Filipiicenge 1:10 - Библия - Пэ Балтитко Романи чиб (Романэс) 2019

¹⁰ соб (кай) тумэ́ могинэ́нас тэ розлэн (тэ розгалён), со исын фэды́р ваш тумэ́нгэ, соб (кай) тумэ́ тэ явэ́н жужэ́ и бибангипнаскирэ дро Дывэ́с, ке́ли Христо́со явэ́ла,

Biblija - Pe Baltitko Romani čib (Romanes) 2019

¹⁰ sob (kaj) tumé moginénas te rozlen (te rozgaljon), so isyn fedýr vaš tuménge, sob (kaj) tumé te javén žužé i bibangipnaskire dro Dyvés, kiéli Xristóso javéla,

Filipiicenge 1:10 Referans Kwoze

Римлянэнгэ 12:2

На дживэ́н адя́кэ, сыр адалэ́-векоскирэ мануша́ дживэ́на, нэ парувэн пэс, нэвякирэн тумари́ годы́, соб (кай) тумэ́нгэ тэ джинэ́н, со Дэвлэ́скири во́ля исын лачхи́, бидошэнгири и чачуны́.

1 Фесалоникийцэнгэ 3:13

соб (кай) тэ подрикирэ́л тумарэ́ илэ тэ явэ́н тумэ́ бидошакирэ и свэ́нта анги́л амарэ́ Дэвлэ́стэ и Дадэ́стэ, ке́ли явэ́ла амаро́ Рай Дэвэ́л, Ису́со Христо́со сарэ́ Пэ́скирэ свэнтонэнца. Ами́нь.

1 Фесалоникийцэнгэ 5:23

Мэк Дэвэ́л, Саво́ дэ́ла рама́нё, тэ кэрэ́л тумэн свэнтонэнца дро саро́, соб (кай) тумаро́ ду́хо (фа́но), ило́ и маса́ тэ явэ́н бидошакирэ, ке́ли явэ́ла амаро́ Рай Дэвэ́л, Ису́со Христо́со.

Римлянэнгэ 2:18

и джинэ́са Лэ́скири во́ля, и ґалёса, со исын фэдэды́р, сыклыи Законо́стыр;

Эфесянэнгэ 5:10

уджинэ́н, со трэй Дэвлэ́скэ;

1 Ian 4:1

Дро́га мирэ́! На патя́н кажнонэ́ духоскэ, а спробинэн (пропатякирэн) ду́хи, ци Дэвлэ́стыр исын ёнэ, пал-дова́ со бут хоханэ́ проро́ки явэ́на дро свэ́то.

Filipiicenge 1:6

мэ патя́ва зоралэ́с дро дова́, со Дэвэ́л, Кон лыя́ тэ кэрэ́л дрэ тумэ́ндэ дава́ лачхо́ рэ́ндо, явэ́ла тэ кэрэ́л кэ/жы́ко дова́ Дывэ́с, ке́ли нэвэ́стыр явэ́ла Ису́со Христо́со:

1 Фесалоникийцэнгэ 5:21

нэ спробинэн саро́, рикирэ́н зоралэ́с кэ лачхипэ́н.

1 Коринфянэнгэ 1:8

Ёв адя́кэ-паць подрикирэ́ла тумаро́ зорало́ патяибэ́н кэ ко́нцо (кэ яго́ро), соб (кай) тумэ́ тэ явэ́н бидошакирэ дро дывэ́с, ке́ли амаро́ Рай Дэвэ́л, Ису́со Христо́со, явэ́ла яви́р мо́ло.

Sykadyipén 2:2

“Мэ джино́м (джина́в) Тыри́ буты́ и сыр бут ту кэрдя́н буты́, и тыро́ вырикирибэн, и дова́, со ту на могинэ́са тэ пирилыджас чорэ́ манушэ́н, и со ту пропатякирдян кодолэ́н, савэ́ пхэнэ́на пэ пэ́стэ “Апо́столы” и савэ́ нанэ, со ту латхян, со ёнэ исын хохаибнарья;

Эфесянэнгэ 5:27

соб (кай) Лэ́скэ тэ чхувэ́л анги́л Пэ́стэ Кхангири́ дро славно гожыма, дрэ сави́ нанэ ни саво́ макхипэн, ни сави́ дош, а соб (кай) ёй тэ явэ́л свэ́нто и бидошэнгири.

Joannostir 1:47

Ису́со дыкхця́, со Нафанаило джа́ла кэ Ёв, и пхэндя́ пал лэ́стэ: “Ѓа́да, исын чачуно́ Израильтянино, саво́ исын би хохаибнаскиро.”

Матфеё 16:23

Нэ Ёв рисия́ кэ Пэ́три и пхэндя́: “Джа́ криг Ма́ндыр, на́лачхо; ту Ма́нгэ сан, сыр бар пэ дром, пал-дова́ со ту думинэса на пал Дэвлы́тко, а пал манушы́тко.”

Isúso 24:14

И адя́кэ, дарэ́н Ра́стыр-Дэвлэ́стыр, и дынаринэ́н Лэ́скэ дрэ жужыма и дро чачипэ́н: отчхурдэн дэвлорэ́, савэ́нгэ дынариндлэ́ тумарэ́ дада́ пал рэка (лэнь) дро Еги́пто, а дынаринэ́н Ра́скэ-Дэвлэ́скэ.

2 Коринфянэнгэ 1:12

Пал-дова́ со амэ радынасапэ далэ́стыр, ке́ли амари́ ладж патякирэла амэн, со амэ свэнтымаса и Дэвлытконэ́ чачипна́са на пир манушы́тко годы́, а пир Дэвлэ́скиро бахталыпэ́н дживдям пэ дава́ свэ́то, и буты́р сарэ́стыр, сыр амэ отлыджиямпэ кэ тумэ́.

Римлянэнгэ 12:9

Мэк тэ явэ́л чачуны́ тумари́ пшалы́тко паты́в; рисён криг фуипнастыр и кэрэ́н лачхипэ́н:

Римлянэнгэ 8:7

Пал-дова́ со лочакирэ-грэхоскирэ-манушэ́скиро тырдыпэ́н исын проти Дэвлэ́стэ: ёнэ ж на кандэ́на Дэвлэ́скиро Зако́но, и ёнэ на могинэ́на тэ кандэ́н;

Матфеё 26:33

Нэ Пэ́три отпхэндя́ Лэ́скэ дасавэ́ лавэ́нца: “Ко́ли и сарэ́ тумэ́ мэкэ́на Тут, мэ никели дава́ на кэра́ва.”

Mihiejo 3:2

Нэ тумэ́ сан мануша́, кон бидыкхэла лачхипэ́н тэ кэрэ́л, нэ тумэ́нгэ исын пир ило́ биба́хт (чорипэ́н): тумэ́, савэ́ лучкирэна цы́па манушэ́ндыр, и лэ́нгири лоч (джидэ́ маса́) лэ́нгирэ кокалэндыр;

Ióvo 34:3

Пал-дова́ со кан спробинэла лава́, сыр талой (гортань) коштынэла хабэ́н.

Ióvo 12:11

Ци на спробинэна тумарэ́ кана́ лава́, сыр и муй чуинэла хабэ́н?

Džiibén 20:5

Ци на кокоро́ ёв пхэндя́ ма́нгэ: ‘Ёй исын мири́ пхэн?’ И кокори ёй пхэндя́: ‘Ёв исын миро пшал’? Мэ кэрдём дава́ сарэ́ мирэ́ илэ́стыр и дрэ мирэ́-вастэнгири жужыма (чыстота).”

Filipiicenge 1:16

Екх мануша́ роспхэнэна Христосо́скиро лав далэ́стыр, со ёнэ спробинэна зорья дро лав екх екхэ́са, а на илэ́стыр, ёнэ камэ́на тэ кэрэ́н, соб (кай) тэ явэ́л ма́нгэ пхарэдыр дро штарибэ́н.

Эфесянэнгэ 6:24

Мэк тэ явэ́л бахталыпэ́н сарэ́нгэ, кон сарэ́ илэ́стыр рикирэ́ла сыр Дро́гима амарэ́ Рас-Дэвлэ́с, Исусо́с Христосо́с дро пэ́скиро ило́. Ами́нь.

Эфесянэнгэ 4:15

а соб (кай) амэ́нгэ тэ рикирас чачипэ́н дрэ паты́в екх кэ екх, пир саро́ тэ барьёвас тэ зджас (тэ подджас) пэ Христосо́стэ, Саво́ исын Хула́й пэ саро́:

Galatenge 5:11

Нэ палсо́ ж мануша́ традэ́на ман, пшала́лэ, ко́ли мэ роспхэнава лав пал обчхиныбэн? Тэды бар, со исын пашто́ пэ дром анги́л манушэ́ндэ, тэ патя́н дро зракхибэ́н пир Христосо́скиро трушу́л, исын кэдыно криг.

2 Коринфянэнгэ 8:8

Мэ на ракира́ва дава́ сыр припхэныбэ́н, нэ пир илэ́скиро хачкирибэ́н кэ дава́ рэ́ндо, саво́ исын явирэ манушэ́ндэ, мэ пропатякирава, савэ́ чачунэ́ исын тумарэ́ ла́ска и паты́в.

2 Коринфянэнгэ 6:3

амэ на чхуваса бар пэ дром ниекхэ́скэ, соб (кай) нико́н тэ на бангякирэл амари́ буты́;

2 Коринфянэнгэ 2:17

Пал-дова́ со амэ на янаса дош Дэвлэ́скирэ лавэ́скэ, сыр бут мануша́ адя́кэ кэрэ́на, нэ амэ сарэ́ илэ́стыр, Кокорэ́ Дэвлэ́стыр ракираса Христосо́скирэ зорья́са анги́л Дэвлэ́скирэ якха́.

1 Коринфянэнгэ 10:32

На чхувэ́н бар пэ дром сыр Юдэ́нгэ, адя́кэ-паць и Грекэ́нгэ (Баламэ́нгэ), и Дэвлэ́скирэ кхангирьякэ.

1 Коринфянэнгэ 8:13

Палдава́, ко́ли мас исын сы́рбы фэлы́ ваш грэ́хо пэ дром мирэ́ пшалэ́скэ, тэды мэ ние́кхвар буты́р на ява́ва тэ хав мас, соб (кай) ма́нгэ тэ на явав сы́рбы фэлы́ кэ грэ́хо пэ дром мирэ́ пшалэ́скэ.

Римлянэнгэ 16:17

Нэ мэ манга́ва тумэн, пшала́лэ, тэ ракхэ́нпэ одолэ́ манушэ́ндыр, савэ́ кэрэ́на дрэ кхангирья роскэрибэна и пхарипэна, и камэ́на тэ лыджа́н криг тумэн далэ́ сыкляибнастыр, савэ́скэ тумэ́ высыклынэ.

Римлянэнгэ 7:22

Палдава́ мэ радынавпэ Дэвлэ́скирэ Законо́стыр, саво́ дживэ́ла дрэ манушэ́стэ:

Римлянэнгэ 7:16

А ко́ли мэ кэра́ва дова́, со ма́нгэ на пир ило́, тэды мэ сом дро екхипэ́н Законоса, со ёв исын лачхо́.

Apostolengiri Butý 24:16

Ваш дава́ мэ кокоро́ дыкха́ва пал дова́, соб (кай) ма́ндэ ўса́ды (сак) тэ явэ́л жужы паты́в анги́л Дэвлэ́стэ и манушэ́ндэ.

Joannostir 3:20

Кажно, кон кэрэ́ла фуипэ́н, лэ́скэ исын на пир ило́ дуд (свэ́то), и ёв на джа́ла кэ дуд, пал-дова́, соб (кай) тэ ячэн джиндлэ́ налачхэ́ рэ́нды лэ́скирэ.

Filipiicenge 2:16

ке́ли ракхэна джиибна́скиро лав ваш миро шарибэ́н дро Христосо́скиро дывэ́с, со мэ на ивья́ (на напра́снэс) псирдём и кэрдём буты́.