Filipiicenge 3:19 - Библия - Пэ Балтитко Романи чиб (Романэс) 2019

¹⁹ ёнэ исын тэрдэ́ пэ дром кэ хасибэ́н, лэ́нгиро дэвэл исын кужум (жэлудко), и лэ́нгири сла́ва исын дрэ ладж, ёнэ думинэ́на екх пал далэ́ свэто́скирэ рэ́нды:

Biblija - Pe Baltitko Romani čib (Romanes) 2019

¹⁹ jone isyn terdé pe drom ke xasibén, léngiro devel isyn kužum (želudko), i léngiri sláva isyn dre ladž, jone duminéna jekh pal dalé svetóskire réndy:

Filipiicenge 3:19 Referans Kwoze

Римлянэнгэ 16:18

Палдава́ адасавэ́ мануша́ дынаринэна на амарэ́ Ра́скэ-Дэвлэ́скэ, Исусо́скэ Христосо́скэ, а пэ́скирэ налачхэ́ камибнаскэ; ёнэ хахавэ́на (дэ́на дукха́) лачхэ́-илытконэ манушэ́н гудлэ́ и хоханэ́ лавэ́нца.

2 Petr 2:3

И кадалэ́ хоханэ́ сыклякирибнарья пал пэ́скири скэмпима явэ́на тэ барвалён тумэ́ндыр пэ́скирэ фрэнтонэ лавэ́нца, сэ́ндо ґара́ ужакирэ́ла лэн и лэ́нгиро хасибэ́н исын насуто.

Колосянэнгэ 3:2

Думинэн (дэн годы́ пэ́скэ) пал дова́, со исын дро Болыбна́скиро Раё, нэ на пал дова́, со исын пэ пхув.

2 Petr 2:1

Нэ сыр сыс хоханэ́ проро́ки машки́р манушэ́ндэ, адя́кэ-паць явэ́на и хоханэ́ сыклякирибнаскирэ машки́р тумэ́ндэ, савэ́ явэ́на чораханэ́с тэ ракирэ́н хасибны́тка сыклякирибэна пэ́скирэ кампаниендыр и на явэ́на тэ приґалён Рас-Дэвлэ́с, Саво́ выкиндя лэн, далэ́ ракирибнаса ёнэ янэ́на кокорэ́ пэ́скэ сы́гно хасибэ́н;

2 Коринфянэнгэ 11:15

Дава́ исын набаро́ рэ́ндо, ко́ли лэ́скирэ бутярнэ́ выдэна пэс пал дынарье́ндэ пир чачипэ́н; нэ ёнэ дорэсэ́на пэ́скиро пир лэ́нгири буты́ дро ко́нцо (дро яго́ро).

2 Коринфянэнгэ 11:12

соб (кай) ма́нгэ тэ на дав саштыпэн (возможность/ваканцыя) одолэ́нгэ, савэ́ шарэна пэс, со ёнэ кэрэ́на адя́кэ-паць, сыр и амэ.

Osija 4:7

Со бутэды́р исын рашая́, то бутэды́р ёнэ кэрэ́на грэ́хи проти Ма́ндэ, и Мэ рискира́ва лэ́нгиро барипэ́н дрэ ладж.

2 Petr 2:13

ёнэ явэ́на тэ пирилыджан пхарипэ́н пал начачипэ́н, пал дова́ со ёнэ дживэ́на пхэрдэ́с пир пэ́скиро на́лачхо камибэн со дывэ́с. Ёнэ исын замакхнэ и домагирдэ мануша́; ёнэ залэнапэ битукоскиро пэ́скирэ хохаибнаса, ке́ли свэнкинэна пал сками́нд тумэ́нца;

Galatenge 6:13

И ёнэ кокорэ́, савэ́ исын обчхиндлэ́, на рикирэ́на Зако́но, нэ ёнэ камэ́на, соб (кай) тумэ́ тэ обчхинэнпэ ваш дова́, соб (кай) тэ шарэнпэ, со ёнэ кэрдэ́ обчхиныбэн пэ тумэ́ндэ.

Sykadyipén 21:8

А даранду́ки, напатяибна́скирэ, магирдэ́ дро вари-со, замарибна́рья; одолэ́, кон кэрдя́ биладжаипэ́н, човаханэ́, кон клониндяпэ патыва́са (кэрдэ шэрэ́са) идолэ́нгэ, хохаибна́рья-лэ́нгири паш явэ́ла кхэтанэ́ дро зеро (озеро), со хачола яга́са и дзэвэля́са (сераса); дава́ исын-яви́р мэрибэ́н.”

1 Коринфянэнгэ 3:3

пал-дова́ со тумэ́ сан ишчо (инкэ́) мануша́, савэ́ дживэ́на пир лочакиро тырдыпэ́н. Палдава́, ко́ли машки́р тумэ́ндэ исын зэвлыныпэ́н, и кошыбэ́н, тэды, ци на сан тумэ́ мануша́, савэ́ дживэ́на пир лочакиро (плотякиро) тырдыпэ́н; и савэ́ лыджа́на пэс сыр мануша́ кадалэ́ свэто́стыр?

Psalmy 17:14

манушэ́ндыр Тырэ́ вастэ́са, Раё Дэ́вла, манушэ́ндыр свэто́стыр, конэ́стэ исын саро́, со ёнэ камэ́на. Лэ́нгиро пэр Ту пхэрдякирэса Пэ́скирэ пиралятыр, ёнэ радынэ́напэ пэ́скирэ чхаворэндыр, и ёнэ ячкирэна пэ́скиро миштыпэ́н чхаворэнгэ.

Sykadyipén 22:15

А яври́ пал фо́ро исын джукэла, човаханэ, и кон дживдя́ джувле́нца сыр ромня́са би сэвлакиро, замарибнарья, и кон мангдя́пэ идолэ́нгэ, и сарэ́ яви́р, конэ́скэ дава́ сыс пир ило́ тэ ракирэ́л хохаибэ́н.

Juda 1:16

Ёнэ исын холямэ́ ракирибнарья, савэ́ рикирэ́на холы́ пэ сарэ́ндэ, ёнэ кэрэ́на пир пэ́скиро грэхи́тко тырдыпэ́н; ёнэ явэ́на вучэ́с тэ марэ́н пэс лавэ́нца, ёнэ явэ́на гудлэс тэ дивинэнпэ пэ манушэ́ндэ ваш пэ́скири льго́та.

2 Ximaske 3:4

ёнэ явэ́на бикибнарья, нахрата, явэ́на тэ ґаздэ́н накх барипнаса, ёнэ явэ́на тэ ри́кирэн сыр дро́гима пэс буты́р Дэвлэ́стыр;

1 Ximaske 6:5

и чхучэ́ ракирибэна машки́р манушэ́ндэ, савэ́ндэ нанэ бари годы́, и, савэ́ дарнапэ чачипнастыр, ёнэ думинэ́на, со дар анги́л Дэвлэ́стэ-дава́ исын дром тэ барвалён.

2 Фесалоникийцэнгэ 2:12

Мэк тэ явэ́н сэндиндлэ сарэ́, кон на закамдя́ тэ патял чачипнаскэ, нэ выкэдыя́ начачипэ́н.

Filipiicenge 2:21

Сарэ́ пэкэнапэ (заботисона) пал пэ́стэ, а на пал дова́, со трэй Исусо́скэ Христосо́скэ.

1 Коринфянэнгэ 5:6

Дава́ исын нашукар, со тумэ́ шарэнапэ. Ци тумэна джинэ́на, со тыкнэ́ рошчынатыр шутлёла саро́ хумэр (цясто)?

1 Коринфянэнгэ 5:2

И тумэ́ ишчо (инкэ́) пхутёна, заме́ст дова́, соб (кай) тэ ровэ́н пал дава́, и соб (кай) тэ джал криг тумэ́ндыр одова́ ману́ш, кон кэрдя́ дасаво рэ́ндо (де́ло).

Малахия 1:12

“Нэ тумэ́ тэлякирэна Ман, адя́кэ ракири́: ‘Сками́нд Ра́скирэ-Дэвлэ́скиро исын нажужо, и нанэ лачхипэ́н лэ́стыр, лэ́скиро хабэ́н исын бипатывакиро.’

Sykadyipén 19:20

И рискирибна́скиро мурда́л сыс лыно́ и кхэтанэ́ лэ́са хохано́ проро́ко, саво́ кэрдя́ ди́вы анги́л лэ́стэ, савэ́нца ёв хохавэлас манушэ́н, савэ́ дорэснэ́ рискирибна́скирэ-мурдалэ́скири шпэ́ра сыр клеймо и клониндлэпэ патыва́са мурдалэ́скирэ патриня́кэ (образо́скэ). Ёнэ сыс чхурдынэ́ джидэнца дро зеро (озеро) яга́са, со хачолас дзэвэляса (сераса).

Jakov 4:16

А тумэ́ шарэнапэ пэ́скирэ пхутькирибнастыр: саро́ дасаво шарибэ́н исын фуипэ́н.

2 Фесалоникийцэнгэ 2:8

И тэды би законоскиро грэхэнгиро ману́ш сыкавэ́ла пэс, савэ́с Рай Дэвэ́л Ису́со замарэла (мулякирэ́ла) Пэ́скирэ уштэ́нца, ке́ли явэ́ла.

Luka 18:4

Нэ сэнда́ри ґара́ (длу́гэс) на кэрдя́ нисо́, нэ коригэды́р (позжэды́р) пхэндя́ пэ́скэ: ‘Мэк мэ и на дарава Дэвлэ́стыр и на кутякирава манушэ́н,

Luka 16:19

“Гада, сыс екх барвало́ ману́ш и ёв урьеласпэ дрэ порфиритко и най фэдыдыр и́дя, хая и пия со фэдэды́р со дывэ́с.

Luka 12:19

Тэды мэ пхэна́ва пэ́скэ: ‘Барвало́ мэ сом пэ бут бэрш: откхинёв, ха, пи, джив, сыр камэ́са.’

Матфеё 25:41

Тэ́ньци Ёв пхэнэ́ла кодолэ́нгэ, савэ́ исын пэ зэ́рво (ле́во) васт Лэ́стыр: ‘Джа́н криг Ма́ндыр, прокошнэ, дрэ яг ве́чно, со исын скэдыны ваш налачхэскэ и лэ́скирэ Янголэнгэ:

Матфеё 16:23

Нэ Ёв рисия́ кэ Пэ́три и пхэндя́: “Джа́ криг Ма́ндыр, на́лачхо; ту Ма́нгэ сан, сыр бар пэ дром, пал-дова́ со ту думинэса на пал Дэвлы́тко, а пал манушы́тко.”

Mihiejo 3:11

лэ́нгирэ шэралэ́ сэндинэна пал почасту́нки (подарки), лэ́нгирэ рашая́ сыклякирэ́на пал плэскирибэн (покиныбэн), и лэ́нгирэ проро́ки сыклякирэ́на пал ловэ́, на дыкхи́ пэ дова́, со ёнэ рикирэнапэ Ра́скэ-Дэвлэ́скэ и пхэнэ́на ёнэ: “Ци нанэ Рай Дэвэ́л машки́р амэ́ндэ? На явэ́ла биба́хт (би́да) амэ́нгэ.”

Mihiejo 3:5

Палдава́ адя́кэ ракирэ́ла Рай Дэвэ́л пал пророкэ́ндэ, савэ́ кэрдэ́ адя́кэ: “Со мирэ́ мануша́ дынэпэ дукха́; савэ́ дандырэнапэ и дэ́на го́дла: ‘Рама́нё.’ Нэ кон на дэ́ла ничы́ лэ́нгэ дро муй, тэды ёнэ джа́на марибна́са проти лэ́стэ:

Езэкилё 34:3

Тумэ́ ханас бакрэнгиро мас, урьенаспэ дрэ вы́лна бакрэ́ндыр, чхинэнас лачхэ́ бакрэ́н, а явирэ́н бакрэ́н на чаравэнас.

Psalmy 52:1

Хоро́скирэ Дирижоро́скэ. Сыклякирибэ́н. Давидо́скиро Пса́лмо,

Sykadyipén 18:7

пэ кицы́ ёй пэс славинэлас и сыс дро бимеракиро барвалыпэ́н, пэ ада́кицы дэн ла́кэ мэ́ньки и калы смэнтныма. Пал-дова́ со ёй шарэла пэс пхэныбнаса: “Мэ бэшава сыр кра́лица. Мэ на сом пивлы (удова). Мэ ние́кхвар на ява́ва дрэ калы смэнтныма”:

Juda 1:4

Пал-дова́ со вари-савэ́ мануша́ чораханэ́с попынэ машки́р тумэ́ндэ, савэ́ ґара́ сыс отдынэ́ пэ сэ́ндо. Ёнэ исын бидэвлыткарья, ёнэ пиририскирдэ Дэвлэ́скиро бахтякирибэ́н дро вольныма тэ кэрэ́н, со камэ́на, и ёнэ на приґалёна Екхэ Рас-Барэс, амарэ́ Рас-Дэвлэ́с, Исусо́с Христосо́с.

Римлянэнгэ 6:21

Савэ лачхэ́ рэ́нды тумэ́ тэды кэрдэ́? Долэ́, савэ́ндыр тумэ́ какана́ кокорэ́ ладжана, пал-дова́ со лэ́нгиро ко́нцо (яго́ро) исыс мэрибэ́н.

Езэкилё 13:19

Тумэ́ магирэна Ман анги́л Мирэ́ манушэ́ндэ пал куты́ (на́бут) ґэрсто (ячменё), пал котэра́ маро́, ко́ли мулякирэна илэ, конэ́скэ на трэй тэ мэрэ́н, и ко́ли ячавэна джиибэ́н илэнгэ, конэ́скэ на трэй тэ дживэ́н, ко́ли хохавэна Мирэ́ манушэ́нгэ, савэ́ шунэ́на хохаибэ́н.

1 Kralip 2:29

Ваш со тумэ́ чхурдэна ґэрэ́нца Мирэ́ свэ́нта яныбэна́ Ра́скирэ-Дэвлэ́скири и Миро маруно́ яныбэ́н, савэ́ Мэ пхэндём ваш Миро кхэр, и со́скэ ту камэ́са пэ́скирэ чхавэ́н буты́р сыр Ман, тхулякири пэс англатунэ́ начаткэнца сарэ́ яныбнэндыр Мирэ́ Израилёскирэ манушэ́нгирэ?’

Ереме́ё 44:17

Нэ амэ, чачэс ява́са тэ кэра́с пир кажно лав, со амэ пхэндям пэ́скирэ чиба́са: тэ хачкирас дро́га смо́лы болыбнытконэ дэвлорьякэ и тэ чхувас ла́кэ тхадунэ свэ́нта дыибэна́, сыр амэ кэрдя́м: амэ и амарэ́ дада́, амарэ́ кра́лья и амарэ́ тхага́рья дрэ фо́рья Юдэя́кирэ и пэ вули́цы (га́сы) Ерусалимо́скирэ. Палдава́ амэ́ндэ сыс бут маро́, амэ́нгэ сыс миштэ́с, и амэ на дыкхцям биба́хт.

2 Фесалоникийцэнгэ 1:9

пэ лэ́ндэ явэ́ла ка́ра Дэвлэ́стыр вечнонэ хасибнаса и угиибнаса Ра́стыр-Дэвлэ́стыр и Лэ́скирэ славакирэ зорья́тыр:

Juda 1:10

А кадалэ́ мануша́ калякирэна дова́, со ёнэ на джинэ́на, и дова́, со ёнэ ґалёна фэ́ни сыр билавэнгирэ мурдала́; дро дова́ ёнэ поддэнапэ грэхоскэ.