Ester 9:25 - Библия - Пэ Балтитко Романи чиб (Романэс) 2019

²⁵ Нэ сыр Эстэ́ра догия́ кэ кра́ли, и сыр кра́ли припхэндя́ нэвонэ́ лылэса, соб (кай) калэ́ задумки Аманоскирэ, савэ́ ёв придуминдя пэ Юдэ́ндэ, обрисинэ пэ лэ́скиро шэро́, и соб (кай) лэс и чхавэ́н лэскирэн тэ ублавэн пэ вэшына (кашт).

Biblija - Pe Baltitko Romani čib (Romanes) 2019

²⁵ Ne syr Estéra dogijá ke králi, i syr králi priphendiá nevoné lylesa, sob (kaj) kalé zadumki Amanoskire, savé jov pridumindia pe Judénde, obrisine pe léskiro šeró, i sob (kaj) les i čhavén leskiren te ublaven pe vešyna (kašt).

Ester 9:25 Referans Kwoze

Psalmy 7:16

Ёв ґанадя рово (хохой) и выганадя ґанби́н (яма), и ёв пыя́ дро дая́ ґанби́н, сави́ ёв кэрдя́.

Матфеё 21:44

И кон пэрэ́ла пэ дава́ бар, розмарэлапэ пэ кокалы́, нэ пэ конэ́стэ ёв пэрэ́ла, ростасавэла кодолэ́с пэ кокалы́.’”

Psalmy 141:10

Мэк чорэ́ мануша́ тэ пэрэ́н дрэ лэ́нгирэ фэля́ пал екх мо́ло, а мэ обджава лэн.

Psalmy 140:9

О, Раё Дэ́вла! На домэк, соб (кай) тэ явэ́л, сыр камэ́на фуй мануша́, на подэ васт анги́л лэ́нгирэ зракирибнаскэ ваш фуипэ́н, соб (кай) ёнэ тэ на пхутён кэ вучипэ́н.

Ester 7:5

И отпхэндя́ кра́ли Артаксе́рксо, и пхэндя́ кралицакэ Эстэракэ: “Кон исын адасаво́, и кай исын кодова́, саво́ сыс тромало (муршкано́) дрэ пэ́скиро ило́ тэ кэрэ́л адя́кэ?”

Ester 3:6

И сыкадыя́ лэ́скэ, со нисо́ на мол тэ чхувэ́л васт пэ екхэ́стэ Мардохеёстэ; нэ адя́кэ, сыр пхэндлэ́ лэ́скэ, савэ́ндыр манушэ́ндыр Мардохе́ё, тэды задуминдя Ама́но тэ мулякирэ́н Юдэ́н, савэ́ сыс дрэ саро́ Артаксерксоскиро кралипэ́н, сыр Мардохеёскирэ манушэ́н.

Ester 7:4

Палдава́ со бикиндлэ амэн, ман и мирэ́ манушэ́н, пэ традыпэн криг, умарибэн и хасибэ́н. Ко́ли амэ тэ явас бикиндлэ сыр писха́рья и писхарицы, то мэ ява́ва штыл, усае́кх вэ́рго на рискирэ́ла уре́жа крали́скири.”

Psalmy 140:8

О, Дэвлалэ! Раё Дэ́вла, Зоралыпэ́н, Саво́ зракхэ́ла ман: Ту учхакирдян миро шэро́ дро марибнаскиро дывэ́с.

Isajos 22:25

“Дро дова́ дывэ́с,” – ракирэ́ла Рай Дэвэ́л, болыбна́скирэ-янголэ́нгиро, – “кунинэлапэ гвоздё (карфин), примардо пэ наковло (твардо) штэ́то, и явэ́ла вымардо, и пэрэ́ла, и пэрэ́ла саро́ пхарипэ́н, со исын пэ лэ́стэ”, пал-дова́, со адя́кэ ракирэ́ла Рай Дэвэ́л.

1 Kralip 25:39

И шундя́ Дави́до, со Навало мыя́, и пхэндя́: “Тэ явэ́л бахтякирдо́ Рай Дэвэ́л, Саво́ отдыя́ пал ладж, саво́ кэрдя́ ма́нгэ Навало, и зракхця́ Пэ́скирэ писхари́с фуипнастыр; Рай Дэвэ́л обрискирдя холы́ Навалоскири пэ лэ́скиро шэро́.” И бичхадя́ Дави́до тэ пхэнэ́н Авигеякэ, со ёв лэ́ла ла палоро́м.

3 Kralip 8:32

то тэ́ньчи Ту шун болыбна́стыр и кэр сэ́ндо пэ Тырэ́ писхарьендэ, чхув ка́ра пэ бангэстэ, чхув лэ́скири банг пэ лэ́скиро шэро́, и ману́ш, саво́ исын набанго, оправдын (чачакир) лэс, отдэ́ лэ́скэ пир чачипэ́н лэ́скиро.

Ester 7:10

Адя́кэ ёнэ убладэ Аманос пэ кашт, саво́ ёв кэрдя́ Мардохеёскэ. Тэ́ньци бари холын крали́скири штылыя.

Psalmy 7:17

Лэ́скири фрэнтыма рисёла палэ пэ лэ́скиро шэро́, и лэ́скирэ нахрата рэ́нды пэрэ́на пэ лэ́скири фэ́ля (маку́шка/гуту́п).

Psalmy 94:23

Ёв рискирэ́ла пэ лэ́ндэ лэ́нгиро чорипэ́н, и Ёв хасякирэ́ла лэн лэ́нгирэ фуипнаса, Рай Дэвэ́л, амаро́ Дэвэ́л, чхурдэ́ла лэн тэ хасён.

Pritčy 5:22

Фуй ману́ш кокоро́ хасёла пэ́скирэ чорипна́стыр, а лэ́скиро грэ́хо сы́рбы шэлэнца пхандэла лэс кокорэс.

Pritčy 26:27

Кон ґанавэла ґанби́н (яма), одова́ кокоро́ пэрэ́ла дрэ ла́тэ, и кон катынэла упрэ́ бар, пэ одолэ́стэ бар рисёла палэ.

Авдиёс 1:15

Пал-дова́ со сыг явэ́ла Дывэ́с Ра́скирэ-Дэвлэ́скиро пэ сарэ́ Наюды́тка на́цыи: сыр ту кэрдя́н, адя́кэ и ту́кэ явэ́ла кэрдо́; тырэ́ рэ́нды рисёна пэ тыро́ шэро́.