Ester 9:27 - Библия - Пэ Балтитко Романи чиб (Романэс) 2019

²⁷ зачхудэ Юды и прилынэ́ пэ пэ́стэ и пэ чхавэ́ндэ пэскирэндэ и пэ сарэ́ндэ, кон кхэтанякирэлапэ лэ́нца, на отпаруви, соб (кай) тэ свэнкинэн далэ́ дуй дывэса́, пир чхиныбнаскиро упхэныбэ́н пал лэ́ндэ и дрэ пэ́скиро ваш лэ́нгэ часо, кажно бэрш.

Biblija - Pe Baltitko Romani čib (Romanes) 2019

²⁷ začhude Judy i prilyné pe péste i pe čhavénde peskirende i pe sarénde, kon khetaniakirelape lénca, na otparuvi, sob (kaj) te svenkinen dalé duj dyvesá, pir čhinybnaskiro uphenybén pal lénde i dre péskiro vaš lénge časo, kažno berš.

Ester 9:27 Referans Kwoze

Заха́рия 2:11

– И припрастана кэ Рай Дэвэ́л бутджинэ мануша́ дрэ дова́ дывэ́с и ёнэ явэ́на Лэ́скирэ мануша́; и Ёв лэ́ла тэ дживэ́л дрэ тумэ́ндэ андра́л, и тумэ́ доджинэпэ, янголэ́нгирэ-болыбна́скиро Рай Дэвэ́л бичхадя́ Ман кэ ту.

Isajos 56:6

И чхавэ́н явирэ народо́стыр, савэ́ явнэ́ кэ Рай Дэвэ́л, соб (кай) тэ кэрэ́н лэ́скэ буты́ и тэ рикирэ́н дро ило́ Ра́скирэ-Дэвлэ́скиро лав, и тэ явэ́н Лэ́скирэ писхарье́нца, сарэ́н, кон ракхэ́ла са́вато (субо́та) тэ на явэ́л магирдо́ и зоралэ́с тэ рикирэлпэ кэ Миро завето.

Isajos 56:3

Тэ на пхэнэ́л чхаво́ явирэ народо́стыр, саво́ лыя́ тэ патял Ра́скэ-Дэвлэ́скэ: “Рай Дэвэ́л на прилыя́ Ман дро Пэ́скиро народо, и тэ на ракирэ́л ману́ш евнухо: “Акэ, мэ сом шуко кашт.”

Ester 8:17

И дрэ кажно провинцыя и дро кажно фо́ро, и пэ кажно штэ́то, карик догия́ припхэныбэ́н крали́скиро и лэ́скиро упхэныбэ́н, сыс ра́дыма Юдэ́ндэ и лош (веселиё), свэ́нко и свэнкитко дывэ́с. И бут мануша́ рига́тыр ячнэ́ Юдэнца, пал-дова́ со пыя́ пэ лэ́ндэ дар анги́л Юдэ́ндэ.

Заха́рия 8:23

Адя́кэ ракирэ́ла янголэ́нгирэ-болыбна́скиро Рай Дэвэ́л: “Явэ́ла дрэ долэ́ дывэса́, со дэшджинэ явирэ-чибьенгирэ Наюдытконэ́ нацые́ндыр, лэнапэ пал яго́ро (пал по́дя) пэ и́ди Юдаскири и пхэнэ́на: ‘Амэ джа́са ту́са, пал-дова́ со амэ шундя́м, со тумэ́нца исын Дэвэ́л.’”

Ester 9:21

ваш дова́, соб (кай) ёнэ тэ кэрэ́н кажно бэрш свэ́нко пэ́стэ пэ дэшуштарто дывэ́с чхонэ́скиро Адаро и пэ лэ́скиро дэшупанджто дывэ́с.

1 Kralip 30:25

Адя́кэ сыс далэ́ часостыр и коригэды́р (позжэды́р); и чхудя́ ёв дава́ дро зако́но и дро упхэныбэ́н ваш Израилё кэ дава́ дывэ́с.

Isúso 9:15

И кэрдя́ Ису́со лэ́нца рама́нё (миро), и кэрдя́ лэ́нца доракирибэ́н дрэ дова́, со ёв зракхэ́ла лэ́нгэ джиибэ́н; и совлахадэ лэ́нгэ скэдыибнаскирэ барыдыра́.

Яви́р Зако́но 5:3

на амарэ́ дадэ́нца чхудя́ Рай Дэвэ́л дава́ доракирибэ́н, нэ амэ́нца, савэ́ ададывэ́с датэ [ада́й-р.с.] сарэ́ исын джидэ́.

Ester 9:20

И зачхиндя́ Мардохе́ё дая́ ваканцыя (случаё), и бичхадя́ лыла́ кэ сарэ́ Юды, савэ́ дживдэ́ пир Артаксерксоскирэ-крали́скирэ провинцыи, кэ пашатунэ́ и кэ дуратунэ́,

Ester 9:28

И, соб (кай) далэ́ дывэса́ тэ рипирэ́н и тэ свэнкинэн дрэ сарэ́ ро́ды, дрэ кажно чэ́карь (кхэри́тко ро́до), дрэ кажно провинцыя и дро кажно фо́ро; и соб (кай) далэ́ дывэса́ Пурим тэ на отпарувэнпэ Юдэ́ндэ, и рипирибэ́н пал лэ́ндэ тэ на хасёл лэ́нгирэ чхавэ́ндэ.

Čysly 15:15

ваш тумэ́нгэ, скэдыибэ́н Ра́скирэ-Дэвлэ́скиро, и ваш манушэ́скэ, саво́ явдя́ явирэ рига́тыр, и саво́ дживэ́ла машки́р тумэ́ндэ, упхэныбэ́н екх, векоскиро упхэныбэ́н дрэ тумарэ́ ро́ды: со тумэ́, одова́-паць и ману́ш, саво́ явдя́ явирэ рига́тыр мэк тэ явэ́л анги́л Растэ-Дэвлэ́стэ;

Сэндарьенгири Лылвари́ 11:40

Со кажно бэрш Израилёскирэ чхая́ псирдэ́ тэ обровэн Ефаёскирэ-Галаадитяниноскирья чха штар дывэса́ дро бэрш.

Psalmy 78:7

соб (кай) ёнэ зоралэ́с тэ ужакирэн лачхипэ́н Дэвлэ́стыр, и тэ на бистрэн Дэвлэ́скирэ бутя́, а тэ кандэ́н Лэ́скирэ припхэныбэна́.

Isajos 2:3

И джа́на бут народэнгирэ мануша́ и пхэнэ́на: “Явэ́н, ґаздасапэ пэ Ра́скирэ-Дэвлэ́скири бэ́рга, дро Яково́скирэ-Дэвлэ́скиро Кхэр, Ёв высыклякирэла амэн, и амэ ява́са тэ псирас Лэ́скирэ дромэ́нца,” пал-дова́, со выджа́ла Зако́но Сионо́стыр, а лав Ра́скирэ-Дэвлэ́скиро – Ерусалимо́стыр.

Езэкилё 16:61

А ту пририпирэса пал тырэ́ дрома́, и ячэ́ла ладжаво ту́кэ, ко́ли явэ́са тэ прилэс кэ пэ́скирэ пхэня́ пхурэды́р ту́тыр и тыкнэды́р ту́тыр, ко́ли Мэ ява́ва тэ дав лэн дрэ чхая́ ту́кэ, нэ на тырэ́ доракирибнастыр.