Filipiicenge 3:18 - Библия - Пэ Балтитко Романи чиб (Романэс) 2019

¹⁸ пал-дова́ со бут мануша́, пал савэ́ндэ мэ частэс ракирдём тумэ́нгэ, а какана́ и ясвэ́нца мэ ракира́ва, кэрэ́на сыр вэ́рги Христосо́скирэ мэрибна́скэ пэ трушу́л:

Biblija - Pe Baltitko Romani čib (Romanes) 2019

¹⁸ pal-dová so but manušá, pal savénde me častes rakirdjom tuménge, a kakaná i jasvénca me rakiráva, keréna syr vérgi Xristosóskire meribnáske pe trušúl:

Filipiicenge 3:18 Referans Kwoze

Эфесянэнгэ 4:17

Палдава́ мэ ракира́ва, и манга́ва анги́л Растэ – Дэвлэ́стэ, соб (кай) буты́р тумэ́ тэ на кэрэ́н, сыр кэрэ́на на́цыи пир пэ́скири кро́тко годы́,

Isajos 8:11

Адя́кэ ракирэ́лас ма́нгэ Рай Дэвэ́л, ке́ли рикирэлас пэ ма́ндэ зорало́ васт, и Ёв припхэнэлас, соб (кай) мэ тэ на джав далэ́-народоскирэ дромэ́са, и адя́кэ пхэндя́:

Galatenge 6:12

А одолэ́, савэ́ камэ́на тэ сыкавэ́н пэс пир лоч манушэ́нгэ, зачхувэна тумэн тэ обчхинэнпэ, екх ваш дова́, соб (кай) лэн тэ на традэ́н пал Христосо́скиро трушу́л.

Galatenge 2:14

Нэ ке́ли мэ дыкхцём, со ёнэ кэрэ́на на сыр трэй пир чачипэ́н бахталэ́ занятыр (звесятыр), мэ пхэндём Пэтрискэ анги́л сарэ́ндэ: “Ко́ли ту сан Юдо, со́скэ ту дживэса сыр Наюдо, а на сыр Юдо; со́скэ ту зачхувэса Наюдэн тэ дживэ́н сыр Юдэ́н?”

Galatenge 1:7

сави́ нанэ яви́р Ева́нгелия, а дава́ исын вари-савэ́ яви́р мануша́, савэ́ дылнякирэна тумэн и камэ́на тэ пиририскирэн Христососкири Ева́нгелия.

Ереме́ё 13:17

Нэ ко́ли тумэ́ на явэ́на тэ кандэ́н дава́, то тэды мэ, Ереме́ё, ява́ва тэ ровав дрэ гарадэ́ штэ́ты пал тумаро́ пхутькирибэ́н, и мирэ́ якха́ явэ́на тэ ровэ́н киркэс, пал-дова́ со Ра́скирэ-Дэвлэ́скиро ґурто лыджино криг дрэ наволя (пле́но).

2 Petr 2:10

и дава́ буты́р сарэ́стыр чилавэ́ла одолэ́ манушэ́н, савэ́ джа́на пир на́лачхо лочакиро камибэн и пхагирэна Дэвлэ́скиро право. Кадасавэ́ хоханэ́ сыклякирибнаскирэ хасякирдэ́ ладж, ёнэ кэрэ́на, со исын пир годы́ лэ́нгэ и на дарэ́на тэ калякирэн ду́хи, савэ́ исын дро Болыбна́скиро Раё.

1 Фесалоникийцэнгэ 4:6

соб (кай) ние́кх тумэ́ндыр тэ на кэрэ́л чорипэ́н пэ́скирэ пшалэ́скэ и тэ на барвалёл пал лэ́скиро допатяибэн, пал далэ́ грэ́хи Дэвэ́л чхувэ́ла ка́ра, сыр англэды́р амэ ракирдям тумэ́нгэ и допхэнасас.

Filipiicenge 1:4

саро́ часо дро миро мангипэ́н Дэвлэ́скэ, барэ́ радыма́са мэ мангавапэ Дэвлэ́скэ пал тумэ́ндэ,

Galatenge 5:21

жалинэна лачхипэ́н явирэ́нгэ, пьена сыр матыбнарья, гулинэна бирипирибнаскирэс и бут яви́р; пал кадасавэндэ мэ пхэна́ва анги́л, сыр и ракирдём англэды́р, со, кон адя́кэ кэрэ́ла, на дорэсэ́ла паш дро Дэвлэ́скиро Кралипэ́н.

Galatenge 2:21

Мэ на отпхэнавапэ Дэвлэ́скирэ бахталыпнастыр, нэ, ко́ли Дэвэ́л приґалёла амэн чачунэнца пир дова́, со амэ ракхаса Зако́но, тэды ивья́ (напра́снэс) мыя́ Христо́со.

2 Коринфянэнгэ 11:29

Ко́ли вари-кон исын бигодякиро, тэды и мэ сом бигодякиро; ке́ли вари-кон кэрэ́ла грэ́хо, тэды и миро ило́ хачола пиридживипнастыр.

2 Коринфянэнгэ 11:13

Пал-дова́ со кадалэ́ мануша́ исын хоханэ́ Апо́столы, начачунэ бутярнэ́, савэ́ выдэна пэс пал Христосо́скирэ Апостолэндэ.

2 Коринфянэнгэ 2:4

Пал баро́ пиридживипэн и дукхано ило́ мэ чхиндём тумэ́нгэ барэ́ ясвэ́нца на ваш дова́, соб (кай) тумэ́ тэ пиридживэн, а соб (кай) тумэ́ тэ уджинэ́н мири́ бари пшалы́тко паты́в кэ тумэ́.

1 Коринфянэнгэ 6:9

Ци тумэ́ на джинэ́на, со начачунэнгэ на явэ́ла паш дро Кралипэ́н дро Болыбна́скиро Раё? На хохавэнпэ: ни одолэ́, савэ́ кэрэ́на блэ́ндо, ни идолэ-мангипнаскирэ, ни одолэ́, савэ́ кэрэ́на марки, ни одолэ́ мурша́, савэ́ исын сы́рбы джувля́, ни одолэ́, савэ́ дживэ́на муршэнца сыр джувле́нца,

1 Коринфянэнгэ 1:18

Пал-дова́ со лав (сыклякирибэ́н) пал Христосо́скиро мэрибэ́н пэ трушу́л исын дылныпэ́н ваш одолэ́нгэ, кон исын хасибны́тко, а амэ́нгэ, кон исын зракхно, дава́ дэ́ла Дэвлэ́скири зор.

Римлянэнгэ 9:2

со исын ма́ндэ баро́ пиридживибэн, и на пириячэ́ла тэ дукхал миро ило́;

Luka 19:41

И ке́ли Ёв явдя́ пашылэды́р кэ фо́ро, дыкхця́ пэ лэ́стэ и зарондя,

Juda 1:13

ёнэ исын сы́рбы морёскирэ (дэрьявэ́скирэ) холямэ́ валны (вэлны), учхакирдэ пенаса пэ́скирэ ладжаипнытконэ рэндэ́ндыр (делэндыр); ёнэ исын сы́рбы чэргэня́, савэ́ на джинэ́на дром, савэ́нгэ исын ракхно калыпэ́н (цямлыпэ́н) пэ ве́ки.

2 Фесалоникийцэнгэ 3:11

Нэ амэ шунаса, со вари-савэ́ мануша́ машки́р тумэ́ндэ дживэ́на биладжаипныткэс дро бу́нто проти Дэвлэ́стэ: ёнэ на кэрэ́на нисави́ буты́, а екх со дыкхэ́на, со яви́р мануша́ кэрэ́на.

Apostolengiri Butý 20:19

и мэ кандыём сарэскэ, и мэ кэрдём буты́ ясвэ́нца ваш Дэвлэ́скэ, на дыкхи́ пэ саро́, со ма́нгэ пригияпэ тэ пиридживав пал Юдэ́нгиро зракирибэ́н проти ма́ндэ;

Ереме́ё 9:1

О, тэ явэ́л Миро шэро́ пхэрдо́ панингэнца, соб (кай) тэ явэ́н Мирэ́ якха́ сы́рбы ясвэнгири ґаны́нг, соб (кай) Мэ могинавас тэ ровав дывэ́с и рат пал Мирэ́-манушэ́нгиро-чхакиро хасибэ́н.

Psalmy 119:136

Ясва сыр панинга́ тхадэна мирэ́ якхэ́ндыр, пал-дова́ со мануша́ на рикирэнапэ кэ Тыро́ Зако́но.

Galatenge 6:14

Нэ ма́нгэ тэ на шаравпэ нисоса, екх амарэ́ Ра́скирэ-Дэвлэ́скирэ, Исусо́скирэ Христосо́скирэ трушулэса, пир Конэ́стэ свэ́то исын примардо пэ трушу́л ваш ма́нгэ, и мэ адя́кэ-паць ваш дава́ свэ́то.

Левито 11:16

страусостыр, соватыр, чайкатыр, и ястребостыр (каґнялэстыр) лэ́скирэ родоса,

Левито 13:8

о раша́й, дыкхи́, со лишаё розджалапэ пир цы́па, ёв дэ́ла тэ джинэ́л манушэ́нгэ, со ёв исын нажужо: дава́ исын прока́за.