Ester 9:19 - Библия - Пэ Балтитко Романи чиб (Романэс) 2019

¹⁹ Палдава́ Юды гавитка, савэ́ дживдэ́ дрэ отчхакирдэ гава́, пролыджана дэшуштарто чхонэ́скиро дывэ́с Адаро дрэ ра́дыма и свэ́нко, сыр свэнкитко дывэ́с, би́чхави почасту́нки екх екхэ́скэ.

Biblija - Pe Baltitko Romani čib (Romanes) 2019

¹⁹ Paldavá Judy gavitka, savé dživdé dre otčhakirde gavá, prolydžana dešuštarto čhonéskiro dyvés Adaro dre rádyma i svénko, syr svenkitko dyvés, bíčhavi počastúnki jekh jekhéske.

Ester 9:19 Referans Kwoze

Ester 8:17

И дрэ кажно провинцыя и дро кажно фо́ро, и пэ кажно штэ́то, карик догия́ припхэныбэ́н крали́скиро и лэ́скиро упхэныбэ́н, сыс ра́дыма Юдэ́ндэ и лош (веселиё), свэ́нко и свэнкитко дывэ́с. И бут мануша́ рига́тыр ячнэ́ Юдэнца, пал-дова́ со пыя́ пэ лэ́ндэ дар анги́л Юдэ́ндэ.

Sykadyipén 11:10

И одолэ́, савэ́ явэ́на тэ дживэ́н пэ пхув, явэ́на тэ радынэ́нпэ лэ́нгирэ мэрибна́стыр. Ёнэ явэ́на тэ радынэппэ зоралэ́с и тэ бичхавэн да́ры екх екхэ́скэ, пал-дова́ со кодолэ́ дуй проро́ки древа́н мэнчындлэ манушэ́н.

Ester 9:22

Адя́кэ дасавэ́ дывэса́, дрэ савэ́ Юды кэрдэ́пэ штыл пэ́скирэ вэргэ́ндыр, и адя́кэ дасаво чхон, дрэ саво́ пиририсия лэ́ндэ смэнтныма дрэ ра́дыма, и пхарипэ́н – дро свэнкитко дывэ́с, соб (кай) тэ кэрэ́н лэ́нгирэ мануша́ свэ́нко и ра́дыма (лош), бичхави екх екхэ́скэ почасту́нки и дыибэ́н чорорэнгэ.

Яви́р Зако́но 16:14

и ра́дынпэ пэ свэ́нко тыро́ ту, и тыро́ чхаво́, и тыри́ чхай, и дына́ри тыро́, и дына́рица тыри́, и Левито, и ману́ш, саво́ явдя́, и пирото (сирота), и пивлы (удова), савэ́ исын дрэ тырэ́ кхэра́;

Яви́р Зако́но 16:11

и ра́дынпэ анги́л Растэ-Дэвлэ́стэ, Дэвлэ́стэ тырэстэ, ту, и тыро́ чхаво́, и тыри́ чхай, и тыро́ писха́ри, и тыри́ писхарица, и Левито, саво́ исын дро тыро́ кхэр, и ману́ш, саво́ явдя́, и пирото (сирота), и пивлы (удова), савэ́ исын машки́р ту́тэ, пэ штэ́то, саво́ выкэдэ́ла Рай Дэвэ́л, Дэвэ́л тыро́, соб (кай) тэ явэ́л одо́й лав Лэ́скиро;

Luka 11:41

Нэ тумэ́ фэды́р отдэ́н дыибэ́н илэ́стыр долэ́стыр, со тумэ́ндэ исын дрэ тахтая́, и тумэ́ явэ́на жужэ́.

Заха́рия 2:4

И пхэндя́ ёв адалэскэ: “Джа́ сыгэды́р, пхэн адалэ́ тэрнэскэ: ‘Ерусалимо бичхавэ́ла пэ́скирэ манушэ́н пэ пхувья́ пашы́л фо́ро, пал-дова́ со древа́н бут исын дрэ лэ́стэ манушэ́н и бут кхэритконэ́ мурдалэ́н (ското).

Яви́р Зако́но 3:5

Сарэ́ далэ́ фо́рья, сыс кэрдэ́ зоралэ́ тынэ́нца, вучэ́ вантэнца, вударэнца, и заучхакирибнэнца, апри́ч фо́рья, савэ́ на сыс облыджинэ зоралэ́ тынэ́нца, сыс древа́н бут.

1 Kralip 25:8

пхуч тырэ́ дынарье́ндыр, и ёнэ пхэнэ́на ту́кэ; и адя́кэ, мэк тэ латхэ́н тэрнэ́-бэршэнгирэ лачхипэ́н дро тырэ́ якха́, пал-дова́ со дро лачхо́ дывэ́с явдя́м амэ; дэ тырэ́ дынарье́нгэ и тырэ́ чхавэ́скэ Давидо́скэ, со латхэ́ла тыро́ васт.”

Ester 9:20

И зачхиндя́ Мардохе́ё дая́ ваканцыя (случаё), и бичхадя́ лыла́ кэ сарэ́ Юды, савэ́ дживдэ́ пир Артаксерксоскирэ-крали́скирэ провинцыи, кэ пашатунэ́ и кэ дуратунэ́,

Яви́р Зако́но 15:7

Ко́ли явэ́ла ту́тэ чороро́ вари-кон тырэ́ пшалэ́ндыр, пэ тыри́ пхув, сави́ Рай Дэвэ́л, Дэвэ́л тыро́, дэ́ла ту́кэ, тэды на холякир тыро́ ило́ и на [на гарав-ю.о.] тасав тыро́ васт анги́л тырэ́ чорорэ́ пшалэ́стэ,