Filipiicenge 2:30 - Библия - Пэ Балтитко Романи чиб (Романэс) 2019

³⁰ пал-дова́ со ёв на тангиндя пэ́скиро джиибэ́н кэ мэрибэ́н и кэрдя́ буты́ би дара́киро ваш Христосо́скэ, соб (кай) тэ дэл васт ма́нгэ, сыр тумэ́ на могиндлэ́ дава́ тэ кэрэ́н.

Biblija - Pe Baltitko Romani čib (Romanes) 2019

³⁰ pal-dová so jov na tangindia péskiro džiibén ke meribén i kerdiá butý bi darákiro vaš Xristosóske, sob (kaj) te del vast mánge, syr tumé na mogindlé davá te kerén.

Filipiicenge 2:30 Referans Kwoze

1 Коринфянэнгэ 16:17

Мэ радынавпэ, со явнэ́ Стехвано, Фартунато и Ахаико; пал-дова́ со ёнэ сы́рбы парудэ тумэн, ке́ли на сыс тумэн.

Filipiicenge 4:10

Мэ древа́н обрадындёмпэ дро екхипэ́н Ра́са-Дэвлэ́са, со тумэ́ какана́ лынэ́ тэ пэкэнпэ (тэ заботисон) пал ма́ндэ, тумэ́ и англэды́р пэкнэпэ, нэ тумэ́нгэ на сыс саштыпэн (возможность/ваканцыя).

Apostolengiri Butý 20:24

Нэ мэ ни пэ со дава́ на дыкха́ва, и мэ на дарава пал пэ́скиро джиибэ́н, екх ма́нгэ трэй тэ проджав миро дром и тэ кэра́в рэ́ндо (де́ло), саво́ дыя́ ма́нгэ Рай Дэвэ́л, Ису́со Христо́со, тэ лыджав бахталы́ зан (звесь) манушэ́нгэ пал Дэвлэ́скиро бахталыпэ́н.

Filipiicenge 4:18

Мэ дорэсцём буты́р, сыр ма́нгэ трэй, мэ сом радо, ке́ли дорэсцём Епафодитостыр саро́, со тумэ́ бичхадэ́ ма́нгэ сы́рбы гудло́ аромато, сыр дро́го свэ́нто дыибэ́н, саво́ исын лачхо́ Дэвлэ́скэ.

2 Коринфянэнгэ 12:15

Какана́ мэ фэды́р ява́ва тэ розмэкав пэ́скиро и тэ отдав пэс пал тумаро́ ило́. Ко́ли мэ кама́м тумэн бутэды́р, нау́што тумэ́ явэ́на тэ сыкавэ́н паты́в ма́нгэ кутэдыр (набутэдыр)?

Sykadyipén 12:11

И амарэ́ пша́ла лынэ́ упралыпэ́н пэ лэ́стэ свэнтонэ́ Бакрорэ́скирэ ратэ́са и лавэ́са лэ́нгирэ допхэныбнэндыр и ёнэ на дэ́нас чол (цэниндлэ) пэ́скиро джиибэ́н буты́р мэрибна́стыр.

Filimon 1:13

савэ́с мэ древа́н камдём (мангдём) тэ ячкирав лэс паш пэ́стэ, соб (кай) ёв заме́ст ту́тэ тэ помогинэл ма́нгэ, пака мэ сом дрэ састыра́, пал-дова́, со мэ роспхэнавас бахталы́ зан (звесь);

Filipiicenge 2:27

а ёв древа́н сыс насвало́, гин кэ мэрибэ́н, нэ Дэвэ́л потангиндя лэс, и на екхэ лэс, нэ адя́кэ-паць и ман, соб (кай) тэ на явэ́л ма́ндэ ту́га пэ ту́га.

Filipiicenge 2:17

Нэ ко́ли ма́нгэ приявэлапэ тэ отдав пэ́скиро джиибэ́н сыр свэ́нто дыибэ́н пал тумаро́ патяибэ́н, то мэ сом радо, и мэ ява́ва тэ радынавпэ кхэтанэ́ сарэ́нца тумэ́нца.

1 Коринфянэнгэ 16:10

Ко́ли Хима (Тимофеё) явэ́ла кэ тумэ́, кэрэ́н, сыр исын фэды́р, соб (кай) ёв тэ явэ́л би дара́киро кэ тумэ́, пал-дова́ со ёв кэрэ́ла буты́ ваш Ра́скэ-Дэвлэ́скэ, адя́кэ-паць, сыр и мэ.

1 Коринфянэнгэ 15:53

Пал-дова́ со дова́, со кирнёла, исын банго́ (мусинэла) тэ парудёл дро дова́, со на кирнёла, и дава́, со мэрэ́ла, банго́ тэ парудёл дро дова́, со на мэрэ́ла.

Римлянэнгэ 16:4

савэ́ пал миро джиибэ́н отдэнас кокорэ́ пэ́скиро шэро́; мэ парикирава лэ́нгэ наекхджино нэ и сарэ́ Наюдэнгирэ кхангирья,

2 Коринфянэнгэ 4:12

Мэрибэ́н, чачэс, кэрэ́ла буты́ дрэ тумэ́ндэ, а джиибэ́н дрэ амэ́ндэ.