Filipiicenge 3:15 - Библия - Пэ Балтитко Романи чиб (Романэс) 2019

¹⁵ И ада́кицы, пэ кицы́ амэ́ндыр исын бидошакирэ мануша́, лэ́нгэ адя́кэ трэй тэ думинэн, а ко́ли тумэ́ пал дава́ пэ яви́р думинэ́на, то и дава́ Дэвэ́л отчхакирэла тумэ́нгэ.

Biblija - Pe Baltitko Romani čib (Romanes) 2019

¹⁵ I adákicy, pe kicý améndyr isyn bidošakire manušá, lénge adiáke trej te duminen, a kóli tumé pal davá pe javír duminéna, to i davá Devél otčhakirela tuménge.

Filipiicenge 3:15 Referans Kwoze

Joannostir 7:17

Кон камэ́ла тэ кэрэ́л Лэ́скири во́ля, одова́ явэ́ла тэ джинэ́л пал дава́ сыклякирибэ́н, ци ёв исын Дэвлэ́стыр, ци Мэ ракира́ва Кокоро́ Пэ́стыр.

Galatenge 5:10

Мэ джино́м зоралэ́с, со тумэ́ адя́кэ думинэ́на, кон исын дро екхипэ́н Христосо́са, и кодолэ́скэ, кон ладжакирэла тумэн, явэ́ла ка́ра, на дыкхи́, кон бы ёв тэ на явэ́л.

1 Коринфянэнгэ 2:6

Нэ амэ ракираса пал годьварипэн машки́р бидошакирэ патяибнаскирэндэ, нэ на адя́кэ, сыр дава́ свэ́то гинэ́ла, ци, сыр тхэмэ́скирэ барыдыра́ далэ́ свэто́стыр ґалёна годьварипэн, савэ́ сыг кончынэнапэ.

Колосянэнгэ 4:12

Пиридэла “рама́нё” тумэ́нгэ тумаро́ Епафрасо, Исусо́скирэ-Христосо́скиро писха́ри, саво́ саро́ часо мангэлапэ Дэвлэ́скэ зоралэ́с пал тумэ́ндэ, соб (кай) тумэ́ тэ явэ́н тварда и зоралэ́ дро патяибэ́н и тэ кэрэ́н саро́ пир Дэвлэ́скири во́ля.

1 Коринфянэнгэ 14:20

Пшала́лэ! На явэ́н чхаворэ́нца пир пэ́скири годы́, а явэ́н чхаворэнца пэ холы́: нэ явэ́н барэ́ манушэ́нца дрэ пэ́скири годы́.

Матфеё 5:48

Палдова́ явэ́н бидошакирэ, сыр бидошакиро исын тумаро́ Болыбна́скиро Дад.

Isajos 35:8

И явэ́ла одо́й баро́ дром, ёв явэ́ла тэ кхарэлпэ свэнтонэ́ дромэ́са. Нажужо одо́й на явэ́ла тэ псирэ́л, явэ́ла дава́ дром фэ́ни (то́ка) ваш одолэ́нгэ, кон патя́ла, и кон на джинэ́ла нисо́; нико́н лэ́ндыр далэ́ дромэ́стыр на змарлапэ.

Юдэ́нгэ 5:14

нэ стала мануша́ могинэ́на тэ хан чачуно́ хабэ́н, пал-дова́ со ёнэ высыклынэ джиибнастыр и пир годы́ тэ пхэнэ́н рознь, кай исын лачхипэ́н и кай исын фуипэ́н.

Колосянэнгэ 1:28

Савэскиро лав амэ роспхэнаса, амэ даса годы́ кажнонэ́ манушэ́скэ и сыклякираса кажнонэ́ джиныбнаскэ, соб (кай) амэ тэ чхувас кажнонэ́ сталонэ патяибнаскирэс дро екхипэ́н Христосо́са.

Римлянэнгэ 15:1

Амэ, савэ́ сам зоралэды́р, сам бангэ́ (мусинаса) тэ примангас доша одолэ́ манушэ́нгэ, савэ́ндэ нанэ зор, а на тэ кэра́с екх со пир пэ́скиро ило́.

Luka 11:13

Ко́ли тумэ́ сан налачхэ́ и джинэ́на тэ кэрэ́н лачхипэ́н пэ́скирэ чхавэ́нгэ, пэ кицы́ буты́р тумэ́ндыр тумаро́ Болыбна́скиро Дад дэ́ла Свэ́нто Ду́хо (Фа́но) одолэ́нгэ, савэ́ мангэна Лэ́стыр!”

1 Ian 2:5

а кон ракхэ́ла Лэ́скиро лав, кодолэстэ исын бидошакиры паты́в кэ Дэвэ́л. Адя́кэ амэ уджинаса, со амэ сам дро кхэтаныпэн Дэвлэ́са.

2 Ximaske 3:17

Мэк Дэвлэ́скиро ману́ш тэ явэ́л скэдыно́, и тэ джинэ́л кэ кэрэ́л кажно лачхо́ рэ́ндо.

Joannostir 6:45

Акэ, исын чхиндло́: ‘Явэ́на сарэ́ сыклякирдэ́ Дэвлэ́стыр’. Кажно, кон шундя́ Дадэ́с и сыклыя Лэ́стыр, явэ́ла кэ Мэ;

Эфесянэнгэ 1:17

соб (кай) Дэвэ́л амарэ́ Ра́скирэ-Дэвлэ́скиро, Исусо́скиро Христосо́скиро, славу́тно Дад, тэ дэл тумэ́нгэ пир Ду́хо (Фа́но) годы́ и тэ сыкавэ́л, соб (кай) тумэ́ фэды́р тэ уджинэ́н Лэс,

1 Фесалоникийцэнгэ 4:9

Мэ гинава, со пал пшалэнгири паты́в на трэй тумэ́нгэ буты́р тэ чхинав, пал-дова́ со Дэвэ́л сыклякирдя́ тумэн кокорэн тэ сыкавэ́н паты́в екх екхэ́скэ.