske 2:7

сыка́в пэс кокоро́ пир сарэ́ лачхэ́ рэ́нды, соб (кай) яви́р мануша́ тэ дыкхэ́н и адя́кэ-паць тэ кэрэ́н лачхипэ́н, сыкля́кир жужыпнаскэ дро ило́, патывалыпнаскэ;

2 Коринфянэнгэ 8:21

пал-дова́ со амэ кэра́са буты́, со исын зор, соб (кай) саро́ тэ явэ́л пир чачипэ́н на со екх анги́л Дэвлэ́стэ, нэ адя́кэ-паць и анги́л манушэ́ндэ.

Galatenge 5:22

А пир Свэ́нто Ду́хо (Фа́но) мануша́ дживэ́на патыва́са кэ яви́р мануша́, радыма́са, спокойнымаса, длугонэ вырикирибнаса, лачхэ́-илыткимаса, лачхипна́са, чачипна́са;

1 Petr 2:12

и дживэ́н пир чачипэ́н машки́р Наюдэ́ндэ, соб (кай) одолэ́, кон ракирэ́ла чорипэ́н пэ тумэ́ндэ, со тумэ́ сан фуй, тэ дыкхэ́н тумарэ́ лачхэ́ рэ́нды и тэ славинэ́н Дэвлэ́с, ке́ли Ёв явэ́ла.

Юдэ́нгэ 13:18

Мангэ́нпэ пал амэ́ндэ: амэ зоралэ́с патя́са, со амэ саро́ кэра́са жужэ́ патыва́са и дживаса пир чачипэ́н.

1 Ximaske 4:12

Мэк ние́кх тэ на дыкхэ́л вучипна́стыр пэ ту́тэ пал тыро́ тэрныпэн; нэ сыка́в пэс дэвлытконэса патяибнаскирэнгэ дро лав, дро джиибэ́н, дрэ паты́в кэ яви́р мануша́, дро ду́хо (фа́но), дро патяибэ́н, дрэ жужыма.

Эфесянэнгэ 5:9

пал-дова́ со Духоскиро барьякирдо́ (пло́до) исын дро кажно лачхипэ́н, чачипэ́н и патяибэ́н,

Titoske 1:8

а тэ прилэл манушэ́н илэ́са, савэ́ндэ нанэ пэ́скиро кхэр и тэ явэ́л дро́го лэ́скэ лачхипэ́н, тэ джинэ́л тэ рикирэ́л пэс дрэ васта́, тэ явэ́л ёв чачуно́, саво́ обрикирэла пэс,

1 Ian 3:3

И кажно ману́ш, конэ́стэ исын наде́я пэ Лэ́стэ, выжужакирэ́ла (вычыстинэла) пэс, пал-дова́ со Христо́со исын жужо́.

1 Petr 1:22

Сыр тумэ́ лынэ́ тэ кандэ́н чачипэ́н, тэды тумэ́ выжужакирдэ пэ́скирэ дия́ ваш чачуны́ пшалы́тко паты́в, палдава́ сыкавэ́н паты́в екх екхэ́скэ сарэ́ илэ́стыр.

Titoske 3:14

и мэк амарэ́ мануша́ адя́кэ-паць тэ сыклён тэ кэрэ́н лачхэ́ рэ́нды, соб (кай) тэ сыклён тэ дэн ра́да пэ дава́, со трэй амэ́нгэ, соб (кай) лэ́нгиро джиибэ́н тэ на явэ́л чхучо́.

Римлянэнгэ 13:13

Сыр и дывэсэ́, ява́са тэ лыджас пэс шука́р, на ява́са тэ хас на пир ме́ра, и на ява́са тэ матёвас, на ява́са тэ кэра́с марки и тэ кэра́с ладжавэ рэ́нды, на ява́са тэ выпробинас екх екхэ́с и тэ зэвлынас.

Pritčy 20:7

Чачуно́ ману́ш дживэ́ла би дошэнгиро: лэ́скирэ чхавэ́ исын бахталэ́ пало́ (после) лэ́стэ.

Jakov 1:27

Жужэ́-патяибнаскири и намагирды строгима анги́л Дэвлэ́стэ Дадэ́стэ исын дро дова́, соб (кай) тумэ́ тэ джа́н тэ дыкхэ́н пал пиротэндэ (сиротэндэ) и пивлендэ (удовэндэ), ке́ли ёнэ пхарэ́с пиридживэна и тэ зракхэн пэс бидошакирэнца далэ́ свэто́стыр.

1 Ian 3:18

Бияталэ, ява́са тэ дас паты́в на лавэ́са ци чиба́са, а рэндоса (делоса) и чачипна́са.

Titoske 2:2

соб (кай) пхурэ́ мурша́ тэ явэ́н ракхунэ, соб (кай) ёнэ тэ джинэ́н, сыр трэй пэс тэ лыджа́н, тэ явэ́н годьварэ́ и зоралэ́ дро патяибэ́н, дрэ паты́в кэ яви́р мануша́, дро вырикирибэн;

2 Коринфянэнгэ 13:7

Нэ мэ мангавпэ Дэвлэ́скэ, соб (кай) тумэ́ тэ на кэрэ́н чорипэ́н на ваш дова́, соб (кай) амэ́нгэ тэ сыкавас, со амэ прогиям пропатякирибэн, нэ соб (кай) тумэ́ тэ кэрэ́н пир чачипэ́н, – ничы́, ко́ли амэ и на ява́са приджиндлэ сыр лачхэ́.

Колосянэнгэ 4:5

Дживэ́н и лыджа́н пэс годьварэс напатяибнаскирэнца, причхувэ́н ило́ кэ кажно ваканцыя (случаё).

1 Petr 4:8

а буты́р сарэ́стыр сыкавэ́н паты́в екх екхэ́скэ сарэ́ илэ́стыр, пал-дова́ со паты́в зачхакирэла бут грэ́хи;

2 Kralip 23:3

Пхэндя Дэвэ́л Израилёскиро, и ракирдя́ пал ма́ндэ бэ́рга Израилёскири: “Яв хула́са пэ манушэ́ндэ, яв чачуно́, хулаин дара́са (дарьяса) Дэвлэскирьяса.

Римлянэнгэ 13:3

Пал-дова́ со барыдыра́ исын даранэ на ваш одолэ́нгэ, кон кэрэ́ла лачхипэ́н, на ваш одолэ́нгэ, кон кэрэ́ла фуипэ́н. Ци камэ́са ту тэ на дарэс барыдырэндыр? Кэр лачхипэ́н и ту́кэ явэ́ла лэ́нгиро шарибэ́н;

Titoske 2:14

Саво́ отдыя́ Пэс пал амэ́ндэ, соб (кай) Ёв тэ зракхэ́л амэн сарэ́ начачунэ рэндэ́ндыр, тэ кэрэ́л амэн жужэ́ манушэ́нца, соб (кай) амэ тэ явас екх Лэ́скирэ манушэ́нца, савэ́ древа́н тырдэнапэ тэ кэрэ́н лачхипэ́н.

Filipiicenge 3:1

Какана́, пшала́лэ мирэ́, радынэ́нпэ дро екхипэ́н Ра́са-Дэвлэ́са: ма́нгэ нанэ пхаро́ тэ чхинав тумэ́нгэ пал дава́-паць, нэ ваш тумэ́нгэ дава́ исын сыкляибэн.

Римлянэнгэ 2:29

нэ одова́ исын чачуно́ Юдо, саво́ андра́л исын дасаво, и дова́ исын обчхиныбэн, саво́ исын дро ило́, пир ду́хо (фа́но), а на пир Зако́но, дасавэскэ манушэ́скэ явэ́ла шарибэ́н на манушэ́ндыр, а Дэвлэ́стыр.

Isajos 26:7

Дром Дэвлытконэ́-манушэ́скиро исын чачуно́; Ту кэрэ́са ваш лэ́скэ чачуно́ дром.

Pritčy 31:31

Дэн ла́кэ дова́, со ёй исын мол пал ла́кирэ васта́; и мэк ла́кирэ бутя́ тэ шарэ́н ла пашы́л по́рта (вра́ты)!

1 Ximaske 2:2

пал кралье́ндэ и пал сарэ́ манушэ́нгирэ барэ́ рандэ, соб (кай) амэ́нгэ тэ явэ́л саштыпэн (возможность/ваканцыя) тэ джива́с штылэ́с и раманёнэ́с (мирнэс) сарэ́ дэвлыткимаса и тэ лыджа́н пэс пир чачипэ́н;

1 Ximaske 5:10

савья́ джинэ́на пир ла́кирэ лачхэ́ рэ́нды, ко́ли ёй выбарьякирдя лачхэнца пэ́скирэ чхавэ́н, ко́ли ёй прилэлас чужонэ́ манушэ́н, савэ́ндэ на сыс, кай тэ дживэ́н, мордя ґэра́ свэнтонэнгэ, и помогинэлас одолэ́нгэ, конэ́стэ сыс би́да, и ко́ли ёй какана́ кэрэ́ла дурэды́р лачхэ́ рэ́нды.

Яви́р Зако́но 16:20

чачипэ́н, ро́дэ чачипэ́н, соб (кай) ту тэ явэс джидо́, и тэ явэ́л ту́тэ пхув, сави́ Рай Дэвэ́л, Дэвэ́л тыро́, дэ́ла ту́кэ.

Эфесянэнгэ 6:14

И палдава́ тэрдён сарэ́ зорья́тыр, подпхандэнпэ симири́са чачипнастыр и опхандэ́н пэс патяибна́са сыр саструнэ́ шчытоса,

1 Фесалоникийцэнгэ 4:12

тэ дживэ́н патывалэс адя́кэ, соб (кай) мануша́, савэ́ исын надэвлытка, тэ кутякирэн тумэн, и соб (кай) тумэ́ тэ на явэ́н вужлэ ни дро со явирэ манушэ́нгэ.

Эфесянэнгэ 4:25

Палдава́ мэкэ́н хохаибэ́н, кажно тумэ́ндыр тэ ракирэ́л чачипэ́н пэ́скирэ пашатунэ́скэ, пал-дова́ со амэ сам екхэ́ масэ́нгирэ паша́ екх екхэ́скэ.

2 Коринфянэнгэ 6:8

слава́са и ладжакирибнаса, пир на́лачхо лав и шарибэ́н; амэн гинэ́на пал хоханэ́ манушэ́ндэ, нэ амэ ракираса чачипэ́н;

Apostolengiri Butý 10:22

Ёнэ отпхэндлэ́ лэ́скэ: “Корнилиё бичхадя́ амэн, шэлэнгиро барыдыро́, ману́ш чачуно́ и саво́ дарэ́ла Дэвлэ́стыр и сарэ́ Юды лэс шунэ́на, а свэ́нто Янго́ло пхэндя́ лэ́скэ тэ кхарэл тут дро лэ́скиро кхэр и тэ шунэ́л тырэ́ лава́.”

Joannostir 7:18

Одова́, саво́ ракирэ́ла кокоро́ пэ́стыр, мангэ́ла пэ́скэ сла́ва; нэ кон родэ́ла сла́ва Одолэ́скэ, кон бичхадя́ Лэс, Одова́ сын чачуно́, и хохаибэ́н нанэ дрэ Лэ́стэ.

Luka 2:25

И, ґа́да, сыс ману́ш, савэ́с кхардэ́ Симеоно; ёв сыс чачуно́ ману́ш и дарэлас Дэвлэ́стыр; ёв ужакирэлас, ке́ли явэ́ла Израилёскиро Зракхибнари, и Ду́хо (Фа́но) Свэ́нто сыс пэ лэ́стэ.

Marko 6:20

пал-дова́ со Иродо дардяпэ Иано́стыр и ракхэлас лэс; Иродо джиндя́, со Иа́но сыс чачуно́ и свэ́нто ману́ш; бут далэ́стыр, со ракирдя́ Иа́но, зачхувэлас Иродос тэ задуминэлпэ, и Иродо усае́кх мангдя́ тэ шунэ́л лэс.

Pritčy 11:1

Начачунэ ублады́тка (весы) исын джунгалэ́ Ра́скэ-Дэвлэ́скэ, нэ чачуно́ пхарипэ́н ваш весо зоралэ́с радынэла Лэс.

Ruta 3:11

и адя́кэ, мири́ чхай, на дар, мэ кэра́ва ту́кэ, саро́, со ту пхэндя́н; пал-дова́ со сарэ́ мирэ́ манушэ́нгирэ вудара́ джинэ́на, со ту сан лачхи́ джувлы́;

Luka 16:15

Ёв пхэндя́ лэ́нгэ: “Тумэ́ сыкавэ́на пэс, со тумэ́ сан чачунэ́ манушэ́нца анги́л манушэ́ндэ, нэ Дэвэ́л джинэ́ла тумаро́ ило́; со мануша́ гинэ́на пал бари паты́в, исын джунгалыпэ́н (брыткима) анги́л Дэвлэ́стэ.

1 Коринфянэнгэ 4:5

Тэды на сэндякирэн анги́л дова́, сыр Рай Дэвэ́л явэ́ла, Саво́ дудвалякирэла (обсвэнцынэла) и калэ́ (цёмна) чораханыбэна и откэрэла пэ якха́ адя́кэ-паць ґарадэ́ мысли дро манушы́тко ило́; и тэды сва́ко (кажно) ману́ш дорэсэ́ла (долэла) шарибэ́н Дэвлэ́стыр.

Apostolengiri Butý 22:12

И одо́й сыс екх ману́ш, савэ́с кхардэ́ Анания, ёв дарэлас Дэвлэ́стыр пир Зако́но, а сарэ́ Юды, савэ́ дживдэ́ одо́й, кутякирдэ лэс,

Гиленгири (Соломоно́скири) Гилы́ 5:16

Лэ́скиро муй исын най гудлэдыр; чачо́, ёв исын шука́р пир саро́. Акэ, саво́ исын миро пирамно́, ґа́да, исын миро мал, – тумэ́, Ерусалимо́скирэ чхая́лэ!

Džiibén 18:19

пал-дова́ со Мэ лэс выкэдыём ваш дава́, соб (кай) ёв тэ припхэнэл пэ́скирэ чхавэ́нгэ и пэ́скирэ кхэрэ́скэ, со явэ́ла пало́ лэ́стэ, тэ псирэ́н Ра́скирэ-Дэвлэ́скирэ дромэ́са, тэ кэрэ́н чачипэ́н и сэ́ндо; и кэрэ́ла пэ Авраамостэ Рай Дэвэ́л дова́, со пхэндя́ пал лэ́стэ.”

1 Ian 4:1

Дро́га мирэ́! На патя́н кажнонэ́ духоскэ, а спробинэн (пропатякирэн) ду́хи, ци Дэвлэ́стыр исын ёнэ, пал-дова́ со бут хоханэ́ проро́ки явэ́на дро свэ́то.

1 Ximaske 5:2

отлыджапэ кэ пхури джувлы́, сыр кэ дай, кэ тэрнэ́ джувля́ отлыджапэ, сыр кэ пхэня́ сарэ́ жужымаса.

Luka 23:50

И ґа́да, екх лачхо́ и патяибны́тко ману́ш пир лав Ёза (Иосифо), саво́ сыс адя́кэ-паць екх рай барыдырэндыр дро сэ́ндо (совето),

Pritčy 31:29

Бут джувля́ кэрэ́на адя́кэ, нэ ту сан фэды́р сарэ́ндыр.

Pritčy 16:11

Чачунэ́ ублады́тка (весы) и ублады́тка чашы исын Ра́стыр-Дэвлэ́стыр; сарэ́ тырдынэ (гири) дро гоно́ исын Лэ́скиро кэрибэн.

Pritčy 12:4

Куч ромны́ исын сы́рбы коро́на пэ ромэскиро шэро́, нэ кодоя, сави́ ладжакирэла лэс, исын сы́рбы кирныпэн дрэ лэ́скирэ кокалы́.

1 Ximaske 3:4

саво́ исын хула́й пэ пэ́скиро кхэр, конэ́с чхавэ́ кандэ́на, лыджа́на пэс пир чачипэ́н;

Apostolengiri Butý 6:3

Палдава́, пшала́лэ, выкэдэн тумэ́ндыр эфта́ джиндлэ́ манушэ́н, савэ́ тэ явэ́н пхэрдэ́ Свэнтонэ́ Духо́са и годя́са, соб (кай) лэ́нгэ и тэ дыкхэ́н пал дая́ буты́;

Матфеё 22:16

И ёнэ бичхадэ́ кэ Ёв пэ́скирэ сыкляибнытконэ́н кхэтанэ́ Иродианэнца тэ пхучэ́н Лэ́стыр: “Сыклякирибна́скиро! Амэ джина́са, со Ту сан чачуно́ и сыклякирэса пал дром кэ Дэвлэ́скиро чачипэ́н, на дыкхи́ пэ манушэ́скиро штэ́то машки́р явирэ манушэ́ндэ, и Ту на дарэса никонэстыр, со Ту на дыкхэ́са пэ лэ́скиро штэ́то машки́р манушэ́ндэ;

Pritčy 31:10

Кон латхэ́ла бидошэнгирья (лачхэ́-илыткона) джувля́? Ла́киро кучипэ́н исын дрогэдыр рубинэндыр.

Юдэ́нгэ 11:2

пир дава́ патяибэ́н Дэвэ́л приджиндя допхэныбэ́н амарэ́ годэ́-пхурэ́нгиро.

1 Ximaske 3:11

Адя́кэ-паць и лэ́нгирэ джувленгэ трэй тэ лыджа́н пэс пир чачипэ́н, тэ на бангякирэн никонэ́с хоханэ́с, тэ на пьен, и тэ явэ́н патяибнытка дро саро́.

2 Коринфянэнгэ 8:18

нэ амэ бичхадям лэ́са пшалэ́с, савэ́с шарэна пал дова́, сыр ёв роспхэнэ́ла бахталы́ зан,

2 Kralip 1:23

Са́уло и Ионафа́но, савэ́ сыкадэ паты́в екх екхэ́скэ и дживдэ́ сыр пша́ла дро пэ́скиро джиибэ́н, и ёнэ на розячнэпэ дро мэрибэ́н пэ́скиро; сыгныдыр орлэндыр (кидэндыр), зоралыдыр шчэрэндыр (левэндыр) ёнэ сыс.

2 Petr 3:1

Дро́га мирэ́! Ѓа́да, яви́р лыл мэ чхина́ва тумэ́нгэ. Мэ сы́рбы джангавава далэ́ лылэнца тэ рипирэ́н чачипэ́н и тумари́ жужы годы́,

Psalmy 82:2

Ци бут явэ́са Ту тэ сэндякирэс начачунэс и тэ прилэс фуе́ манушэ́н?

Римлянэнгэ 14:18

Пал-дова́ со, кон адя́кэ дынаринэла Христосо́скэ, одова́ исын дрэ ра́дыма Дэвлэ́скэ и ёв исын мол шарибнаскэ манушэ́ндыр.