Filipiicenge 1:20 - Библия - Пэ Балтитко Романи чиб (Романэс) 2019

²⁰ Мэ джино́м зоралэ́с и мэ патя́ва, со ма́нгэ ни дро со на явэ́ла ладжаво, а мэ, сыр ґарэдыр, адя́кэ-паць и какана́ би дара́киро, ява́ва тэ барьякирав паты́в Христосо́скэ мирэ́ джиибнаса, ци ява́ва мэ джидо́, ци муло́.

Biblija - Pe Baltitko Romani čib (Romanes) 2019

²⁰ Me džinóm zoralés i me patiáva, so mánge ni dro so na javéla ladžavo, a me, syr ĥaredyr, adiáke-pac' i kakaná bi darákiro, javáva te barjakirav patýv Xristosóske miré džiibnasa, ci javáva me džidó, ci muló.

Filipiicenge 1:20 Referans Kwoze

1 Petr 4:16

а ко́ли тумэ́ пирилыджана пхарипэ́н сыр Христиани, тэды на ладжан, а славинэ́н Дэвлэ́с, пал-дова́ со тумэн кхарэ́на адя́кэ.

1 Коринфянэнгэ 6:20

Тумэ́ сан киндлэ пал бари тими́н (кимин); палдава́ славинэ́н тумэ́ Дэвлэ́с пэ́скирэ масэнца и Духо́са, савэ́ исын Дэвлэ́скирэ.

Isajos 54:4

На дар, ту на явэ́са ладжакирды; на ладжа, нико́н тут на ладжакирэла; Ту бистрэса ладжаипэ́н, саво́ прилыян дрэ тэрнэ́ бэрша́; и ту на явэ́са тэ рипирэс пал ладж, сави́ ту прилыян, сыр са́нас биромэскири.

1 Фесалоникийцэнгэ 5:23

Мэк Дэвэ́л, Саво́ дэ́ла рама́нё, тэ кэрэ́л тумэн свэнтонэнца дро саро́, соб (кай) тумаро́ ду́хо (фа́но), ило́ и маса́ тэ явэ́н бидошакирэ, ке́ли явэ́ла амаро́ Рай Дэвэ́л, Ису́со Христо́со.

1 Ian 2:28

Ѓа́да, бияты, ячэ́нпэ дро екхипэ́н Христосо́са, соб (кай) Ёв, ке́ли сыкадёла, тэ явэ́л амэ́ндэ зорало́ патяибэ́н и тэ на явэ́л ладжаво анги́л Лэ́стэ, ке́ли Ёв явэ́ла.

Filipiicenge 2:17

Нэ ко́ли ма́нгэ приявэлапэ тэ отдав пэ́скиро джиибэ́н сыр свэ́нто дыибэ́н пал тумаро́ патяибэ́н, то мэ сом радо, и мэ ява́ва тэ радынавпэ кхэтанэ́ сарэ́нца тумэ́нца.

Римлянэнгэ 8:19

Палдава́ кажно джидо́ создыибэн пэ пхув, барэ́ надеяса ужакирэ́ла, ке́ли Дэвлэ́скирэ чхавэ́ явэ́на хулая́ пир свэ́то:

2 Коринфянэнгэ 10:8

Нэ, ко́ли мэ буты́р ява́ва тэ шаравпэ пэ́скирэ правоса, саво́ Дэвэ́л дыя́ тэ дав васт, соб (кай) тэ барьёл тумаро́ патяибэ́н, а на ваш дова́, соб (кай) тэ чхував тэлэ́ тумэн, тэды ма́нгэ на явэ́ла ладжаво;

2 Коринфянэнгэ 4:10

Амэ дрэ маса́ ўса́ды (сак) лыджа́са Христосо́скиро мэрибэ́н дрэ пэ́стэ, сыр Ису́со мыя́ ваш дова́, соб (кай) тэ явэ́л бицяло́ Исусо́скиро джиибэ́н пир ду́хо (фа́но) дрэ амэ́ндэ.

1 Коринфянэнгэ 7:34

Исын рознь машки́р палоромитконатэ и патывалэ́ чхатэ. Напалоромитко пэкэлапэ пал дова́, со исын Ра́скиро-Дэвлэ́скиро, соб (кай) тэ отдэлпэ Дэвлэ́скэ Духо́са и масэнца; а палоромитко пэкэлапэ пал далэ́-свэто́скирэ джиибнытка рэ́нды, сыр тэ явэ́л лачхо́ пэ́скирэ ромэскэ.

Isajos 50:7

И Рай Дэвэ́л дэ́ла васт (помогинэла) Ма́нгэ, палдава́ Мэ на ладжава, палдава́ Мэ рикирава Миро муй сыр бар, и Мэ джино́м (джина́в), со Мэ на ячавапэ ладжакирдо́.

Psalmy 119:116

Подрикир ман Тырэ́ лавэ́са, соб (кай) ма́нгэ сашты́ тэ явэ́л тэ джива́в, соб (кай) мэ тэ на явав ладжакирдо́ долэ́стыр, со́стыр мэ ужакирава лачхипэ́н.

Римлянэнгэ 5:5

И амари́ наде́я на подлыджала амэн, пал-дова́ со Дэвлэ́скири ла́ска пир Свэ́нто Ду́хо (Фа́но) пхэрдякирдя́ амарэ́ илэ ласкаса, сави́ дыны́ амэ́нгэ:

Isajos 45:17

А Израилё явэ́ла зракхно пир ве́чно зракхибэ́н дро Растэ-Дэвлэ́стэ; тумэ́ на явэ́на ладжакирдэ́ никели.

Колосянэнгэ 1:24

Какана́ мэ радынавапэ дрэ мирэ́ мэ́ньки пал тумэ́ндэ, ко́ли Христосо́скирэ мэ́ньки на ухтылдэ́ ма́нгэ, тэды лэн мэ дочхувава мирэ́ лочаса ваш Лэ́скирэ мэ́ньки Лэ́скирэ Масэнгэ, Савэ исын Кхангири́.

Римлянэнгэ 12:1

Палдава́, пшала́лэ, мэ манга́ва тумэн Дэвлэ́скирэ тангипнаса, тэ отдэ́н пэс сарэ́са сыр свэ́нто джидо́ отдыибэ́н и саво́ трэй Дэвлэ́скэ ваш тумаро́ годьваро́ дынарибэ́н (служэние) Лэ́скэ годя́са и илэ́са.

Filipiicenge 1:14

со барэды́р паш пшалэ́ндыр пир Растэ-Дэвлэ́стэ, пир дава́, со мэ сом бэшто́ дро штарибэ́н пал патяибэ́н, ячнэ́ зоралэды́р дро патяибэ́н дрэ амарэ́ Растэ-Дэвлэ́стэ и тэ ракирэ́н Дэвлэ́скиро лав би дара́киро.

2 Коринфянэнгэ 7:14

Пал-дова́ со ко́ли мэ шардём тумэн лэ́скэ, мэ на со́мас ладжакирдо́, нэ, сыр амэ пхэндям тумэ́нгэ саро́ чачипэ́н, тэды адя́кэ-паць и амаро́ шарибэ́н анги́л Титостэ сыс чачуно́:

2 Коринфянэнгэ 5:15

Ёв мыя́ пал сарэ́ндэ, соб (кай) джидэ́ мануша́ тэ на дживэ́н ваш пэ́скэ, нэ ваш Лэ́скэ, Кон мыя́ пал лэ́ндэ и отджидыя́ ваш лэ́нгиро лачхипэ́н.

1 Коринфянэнгэ 15:31

Мэ со дывэ́с мэра́ва: мэ совлахава, со дава́ чачипэ́н шарибнаса, со исын ма́ндэ, пал тумаро́ патяибэ́н дрэ Исусо́стэ Христосо́стэ, амарэ́ Растэ-Дэвлэ́стэ.

Римлянэнгэ 9:33

сыр и исын чхиндло́ пал дава́: “Ѓа́да, Мэ чхува́ва пэ Сио́но бар, пал саво́ бут мануша́ обштавэнапэ и пэрэ́на: и кажно, кон патя́ла дрэ Лэ́стэ, одова́ ние́кхвар на явэ́ла тэ ладжал.”

Римлянэнгэ 6:19

Мэ ракира́ва тумэ́нгэ пал дава́ манушытконэ́ лавэ́нца, ваш дова́, соб (кай) тумэ́ тэ ґалён. Адя́кэ, сыр тумэ́ англэды́р отдэнас тумарэ́ лочакирэ маса́ дрэ магирдо́ писхарибэн и проти Зако́но, то какана́ отдэ́н тумарэ́ маса́ дрэ писхарибэн чачипнаскэ пэ свэ́нта рэ́нды.

Римлянэнгэ 6:13

И на отдэ́н тумарэ́ маса́ грэхо́скэ сы́рбы дрэ васта́ ваш начачипэ́н, а тумэ́ отдэ́н фэды́р пэс Дэвлэ́скэ, сыр тумэ́ сы́рбы отджидынэ мулэ́ндыр дрэ джиибэ́н, и отдэ́н тумарэ́ маса́ дрэ Дэвлэ́скирэ васта́ ваш чачипэ́н.

Apostolengiri Butý 21:13

Нэ Па́вли отпхэндя́: “Со тумэ́ кэрэ́на? Со́скэ тумэ́ ровэна и кушэна миро ило́? Мэ кама́м тэ явав на со пхандло, нэ и тэ мэрав дро Ерусалимо пал Дэвлэ́скирэ-Исусо́скиро лав.

Apostolengiri Butý 20:24

Нэ мэ ни пэ со дава́ на дыкха́ва, и мэ на дарава пал пэ́скиро джиибэ́н, екх ма́нгэ трэй тэ проджав миро дром и тэ кэра́в рэ́ндо (де́ло), саво́ дыя́ ма́нгэ Рай Дэвэ́л, Ису́со Христо́со, тэ лыджав бахталы́ зан (звесь) манушэ́нгэ пал Дэвлэ́скиро бахталыпэ́н.

Joannostir 21:19

И пхэни́ дава́, Ису́со дыя́ лэ́скэ тэ ґалёл, савэ́ мэрибнаса Пэ́три прославинэла Дэвлэ́с. Тэ́ньци Ису́со ракирэ́ла лэ́скэ: “Джа́ пал Ма́ндэ.”

Pritčy 23:18

пал-дова́ со исын англыпэ́н и тыро́ лачхо́ ужакирибэ́н на явэ́ла нашадо.

Pritčy 10:28

Чачунэ́-манушэ́нгиро ужакирибэ́н исын ра́дыма, нэ фуе́-манушэ́нгири наде́я хасёла.

Psalmy 119:80

Мэк тэ явэ́л миро ило́ бидошэ́нгиро дрэ Тырэ́ стату́ты, соб (кай) ма́нгэ тэ на явэ́л ладжаво.

Psalmy 62:5

Ёнэ екх зракирэнапэ тэ зравэн лэс лэ́скирэ райканэ штэто́стыр; ёнэ бахталёна хохаибнэндыр. Ёнэ шарэна пэ́скирэ мо́са, нэ ёнэ прокошэна дрэ пэ́скирэ илэ. Сэ́ла.

Psalmy 25:2

О миро Дэ́вла! Мэ патя́ва дрэ Ту́тэ; на домэк, соб (кай) тэ явэ́л ладжаво ма́нгэ, соб (кай) мирэ́ вэ́рги (вроги) тэ на лэн вучипэ́н пэ ма́ндэ!

Apostolengiri Butý 4:31

И ке́ли ёнэ пириячнэ тэ мангэ́нпэ Дэвлэ́скэ, тэды дова́ штэ́то, кай ёнэ скэдынэ́пэ, затринскирдяпэ, и гия́ пэ сарэ́ндэ лэ́ндэ Свэнтонэ́-Духоскири зор и ёнэ пхэндлэ́ Дэвлэ́скиро лав муршыпнаса.

2 Коринфянэнгэ 3:12

Палдава́ амэ ракираса муршканэ́с пал дасаво лачхо́ ужакирибэ́н, со исын амэ́ндэ:

2 Коринфянэнгэ 7:4

Мэ зоралэ́с патя́ва тумэ́нгэ; мэ зоралэ́с шарава тумэн; мэ чуинава лачхо́ подрикирибэ́н; мэ древа́н радынавпэ, на дыкхи́ пэ сарэ́ амарэ́ пиридживипэна.