Filipiicenge 4:1 - Библия - Пэ Балтитко Романи чиб (Романэс) 2019

¹ И адя́кэ, мирэ́ дро́га, савэ́н мэ кама́м тэ дыкха́в, тумэ́ сан мири́ ра́дыма и бахт, тэрдён зоралэ́с дро пэ́скиро джиибэ́н дрэ Растэ – Дэвлэ́стэ.

Biblija - Pe Baltitko Romani čib (Romanes) 2019

¹ I adiáke, miré dróga, savén me kamám te dykháv, tumé san mirí rádyma i baht, terdjon zoralés dro péskiro džiibén dre Raste – Devléste.

Filipiicenge 4:1 Referans Kwoze

Filipiicenge 1:27

Дживэ́н гожэс адя́кэ, соб (кай) тэ явэ́н лачхэ́ Христосо́скирэ – бахталэ́ занякэ (звесякэ), соб (кай) мэ, ке́ли ява́ва и дыкха́ва тумэн, ци на ява́ва, нэ соб (кай) тэ шунав тумэ́ндэ, со тумэ́ сан тэрдэ́ зоралэ́с дро екх ду́хо (фа́но), со тумэ́ марэнапэ кхэтанэ́ пал патяибэ́н дрэ бахталы́ зан (звесь),

1 Коринфянэнгэ 16:13

Ракхэ́нпэ, рикирэ́н патяибэ́н; явэ́н муршканэ́, явэ́н зоралэ́.

Filipiicenge 2:16

ке́ли ракхэна джиибна́скиро лав ваш миро шарибэ́н дро Христосо́скиро дывэ́с, со мэ на ивья́ (на напра́снэс) псирдём и кэрдём буты́.

Psalmy 27:14

Рикирэ́н наде́я пэ Растэ-Дэвлэ́стэ, явэ́н муршканэ́ и Ёв зорьякирэла Тумаро ило́; чачо́, рикирэ́н наде́я пэ Растэ-Дэвлэ́стэ.

1 Коринфянэнгэ 15:58

Адя́кэ, мирэ́ дро́га пшала́лэ, явэ́н зоралэ́ дро ду́хо (фа́но) тумаро́, на кунинэнпэ, усады (сак) (всегда) кэрэ́н миштэ́с Ра́скирэ Дэвлэ́скири буты́, пал-дова́ со тумэ́ джинэ́на, со тумари́ буты́ на ивья́ (напра́снэс).

Filipiicenge 1:8

Дэвэ́л исын якхи́тко ма́нгэ, со тумэ́ сан древа́н дро́га ма́нгэ сарэ́ тумэ́, Исусо́скирэ Христосо́скирэ ласкаса.

Юдэ́нгэ 10:23

Ява́са тэ рикираспэ зоралэ́с пал наде́я, сави́ амэ приджиндям би кунипна́скиро, пал-дова́ со Дэвэ́л, Кон дыя́ лав, исын патяибны́тко;

Римлянэнгэ 2:7

одолэ́нгэ, кон саро́ часо кэрэ́ла лачхэ́ рэ́нды и пир дава́ родэ́ла сла́ва, чачипэ́н и бимэрибнаскиро ко́нцо (яго́ро), Ёв дэ́ла ве́чно джиибэ́н.

Joannostir 8:31

Тэды Ису́со пхэндя́ одолэ́ Юдэ́нгэ, савэ́ упатя́ндынэ дрэ Лэ́стэ: “Ко́ли тумэ́ндэ явэ́ла Миро Лав дрэ пэ́стэ, тумэ́, чачэс, сан Мирэ́ сыкляибны́тка;

2 Ximaske 2:1

Ми́ро чха́во, барьёв бутэды́р дро бахталыпэ́н, саво́ исын дыно́ амэ́нгэ дро екхипэ́н Исусо́са Христосо́са,

Filipiicenge 2:26

пал-дова́ со ёв древа́н мангдя́ тэ дыкхэ́л сарэ́н тумэн и пхарэ́с пиридживэлас пал дова́, со тумэ́ шундлэ́ пал лэ́скиро насвалыпэн;

2 Коринфянэнгэ 1:14

и адя́кэ-паць, сыр тумэ́ сы́рбы ґалынэ́ паш, со тумэ́ могинэ́на тэ радынэ́нпэ пал амэ́ндэ, адя́кэ-паць, сыр и амэ радынасапэ пал тумэ́ндэ дро дывэ́с, ке́ли Рай Дэвэ́л Ису́со явэ́ла нэвэ́стыр.

Apostolengiri Butý 11:23

саво́, ке́ли явдя́, дыкхця́ Дэвлэ́скиро бахталыпэ́н, и ёв древа́н обрадындяпэ и подрикирэлас сарэ́н, соб (кай) ёнэ тэ явэ́н дро патяибэ́н дрэ Растэ-Дэвлэ́стэ сарэ́ пэ́скирэ илэ́са;

Apostolengiri Butý 2:42

И ёнэ ўса́ды (сак) явэ́нас кхэтанэ́ пир Апостолэнгиро сыклякирибэ́н тэ ракирэ́н екх екхэ́са, тэ пхагирэн маро́ и тэ мангэ́нпэ Дэвлэ́скэ.

Psalmy 125:1

Гилы́ анги́л Кхангири́. Кодолэ́, савэ́ патя́на зоралэ́с дрэ Растэ-Дэвлэ́стэ, исын сы́рбы бэ́рга Сио́но, Саво́ на джа́ла криг штэто́стыр, а ячэ́лапэ пэ сарэ́ ве́ки.

2 Petr 3:17

И палдава́ тумэ́, дро́га мирэ́, сыр тумэ́ акана́ англэды́р джинэ́н дава́, ракхэ́нпэ, соб (кай) тумэ́ тэ на кэрэ́н грэ́хо и тэ на патя́н дрэ фрэнтыма кхэтанэ́ кадалэ́ манушэ́нца и тэ на отпэрэн хоралэ патяибнастыр

Юдэ́нгэ 4:14

Пал-дова́ со амэ́ндэ исын са́мо барэды́р Англатуно́ Раша́й Ису́со, Дэвлэ́скиро Чхаво́, Саво́ прогия́ болыбэ́н кэ Дэвэ́л, амэ ява́са тэ рикираспэ зоралэ́с пал амаро́ патяибэ́н.

Юдэ́нгэ 3:14

Пал-дова́ со амэ ячасапэ кхэтанэ́ Христосо́са, ко́ли зракхаса дова́ зорало́ патяибэ́н кэ ко́нцо (кэ яго́ро), со амэ́ндэ сыс англэды́р.

2 Фесалоникийцэнгэ 2:15

И палдава́, пшала́лэ, явэ́н зоралэ́ пир ду́хо (фа́но) и рикирэнпэ упхэныбнаскэ, савэ́скэ тумэ́ са́нас высыклякирдэ, ци пир лав, ци пир амаро́ лыл.

Колосянэнгэ 4:12

Пиридэла “рама́нё” тумэ́нгэ тумаро́ Епафрасо, Исусо́скирэ-Христосо́скиро писха́ри, саво́ саро́ часо мангэлапэ Дэвлэ́скэ зоралэ́с пал тумэ́ндэ, соб (кай) тумэ́ тэ явэ́н тварда и зоралэ́ дро патяибэ́н и тэ кэрэ́н саро́ пир Дэвлэ́скири во́ля.

Galatenge 5:1

Тэды, рикирэнпэ зоралэ́с сыр вольна мануша́, пал-дова́ со Христо́со мэкця́ пэ во́ля амэн и, соб (кай) тумэ́ нэвэ́стыр тэ на урьен писхарискиро ґа́мо.

Apostolengiri Butý 14:22

и ёнэ подрикирэнас сыкляибнытконэ́н и патякирэнас лэн, соб (кай) ёнэ тэ явэ́н зоралэ́ дро патяибэ́н и ракирдэ́: “Амэ́нгэ явэ́ла трэй бут тэ пиридживас анги́л дава́, соб (кай) тэ заджас дро Дэвлэ́скиро Кралипэ́н.”

1 Фесалоникийцэнгэ 3:13

соб (кай) тэ подрикирэ́л тумарэ́ илэ тэ явэ́н тумэ́ бидошакирэ и свэ́нта анги́л амарэ́ Дэвлэ́стэ и Дадэ́стэ, ке́ли явэ́ла амаро́ Рай Дэвэ́л, Ису́со Христо́со сарэ́ Пэ́скирэ свэнтонэнца. Ами́нь.

Матфеё 10:22

И сарэ́ мануша́ явэ́на тэ на сыкавэ́н паты́в тумэ́нгэ пал лав Миро, нэ кон явэ́ла тэ тэрдёл твардэс кэ ко́нцо (кэ яго́ро), кодова́ зракхэ́лапэ.

Ióvo 31:36

Чачипна́са, мэ лыджавас дава́ бандькирибэн пэ миро псико́; и мэ пхандавас лэс пэ шэро́ сыр крали́тко стадык;