Filipiicenge 2:13 - Библия - Пэ Балтитко Романи чиб (Романэс) 2019

¹³ пал-дова́ со адава́ исын Дэвэ́л, Саво́ выкхарэла дрэ тумэ́ндэ во́ля и рэ́нды пир Пэ́скиро выкэдыибэн.

Biblija - Pe Baltitko Romani čib (Romanes) 2019

¹³ pal-dová so adavá isyn Devél, Savó vykharela dre tuménde vólia i réndy pir Péskiro vykedyiben.

Filipiicenge 2:13 Referans Kwoze

Юдэ́нгэ 13:21

мэк тэ дэл Ёв зор тумэ́нгэ тэ кэрэ́н буты́ лачхэ́с, соб (кай) тэ кэрэ́н саро́ тумэ́ пир Лэ́скири во́ля. Мэк Ёв пир Исусо́стэ Христосо́стэ тэ кэрэ́л дова́ дрэ амэ́ндэ, со исын лачхо́ Лэ́скэ, Савэ́скэ тэ явэ́л сла́ва пэ сарэ́ ве́ки’. Ами́нь.

2 Коринфянэнгэ 3:5

пал-дова́ со амэ кокорэ́ на могиндям тэ думинас дава́ кокорэ́ пэ́стыр, нэ амаро́ тала́но исын Дэвлэ́стыр;

2 Ximaske 1:9

Ёв, Саво́ зракхця́ и кхардя́ амэн кэ свэ́нто джиибэ́н на пир амарэ́ рэ́нды, а пир Пэ́скири дума и бахталыпэ́н, саво́ сыс дыно́ амэ́нгэ пир Исусо́стэ Христосо́стэ анги́л, сыр свэ́то яця́,

Римлянэнгэ 9:16

Тэды джинэ́н, со примангипэн манушэ́скэ на пир лэ́скиро ило́ ци стариныбэн, а пир Дэвлэ́скиро тангипэ́н.

1 Коринфянэнгэ 15:10

Пир Дэвлэ́скиро бахталыпэ́н мэ сом адасаво́, сыр исын, и бахталыпэ́н, саво́ Ёв дыя́ ма́нгэ, на сыс ивья́; нэ мэ кэрдём буты́ буты́р лэ́ндыр сарэ́ндыр; нэ дава́ на адя́кэ сыс мири́ буты́, а сыр Дэвлэ́скиро бахталыпэ́н, со сыс ма́нца.

Joannostir 3:27

Иа́но отпхэндя́ и пхэндя́ лэ́нгэ: “Ману́ш нашты́ нисо́ тэ кэрэ́л кокоро́ пэ́стыр, ко́ли на явэ́ла дыно́ лэ́скэ болыбна́стыр.

Эфесянэнгэ 1:11

пир екхипэ́н Лэ́са и амэ яця́м Дэвлэ́скирэ манушэ́нца пир Лэ́скири мысля, ке́ли Ёв выкэдыя́ амэн и Саво́ кэрэ́ла саро́ дро свэ́то пир Пэ́скири во́ля самонэ англыпна́стыр,

1 Коринфянэнгэ 12:6

исын ра́зна саштыпэна (возможности) тэ дынаринэ́н, а исын кадава́-паць екх Дэвэ́л, Саво́ хулаинэла пир саро́ и пэ сарэ́ндэ.

2 Фесалоникийцэнгэ 1:11

Ваш дава́ амэ саро́ часо и мангасапэ Дэвлэ́скэ пал тумэ́ндэ, соб (кай) амаро́ Дэвэ́л тэ кэрэ́л тумэн тэ явэ́н мол далэ́ джиибнаскэ, ваш саво́ Ёв прикхардя тумэн и тэ кэрэ́л Пэ́скирэ зорья́са пир Пэ́скири ла́ска кажно лачхо́ рэ́ндо пир патяибэ́н дрэ Лэ́стэ,

Эфесянэнгэ 1:5

Ёв выкэдыя́ амэн пир Исусо́стэ Христосо́стэ, соб (кай) амэ тэ явас Лэ́скирэ чхавэ́ пир Пэ́скиро выкэдыибэн и во́ля,

Эфесянэнгэ 2:8

Палдава́ со тумэ́ сан зракхнэ́ бахталыпнаса пир патяибэ́н, и дава́ исын на долэ́стыр, со тумэ́ причхувэна зор, дава́ тумэ́нгэ исын дыно́ Дэвлэ́стыр;

3 Kralip 8:58

Притырдэ кэ Пэ ило́ амаро́, соб (кай) амэ тэ псирас пир сарэ́ Лэ́скирэ дрома́ и тэ ракхас Лэ́скирэ припхэныбэна́ (заповеди) и упхэныбэна́ Лэ́скирэ, зако́ны Лэ́скирэ, савэ́ Ёв дыя́ амарэ́ дадэ́нгэ.

Psalmy 119:36

Бандякир миро ило́ кэ Тыро́ нарипирибэн, а на кэ ґалкима.

Luka 12:32

На андыршан, со тумэ́ сан на баро́ манушэ́нгиро ґурто, пал-дова́ со тумаро́ Дад дэ́ла ласкаса тумэ́нгэ Кралипэ́н.

Эфесянэнгэ 1:9

пир Пэ́скиро цэлё/рэс (чачипэ́н) Дэвэ́л отчхакирдя́ амэ́нгэ Лэ́скирэ-воля́киро чораханыбэн, саво́ Ёв ґарэдыр задуминдя тэ кэрэ́л пир Христосо́стэ,

Joannostir 6:65

И Ёв ракирдя́: “Ваш дава́ и Мэ ракира́ва тумэ́нгэ, со нико́н на явэ́ла кэ Мэ, ко́ли дава́ на явэ́ла дыно́ лэ́скэ Мирэ́ Дадэ́стыр.”

Ереме́ё 32:38

И ёнэ явэ́на Мирэ́ мануша́, и Мэ ява́ва лэ́нгиро Дэвэ́л.

Римлянэнгэ 9:11

и анги́л лэ́нгиро бияныпэ́н, ке́ли ёнэ ишчо (инкэ́) на кэрдэ́ нисаво́ лачхипэ́н ци фуипэ́н, Дэвэ́л кэрдя́ пэ́скиро выкэдыибэн,

Ереме́ё 31:33

‘Акэ, исын Заве́то, саво́ Мэ счхувава Израилёскирэ кхэрэса и Юдэя́кирэ кхэрэса. Палэ долэ́ дывэса́’, – ракирэ́ла Рай Дэвэ́л’, – ‘Мэ чхува́ва Миро Зако́но андрэ́ лэ́ндэ и Мэ чхина́ва дава́ дро лэ́нгирэ илэ, и Мэ ява́ва лэ́нгиро Дэвэ́л, и ёнэ явэ́на Мирэ́ мануша́.

Pritčy 21:1

Крали́скиро ило́ исын дрэ Ра́скирэ-Дэвлэ́скирэ васта́ сы́рбы панитка ручаи, со тхадэна: Ёв рискирэ́ла лэн, сыр Лэ́скэ исын трэй.

Е́здра 1:1

Дро пэ́рво бэрш крали́скирэ Кираскиро, ке́ли Ёв лыя́ тэ кралинэ́л пэ Пе́рсия, соб (кай) тэ сполнинэ́лпэ лав Ра́скирэ-Дэвлэ́скиро, саво́ ракирдя́ проро́ко Ереме́е, о Рай-Дэвэ́л джангадя ду́хо (фа́но) Кираскиро, Персиякирэ крали́скиро, и ёв дыя́ припхэныбэ́н тэ пхэнэ́н анги́л сарэ́ндэ пир саро́ кралипэ́н, и адя́кэ-паць тэ зачхинэн далэ́ лава́:

Е́здра 7:27

“Мэк тэ явэ́л бахтякирдо́ Рай Дэвэ́л, Дэвэ́л амарэ́-дадэ́нгиро, Саво́ чхудя́ кадасави дума дро крали́скиро ило́, соб (кай) тэ шукарьякирэн Кхэр (Кхангири́) Ра́скирэ-Дэвлэ́скиро, саво́ исын кэ Ерусалимо;

Е́здра 1:5

Тэ́ньци шэралэ́ пэ стрэ́чы /дадэнги́рэ-ро́ды (поколении) Юдастыр и Веньяминостыр, и рашая́, и Леви́ты, кажно ману́ш, дрэ савэ́ндэ Дэвэ́л джангадя ду́хо (фа́но), ґаздынэ́пэ тэ джа́н тэ чхувэ́н нэвэ́с Кхэр (Кхангири́), Ра́скирэ-Дэвлэ́скиро, саво́ исын дро Ерусалимо.

2 Паралипоменоно 30:12

И пэ Юдэе́ндэ сыс Дэвлэ́скиро васт, дыи́ лэ́нгэ екх ило́, соб (кай) тэ кэрэ́н пир упхэныбэ́н крали́скиро и тхагарье́нгиро, пир Ра́скирэ-Дэвлэ́скиро лав.

Joannostir 6:45

Акэ, исын чхиндло́: ‘Явэ́на сарэ́ сыклякирдэ́ Дэвлэ́стыр’. Кажно, кон шундя́ Дадэ́с и сыклыя Лэ́стыр, явэ́ла кэ Мэ;

Isajos 26:12

Раё Дэ́вла! Ту подэса амэ́нгэ рама́нё (миро), и сарэ́ амарэ́ рэ́нды Ту кэрэ́са ваш амэ́нгэ.

Psalmy 141:4

На домэк, соб (кай) миро ило́ тэ рисёл криг кэ вари-саво́ чоро рэ́ндо, соб (кай) мэ тэ кэра́в дурэды́р фуипэ́н. На домэк, соб (кай) мэ тэ хав манушэ́нгирэ мизюли (сласти), савэ́ кэрэ́на чорипэ́н.

Ниеми́я 2:4

И пхэндя́ ма́нгэ о кра́ли: “Со жэ ту камэсас?” Мэ помангдёмпэ э Дэвлэ́скэ болыбнаскирэскэ,

1 Petr 1:3

Мэк тэ явэ́л бахтякирдо́ Дэвэ́л Дад амарэ́ Ра́скирэ-Дэвлэ́скиро, Исусо́скирэ Христосо́скиро, Саво́ пир Пэ́скиро баро́ тангипэ́н дыя́ амэ́нгэ яви́р джиибэ́н, ке́ли отджидякирдя́ Исусо́с Христосо́с мулэ́ндыр, соб (кай) амэ́ндэ тэ явэ́л джиды наде́я,

Apostolengiri Butý 11:21

И сыс Дэвлэ́скиро васт лэ́нца, и бут мануша́ патяндынэ́ и рисинэ́ кэ Дэвэ́л.

Psalmy 110:3

Тырэ́ мануша́ янэ́на пэс дро Тырэ́-зоралыпнаскиро дывэ́с свэнтонэ́ райканэ слава́са: Тырэ́ тэрнэ́ бияндёна сыр пахлын (роса), сави́ сыс пэ зло́ко (пэ ра́нко).

Ióvo 33:29

Акэ, Дэвэ́л кэрэ́ла саро́ дава́ дуй трин мо́лы манушэ́са,

Luka 2:14

“Тэ славинэлпэ Дэвэ́л дрэ упратунэ болыбэна, и тэ явэ́л рама́нё (миро) пэ пхув машки́р манушэ́ндэ, савэ́ндыр Дэвэ́л радынэ́лапэ.”

Римлянэнгэ 12:3

Палдава́ мэ ракира́ва кажнонэ́скэ тумэ́ндыр: на думинэн пал пэ́стэ бутэды́р, сыр трэй тэ думинэс; нэ думинэн годьварэс пир тумаро́ патяибэ́н, саво́ Дэвэ́л дыя́ кажнонэ́скэ тумэ́ндыр.