Filipiicenge 3:2 - Библия - Пэ Балтитко Романи чиб (Романэс) 2019

² Ракхэ́нпэ манушэ́ндыр, савэ́ кэрэ́на биба́хт, сыр джукэла, ракхэ́нпэ холямэ́ манушэ́ндыр, ракхэ́нпэ хоханэ́ обчхиныбнастыр.

Biblija - Pe Baltitko Romani čib (Romanes) 2019

² Rakhénpe manušéndyr, savé keréna bibáht, syr džukela, rakhénpe xoliamé manušéndyr, rakhénpe xohané občhinybnastyr.

Filipiicenge 3:2 Referans Kwoze

2 Коринфянэнгэ 11:13

Пал-дова́ со кадалэ́ мануша́ исын хоханэ́ Апо́столы, начачунэ бутярнэ́, савэ́ выдэна пэс пал Христосо́скирэ Апостолэндэ.

Titoske 1:16

Ёнэ ракирэ́на, со ёнэ джинэ́на Дэвлэ́с, нэ пэ́скирэ рэндэ́нца ёнэ сыкавэ́на, со ёнэ отпхэнэнапэ Лэ́стыр, ёнэ исын джунгалэ́ и на кандэ́на, ёнэ нанэ лачхэ́ ни кэ саво́ лачхэ́ рэ́ндо.

Sykadyipén 22:15

А яври́ пал фо́ро исын джукэла, човаханэ, и кон дживдя́ джувле́нца сыр ромня́са би сэвлакиро, замарибнарья, и кон мангдя́пэ идолэ́нгэ, и сарэ́ яви́р, конэ́скэ дава́ сыс пир ило́ тэ ракирэ́л хохаибэ́н.

Galatenge 5:15

А ко́ли тумэ́ кошэнапэ и ханапэ машки́р пэ́стэ, тэды ракхэ́нпэ, соб (кай) тумэ́ тэ на хасякирэ́н екх екхэ́с.

Filipiicenge 3:19

ёнэ исын тэрдэ́ пэ дром кэ хасибэ́н, лэ́нгиро дэвэл исын кужум (жэлудко), и лэ́нгири сла́ва исын дрэ ладж, ёнэ думинэ́на екх пал далэ́ свэто́скирэ рэ́нды:

Galatenge 5:6

Пал-дова́ со, ке́ли амэ сам дро екхипэ́н Исусо́са Христосо́са, ни обчхиныбэн, ни наобчхыныбэн на мол ничы́, а саро́ смысло исын дро патяибэ́н, саво́ сыкавэ́ла пэс пир паты́в кэ яви́р мануша́.

Psalmy 22:16

Мири́ зор вышутия сыр котэ́р ґлэятыр (глинатыр), и Мири́ чиб прилипниндя кэ мирэ́ жанды. Ту чхудя́н ман дрэ мэрибнаскири бла́та.

Матфеё 7:15

Ракхэ́нпэ хоханэ́ пророкэндыр, савэ́ явэ́на кэ амэ дрэ бакраны и́дя, нэ андра́л ёнэ исын холямэ́ рува́;

Psalmy 22:20

Раё Дэ́вла! Ту на дурьёв ма́ндыр – Зоралыпэ́н миро, яв сыгэды́р тэ дэл васт ма́нгэ!

Sykadyipén 21:8

А даранду́ки, напатяибна́скирэ, магирдэ́ дро вари-со, замарибна́рья; одолэ́, кон кэрдя́ биладжаипэ́н, човаханэ́, кон клониндяпэ патыва́са (кэрдэ шэрэ́са) идолэ́нгэ, хохаибна́рья-лэ́нгири паш явэ́ла кхэтанэ́ дро зеро (озеро), со хачола яга́са и дзэвэля́са (сераса); дава́ исын-яви́р мэрибэ́н.”

Sykadyipén 3:9

Акэ, мэ да́ва ту́кэ одолэ́н, савэ́ исын налачхэскирэ скэдыибна́стыр, савэ́ ракирэ́на, со ёнэ исын Юды, а дава́ нанэ чачипэ́н, ёнэ исын хохаибнарья; ґа́да, Мэ кэра́ва адя́кэ, соб (кай) ёнэ тэ дэн “паклоно” патыва́са анги́л тырэ́ ґэра́, тэ джинэ́н, со Ма́нгэ яця́н ту дро́го.

Juda 1:4

Пал-дова́ со вари-савэ́ мануша́ чораханэ́с попынэ машки́р тумэ́ндэ, савэ́ ґара́ сыс отдынэ́ пэ сэ́ндо. Ёнэ исын бидэвлыткарья, ёнэ пиририскирдэ Дэвлэ́скиро бахтякирибэ́н дро вольныма тэ кэрэ́н, со камэ́на, и ёнэ на приґалёна Екхэ Рас-Барэс, амарэ́ Рас-Дэвлэ́с, Исусо́с Христосо́с.

1 Ximaske 1:19

и тэ ракхэ́с патяибэ́н и лачхи́ паты́в, сави́ вари-савэ́ мануша́ хасякирдэ́, и лэ́нгиро патяибэ́н роспыяпэ,

Filipiicenge 3:3

Пал-дова́ со обчхиныбэн дава́ исын амэ тумэ́нца, савэ́ мангэ́напэ Дэвлэ́скэ Лэ́скирэ Духо́са, и шарасапэ дро екхипэ́н Исусо́са Христосо́са, и амэ на древа́н патя́са дрэ лоч (плоть),

Galatenge 5:13

Тумэ́, пшала́лэ, са́нас кхардэ́ тэ явэ́н вольна. Екх со, соб (кай) тумари́ вольныма тэ на дэл саштыпэн тэ кэрэ́н пир лочакирэ-налачхэ́ камибэна.

Римлянэнгэ 2:28

Пал-дова́ со, на одова́ исын Юдо, кон исын Юдо яврестыр, и на дова́ обчхиныбэн, саво́ исын кэрдо́ пэ маса́ яврестыр;

Матфеё 7:6

На дэн дова́, со исын свэ́нто, джуклэнгэ, на чхурдэ́н мутиня (жэмчуги) анги́л балычэндэ, соб (кай) ёнэ тэ на штакирэн лэн ґэрэ́нца, и тэ на рисён, и тэ на роскушэн тумэн.

Pritčy 26:11

Сыр джукэл рисёла кэ пэ́скирэ чхадыпэн, адя́кэ-паць и дылыно́ кэрэ́ла нэвэ́стыр пэ́скиро дылныпэ́н.

Sykadyipén 2:9

Мэ джино́м (джина́в) тырэ́ рэ́нды (де́лы), тыро́ калыпэ́н (ту́га), нэ ту сан барвало́ и Мэ джино́м (джина́в), сыр калякирдэ тут одолэ́, савэ́ ракирэ́на, со ёнэ исын Юды и савэ́ нанэ, а ёнэ исын налачхэскирэ скэдынятыр (скедыибнастыр).

2 Petr 2:22

Нэ лэ́нца кэрдя́пэ дова́, со сыр ракирэ́на мануша́: “Джукэл рисёла кэ пэ́скиро чадыпэн”, и “выморды балышны джа́ла нэвэ́стыр тэ катынэлпэ дрэ бла́та.”

Матфеё 24:10

И бут тумэ́ндыр мэкэ́на тэ патя́н, и явэ́на тэ здэн екх екхэ́с, и явэ́на тэ на сыкавэ́н паты́в екх екхэ́скэ;

Psalmy 119:115

Дурьён криг ма́ндыр, тумэ́-чорэ́ мануша́лэ. Мэ ява́ва тэ рикиравпэ кэ Дэвлэ́скирэ припхэныбэна́.