Filipiicenge 3:12 - Библия - Пэ Балтитко Романи чиб (Романэс) 2019

¹² Нэ пал-дова́, со мэ ничы́ саро́ дава́ на дорэсцём, и мэ на сом какана́ бидошакиро, нэ мэ причхувава зор тэ латхав, ци на латхава и мэ дова́, пал со и латхя́ ман Ису́со Христо́со ваш Пэ́скэ.

Biblija - Pe Baltitko Romani čib (Romanes) 2019

¹² Ne pal-dová, so me ničý saró davá na dorescjom, i me na som kakaná bidošakiro, ne me pričhuvava zor te lathav, ci na lathava i me dová, pal so i lathiá man Isúso Xristóso vaš Péske.

Filipiicenge 3:12 Referans Kwoze

Psalmy 138:8

Рай Дэвэ́л кэрэ́ла адя́кэ, со мэ ява́ва бидошэ́нгиро: Тыри́ лачхэ́-илы́ткима, о Раё Дэ́вла, ячэ́лапэ пэ сарэ́ ве́ки; на мэк бутя́, со кэрдэ́ Тырэ́ васта́.

Osija 6:3

Амэ́нгэ трэй тэ джинас буты́р, амэ́нгэ трэй тэ причхувас тэ джинас буты́р Рас-Дэвлэ́с, Лэ́скиро явибэн явэ́ла сыр зло́ко, Ёв явэ́ла сыр брышы́нд, сыр ґаратуно брышы́нд (позднё), со панякирэла пхув.’

2 Коринфянэнгэ 7:1

Палдава́, ко́ли амэ́нгэ сыс дынэ́ дасавэ́ лава́, мирэ́ дро́га, жужакираса пэс сарэ́стыр, со мэлякирэла амари́ лоч (плоть) и ду́хо (фа́но) и ява́са тэ джива́с сарэ́са свэнтонэс дро дар анги́л Дэвлэ́стэ.

Isajos 51:1

““Шунэ́н Ман одолэ́, кон родэ́ла чачипэ́н, родэ́ла Рас-Дэвлэ́с! Дыкхэ́н акана́ пэ бэ́рга, савья́тыр тумэн вычингирдэ, пэ хорипэ́н дро рово (хохо́й), каты́р тумэн дорэснэ́.

Юдэ́нгэ 13:21

мэк тэ дэл Ёв зор тумэ́нгэ тэ кэрэ́н буты́ лачхэ́с, соб (кай) тэ кэрэ́н саро́ тумэ́ пир Лэ́скири во́ля. Мэк Ёв пир Исусо́стэ Христосо́стэ тэ кэрэ́л дова́ дрэ амэ́ндэ, со исын лачхо́ Лэ́скэ, Савэ́скэ тэ явэ́л сла́ва пэ сарэ́ ве́ки’. Ами́нь.

Эфесянэнгэ 1:4

Ёв выкэдыя́ амэн дрэ Лэ́стэ англэды́р, сыр создыя́ свэ́то, соб (кай) амэ тэ явас свэ́нта пир екхипэ́н Христосо́са и бидошакирэ анги́л Лэ́стэ пир паты́в кэ яви́р мануша́;

Filipiicenge 3:16

Нэ дова́, со амэ прилыям, адя́кэ и амэ ява́са тэ думинас и тэ джива́с.

2 Petr 3:18

а тэ барьён дро бахтякирибэ́н и тэ уджинэ́н фэды́р амарэ́ Рас-Дэвлэ́с, и Зракхибнарис (Спасителёс) Исусо́с Христосо́с. Тэ явэ́л Лэ́скэ сла́ва какана́ и пэ сарэ́ ве́ки. Ами́нь.

Jakov 3:2

Пал-дова́ со амэ сарэ́ частэс обштавасапэ пир грэ́хо. Ко́ли вари-кон на кэрэ́ла грэ́хо лавэ́са, одова́ ману́ш исын бидошакиро, саво́ могинэ́ла тэ пхандэл сы́рбы цугленца сарэ́ пэ́скирэ маса́.

Юдэ́нгэ 12:14

Причхувэ́н зор, соб (кай) тумэ́нгэ тэ явэ́н дро рама́нё (миро) сарэ́нца и дрэ свэнтыма, би савэскиро нико́н на дыкхэ́ла Рас-Дэвлэ́с.

Galatenge 5:17

Пал-дова́ со лочакэ на трэй дова́, со Духоскэ трэй, и Духоскэ (Фаноскэ) трэй на дова́, со лочакэ трэй: кадалэ́ дуй камибэна исын вэ́рги екх екхэ́скэ; палдава́ тумэ́ на кэрэ́на дова́, со тумэн тырдэла,

Ióvo 17:9

Нэ чачуно́ явэ́ла тэ рикирэлпэ кэ пэ́скиро дром, и конэ́стэ исын жужэ́ васта́, одова́ ману́ш явэ́ла зоралэды́р дро пэ́скиро ду́хо.

1 Petr 5:10

Нэ Дэвэ́л, Саво́ бахтякирэ́ла, и Саво́ кхардя́ тумэн дрэ вечна Пэ́скири сла́ва, ко́ли тумэ́нгэ и приявэлапэ набаро́ часо тэ страдынэл, Ёв Кокоро́ кэрэ́ла тумэн зоралэды́р и дэ́ла зор, соб (кай) тумэ́ тэ на кунинэнпэ дро пэ́скиро патяибэ́н;

2 Фесалоникийцэнгэ 2:13

Нэ амэ́нгэ трэй, пшала́лэ, саро́ часо тэ парикирас Дэвлэ́скэ пал тумэ́ндэ, савэ́н Рай Дэвэ́л выкэдыя́, пал-дова́ со Ёв англэды́р выкэдыя́ тумэн ваш зракхибэ́н пир Духоскири зор и патяибэ́н дро чачипэ́н;

Эфесянэнгэ 4:12

соб (кай) тэ фэдырьякирэн Дэвлытконэ́ манушэ́н тэ роспхэнэ́н Дэвлэ́скиро лав тэ зоралякирэн Кхангири́, Сави́ исын Христосо́скирэ-духо́скирэ маса́;

2 Коринфянэнгэ 13:9

Палдава́ амэ радынасапэ, ке́ли амэ сам бизорья́кирэ, а тумэ́ сан зоралэ́. И амэ адя́кэ-паць мангасапэ Дэвлэ́скэ, соб (кай) тумэ́ тэ явэ́н бидошакирэ.

1 Коринфянэнгэ 13:10

а ке́ли дова́, со исын бидошакиро явэ́ла, тэды кодова́, со исын на́бут, пириячэ́ла тэ явэ́л.

Pritčy 4:18

Нэ чачунэ́-манушэ́нгиро дром исын сы́рбы дуд (свэ́то), со зяинэла, саво́ свэнцынэла и зяинэла яркэдыр анги́л парно́ дывэ́с.

Psalmy 119:5

соб (кай) тэ лыджа́н ман мирэ́ дрома́ пир Тырэ́ стату́ты (уставы).

Psalmy 84:2

Савэ кучонэ́ исын Тырэ́ ша́тры, о Раё Дэ́вла, болыбна́скирэ-янголэ́нгиро.

Psalmy 63:8

со Ту ўса́ды (сак) дэсас васт ма́нгэ, а мэ ява́ва тэ радынавпэ тэл Тырэ́-пхакэнгири зор.

1 Фесалоникийцэнгэ 5:15

Дыкхэ́н, соб (кай) нико́н тэ на кэрэ́л никонэ́скэ чорипэ́н палэ пал чорипэ́н, нэ ўса́ды (сак) кэрэ́н лачхипэ́н екх екхэ́скэ и сарэ́ манушэ́нгэ,

1 Ximaske 6:19

скэдыи пэ́скэ кучипэ́н; дава́ исын лачхо́ фунда́менто и тэ скэдэ́н ваш часо, со явэ́ла ваш дова́, соб (кай) лэ́ндэ тэ явэ́л ве́чно джиибэ́н.

Apostolengiri Butý 9:15

И Рай Дэвэ́л пхэндя́ лэ́скэ: “Джа́, пал-дова́ со Мэ выкэдыём лэс, соб (кай) ёв тэ лыджа́л Миро лав анги́л манушэ́ндэ Наюдэ́ндэ, и Израилёскирэ кралье́ндэ чхавэ́ндэ:

1 Ximaske 5:10

савья́ джинэ́на пир ла́кирэ лачхэ́ рэ́нды, ко́ли ёй выбарьякирдя лачхэнца пэ́скирэ чхавэ́н, ко́ли ёй прилэлас чужонэ́ манушэ́н, савэ́ндэ на сыс, кай тэ дживэ́н, мордя ґэра́ свэнтонэнгэ, и помогинэлас одолэ́нгэ, конэ́стэ сыс би́да, и ко́ли ёй какана́ кэрэ́ла дурэды́р лачхэ́ рэ́нды.

Psalmy 94:15

нэ Лэ́скиро сэ́ндо явэ́ла нэвэ́стыр чачуно́, а одолэ́, конэ́стэ исын чачуно́ ило́, явэ́на тэ джа́н пал дава́ дурэды́р.

Юдэ́нгэ 12:23

тумэ́ явнэ́ пашылэды́р кэ Кхангири́, кай скэдынэ́пэ радыма́са чхаворэ́, савэ́ пэ́рва бияндёна, конэскирэ лава́ исын зачхиндлэ́ дро Болыбна́скиро Раё, и кэ Дэвэ́л, Саво́ исын Сэнда́ри пэ сарэ́ндэ и кэ манушэ́нгирэ ду́хи, со ячнэ́ бидошакирэнца;

Psalmy 42:1

Хоро́скирэ Дирижоро́скэ. Сыклякирибэ́н Кареескирэ Чхавэ́ндыр.

Матфеё 5:48

Палдова́ явэ́н бидошакирэ, сыр бидошакиро исын тумаро́ Болыбна́скиро Дад.

Римлянэнгэ 8:39

ни вучипэ́н, ни хорипэ́н, нисо́ яви́р, со исын джидо́ пэ саро́ парно́ свэ́то, на могинэ́ла тэ тэрдёл машки́р амэ́ндэ и Дэвлэ́скири ла́ска дрэ Исусо́стэ Христосо́стэ, амарэ́ Растэ-Дэвлэ́стэ.

1 Коринфянэнгэ 9:24

Ци джинэ́на тумэ́, со сарэ́, кон прастала пэ стадионо, праста́на со исын сыгэды́р екх анги́л екхэ́стэ, нэ фэ́ни екх лэ́ла призо. Палдава́, прастан сарэ́, соб (кай) тумэ́нгэ тэ выбашавэн призо.

1 Коринфянэнгэ 13:12

Пал-дова́ со амэ какана́ дыкхаса сы́рбы пир на́лачхо гиндало, а тэды амэ ява́са тэ дыкхас муй кэ муй; какана́ мэ джино́м на́бут, тэды мэ ява́ва тэ джина́в ада́кицы, пэ кицы́ Рай Дэвэ́л джинэ́ла ман.

Filipiicenge 1:1

Павли́стыр и Химастыр (Тимафеёстыр), Исусо́скирэ Христосо́скирэ писхарьендыр, кэ сарэ́ свэ́нта мануша́ дрэ Филипы, кон патя́ла дрэ Исусо́стэ Христосо́стэ сарэ́ епископэнца (кхангирья́кирэ барыдырэ́нца) и диаконэнца;

Filipiicenge 3:3

Пал-дова́ со обчхиныбэн дава́ исын амэ тумэ́нца, савэ́ мангэ́напэ Дэвлэ́скэ Лэ́скирэ Духо́са, и шарасапэ дро екхипэ́н Исусо́са Христосо́са, и амэ на древа́н патя́са дрэ лоч (плоть),

Filipiicenge 3:8

И мэ гинава саро́ яви́р пал хасибэ́н ваш дова́, соб (кай) бутэды́р тэ уджинав мирэ́ Рас-Дэвлэ́с, Исусо́с Христосо́с, ваш Лэ́скэ мэ сарэ́стыр отпхэндёмпэ, мэ саро́ гинава пал шума (смети), соб (кай) ма́нгэ екх тэ явав дро екхипэ́н Христосо́са;